عطاء بلا حدود ... قصه واقعيه ...

[readflawer]

تابع البارت الرابع عشر
ــــــــــــــــــــــــــــــ

بعد جم يوم رن تلفون ريم .......


ريم : الوووو؟

ذكريات : هلا ريم اشلونج ؟

ريم : اهلا ذكريات بخير شخبارج وينج غاطه ؟؟

ذكريات : سلامتج نومي معتفس مع العطله .. اشدعوه اتصلي سألي ..


ريم : اتصلت عليج كل مغلق !!

ذكريات : هااااا اييه صح اصكره واحطه على الشحن وانساه !!!!!!! الا مافيكم طلعه .

ريم : كيفكم نسقي ويا مشاعل وقولولي .

ذكريات : اوكي حبيبتي يالله باااااي .

طبعا ذكريات كانت تحول تلفونها مغلق علشان رفيجاتها مايحسون ان في احد بحياتها شخصيتها وااايد غامضه وموصريحه .....


مشعل: الووو ؟؟

ذكريات : اهلين .

مشعل : معاج خط ثاني ؟

ذكريات : اييه وحده من رفيجاتي ضايق خلقها وتبي تطلع معاي !!!!!!!!!! (جذاااااااااااابه )

مشعل : اهااااا وانتي اشرايج ؟؟

ذكريات : رايي من رايك اللي تقوله ؟

مشعل : رايي احدده على حسب المكان اللي بتروحون له اذا مكان في شباب ماكو روحه .

ذكريات : ان شاء الله اول ما يقررون اقولك .

مشعل : بشوفج ؟؟

ذكريات : شنو ؟؟

مشعل : وين ماتروحين انا وراج مثل ظلج !

ذكريات : ( ضحكت ) يعني اسميها غيره ولا شنو ؟

مشعل : بعدين تعرفين .. انا اخليج بروح الدوانيه ارجع واتصل مو القاه مغلق نطريني لاتنامين !!!!!!!!

ذكريات : ان شاء الله .

ــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــ

موقف من المواقف اللي مرت بحياة ريم :ـ


بعد فتره تدربت ريم على السياقه ووقت الامتحان ....


الضابط : لو سمحتي اخت ريم انا بركب معاج للاختبار .

ريم : هااااا اشلون مايصير تمشي يمي بالسياره ؟؟

الضابط : هههه مايصير اختي لازم اكون معاج وكلها صعدة جزيره . ركب يمها ولما قال لها حطي ال n حطته وبعدين ردت على ال b ماتتحرك السياره تدوس بانزين الا احلاقت البانزين واهو يطالعها ويبتسم ....

ريم : اشفيها السياره ماتمشي ؟؟

الضابط : انا رافع السيايد بريك !!

ريم : ويييييه نسيت سامحني الله يخليك !!

الضابط : حركي حركي ........

ضاق خلق ريم بينها وبين نفسها : اكيد سقطت وااااي بتروح مني المرسيدس ...

الضابط : ريم ال......

ريم : نعم ( حدها متازمه ) ؟

الضابط : مبروك وديري بالج انتبهي مره ثانيه رفعي السايد بريك ..

ريم : مشكووووور وماقصرت .

وراحت ويا امها اشتروا السياره ولونها حلوووو ابيض مثل قلب ريم واتصلت على سندس ومشاعل وذكريات واعزمتهم على العشى بره ... تفاجأوا لما شافوا السياره واستانسوا لها ووصلوا المطعم ...

ذكريات : خلينا نرد البيت على البحر وناااسه !!

سندس : مافي وقت مره ثانيه .

ريم : خلاص بنات علشان ذكريات الحلوه ماتزعل حاااااضر نرد على البحر.

اطلعوا من المطعم وطبعا كوكش شباب وراهم وذكريات حد الوناسه وماكانت محسسه احد بهالشعور ...وركبوا السياره والشباب وراهم وصارت شبه مسيره على البحر....ولا ايي مسج حق ذكريات ...

مشعل : انتي مستانسه على هالوضع ؟؟ انا وراكم !!!!!!!!!!!!!

ذكريات : شسوي السياره مو سيارتي واحنا الحين رادين البيت البنات مستانسين على السياره اليديده وحبوا يتمشون على البحر !!!!!!!!!!!!!!!!!!!!! (جذااااااااااابه )

مشعل : ردي البيت ويصير خير .

ذكريات ( اففففف ضيع علي )...

يتبع ،،،،

​

 

[readflawer]

تابع البارت الرابع عشر
ــــــــــــــــــــــــــــــ

مشاعل : بنات بعد اسبوع ملجتي ...

كلهم : مبروووووووووووووك كللللللوووووش ..

ريم : ونااااسه رفيجتي تبي تتزوج .

سندس : عقبالي يارب ..

ذكريات : ممممممممممممممم ان شاء الله ( موعاجبها ). (شخصيه نرجسيه )

مشاعل : كلكم معزومين الخميس الياي مو تنسون ...

ريم : منو بيكون معاج بالصالون ؟؟

مشاعل : انا وامي وبنت خالتي .

ريم وسندس : بنروح معاج .

مشاعل : هههههه ودي بس كنت مستحيه لان امي تبي تطلع مبجر من الصالون وبنت خالتي موذاك الزود ذوقها مايناسبني .

سندس : انا قايلت لج من زمان على هالشي بس الظاهر من الفرحه نسيتي .

ريم : ايييييه اللي ماخذ عقلها يتهنى .

اضحكوا كلهم .... وكل من رجع البيت ...

ذكريات : الوووو هلا مشعل ؟؟

مشعل : خير ؟

ذكريات : وي وي زعلالالالان ؟؟

مشعل : انتي تدرين روحت البحر مااحبها وبالذات لما تكونون مجموعه بنات ..

ذكريات : انا قلت لك ان اهم يبون يروحون والسياره موسيارتي اتحكم فيها ..

مشعل : بس تقدرين تتعذرين منهم وتقولين رجعوني البيت وبعدين ردوا تمشوا وين ماتبون ..

ذكريات : خلاص عاد لاتسويها سالفه وتضيق خلقي معاك .

مشعل : اخر مره .

ذكريات : ا خر مره .واتسمت .

مشعل : ذكريات ؟؟

ذكريات: نعم .

مشعل : انا ودي اقولج شي ؟؟

ذكريات : قول .

مشعل : لا خلاص وقت ثاني .

ذكريات : على راحتك ...

مشعل : اشفيج ؟؟

ذكريات : سلامتك تبي تقول قول ماتبي كيفك ؟؟!!!

مشعل : لاتتضايقين ....انا...............انا.......

ذكريات : امممممم وبعدين ؟؟

مشعل : هههه ذكريات انا احبج !!!!!!!

ذكريات : اسكتت مده وماردت عليه .......

مشعل : الوووووووو وينج لايكون طحتي غشيانه ..... ههههههه

ذكريات : لا ماطحت بس صدمتني ... ماادري شقول لك .

مشعل : قولي احبك ...!!!!

ذكريات : مشعل انا ... معجبه فيك .

مشعل : بس ؟؟

ذكريات : اييه بس ليما اتأكد من حبك لي ....

مشعل : مااااااااااااشي .

وكملوا سوالفهم ليما الفير وناموا .......



وصار يوم الخميس .....................

ريم وسندس ومشاعل العروس راحوا الصالون وكانوا كلهم حلوين وطبعا مشاعل طالعه قمر حدها ناعمه وكيووووت ولما شافتها ريم ادمعت عينها لان ريم وايد متمسكه بصديقاتها لان تعتبرهم مثل خواتها ..

ريم : حياتي الف مبروك طالعه قمر ماشاء الله

مشاعل : حبيبتي انتي ان شاء الله افرح فيج عروس بعد ..

ريم : الله كريم توالناس .....

سندس : وبدا الفلم الهندي يالله خلصوا المشهد خلنا نرووووح مابقى وقت .

مشاعل : يالله


طبعا الحفله كانت محفوفه بين الاهل وصديقات مشاعل وكل العاده ذكريات رافعه نفسها وحدها مغروره بجمالها وترقص علشان تلفت الانظار اما ريم وسندس لاهين مع مشاعل ويراقبونها يمكن تبي شي واستااانسوا وتمت الحفله على خير ..


سندس وريم مع بعض بالسياره ويا السايق والخدامه ليزا .......( بديقارد ريم ههههه)

سندس: شفي ذكريات الحمدلله والشكر رازه نفسها جنها طاوووس .

ريم : واااي سندوسه اشفيج عليها كيفها ..

سندس : بصراحه ريم انا ماارتاح من ذكريات وماحبيت اقولج علشان ماتتضايقين لانها رفيتج ..

ريم : من صجج عادي هذي وجهة نظرج واحترمها ويمكن ماتتوالم معاج بس معاي كل شي اوكي واهي تحبني وتعزني ..

سندس : على راحتج بس انا ماتنزلي من زور لله في الله .. جنه اهي احلى وحده بالعالم .

ريم : ههههه يحق لها البنت جميله .

سندس: عاد تدرين انج احلى منها ياريم البنت باطباعها اللي تطغي على ملامح ويهها ماتشوفين كل الجاذبيه فيج اصلا ماشفتي الحريم اشلون يطالعونج وانتي ترقصين اسم الله عليج اشكثر يتناقزون عليج ..

ريم : يعني حبيبت قلبي حتى انتي ماعليج قصور ..

سندس: اييه بس متينه انا لازم اسوي رجيم ..

ريم : اييه كل سبت صح .

واضحكواااا ..........
ــــــــــــــــــــــــــــــــــ​

 

[readflawer]

حبيباتي البارت طويييييييييل مو تقولون

لان احتمال باجر مايكون فيه بارت

سامحوني ،،،

احبكم

 

[admant_7abk]

مرسي ع الباارت
ناطرين الي بعده

 

[UNiQe^PRiNceSs]

ذكريات تنرفز

ثانكس حبيبت ناطريين البارت الياي :sfg:​

 

[أروسا]

الله وناسه اربع بارتات ورا بعض

يحليلها ريم احسها واااااااااااااايد طيبه :friends:

و ذكريات حركاتها قرعه:flower:


ميرسو

 

[ReRez]

ذكريات واايد تذكرني بدلال ويع
وسندس يوم تنصح ريم ذكرتني بفرح يوم تزف ندى لأنها تماشيها لول

صج يا كثرهم اللي من نمونة ذكريات الله يهديهم بس ,,

^_^

مشكوره مره ثانيه وعساج عالقوه

 

[readflawer]

مرسي ع الباارت
ناطرين الي بعده

العفوووووو حبوبه

 

[readflawer]

ذكريات تنرفز

ثانكس حبيبت ناطريين البارت الياي :sfg:​

ويل كوم حبوبه قصدي العفووو :sfg:

وذكريات بتشوفين بالبارتات اليايه شنو تسوي

 

[readflawer]

الله وناسه اربع بارتات ورا بعض

يحليلها ريم احسها واااااااااااااايد طيبه :friends:

و ذكريات حركاتها قرعه:flower:


ميرسو

ويل كام :sfg:

تستاهلون حبايبي اربع بارتات

وريم بتعرفين عليها اكثر واكثر بكل بارت

 

[readflawer]

ذكريات واايد تذكرني بدلال ويع
وسندس يوم تنصح ريم ذكرتني بفرح يوم تزف ندى لأنها تماشيها لول

صج يا كثرهم اللي من نمونة ذكريات الله يهديهم بس ,,

^_^

مشكوره مره ثانيه وعساج عالقوه

هلا بالطش والرش

وبالنسبه لذكريات وسندس النقيييض لان ذكريات فيها خصلت الانا نرجسيه ومايعجبها شي واهي التوب وسندس بسيطه بكل شي حتى بلبسها والافكارهم عكس بعض وفما يتوالمون مع بعض ..

يسلمواااااااااا على المرور :bye22:

 

[zooz92]

ذكريااات كلش ما حبييتها =\ حركااتها مب حلووة كلش

يعطييج العاافية على البااارت

ناااطرينج ..~

 

[أم@الحلوين]

مشكوره عالبارت

 

[ام بشبش]

اهم شي الخدامه صج بديقارد
لووووووووووووووووووووووول

يعطيج العافيه ياعمري

 

[so_what]

يسلمووو على البارت

 

[readflawer]

ذكريااات كلش ما حبييتها =\ حركااتها مب حلووة كلش

يعطييج العاافية على البااارت

ناااطرينج ..~

الله يعافيج حبوبه

:bye22:

 

[Riooma]

waiting waiting

 

[fe7awya]

تسلم اييييييييييييدج على القصه
بصراحه اليوم قريتها كلها
لا يمـــــــــــــل
يلا ناطرين باجي البارتات

 

[readflawer]

مشكوره عالبارت

العفوووووو حبوبه

ولاتحرميني من طلتج

 

[readflawer]

اهم شي الخدامه صج بديقارد
لووووووووووووووووووووووول

يعطيج العافيه ياعمري

حدها الخدامه عجيييبه عيوز ولابسه نظاره طبيه ويهها سمح وماترضى على ريم بشي :082502bye_prv: تخدمها احسن خدمه .

ابي نفس هالخدامه :eh_s(16): ماشاء الله عليها

حبيبتي ام بشبش حياج الله وتابعيني :bye22: