عطاء بلا حدود ... قصه واقعيه ...

[G!RLooNa]

يعطيج العافيه ,,,

 

[so_what]

مشكوووره على البارت

 

[ام بشبش]

صج حبل الكذب قصير بس لا اتورط ريم مسكينه

ويعطيج العافيه ياعمري

 

[عاشقة المايسترو]

ناااطرين التكمله ياريت تكبرين البارت إذا تقدرين إختي ..

 

[Danya =)]

تسـتاهل ذكريات اللي يصير فيها
اهيه اللي طيحت نفسها بهالورطه
يعطييج العافيه عالبارت حبيبتي

 

[Riooma]

ya36ech al3afia bs chena qeser al part

 

[@أحلاهم وأتحداهم@]

احسن شي سواه مشعل انه فضح ذكريات عند ريم
امبيه ه ذكريات مو صج وايد مسترخصه بروحه وليش خايفه من مشعل اهيه الي يابته حق روحه
الي يمشي بهطريج هذي نهايته سمعه زفت وتبط الجبد اتسوي روحه شريفت روما جنه ماتغلط مع احمد كلش يسلمو على البارت

 

[readflawer]

يعطيج العافيه ,,,

مشكوووره على البارت

صج حبل الكذب قصير بس لا اتورط ريم مسكينه

ويعطيج العافيه ياعمري

العفوووو حبيبات قلبي :eh_s(21):

 

[readflawer]

ناااطرين التكمله ياريت تكبرين البارت إذا تقدرين إختي ..

ان شاء بحاول مره ثانيه

لان كل مره بكبر الخط وماتضبط معاي

 

[readflawer]

تسـتاهل ذكريات اللي يصير فيها
اهيه اللي طيحت نفسها بهالورطه
يعطييج العافيه عالبارت حبيبتي

الله يعافيج حبوبه

 

[readflawer]

البارت الثاني والعشرين
ــــــــــــــــــــــــــــــــــ


ريم : خلالالاص .... اللي فيني مكفيني وهذا طبعي مااقدر اغيره ..... سوري سندوسه ازعجتج ..

سندس : ولوو انتي حبيبت قلبي وانا اختج الكبيره ويالله روحي ريووم الصغيره تبجي اكلمج بوقت ثاني ... وديري بالج على نفسج ..

ريم : حطي بالج على سميتي ...

سندس : ان شاء الله .
ــــــــــــــــــــــــــــــــ

ريم تتحاشى ذكريات وصارت معاها رسمي ولاتعرف أي شي عن اخبارها وطبعا ظل احمد يحوس على ريم واهي ولا بالبال ومشاعل داومت وكانت فرحت ريم ماتنوصف بدوام مشاعل وضبطوا جدولهم مع بعض وذكريات كونت لها قروب خاص ومشاعل وريم عطوها طاااف نهائي ....

وصل احمد حق رقم موبايل ريم وحاول ان يكلمها بس اهي اطلعت اذكى منه طلعت عرفت ان الرقم الغريب اللي يتصل عليها رقم احمد وطبعا بهالشي ساعدتها مشاعل .......

وبتكلم لكم عن حياة مشاعل شوي طبعا زوجها حده معقد يدرس دكتوراه وكل يطقها وهاملها ويسافر على طول مع ربعه واهي كل يوم تروح تبجي عند ريم وتهون ريم بعد قلبي عليها صج هالبنت مافي مثل حنيتها وعطائها ...
وطبعا سحر لاهيه بالدنيا ومع قروبها المختلط ولا احد عارف اذا اهي متزوجه بالسر ولا لأ ...... شخصيه غامضه وهمها وناستها والباجي بالطوفه ..... ريم وايد زعلانه على امها سحر لان لاهيه عنها تبي تشور عليها تشوف همومها تبي تحس ان عندها ام غير امها ندى الله يرحمها .... احساس اليتيم ... ولو الله ثم يدتها ولا جان ريم الله يعلم وين بتكون وشنو بتكون ....الله يعينها ...


وبعد مرور 4 سنوات من الدراسه اخر سنة تخرج .....

ذكريات صارت موطبيعيه مابقى واحد ماكلمته وكانت ريم تشوفها من بعد وتنتبه على تصرفاتها وحركات ويهها حق الشباب شي موطبيعي لي درجه ان مره ريم بجت ومشاعل يمها .....

مشاعل : اشفيج ريم خليها تولي ؟؟

ريم : حسافه عليها اهي كانت بنت زينه اكيد الظروف غيرتها .. مشعل اهو السبب ... ولا في احد من رفيجاتها الزفت ينصحونها .... بصراحه ودي اكلمها صارت سيرتها على كل السان ...

مشاعل : انتي من صجج ... بالطقاق اللي يطقها مالت عليها لو اهي متربيه عدل ماسوت جذي ..

ريم : انا وانتي اكثر الناس قرب لها وكنا عارفين ظروفها عدل الابو الله بالخير والام ماكو شخصيه ...

مشاعل : هذا موعذر ... كا حمد ذابحني طق اقول اروح اشوف غيره ولا العب بذيلي ... لالالالا موعذر..

ريم : انتي تربيتي بأسره مترابطه وظروجج وشخصيتج غير عنها .... تدرين انا بروح اكلمها ....

مشاعل : لالالا يبا فكينا منها ....

ريم: بروح ومابذني ماي .... حرام اللي تسوي بنفسها .... مهما كان ياما كلينا وشربنا مع بعض .... انا بروح وبنصحها وكيفها ...

مشاعل : كيفج انتي راسج يابس وروحي بروحج .

ريم: ماااااااشي .....

راحت ريم يم ذكريات واول ماشافتها ذكريات ابتسمت لان كانت وايد تحب ريم ودها ترجع العلاقه بس ماكانت تقدر لان ريم ماتبي أي علاقه مع ذكريات .......

ذكريات : هلا ريم ( مبتسمه ) .

ريم : هلا فيج لوسمحتي ابيج بموضوع ؟؟

ذكريات : عن اذنكم ... زين عطتيني ويه وذكرتيني !!!!

ريم: سمعيني ذكريات انا احبج وماارضى بالغلط اللي قاعد يصير ولولا خوفي عليج وادري ان داخلج زين ماقلت لج هالكلام ...

ذكريات : اشصاير ؟؟؟

ريم : صارت سيرتج على كل السان ونظراتج للشباب واضحه ليش تسوين بنفسج جذي وكل هذا على شان منو؟؟

ذكريات : سوري وانتي شكو ؟؟؟

ريم: ويهها صار احمر كان صابين عليها ماي باااااااارد ....... صدمه انا شكو ؟؟؟

ذكريات: اييه شكو وانا بكيفي وجذي عاجبني .... وعلى فكره حتى انتي متكلمين عليج !!!!!!

ريم : يخسي اللي يقول عني كلمه وحده وغورقت عيني ..... واركضت لها مشاعل ....

مشاعل : امشي امشي ريم قلت لج هذي موكفوا ....

ذكريات : هههههه يت المحاميه ..

مشاعل : احترمي نفسج لاتشوفين شي عمرج ماشفتيه وطالعتها من فوق لي تحت ..... وخذت ريم ومشت ...

ريم : تبجيييييي ميته من القهر ..... انا ت ق و ل عني هالك لا م وتبجي

مشاعل : هالحيـ....... شنو قالت لج ...

ريم : تقول ان متكلمين عني !!!! وتبجيييييييي

مشاعل : الحقيره ... شنو متكلمين يالخبله اهي محتره منج وردت فعل عادي من وحده هذا مستواها .... بس حبيبتي ولمتها .... الله ياخذج ياذكريات وياويلج من دمعت اليتيم ....حسبنا الله ونعم الوكيل .....


كبيره دمعت المقهور ربي ذوقها من ظلمني

صدمتي كبيره فيج ليش انا مااتعلم

صدمتي فيج الجمتني لكن انا اقوى منج

لاني اعتدت الصدمه بزمن ثاير
ـــــــــــــــــــــــــــــــــــــــــــــــــ
​

 

[readflawer]

البارت الثالث والعشرين
ـــــــــــــــــــــــــــــ

ام خالد : رييييم تعالي يمه .

ريم : هلا يمه امريني .

ام خالد : في ناس خاطبينج مني بيت ال ....

ريم : ايديه وين شافوني ؟؟

ام خالد : بعرس بدر ( اهو ولد اخو امها سحر ) .. اشقلتي ؟؟

ريم : لايمه ماابي اتزوج الحين الا لما اتخرج .


ام خالد : اييه يمه مابقى لج شي .. وانا ابي افرح فيج قبل ما ....

ريم : لاتقولين جذي والله ابجي من لي غيرج وتبوس ايدها وتلمها ..

ام خالد : الله يوفقج ويرزقج بولد الحلال ..

اتصلت سحر ....

سحر: الووو ... هلا ام خالد اشلونج ؟

ام خالد : هلا فيج يمه انتي اشلونج الحمدلله على السلامه .

سحر : الله يسلمج انا بخير دام انتي بخير .الا اشلون ريم اتصل عليها تلفونها مغلق ...

ام خالد : كاهي يمي .... هاج امج ...

ريم : ( بنفسيه) هلا يمه !!!

سحر : اشلونج وينج كلا جهازج مغلق ؟؟

ريم : قاعده عند ايديه والتلفون يشحن .

سحر: كلمتج يدتج عن الناس اللي خاطبينج ؟؟

ريم : ايه وماابي اتزوج !

سحر: ليش ؟ترى خوووووش ولد واهله اغنياء .

ريم: ابي اكمل دراستي .

سحر: اخاف حاطه عينيج على احد ؟؟

ريم : لالاتحاتين ماعندي شي .

سحر: كيفج بس انتي الخسرانه .

ريم : ان شاء الله مااخسر .

سحر: عيل مع السلامه .

ريم : مع السلامه ..

ام خالد : اشقالت لج ويهج منعفس ؟؟

ريم : امي ماتدري عني ومااسئلت عني الا علشان اللي خاطبيني هذي ام .

ام خالد : عييييييب يمه مهما كان هذي ربتج واسهرت عليج ..

ريم: اشربتني .... انتي اللي تعبتي معاي واحتويتيني والا اهي كانت ابيها ومحتاجتها ولا بالبال لاهيه عنا .. كيفها ..

ام خالد : بس يمه عيب لا تتكلمين عن امج ولا بزعل عليج .... ( بينها وبين نفسها الله يعينج على هالدنيا يتيمه وين بتروحين من بعدي وهذا وانا امنتج عند سحر واهي ولا تدري عنج .. يارب تبلغني بريم عروس متهنيه واشوف ولدها ولا بنتها اميييييين )

ريم: اخنقتها العبره .... ايديه انا بروح ادرس ... تبين شي ؟؟

ام خالد : سلامتج يمه ... شدي حيلج هذي الشهاده سلاح لج ....

ريم: ان شاء الله .... دعواتج لي ...


صار وقت امتحانات اخر الكورس
ــــــــــــــــــــــ
ريم: يارب وفقني باقيلي امتحان واحد واخلص .

مشاعل : واااي متى اتخرج وابط عيني حمد .

ريم : مسكين ليش بعد .

مشاعل : ذبحني طق ومايتسلط علي الا لما ادرس ..

ريم: وسعي بالج هذا بواعيالج شتسوين بعد .

مشاعل : اقول امشي نروح الكافتيريا قبل ماانقث وتنسد نفسي عن الاكل .

ريم: هههه مشينا ..


واهما بطريجهم للكافتيريا وقبل مايوصلون ولا ريم تتدعم بواحد بس اشوه شايله كتبها على صدرها .......

ولا تنح اهي وياه ..... يطالعها واطالعه وفجأه نزلت عينها استوعبت ....

ريم والشاب : اااسف .... ابتسامه خفيفه منه ااااسف .

ريم: وخرت ومن الحيا تمشي سيده مثل الالف ولا مشيت العسكر هههههههههههههه

مشاعل : ياالخبله اشفيج ماشفتيه ..

ريم : هااااا امبله شفته .... ااااااااا ماشفته كنت منزله راسي وانا امشي وحسيت اني دعمت كبت هههههه

مشاعل : ههههههههههههههه حلوه كبت صج اهو معضل شوي بس موكبت ...

ريم : كاهو يه ...... لاول مره ريم قلبها ينبض وحست ان الدنيا دارت فيها ....وطالعته ليما انتبه لها وعلى طول لفت ويها ..... مشاعل قومي خلينا نطلع من اهني !!!!

مشاعل : هووو اشفيج باااااكل ميته من اليوع .

ريم: هااااااا.. ليش ....يوووووه قومي .

مشاعل : اسم الله عليج اشوف ( حطت ايها على راسها ) الحمد لله جت سليمه هههه .

ريم : شنووووو سليمه مافيني شي ... بس حاسه اني ارجف وقلبي يرقع من شفته !!!!

مشاعل : ريموووه مااصدق انتي تنتبهين على الشباب مستحيل وبعدين اهو موذاك الزود ... ياما الحقوج ووصلوج لي البيت وغير اللي اخطبوج اشفيه عنهم زود ؟؟

ريم : ماادريييييي ... مشاعل انا خفت قومي ..

مشاعل : لييش ؟

ريم : قومي وبس ...

ـــــــــــــــــــــــــــــــــــــــــــــــــ
​

 

[G!RLooNa]

يسلمووو :**

 

[so_what]

يعطيج العافيه

 

[ReRez]

مشكوره حبيبتي

 

[أم@الحلوين]

ويييييييييييع ذكريااااااااات رايحه فيها مالت عالباميه .....
ومشاعل تكسر الخاطر
وسحر الله يستر شنو قاعده اتهببب من تحت ليه تحت!!!!!!!@@@
وريم الله يكملها بعقلها وانشاءالله هالمعضل ما يأذيها
وثانكس ياحلوه عالبارت الحلوووو

 

[أروسا]

هالذكريات مغثثثثثه دهن على جبدي هففففف عليها :rgewrg:


و شعوله ليش ريلها يطقها بط جبدي يعل ايده الكسره :jumpon:


و ريومه يختي عليها حبيتها و حبيت طبية قلبها ,,, أثاري قلبها نبض و اخترعت ... مسكينه :eh_s(22):


ريوده ميرسو عنوني :balo:

 

[zalabia84]

حبيبتي يعطييييج الف الف عاااافيه وو متابعتج الصراحه القصه حدهااا شدتني لا تاخريين علينا بالبارت الياي بليييييز

 

[readflawer]

يسلمووو :**

حياااااااااااج :aha:

 

[readflawer]

يعطيج العافيه

الله يعافيج حبوبه