عطاء بلا حدود ... قصه واقعيه ...

[أروسا]

انا ما اعرف بسوالف الشعر و الخواطر

بس كلامها سلس و حلووو و أهم شي مفهووووم

 

[@أحلاهم وأتحداهم@]

يسلمو على البارت
الريايل ياحلوهم اول مايتعرفون على البنت اقصد الزواج يهبلون كلهم مشاعر واحاسيس وبعد فتره بسيطه
يصيرون اللهم يكافي مايبين شي بعينهم:23_asmilies-com:

 

[UNiQe^PRiNceSs]

مشكوره حبيبتي ​

 

[readflawer]

البارت الخامس والعشرين
ـــــــــــــــــــــــــــــــــــــ

محمد : سمعيني يابنت الناس انا ماعندي لف ودوران انا كنت حاط العين عليج من زمان وكنت اشوف كل حركاتج انتي عجبتييني وهذا رقمي وصدقيني ماتلقين مني الا كل خير ..مع السلامه

ريم: مع السلامه .. صكرت التلفون لمت التلفون وناامت بسابع نووووومه ....

ــــــــــــــــــــــــــــــــــــــــــــــــــــــــــــــــــــــ

وصار يوم التخرج وريم راحت الصالون سوت شعرها ورفعت نصه وحطت مكياااج خفيف وكانت لابسه تنوره تحت الركبه مشيره فيها البني والابيض وقميصها ابيض وشوز بني محروق كاااااانت قمر ماشاء الله عليها حدها كيوت .... رن تلفونها كان محمد ...

ريم : اهلييين ..

محمد : اشلونج شخبارج هااا وينج ؟؟

ريم : بالصالون ... شوي واخلص ..

محمد : الحفله باليل والحين الساعه 4 مومبجر ..؟؟

ريم : لا عادي انا احب اخذ وقت بهالامور لان لازم نكون على المغرب اهناك ...

محمد: يعني ... انزين مع منو بتروحين ؟؟؟

ريم: ويا امي وصديقتي مشاعل اللي شفتها معاي ذيك المره ...

محمد: امممم ... ديري بالج على نفسج ...

ريم : ان شاء الله ....

محمد: مع السلامه ..

ريم : مع السلامه ...




محمد اعجب بريم وايد و كانت ماتتصل عليه اهو اللي يتصل لانها خجوله وهذا الشي علق فيها وبعدين على كثر مايراقبها ماشاف عليها أي شي غلط .... اعجبته لان تتكلم بعفويه بس ماقالت له عن حياتها الخاصه لان مهما كان بداية العلاقه ....




ام محمد : محمد وطق باب الغرفه عليه ؟؟

محمد : نعم يمه ؟؟ حياج .

ام محمد : اشهالكشخه جنك معرس وين رايح ؟؟

محمد : معزوم على العشاء في بيت واحد من الربع ...

ام محمد : أي واحد فيهم ؟؟

محمد : احمد مسوي عزيمة عشا بمناسبة تخرجه ...

ام محمد : ياحليله تخرج .... مبروووك وسلم عليه ..

محمد : يوصل ان شاء الله .... يممممه ابي بخور ...

ام محمد : من عيوني الثنتين ان شاء الله ابخرك معرس بس انت وافق ..

محمد : ان شاء الله وليش لاقيتلي عرووس ؟؟

ام محمد : اييه يمه اخت مرت اخوك .......

محمد: نعممم... أي شي يمه هذي موذوقي ولا تناسبني ..

ام محمد: اشفيها اشحلوها ونعرف اهلها عدل .... مو الخمه اللي تعرفهم باجر تييب لنا وحده وتحطها عله على قلبنا ...

محمد : اشدعوووه يمه انا اعرف خمه اصلا انا مااكلم !!!!!

ام محمد: اسكتت اقول دارك يم داري واسمع هذرتك تالي الليل ....

محمد : يضحك بصوت عالي يتروالج يمه الظاهر خرفتي ...

ام محمد : انجعم جعمك الله .... ماكو بخور زييييييين ..

محمد : افاااااا عليج عندي احلى من بخورج هههههههه..... لالالا يمه اتغشمر مااستغى عنج ولا عن بخور خلاص ماخرفتي بديتي تخرفين ههههههههههه .

ام محمد : تضحك ... الحمدلله والشكر انت الوحيد من بد اعيالي طينتك خفيفه ومسوي لنا جو بالبيت بس هم متى تتزوج وافتك منك اداااااحر وايد ....

محمد: شسوي احب اطفرج .... ياالله يمه اذن المغرب بروح المسجد اصلي تبين شي ؟؟

ام محمد : سلامتك وهالك تبخر ...

محمد : ول ول ول اشهالياوي هذا بخور ..... هههههههههه

ام محمد : اهووووو عنطي اياه الشرهه علي ..

محمد : شسوي مافي غيره خليني اتبخر وبعدين اخذيه ....هههه




راح محمد صلي بالمسجد وكمل طريجه لي استاذ شويخ بيحضر حفلة التخرج على اساس ان منها يشوف ريم ويكون ويا احمد بفرحته .... وكانوا ريم وسحر ومشاعل واهلها وزوجها موجودين بالحفله وطبعا كانوا في قمت الوناسه ولكن ريم فرحتها مومكتمله محتاجه اوبوها وامها بهاليوم .....



مشاعل : اشفيج ريم سرحانه ؟؟؟

ريم : اتمنى ان امي وابوي معاي بهاليوم وحتى يديتي الله يخليها صحتها موشايلتها علشان تيي .... الشعور باليتم مصيبه ....

مشاعل : حبيبتي الله يخلي لج يدتج وامج سحر وفي ناس وايد تحبج انا ومشاعل وسندس و..... شوفيه اهناك يطالعج ...

ريم: محمد وااااي فز قلبي ... موقلت لج كل مكان اروح له يكون معاي .... لاتلوميني حبيته بس استحي اتصل عليه ....

مشاعل : اهو بين لج نيته كلميه ... خلي وحده فينا تتزوج عن حب حقيقي ...

ريم : واللي عندج تزوجتيه بعد عن حب ...

مشاعل : مالت عليه كان اعجاب من طرف واحد مالت عليه (تكم عليه من بعيد كان تسويله باي باااي )..

ماكلمته تلفون ومغامرات واهلي يطيحون علي وغير هالامور اااااه كان ودي اعيشهاااااا ...

ريم: واااي بس موتيني من الضحك الكحل بيسيح .....



وطبعا ذكريات كانت وياهم ويت وسلمت عليهم وسلموا عليها سلام باارد جدا وماعطوها ويهه واقعدت ذكريات يم شلتها وضحك على الاخر وتخزخز بالاوادم.... ومشاعل تتحلطم ورين تضحك وتقول لها بالطقاق اهي اللي خسرانه بس حساااافه عليها لفت مشاعل ويهها على ريم وبغت تكفخها على راسها ...ههههه...
وقاموا صوروا وخلصت الحفله وكل من راح بيته ولكن ريم كانت متضايقه ان احمد رفيج محمد بس عمره ماياب طاري لها عن احمد.... واتصل عليها محمد بالليل ....

محمد : الووووو؟

ريم : هلا فيك ..

محمد : طالعه حلوه .... وااااي على نظرت عيونج

ريم: كل هذا شفته من بعيد موجنها قويه ههههه...

محمد : ابد الدربيل معاي وشفت كل شي ..

ريم : كل شي .... هههههه .. الله يستر ..

محمد : ههههه لاتحاتين موكل شي ..... الا شخبارج ؟؟

ريم : تمام .... تعال ماقلت لي انك ياي الحفله ؟؟

محمد : ماكانت الفكره في بالي بس احمد حن علي وييت ((( جذاااااب))) ....

ريم : اممممم.. وسكتت ..

محمد : لحظه شوي معاي خط ثاني ....

ريم : اوكي ....

وظلت تنطره ربع ساعه وسكرت التلفون .... شوي واتصل عليها ....

محمد : اشفيج صكرتيه ؟؟؟

ريم : انقطع ...

محمد : كان رفيجي حمود متصل ...

ريم : اييييه .... محمد انا اخليك ابي اروح انام الحين الساعه 1 مااقدر اسهر ...

محمد : على راحت وتصبحين على خير واول ماتقومين من النوم اتصلي علي ...

ريم : ان شاء الله .....



طبعا محمد مانام سهر على التلفزيون وكان سرحان في ريم ...ويقول في نفسه : هالبنت يابت راسي من عرفتها مااسالتني وين رايح ولا من خط ثاني وتستحي تتصل علي عجيييييبه هالبنت بس الحيـ....... احمدو ليش يقول عنها كلام موزين شكلها موبين عليها هالسوالف .... بس ميخالف لازم اتأكد .....ولا يرن تلفونه .....



محمد : الوووو ؟؟

عبير : اشلونك محمد ؟؟

محمد: منو معاي ؟؟؟

عبير : انا عبير ....

محمد: أي عبير ؟؟؟

عبير : حبك الاول ...

ــــــــــــــــــــــــــــــــــــــــــــــــــ
​

 

[UNiQe^PRiNceSs]

ويعه احمد ويعه

وهذي عبيير شتبي بعد

ثانكس على البارت حبي​

 

[ام بشبش]

مشكوره ياعمري على البارت

انا قلت الكبت مو هين الحين عبير وبعدين الله واعلم منو يطلع
واحمد وذكريات الله يستر منهم

 

[readflawer]

يسلمو على البارت
الريايل ياحلوهم اول مايتعرفون على البنت اقصد الزواج يهبلون كلهم مشاعر واحاسيس وبعد فتره بسيطه
يصيرون اللهم يكافي مايبين شي بعينهم:23_asmilies-com:

العفووو حبيبتي

اي والله صاجه مال :eh_s(13): على طول طلقه براسه


موتصدقين اتغشمر

 

[readflawer]

مشكوره حبيبتي ​

العفوووووووو حياتي

نورتي موضوعي :eh_s(17):

 

[readflawer]

ويعه احمد ويعه

وهذي عبيير شتبي بعد

ثانكس على البارت حبي​

ويييل كممم :eh_s(17):

حده ويييييع احمد

وعبير :nocommint:

 

[readflawer]

مشكوره ياعمري على البارت

انا قلت الكبت مو هين الحين عبير وبعدين الله واعلم منو يطلع
واحمد وذكريات الله يستر منهم

هلا فيج حبيبتي

وتقول لج ريم ان اهو موكبت كوميدينه هههههههه

وعبير :nocommint:

تابعيني وبتعرفين كل شي

 

[G!RLooNa]

احمد حقير

و عبير من وين طلعت بعد !

يالله مشكوره عالبارت :*

 

[readflawer]

احمد حقير

و عبير من وين طلعت بعد !

يالله مشكوره عالبارت :*

العفووووو حبي

وعبير اطلعت من قرداة حظ ريم

 

[@أحلاهم وأتحداهم@]

وهذي من وين اطلعت
شكلها بتعفسهم عفيسه

 

[أروسا]

وي اشهالعبير اللي اطلعت لنا

ماصدقنا الامور تهدى .... بس باط جبدي هالاحمدو ليش اتكلم على ريومه هااااااااااا :j013:

و ذكريات كلمه وحده اقولها لج : أســـــــــلـــــــــــــيـــــــــحـــــــــط :eh_s(13):

و ان شاءالله الاخ كومودينا ما يلف راسه المليق احمدو


ريوده مرسي عزيزتي :eh_s(17):

 

[spongebob93]

ثاااانكس عالبارت

 

[readflawer]

وهذي من وين اطلعت
شكلها بتعفسهم عفيسه

امووووووت على تعليقاتج لاانحرم منج :friends:

 

[UNiQe^PRiNceSs]

ناطرييين:sfg:​

 

[so_what]

waiting

 

[أم@الحلوين]

قطييييييييييعه تقطع احمدوووووا ورفيجه مالت عليهم اثنينهم
صج مايستحون على ويهم الله يعينج ياريم تلاقينها من منو ولامنو
عبالهم كل البنات يخربطون
ترا الدنيا بخير فيها الزين وفيها الشين اصابع الايد مو سوى
ومشكوووره يا قمر عالبارت الحلوووو

 

[readflawer]

وي اشهالعبير اللي اطلعت لنا

ماصدقنا الامور تهدى .... بس باط جبدي هالاحمدو ليش اتكلم على ريومه هااااااااااا :j013:

و ذكريات كلمه وحده اقولها لج : أســـــــــلـــــــــــــيـــــــــحـــــــــط :eh_s(13):

و ان شاءالله الاخ كومودينا ما يلف راسه المليق احمدو


ريوده مرسي عزيزتي :eh_s(17):

حبيبت قلبي وييل كوم

اييييه الله يعين ريم ادعولها ان الله يفرج همها :yaaaaaarb: