عطوني حل بنتي تمص صبعها وتمسك شعري .. لي متى ..؟؟

[د.شريفة]

اهي تمص صبعها ولما تمصه لازم لازم لازم تمسك شعري وتلمسه وتحطه على خشمها تشمه وعلى خدها
وطول الليل جذي
واذا تعبت فيها النوم تقولي يالله قومي ابي شعرج ابي انام
ازفها
حتى اذا سهت وسرحت على طول يت ومسكت شعري والله بنات بدت فروة راسي تتعب من التسحب وكلها حبوب قاعده اعلجها تحرني
كلمتها قلت لها
ماما عيب مايصير جذي
اذا نامت حطيتها في غرفتها اتي تالي الليل تقول ابي شعرج
سحبت ايديها
فقدت قبل فتره وطقيتها طق:23_asmilies-com:
يوم يت تبي تنام ردت مسكت شعري شنو الحل يعني

اح فروة راسي تحرني والله العظيم

 

["GloRia"]

لوووووووووووول الله يعينج ,,

ذكرتيني بولد اخي كان كل مايشرب مميته يايروح لامي ولا لامه وكان ينسدح يمها ويحط ايده علي شعرها وياخذ خصله وحده ويلفها علي صبعه ويسحبها واذا خلص منها اخذ الخصله الثانيه واختي مخليته وكانت تصرخ احيانا الانه ولدها يسحب الخصله حيل ويعورها ... واذا خلص قاام وراح .. والحين اسم الله عليه ريال بثانيه ثانوي ,, وقطع هالسالفه من دش المدرسه ونساها .. انتي بس طولي بالج علي بنتج وصبري عليها مردها راح تكبر وتنسي .. والله يكون بعونج وعون شعرج .. والله يخليها لج يارب

 

[د.شريفة]

رد : رد: عطوني حل بنتي تمص صبعها وتمسك شعري .. لي متى ..؟؟

حياج الله ومشكوره على المشاركه هذا ولد اختج نفس بنتي نفس الفصيله
شسوي الله يعيين

 

[MoonDiamond]

رد: رد : رد: عطوني حل بنتي تمص صبعها وتمسك شعري .. لي متى ..؟؟

واااااااااي
انا مو بس شعري
حتى ايدي .. تنسدح يمي وتمد ايدها على ايدي وتصرخ وحواجبها معقوده : ماما ايدج ايدج!!

وتنرفزني هالحركه

 

[.،:"$الـعـوبــــة$":،.]

رد : عطوني حل بنتي تمص صبعها وتمسك شعري .. لي متى ..؟؟

كم عمرها بنتك ؟ اذا فوق السنتين لأ ! تمص اصبعها بعد ! مايصير !
انا عيالي بسبة ابوهم الحين ، صايرين ينامون معانا بالسرير !
تخيلي اثنينهم ! وبنتي فيها طبع لازم تلززززززززززززززززززق ! يعني الا تنام على نفس المخدة اللي انا انام عليها !
الحين عاد طفح الكيل ! وصرت اطردهم غرفهم !! غصبن عنهم ! وهم يبكون بعد !!:d​

 

[ام زاكي]

حطي لها باروكه يمكن تفج منج شويه

 

[ووه يا قلبي]

رد : عطوني حل بنتي تمص صبعها وتمسك شعري .. لي متى ..؟؟

لا تكسري بخاطرها مسكينه

 

[فاقده ابوهاااا]

حاسه فيج لانج نفس مشكلتي اخاف هذا فايروس وحايش عيالنا بسمالله عليهم .. اذا لقيتي الحل والي يعافيج قوليلي والله انا ناويه اقص شعري واسوي منه خصله شعر واعلقها واخليه يمسكهااا:dddds:

 

[الأمل الباسم]

ذكرتيني بأخوي يوم كان صغير نففففس الحركة كان يسويها بشعر أمي خخخخخخ

مسكينه أمي تنتف شعرها من هالسالفة ومايعرف ينام الا لما ياخذ خصلة من شعرها ويمص صبعه

كان يمص صبعه ليي قبل المدرسه .. المهم عاد انا اللي عرفت الحل وعالجته خخخخ طبيبة على غفله هههه

المهم أخووي كان يكره شي اسمه حنه ومااايحب ريحتها واذا احد حط حنه يسكر خشمه ويقول ويييع ماحبها

عاد انا ذكية اشسويت ... خذيته وكلمته وسويت روحي جاده وقلتله حبيبي اسمع اذا مصيت صبعك واايد تدري شنو بيصير فيك؟؟

راح يتغير لون صبعك ويصير نفس لوون الحنا والناس يحسبونك بنيه واذا رحت المسجد راح يشوفونك الرياييل ويضحكون عليك..

قال شلوون ؟؟ قلت اذا نمت وانت تمص راح تقعد الصبح وتلقى ايدك لونها نفس الحنا وماراح يطلع بسرعه دييييييييييير باالك .. عاد هو اخترع

وكل مايبي يحط صبعه بحلجه أذكره أو أعطيه اشاره وهو يفهم ..

المهم لما شفته نايم وحاط صبعه رحت انا الشريرة خخخ تعرفون صبغه الزعفران خذيتها وحطيتها على صبعه اللي يمصها نياهاهاها

قعد الصبح ويه عندي وهو يبجي وخاش اييده يقوولي والله ماكنت ادري ومصيت اقول راوني وهو مايبي هههه جان اقوله شفففت انا قلتلك

وانت ماسمعت الكلام الله يسامحك وانا بداخلي ضحكة اشكبرهااااا

رحت عقب وغسلتله وقلتله هالمره بيروح شوي اذا كررتها ماراح يرووح للابد ههههههههه

ومن عقبها حررررررم

وماشاء الله الحين هو بالجامعه

وعلى فكره توه من جريب قلتله بالخدعه اللي سويتله ايااه ماااات من الضحك على روووحه

 

[Coffee-Girl]

الله يعينج حبيبتي

صج شي اتعب النفسيه

والله انا بنتي الحين اصغيره

بس حدي خفت ان اتسوي فيني جذيه

 

[د.شريفة]

رد : رد: عطوني حل بنتي تمص صبعها وتمسك شعري .. لي متى ..؟؟

الله يعين شدعوا ماقصيته والله قصيته
بس هم ماكو فايده والحنه تحبها مره حطيت لها حنه وقلت لها لاتحطين صبعج في حلجج راح تعور الحنه بطنج واللون بعدين يروح بجت بجي لما نامت دموعها على خدها وموقفها صبعها وتطالعه وتبجي بعدين نص الليل لقيت صبعها بحلجها ماكو فايده