عصلااااات : جنسنق من الحواي ؟؟ ولا دايت كير ؟؟

[-:|Fdaitney|:-]

السلام عليكم

بنات انا ضعيفونة
وقلت ابي امتن بظرف شهر
بس مشكلتي شهيتي مسدودة وامل بسرعة من الاكل
قلت احسن حل اني اسوي لي برنامج
واشترك بدايت كير
واهوا ينوع لي بالاكل

بس اعرف وحدة دلتني على الحواي اللي قبال مارينا
تقول خذت منه جنسنق
حبتين قبل النوم
تقول ثاني يوم البنية صايرة آفة
كل شي تاكل
بشهر واحد زادت تقريبن 20 كيلو @@

بنات شرايكم ؟؟
انا محتارة بينهم
احد فيكم مجرب ؟؟
او تعرفون احد مجرب ؟؟
بليز فيدوني :eh_s(2):

 

[Q8stylle]

انشالله البنات يفيدونج

 

[كيكه توفي]

ان شاءالله يفيدونج البنات

 

[KOKO_284I]

رد : عصلااااات : جنسنق من الحواي ؟؟ ولا دايت كير ؟؟

انا ضعيفه بعد

بس صراحه انا اقول الدايت احسن

لان انا ما اثق بالحواي

 

[قاهره عذالي]

رد : عصلااااات : جنسنق من الحواي ؟؟ ولا دايت كير ؟؟

مو زين

يحبس الماي بالجسم
ويخلي جسمج لما تنفشين مليان خطوط


اكلي نظام بعطيج اياه

روحي العويد

واشتري عسل المكسرات للتسمين

+ حبوب سوبرفيتا بالصيدليات تلقينها + سوستاجين بالكاكاو او الفانيلا

اشربي على طول مع الحليب تسوينه

+ جيبي حلبه مطحونه واطبخيها مع حليب الصبح ع الريج اشربيها

 

[قاهره عذالي]

رد : عصلااااات : جنسنق من الحواي ؟؟ ولا دايت كير ؟؟

عسل العويد المكسرات

http://www.q8sneed.com/campsponser/companspon1/alowaidhaney.html

هو بودر
مكمل غذائي تخلطينه مع الحليب الساخن ملعقتين كبار بكوب حليب ساخن حتى يساعد ع النوم والاسترخاء وحلو بالليل

وهذي حبوب سيبروفيتا

ومشروب الحلبه مع الحليب الصبح ع الريج

وهذي طريقه حلوه
فيها اضافات للحلبه مع الحليب

من غوغل طلعتها لج

المقادير:

* ربع كيلو حلبة مطحونة.

* كوب صغير سمسم.

* 3 ملاعق كبيرة نشا.

* ملعقتا زبدة للتحمير.

* مك

سرات "حسب الرغبة".

* لتر حليب.




طريقة التحضير:

* تذوب الزبدة في وعاء مناسب ويضاف إليها الحلبة والسمسم والنشا حتى يصبح لون الخليط ذهبياً، ثم يضاف الحليب إليه مع التحريك حتى يتماسك القوام ويصبح سميكاً، يحلى حسب الرغبة و يرفع من على النار ويصب في الأكواب ويزين الوجه بالمكسرات.

* يتناول هذا المشروب صباحاً لأنه يحتوي على طاقة عالية للجسم ويقال أن الحلبة هي من الأسرار المهمة لدى قدماء الفراعنة التي سجلوها في البرديات فهي تحتوي على العديد من العناصر الغذائية والعلاجية المهمة وعلى رأسها مضادات الالتهابات والميكروبات التي تنتشر في فصل الشتاء وصحتين.

ترا حيل حيل مفيد للبشره وللجسم وحتى للشعر​

 

[عسوله عمانيه]

رد : عصلااااات : جنسنق من الحواي ؟؟ ولا دايت كير ؟؟

بناااااااااااااااااااااااااااااااات
بنات انا ف بريطانيا
ومحتااااااااااجه سبروفيتا طيب شلووووووووووووووووووووووووووووووون
دخيلكم
جزاها الجنه الي تساااااااااااااعدني

 

[-:|Fdaitney|:-]

رد : عصلااااات : جنسنق من الحواي ؟؟ ولا دايت كير ؟؟

مشكورين بنات
بس الحلبة تطلع ريحة بالجسم
ماكو بديل ؟

 

[فديت منورة]

الجنسينج اهي الحبوب الصينيه

تمتنج بسرعه و تضعفج بسرعه

 

[Ga6waah83]

رد : عصلااااات : جنسنق من الحواي ؟؟ ولا دايت كير ؟؟

حبيبتي خذيتهم قبل ومن نفس المكان اللي ذكرتيه متنت وصار جسمي ويهي مو صج بس بس هديتهم ضعفت مره ثانيه

والحين قاعده اخد الديكساميد والله يستر منهم قاعده اقرا دعاء وبعدين ابلعهم عسى الله يكافيني شرهم يارب

 

[فجر_الكويت]

رد : عصلااااات : جنسنق من الحواي ؟؟ ولا دايت كير ؟؟

موفقه خير يارب

 

[-:|Fdaitney|:-]

رد : عصلااااات : جنسنق من الحواي ؟؟ ولا دايت كير ؟؟

بنات
قص علي الشيطان واليوم رحت شريتهم :×
خذيتهم ب6
وطلع صج اهما نفسهم الحبوب الصينية
اسمهم ginseng kianpi pil
انا سويت سيرج بالنت
وقريت عن اعراضهم الجانبية
بس لاحظت ان الاعراض الجانبية تصير لما تاخذين اكثر من علبة

وبعدين بنات كل الادوية لها اعراض جانبية
حتى البنادول له اعراض جانبية
ولا شرايكم

انا مترددة وقاعدة افكر
يمكن بالليل الشيطان يكملها علي واخذهم قبل ما انام
واشوف روحي لي باجر

بنات انا محتاجة بس 5 كيلو
انا مو عصلة حيل
احس لو اخذه اسبوع يمكن اوصل حق النتيجة اللي ابيها
ماعتقد بيضرني باسبوع

 

[Mystique]

حبيبتي اهم شي يزيد وزنج بصحه و عافيه يعني الواحد يقدر ياكل اكل فاست فود يوميا و عادي يزيد ال5 كيلوات بس بدون صحه و تطلعله مشاكل ثانيه

في خاطرج تجربين الحبوب جربيهم بس هم ديري بالج على اكلج ترى يأثر على كل جسمج

انا نصيحتي روحي دايت كير

والله يوفقج انشالله

 

[om yossif]

السلاام علييكم
من تجربتي انا الحين قاعده اخذ حبوب سيبروفيتا زدت تقريبا 3 كيلو في اسبوعين
على الاقل اخذي سيبروفيتا اسمها من صيدليه و ليما سويت بحث عنها الكل كان يمدحها:icon30:

 

[-:|Fdaitney|:-]

رد : عصلااااات : جنسنق من الحواي ؟؟ ولا دايت كير ؟؟

توني خذيت اول حبتين وبنام الحين
والله يستر

 

[زينبو]

رد : عصلااااات : جنسنق من الحواي ؟؟ ولا دايت كير ؟؟

شنسوي بدنيتنا يعني شالحل

 

[-:|Fdaitney|:-]

رد : عصلااااات : جنسنق من الحواي ؟؟ ولا دايت كير ؟؟

اليوم شهيتي مفتوحة
مو يوعانة
بس احس اني ممكن آكل
ولما اكل مو قاعدة انغث

الله يكافيني شر هالحبوب
وانشالله امتن بصحة وعافية

 

[-:|Fdaitney|:-]

رد : عصلااااات : جنسنق من الحواي ؟؟ ولا دايت كير ؟؟

بنااات
انا صايرة آفة :|
ماشالله
صايرة آكل اكل نفرين :|

 

[غــلاوي]

رد : عصلااااات : جنسنق من الحواي ؟؟ ولا دايت كير ؟؟

حرام شتبين بالحبوب موزينه

انا جربت عسل يبيعه واحد يمني والله والله يفتح الشهيه بشكل كبيييير ويمتن
والله تحسين انج آفه ماااتشبعين
احسن شي فيه انه يفتح الشهيه ويخليج تاكلين بشكل كبيييير ويزيد وزنج
نصيحه جربييه وهم عند عسل للخدود يهبل ويمتن الخدود نصيحه خلي الحبوب وخليج عالطبيعي

 

[-:|Fdaitney|:-]

رد : عصلااااات : جنسنق من الحواي ؟؟ ولا دايت كير ؟؟

حبيبتي شدراج انه طبيعي ؟؟
يا كثر اللي يقصون علينا باسم (طبيعي)
واحنا ما ندري شالسالفة
بس نسمع هالكلمة سيدة نركض ونشتري
انا حالين راضية بالنتيجة
وقلت يوم الاحد بشوف وزني جم صار
مو محتاجة اكمل الدوا شهر لاني مو عصلة وايد
انشالله اكتفي باسبوع

وهم مو محتاجة خدود عندي خدود بدون شي لول

ومشكورة على الرد