عطوني الحل !!! مع أخت زوجي ألي واقفتلي في بلعومي!!

[مريم القلاف]

أوووف كتبت رد ورااح

حبيبتي أنا مريت بنفس ظروفج يوم كنت ساكنه عند خالتي

بس أنا طبعي غير عنج ماعطي ويهه كلش ملش
يعني أطق علي الباب أسوي روحي نايمه ههه تمل
وولدي أخليه ينزل مع الخدامه يلعبون تحت يشبعون ويصعد
وحتى ريلي أصرفها لانه يدري انا مااتحمل وباخذ راحتي بغرفتي
ف أنتي لازم توقفين الموضوع عند حده ولا راح تتعبين ​

 

[&&&&&&&&]

الشي اذا زاد عن حده ينقلب ضده

لازم تحطين خطوط لهذي المشكله

ودي وتقديري ​

 

[بخـــارى]

الله يعيينج
سبحان خالتج ماذيتج عادي عندها تاذي بنت الناس لكن لما ردت الاذيه لبنهتا وهاذي اسمها حوبه مارضت عليها وخذتها عندها

قولي للخادمه لاتيي عندكم ولا تطق الباب اذا كان مقفول
وبنتها مالج شغل فيها اذا اهما مومتحملين ولدج وهذا ولدهم يبونج انتي تتحملين بنتهم
ولازم تقعدين مع ريلج وتحطون حد لهالسالفه

 

[om al ghaleen]

.., الباب اللي يجي منه الريح سده واستريح
والله لو منو حياتي الخاصه خط احمر
وشنو اييب عيال وغيري يتكلف مسؤوليتهم
حتى لو كانت بنت بروحها هذا مو ذنبي
إانتي يعطيج العافيه ماقصرتي معاهم وخليج متمسكه بأخلاقج بس اذا تعبتي نادي شغالتها وخلاص الواحد الزم ماعليه راحته !!

\\

 

[om Firas]

البنات متقصروا
بس صججج شي يحر الله يعينا على هالناس

 

[اخت خالتهم]

والله انا لما تزوجت خوات ريلي اييبون بنات عندي او بناتهم اهم ايوني صغار
بس على حسن نية يعني مو لعانه ..
عرفتي
فـ كنت بس اعطيهم عصير أو لعبه و يطلعون ما اخليهم يقعدون
عشان ما يتعودون الخوف مو من امهاتهم بس طبيعة الياهل اذا تعود على شغله
بيبجي و يصرخ واهني صج بيحز بعدين بخاطر الام و غيره
فـ نصيحة لحد يدخل لو شنو

 

[حبيبي مالكني]

الله يعينج
الوحده زين منها تستحمل عيالها الاعيال الغير
حقريهم ولا تستحين انتي مو غلطانه
وشقتج قفلي الباب ولا عليج من احد
انتي ماغلطتي على احد
لا تصيرين طوفه هبيطه لهم
خلي عندج شخصيه

 

[nano]

انا مو متزوجه بس امي كانت مثلك بس ارتاحت انها طلعت ببيت بروحها بسرعه لانها كانت ساكنه مؤقتا لين يجهز ترتيبات البيت والخ يعني كانت ساكته وتصبر وتصبر وتشتكي بس ماتواجهم بس الحمدالله كبرت وقامت تاخذ دروس مني وصرنا سمنه ع عسلهههههههههههه تفو ماشالله علي هع جد حبيبتي مو عيب تخدمينهم بس عيب انهم يتلقفون بكل شي اجل باب قسم ممنوع تقفلينه سلامااااااااات خير لو ماتجينهم شهر مالهم دخل حطيهم بعيونك وعامليهم باللي ربوك اهلك فيه وعامليهم بالحسنى بس لكل شي حدود افرضي شخصيتك عليهم اللي بقلبك قوليه زعلو مازعلو الجدارن واجد اتوقع لان ماغلطتي وكلمة الحق ماينزعل منها خل يحسبون لك حساب ويخافون منك شكلي مابعرس بجلس عند امي احسن

 

[ملكة الفرس]

أشكر كل من تابع موضوعي و رد على الموضوع...

الغاليات المشكله وين أنه أهل حماتي ألي أهيه ( امها و أختها العوده ) اهمه ألي مشجعينها و دايما ينفخونها على أبو انها اهيه نفسيتها تعبانه و تحتاج الراحه ... ما قلنا شي الواحد يرتاح لكن مو على طول أقط بنتي على الناس و اقول ما يخالف !!
والله الاكل علي بالحسره الصلاه علي بالحسره ادش آخذلي شور كذالك يعني صج تعبت صج !!
ومره نزلت العصر عندهم إلا حماتي كانت قاعده عاد اقول ما شا الله عليها بنتج وايد عصبيه و على طول تصارخ مارضت امها عليها وبغت تتهاوش معاي ليش أقول جذي عن بنتها !! وعلى فكره حماتي دايما تهاوش ولدي و تقط حجي كل كلمه اكبر عن الثانيه ما اقول شي اقول عمته ما يخالف لكن اهمه يقولون بنتنا ما يخالف تسوي ألي تبي على ابو انها ياهل !! يعني من صوبهم غفور رحيم و من صوبنا شديد العقاب...
تعبت و ذايقه الضيم كله !!! منهم
مو ماخذه راحتي كلش !!! أهمه يبون باب قسمي على طول مشرع و اليهال يلعبون على كيفهم و يسون ألي يبون على كيفهم و أكون أنه مثل الخدامه لهم !! لكن من يوم و رايح قلت خلاص في خط أحمر ما راح أخليهم يتعدونه ...
أهمه عندهم أصير طيبه في حال أني أكون خدامه لعيالهم و اكون نسره أذا ما خدمت عيالهم !!
الطيب في هل الزمن كلن يقعد على راسه ...

لكن حماتي لمن اهل زوجها تدخلو في حياتها و كانو يروحون يقعدون عندها في قسمها يات تركض لأهلها و تبجي بحضنهم و تقول مو حاسه بالراحه و ما كو خصوصيه و ما رضو على بنتهم و قعدوها عندهم و ضفوها تحت ينحانهم !!

و مرت الولد نقعد على راسها ... الله يالدنيا !! بس

 

[بخـــارى]

شوفي الخاص

 

[رمانة خضرا]

واااااي ما اصدق اشهاللي سويتيه بروحج؟؟؟
ليش جذي حبيبتي شنو فاتحتها حضانه !؟؟

الكلمه اللي تستحي منها بدها.. ترا ماحد يتحمل عيال احد
هالدور شطانه والام خامده واذا قامت اتفرفر
لاااا حبوبه سمحيلي انتي الغلطانه. لا تصيرين طوفه هبيطه باجر يصير غصب عليج تمسكين اليهال والا يعصبون عليج
الخصوصيه رقم 1 بحياتج
يعني هالخدامه مجابلتكم. وهاليهال صيحه وهواش
اخذي موقف واشتري راحتج

 

[Bloom]

كلمي زوجج بطيب وشرحيله موقفج مب حاله الللللله يعينج !

 

[هونها يارب]

مثل الحاله واخذت طريقه الاخت ناشووو وارتحت الحين

 

[روح الأحزان]

الله يعينج حبيبتي صج القعدة بيت الحمولة يبيلها صبر وطولة بال مهما يكون محد عنده طبايع الثاني كل وااحد تربية بس حاولي ماتدخلين ريلج بالموضوع وسوي مثل ماقالت اختي ناتشووو

 

[طراوه]

يااختي انتي واضح انك طييبه مررره والدليل انك معطتهم وجه هم وبنتهم
لاتسكتين لهم ومنتي مجبوره تتحملين هذا كله الله يصبرررك ويكتب لك الاجرر ي رب

 

[PuPa^^SWeeT]

الحيين صبر


شنو يعني حماتج متزوجة ولا لأ


اذا متزوجة شكو نايمة عندكم

واذا منفصلة شكو تطلع ويا زوجها




؟؟؟

 

[أم^_^ عبدالله]

كل انسان وعنده طاقع اذا مره ثانيه يابوها لج قولي بنروح ننام اخذي ولدج ودشي غرفتج نامي وخليها تنطق مع خدامتها ولي قعدتي لبسي ولدج وطلعي كل يوم طلعي لج مكان مره مسيره زايره اي شي لما يحسون على دمهم الحين الواحد ما يتحمل عياله هالدور عيال غيره تفاهمي انتي زوجج على هالحل عشان يكون بالصوره انج راح تتعاملين بهالطريقه خلج علاقتج معاهم سطحيه وعلى سالفة ما اقفل الباب لا حبيبتي قفلي الباب شنو الواحد ماله خصوصيه ببيته ترا الزم ما عليج بيتج وريلج

 

[فل و جوري]

انتي مو مجبره تبارينها سوي مثل ماقالوا الك البنات تحججي باي شغله

 

[Patcholli]

المفروض ريلج يكلمها بكل صرااااااااااااااااحه ..!!

امبيه معاناااااااة ووقااااااااحه يايكلمهم يايطلعج بشقه بروحج بس مايعيشيج بهالجحيم ..!!

 

[سوزي الشرقية]

بصراحة لو اني م اوافق اخلي بنت حماتي عندي ولو وافقت يمكن تكون لظروف هي تمر فيها مثلا مريضة بتروح المستشفى عادي اخذها بس موكل يوم عندي ليش اني فاضية حق اربي عيال غيري وعيالي من يشيلهم عني حزة اذا اني مرضتـــ..ولايهتمون فيهم وغير اكذا انش تقولي تقط عليه كلام وش ذنبه جاهل صغير بعدين ماتقول هذا ولد اخويييي زي ولدي اهم شيء قاطه بنتها عندش ولاتدري عنهايعني وظيفتها تجيب عيال وتقطهم على الناس يربونهم
ماذوق هذه ولله وباب قسمش سكريه ولله حلاتهم يجون يقولو الي ليش مسكره بابش وخليه مفتوح جان اقط عيالهم والي بيزعل خل يزعل