عصبية و عصبيتي بتوديني بستين داااااهية

[San3a.Q8]

بنات انا يأست مادري شسوي

انا من عمري قلبي حار و اكل بنفسي عالدراسة و الجامعه و كنت عصبيه بس على نفسي و شوي

الحين مادري شفيني صايرة مينونه يانه و قاعده بموت من الاعصاب اي شي يعصبني و يحرني و يقثني و بسرعه اتناجر مع الكل و زوجي قام يتضايق و ما الومهم انا اعترف احاول اهدي نفسي احاجي روحي هدي نفسج ماكو فايده فجاه القى نفسي مثل المينونه مو الي امشي و اكسر بس حييييييل اعصب من داخل و اتكلم بنبرة مرتفعه و انفعل و احترررررر و نوعي واااايد احاتي و ابالغ بالمحاتاه

نصحوني شسوي ابي اروح دورات وين احصلهم بالكويت ماني عارفه سمعت عن الريكي سمعت عن البرمجه العصبيه بس مادري

ابي شي يخليني اهدي يخليني ما احاتي ابرد على قلبي و اعصابي و ما اصير عصبيه

الله يخليكم الي عندها فكرة تنورني لان هالشي قام ياثر علي و على علاقاتي و زوجي و مشكورين ما قصرتو

 

[San3a.Q8]

upppppppppppppppp

 

[yam_yam]

اقري قران صدقيني احسن شي يهدي النفس

 

[Pinky -cat]

انا نفسج بالضبط وفعلا اموت قهر واعصب حيل بشكل جنوني اصير مينونه وربي لمن اعصب وما شوف جدامي
مادري والله انا وياج ابي شي يهديني شوية ، ويمكن بعد لاني متعودة كل شي يتم مثل ما ابي فا ما اتقبل انه يتم
بطريقة ثانية من جذي اعصب واحتر .

 

[Pinky -cat]

تصدقين حبوبه اتوقع الوحدة لازم تقعد ويا روحها شويا او توخر عن سبب العصبية وتروح تفرج عن روحها شوية وتسوي
شي يديد اتوقع هاذا حل مناسب وانا عن نفسي بحاول اني اطبق هالشي واشوف عاد النتيجة ، خاصة وانه ريلي بااااااااارد
ثلاجة

 

[San3a.Q8]

تصدقين حبوبه اتوقع الوحدة لازم تقعد ويا روحها شويا او توخر عن سبب العصبية وتروح تفرج عن روحها شوية وتسوي
شي يديد اتوقع هاذا حل مناسب وانا عن نفسي بحاول اني اطبق هالشي واشوف عاد النتيجة ، خاصة وانه ريلي بااااااااارد
ثلاجة

اشوه تحسين بمعاناتي :eh_s(11)::eh_s(11):

انا جذي احب كل كامل و اذا ما استوى مثل ما انا ابي اتنرفز ودي اصير برود و حاولت غيرت جو سويت اشياء اسافر ماكو فايدة ابي تمارين ابي دورات احتاج علاج

 

[(حكاية قلب )]

انا لما حد يخليني اعصب اصير مينونة ههههههههههههههههههاي حتي امي تخاف مني مسكينة

مشكلة الكل العصبية جد نبي لها حل

 

[انا لحبيبي .]

العصبيه بدمر الانسان بشكل مو طبيعي ، حاولي بس تعصبي صلي ركعتين واتوضي ـ، واستغفري الله

حرام يروح شبابك وانتي منكده على عمرك ، بعرف انه الانسان بس يعصب ما بقدر يتحكم بنفسه بس مو مشكله اقل مافيها لما تعصبي اذكري الله ، قال تعالى(الآ بذكر الله تتطمئن القلوب)

 

[M!SS.LOBY]

يا قلبي لا تعطين الامور اكبر من حجمها

وهذا كل من صحتج وعافيتج محسوبة عليج العصبية قاعدة تتلفين نفسج خلج هادئة ولا تاخذين الامور بحذر وتشدد

 

[اميره1980]

العصبية مو زينة و ما تجيب الا الامراض
اختي من كثر ما تعصب صار فيها صداع نصفي و سكر
فكري ان ماكو شي يسوا و اهم شي صحتج

 

[احبك يايمه]

ياااااااربي احس تصرفاتك مو غريبه
انا الي استغرب منه الناس البارده ياااحظهم شللووووون

 

[مآيكبرني نك]

يختي شو تبيـ،ـن ف العصبيه مآورآهآ الآ الشيب والتجآعيـ،ـد ،

اذآ كنتي وآقفة آيلسي والعكس صحيـ،ـح

و و آستغفري كل مآنرزفج شي آستغفري ،

وترى الدنيآ مآتحلى الآ بآبتسـآمة =)

 

[Vous jamais]

حلول من السنة تساعد على امتصاص الغضب :


1-الاستعاذة بالله من الشيطان:

فعن سليمان بن سرد قال: كنت جالسا مع النبي (صلى الله عليه وسلم) ورجلان يستبان، فأحدهما أحمر وجهه وانتفخت أوداجه، فقال النبي (صلى الله عليه وسلم): إني لأعلم كلمة لو قالها ذهب عنه ما يجد، لو قال أعوذ بالله من الشيطان لذهب عنه ما يجد. وقال (صلى الله عليه وسلم) إذا غضب الرجل فقال أعوذ بالله سكن غضبه.


2-السكوت: إذا غضبت إياك والكلمة، أخرج واترك الموضع، قال (صلى الله عليه وسلم) : ( إذا غضب أحدكم فليسكت).

3-السكون وتغيير الحالة التي هو عليها:

قال (صلى الله عليه وسلم) :

(إذا غضب أحدكم وهو قائم فليجلس، فإذا ذهب عنه الغضب وإلا فيضطجع)

 

[ليدي بجد]

ضموني معاكم عصبية ومتوترة لنفس السبب ابي كل شي بيرفكت..وبعد زوجي بارد اصلا لو حار او نص عصبي كان أنا في بيت أهلي من زمان. هذا ابتلاء الله ياجرنا بس أشوف برود بعض الحريم وأقول هذول عندهم نفس المخ نفس الرئه نفس القلب نفس الطحال. شهالبرود ووالروقان باحلك الظروف. مشالله قوقولي اذا لقيتو حل

 

[منيرة@]

ايوا الله انا مثلك

مرا اكل بنفسي ااتخانق مع زوجي لان هو عصبي وانا عصبيه

انا الحين خسرت جنين واحتمال يكون من الضغط لانو كان يرتفع علي فترت الحمل

والله افكر استخدم رقيه شرعيه يارب هدي بالي وبالكم

 

[San3a.Q8]

وااااي حبايبي الي ردو و الي واسوني و نصحوني كلكم ما قصرتو بس احنا نحتاج علاج لان النفس مثل اي عضو من اعضاء الجسم و العصبية و التوتر مرض نفسي و يتعب حييييييييل ابي علاج و خطواات

 

[مذهلة2013]

حبيبتي اذا تميتي جذي ريلج بيضيع منج والكل راح يتجنبج

هدي وتعوذي من ابليس

 

[San3a.Q8]

حبيبتي اذا تميتي جذي ريلج بيضيع منج والكل راح يتجنبج

هدي وتعوذي من ابليس

والله ادري :eh_s(2)::eh_s(2):

 

[سيكلوجيه]

بنات والله العظيم عارفة وفاهمة عدل انتو شتقصدون !! تدرون ليش !! لاني نفسكم بالضبط

ضيعت ولا 6 سنين من عمري وانا بدوامة هالاعصاب والنرفزة وكل شي ابي بدقة !!

الفرق بيني وبينكم تدرون شنو ؟؟

يمكن انتوا الوحدة منكم تحب الشي يمشي مثل ماتبي وتعودت جذي، بس انا نتيجة ضغوط وحرمان واشيا وايد

بس للاسف انا ظلمت نفسي وخربت على نفسي بهالاعصاب

والله يبنات انتي تميت فترة طويلة ابي حل ابي احد ينصحني بس ماني لاقيه

وعقب كل هالسنين

والله العظيم يبنات الحل سهل وبين ايدينا بس كان يحتاج انسان فاهم وعارف، ترا مو عبلكم كل دكتور نفسي فاهم !! لا ترى خرطي علم النفس بالذات موهبه والله


المهم انا وانتو مشكلتنا

ان احنا من الشخصية القلقه الحساسة ترقيع اكثر الشخصية المثاليه

يابعد قلبي ياالدكتور طارق الحبيب وييييييييييييينك من زماااااااااان ااااه يالقهر ، بنات حطو باليوتيوب عنوان حلقة ( الشخصية القلقه) ووسمعو الكلام

وعنده دورة يسويها بالكويت بين فترة وفترة اسمها ( التغلب على الغضب) او شي جذي بس للاسف سعرها غااااااالي وانا والله عادي عندي طز الفلوس المهم استفيد بس المشكلة اني متفلسه خخخخخخ

حضرت الدورة واضطريت ادفع بس ماكان عشان نفسي لا كان عشان وحدة ، وسبحان الله انا الس استفدت، بس حسافة راسي يومها كان ينفجر وماكنت قادرة اركز

بس والله العظيم يبنات راح تسمعون الكلام وتضحكون على نفسكم ليش احنا جذي والموضوع وايد سهل بإذن الله

اذا وحدة استفادة لا تنوسني من الدعا، ياريت بوقت ماكنت محتاجة احد نبهني وسمعت حق هالدكتور

سمعوله بنات راح تستفيدون وااااااااايد والي عندها امكانيات مادية قطي على نفسج وحضري دوراته وربي كلام انسان خبره وفاهم وكلام ينحط عالجرح يبرا ، لان يامه ويامه سمعت حق ناس بس للاسف كلامهم مكرر ومعروف وماضاف شي جديد ولا عرفنا وين المشكلة بالضبط


والله يوفقنا واياكم

 

[nour el denya]

حبيبتي دايما إذا عصبتي قبل لاتتكلمين أو تسوين أي تصرفي قعدي ربع ساعه ساكته أو تحركي
بهالطريقه تقدرين تخففين من ردة فعلج
و انتبهي لاتتخذين أي قرار و أنتي معصبه