عصبية و عصبيتي بتوديني بستين داااااهية

[تبيني آرضى عليك]

انا نفسسسسسسك طول الوقت معصبه واسب والعن ولا اي شي قدامي ارميه بالجدار او على الارض وربي ماااقدر اسيطر على نفسي والمشكله اللي حولي اهلي اهم يزيدوني لما اكون معصبه يجادلوني ويخلوني اوصل للمرحله اكون نفس المجنونه حاولت كذا مره امسك اعصابي بس اللي حولي ينرفزوني فما اقدر اسيطر على نفسي

 

[San3a.Q8]

الظاهر هذا مرض الموسم

 

[ذات الهمة العالية]

ابى اعرف مافى دواء يهدى

يعنى يمكن فينا نقص فيخلي الواحد عصبى

 

[!الجادل الصعب!]

بنات حبوب المانع ترا تزيد العصبيه بما انج متزوجه قلت اذكرج بالشي هذا

لان قبل فتره اختي قالت ترا صايره مو صاحيه غيري حبوبج !!!

 

[رتاج تاج]

الرقيه الشرعيه اسمعيها يوميا

 

[ام الدرر]

حبوبة
فعلا العصبية تدمر الانسان وعلاقته باللي حوله
اذا تبين دورات الطاقة الايجابيه والحرية النفسيه
انصحج بدكتورة ليلى الربعي
ارقام مركزها
94459250
25323501
دقي واشرحي حالتج للسكرتيرة
وهي تنصحج باي دورة تاخذين​

 

[نمله معضله]

الدعاء ادعي ربج تقل عصبيتج
اذا عصبتي
توضي
استغفري
غيري وضعيتج يعني اذا كنتي واقفه اقعدي و اذا كنتي قاعده انسدحي و هذا الششي قاله الرسول و حتى الدراسات العلميه اكدددته

 

[قَلبڪْ صًخرْ]

تاكلين مانع ؟؟؟
ترا بعض الحبوب
تخليج عصبيه دبلاااااات

انا اختي
خلتها مينونه
لدرجة حتى خداماتها طقتهم
وقطتهم بالمكتب

 

[Alias]

حبيبتي روحي لدكتور عصام الانصاري يعطيك حبوب حق العصبيه

 

[San3a.Q8]

لا ما اخذ مانع من قبل الزواج انا جذي اهيء اهيء اهيء

و مشكورين حبيباتي نصايحكم تهبل و بحاول اطبقها

 

[el.mlkaa]

حبيبتي هدي كلنا فينا اعصصاب قولي حق نفسسج كل شي بالتفاهم ينحل وتصير الامور اوكككي

 

[منـــاي]

يمولعه يا انتي يا شريره يا مجرمه يا متوحشه يا مفترسه .

 

[فوولي]

حاااااااااااااااااااااااااااااولي انج تعطيج نفسج وقت
ولا تعلقين الا بعد ربع ساعه امممسكي نفسسج ترى العصبيه صفه حيل مو حلوه

 

[باهيه]

أنا من رايي إن الحل بيدك إنتِ مو بيد شخص ثاني ! كل ماعصبتي تعوذي من إبليس و تذكري إن العصبيه و الصراخ و غيره ما عمره نفع ولا لقى حلول ولا هدأ نفس بالعكس هو يزيد الطين بله و مايجيب بعدها إلا الندم و التحسر . حبيبتي أنصحك إنك تقرين قرآن كثير و كل ما عصبتي حاولي تحلي الموقف هدوء و رويه و تذكري دايم إن هالعصبيه ما وراها إلا تعقيد المشاكل و الندم.. طيب ليش تجيين مشاكل زياده لنفسك ؟ و تعقدينها أكثر و أكثر و تخربين علاقتك باللي حولك على سبب تافه و إنتِ قادره إنك تتحكمين في انفعالاتك ؟ حضري عقلك أكثر و تحكمي في انفعالاتك قبل لا تتحكم فيك و تتندمين الله يصلح حالك و إن شاألله إنتِ قدها و قدود

 

[Japanese]

بسيطه :> تمرني ولا سوي شي يطلع طاقتج السلبيه بترتاحين وايد ان شاء الله خصوصا الجري

جدا جدا مفيد ماتتخيلين شكثر ،، انا حدي اعصاب والجري من الاشيا اللي جد انفعتني من هالناحيه

والقرايه بعد << خصوصا لما اتعمق بكتاب حلو ولا روايه مؤثره << مثل ماتقولين هروب من الواقع الآليم لوووول

وبخصوص المحاتاه ،، بعد كنت مثلج بس حمدالله من بعد كتاب لعمرو خالد مادري شسمه بس المهم يتكلم عن التوكل على الله

وشلون هالسالفه المفروض كل مسلم يآمن فيها ويسويها ،، << اقري عن هالسالفه " التوكل " قمت شوي شوي خلاص ماحاتي

اللي راح يصير وهالسوالف

ولازم تآمنين ان ماراح يصيدج الا اللي الله كاتبلج ياه والامور اللي تعصبج ممكن ماتكون مهمه وايد بس انتي مكبرتها

وبخصوص البرمجه انا متآكده عندكم بالكويت يبيلج تدورين npl ولا شي جي

الله يهدي بالج ونفسج

 

[عمري الكويت]

نفس حالتج والله لدرجه احس كل قام يبتعد عني وينتقدني من عصبيه بس لانه فيني غده وتخليني اعصاب

 

[سلاسل ذهبيه]

اكثر عصبية الحريم من حبوب موانع الحمل تسبب عصبيه مو طبيعيه خاصه بعض الانواع
وعليج بتعاليم الرسول ماذا نفعل عند الغضب الاستعاذه من الشيطان والوضوء واذا كنت واقف تجلس ...الحديث المعروف
وفيه دكتوره فوزيه الدبوس تعطي دورات حلوه

 

[مرسوم ملكي]

اختي انا انثحك بالدكتور طارق الحبيب هو الحل الانسب لك لان عنده حوره حاليا بالقصيم عن التحكم بالغضب وبما في ذلك العصبية التي تقلب حياة بني البشر
اتمنى اكون دتك وتقبلي تحياتي