الحل يام لسانين انج تطيحين علي راسه وتبوسينه وتقوليله سامحني يالغالي وعطيه من الحجي السنع اللي طالع من قلبج ولا تسمحين للشيطان يتطمش عليج وانتي ضاربه البوز علي ريلج يالله ماااااوصيج طيري له حتي لو صدج اشوي ماعليه تحملي علشان ثاني نوبه تحرمين تطولين لسانج عليه هذا ريلج جنتج ونارج سترج وغطاج اشلون تسمحين لنفسج تغلطين عليه؟؟؟؟؟
يعني بضرب لج مثل وياليت الكل يتعظ منه
مثلا لو وحده قالت حق ريلها جب ولا كلمه والا تقول له انطم ومالت عليك والا تقول له ياعل ربي ياخذك وافتك منك والا تقول له ليت امك ابركت عليك ومن هالحجي اللي يتحلطمون فيه علي ريااييلهم البنات العوب
لي قلتي له هالكلام بذمتج ماااتحتقرين نفسج وتقولين انا يالانثي الرقيقه اللي الرسول صلي الله عليه وسلم وصي فينا الريااييل وقال لهم رفقا بالقوارير اشلون يطلع من لساني هالكلام البذي؟؟؟؟
ماشفتي ويهج بالمنظره وانتي حمقانه وتطولين لسانج علي الريال والله الشيطان يتلبس الانسان لي حمق وعصب ليش تسمحييييييين للشيطان اعوذ بالله منه يتلبسج ؟؟؟؟
وليش ماتسمحين لاي بنت تاخذ ريلج منج وتسمحين لابليس ياخذج من ريلج؟؟؟؟؟؟؟؟؟؟؟؟؟؟؟؟؟
كبري عقلج يمه وصيري السنعه المتربيه بنت الحمايل اللي بتربين عيالج وتشوفينهم ناس صالحين بالمجتمع
مابي اكثر كلامي معاج لاني ادري فيج بتقومين وتبوسين الارض اللي يمشي عليها بوعيالج وتندمين علي اللي سويتيه فديت الشطاااااااار ياناس
