رد : عطونا افكار لدخلة العروس
شفت ها الموضوع باحد المواقع و قلت انقله لكم
الزفه الاولى زفه الياسمين:
جابت خمس بنات ولبستهم عقد من الياسمين ومعهم سلات فيها سلال صغيرة مغلفه جوتها حلاوه وهم ينزلون من الدرج يرقصون رقصه خفيفه على انشودة بس ما اعرفها وبعدين وزعوا الحلاوة على الحضور وبعد خمس دقايق انزفت بس زفتها حلوة وعاديه مافيها غرابه
الزفه الثانيه مادري شسمها ل وووووووووووو ل
الحين اهم راح يكونون قاعدين بالصالة او المكان الي راح تسوون في العرس
لم انتي تدشين
كلشي خليه يطفي ,,
الليتات و الاغاني وكلشي كلشي
خلي الجو يصير صخه مو ليه
و دشي انتي على ضوء شمعة بس ديري بالج لا يتحرقين شي و لم توصلين
خليهم يبطلون الليتات شوي شوي
يعني ركبولكم ليتات مؤقت الي انتي تقدرين تحتكمين في درجة إضاءتها ,,
تخيلي راح يكون صخخخخخخخخخه ولم تدشين انتي ,, سمعي اليباب يوووووووووووووووووووووووووووووووووووووووووووووووووووي
الزفه الثالثه الدخلة الررمانية
ووهى مجموعة من البنات ووووووعددهم يكون 16 بنت يقفون صفين وووويمشون ووووراى بعضهم البعض ووويكونون لابسين لباس رومانى اللى على صوب يكون عرفتوة وووويدخلون على موسيقى رومانية هادية وووويقفون قبل الكوشة ثم تدخل العرووووووس على الراااااااااحة وكانها ملكة من الف ليلة وليلة
الزفه الرابعه زفة الطيارة :
هذى زفة سوتها وووحدة من معارفى بس عندنا بالكووويت كانت جد مكلفة تقريب 1300دينار كويتى بس تستاهل حق ليلة العمر كل الفلوس صح ولا لا والزفة كانت عبارة عن شكل مجسم حقيقى حق طيارة لان كان زوووج العرووووس كابتن عرفتو ليش اااقولكم تستاهل لليلة العمر كل هذا والزفة عبارة عن شكل طيارة وووداخلة كابتن بس الكابتن كانت بنت فلبينية لابس لبس كابتن طيارة وكانت العرووووس قاعدة ووووراى وكانت الطيارة صغيرة تتحمل راكبين وهم العروس والفلبينية وكانت الطيارة على شكل طيارة الخطوط الجوية الكويتية ووووكان الطيارة ماتشتغل بالوقود لانها من خشب بس كان في فلبينتين يدزون الطيارة بشكل حلو وكانو لابسين لبس مضيفات ووووكانت الموسيقى موسيقى اللى يحطونها عند وووصول الطيارات مثلا ااااعزائى لقد وصلت الطائرة القادمة من مطار الكويت الدولى بعدين موسيقى التنبيى دن دن دن عرفتوا موتضحكون على صج والله بعدين نزلت العرووس من مدرج الطائرة وكان قصير ووووايد ووواقريب من الارض حيل بس عشان الديكور لازم هالشكليات صح ولا لا وبعدين دخلت اتمشى العروووس بنعومة ووووبذرررررررابة على ااااغنية راشد الماجد طاير من الفرحة طاير ووووولحد ماااوصلت للكوووووشة وووكانها عرووووووس الف ليلة وليلة
الزفه الخامسهوالزفة المدفع :
وهى زفة جديدة عندنا بالكووويت وهى عبارة عن انها تدخل العروووس على اااى اغنية لزفت العروووس
ووووووووووووووهذا اللى انا حافظتة اااوكى تدخل على اى اغنيى بعدين عندنا بالكويت شى اسم البست وهى عبارة عن مسرح خشبى مستطيل ومغطى بستان الابيض عشان يرقصون علية وعشان تمشى علية العروووس ووويكون على اطراااااااااااف المسرح مافع بس من خشب وتكون فيها ورد وووتكون في فلبينية من المحل اللى متعاملة معاه ماسكة يدت المدفع اللى جنها هوز ولمن العرووووووس تطعد على المسرح تكون هى فجرت اول مدفع وووورد وانثرتة عليها ووواهكذا وووويكون عدد المدافع 6 ووويكونون 3 على اليمين 3على اليسار وتتمشى العروووووس وكانها ملكة تتووووووج بليلة العمر
الزفه الساسه دخلة المارد
لا تخافون ...........
هي عباره عن بنت صغيره شافت فانوس او ابريق_ ونظفته لانه قديم
طبعا لزم اهل العرس يطفون الأظائه ويحطون اظائه على البنت لما تنظف البنت المصباح السحري يطلع لها دخان وصوت مارد يضحك ويقول ( شبيك لبيك خادم المصباح بين يدك) البنت راح تقول يمه بسم الله الرحمن الرحيم _ منو انت _ يرد المارد ويقول انا مارد المصباح واحقق امانيك ولك ثلاث امنيات _ ترد البنت وتقول ابي اكون عروس _ ويقول المارد سمعن وطاعه _ وتقول البنت اريد فتيات جميلات يحملون لي مجوهرات جميله _ يقول المارد انظري إلى الباب هذا او اذهبي إلى الباب هذا ( باب الصاله ) وبعدها يحطون اغنيه سندباد
وترقص البنت لين توصل باب الصاله وبعدها تسمعون صوت حذاء العروس طق طق وينفتح الباب ويطلعون 8 بنات او اكثر كل ثنتين مع بعض على شكل طابور
وكل ثنتين ماسكين اسلال او صناديق 1- ورد 2- حلو 3- صندوق كبير فيه مسكة العروس وماسكينه بنتين ويمشون البنات على موسيقه هاديه وبعدين تدخل العروس اللي هي انا على قصيده شعر وبعدها اغنيه وبعدها يجون البنات يرشون الورد على الطريق اللي امشي عليه وبعدين تجي البنتين اللي شايلين الصندوق ويعطوني المسكه
الزفه السابعه الزفه السريعه
زفة حلوة وسهلة والكل يقدر يسويها
أول شي تطفئ الأنوار
يدخلون بنات ثنتين صغار و لابسين لبس موحد و عندهم ورد مثل لون ملابسهم
بعدها يدخلوا بنات ثنتين كبار لابسين شريط من الدانتيل مثل حركه ملكات الجمال و عندهم شموع كبيرة وطبعاً يوقفون بطريقه مرتبه عند الكوشة
بعدها يدخلون باقي البنات و كل وحده عندها ( طاسه ) صغيرة فيها ماء وورد لكن هذه الطاسه تكون مزينه
وطبعا البنات ثنتين ثنتين
بعدها توضع لهم أغنيه و يرقصوا عليها وبعد ما تخلص كل وحدة ترجع مكانها
بعدها ينفتح باب القاعة كأن العروس بتدخل و يوضع بخار لكن المفاجأة إن العروس مش هي اللي تدخل
من اللي تدخل ؟؟؟
تدخل بنت كبيره شوي يعني عمرها 13 سنه تكون لابسه ثوب قصير و من نفس الثوب يكون وراءه ذيل طوووووووووويل مرررره ويكون هذا الذيل يتركب و ينشال
طول الذيل هو طول الجسر اللي تمشي عليه العروس ويكون الذيل مشغول بالورد الصناعي
بعدما توصل البنت إلى الكوشة ينشال الذيل من الثوب و توقف البنت مع البنات طبعا
و بعدها تدخل العروس بزفة مصريه ( زفوا العروس ياللله زفوها و على الورد مشوها )
و تمشي العروس على الذيل اللي مشغول بالورد
أتمنى إني قدرت أوصل لكم الفكرة وترى تطبيقها جدا سهل و حلو
الزفه الثامنه حورية البحرتجهيزات الصاله
1- العروس تتفق مع اهل المعرس على ان تكون الكوشه على شكر بحر واصداف وقواقع وشبك الصيد واسماك اوكيه
2- وتتفق العروس مع 8 بنات اواقل او اكثر يلبسون على دخلة العروس لبس حوريات البحر
3- ويفكون شعرهم ويمسكون اسلال وفيها ورود واصداف
4- اذا العروس واهل العروس يستحون يكلمون اهل المعرس على الكوشه مو مشكله
عندي فكره حلوه ( تجيب العروس شبك الاسماك او خامة تور اللي على شكل الشبك اوكيه فهمتو وتلصق عليها اصداف ومحار فى مسدس الشمع وقبل لا تدخل العروس اخت العروس تمسك الشبك تحطه على الممر اللي راح تمشى منه العروس على يمين ويسار العروس) فهمتو
5- وبعدين تدخل العروس اول شئ على اصوات امواج البحر واغنيه وبعدين تجي اخت العروس وتعطيها المسكه
6- المسكه تمسكها وحده من الحوريات داخل صدفه واذا ادخلت العروس تجي البنت وتعطيها المسكه
اتمنىى يعجبونكم و لامانه فهما ملطوشين
من افكارهم الحلوه 
