عصبية الزوج الخايسه :( شلون نتعامل وياها بنات بلييييييز ؟

[ميريام فارسQ8]

اذا عصب زوجها وتم يخبص بالكلام المفروض تعطيه اكببببببببر طاف عشان يحس بدمه ويسكت مو هي بعد تردده وتتحلطم وتكبر السالفه .... انا ريلي اذا عصب عادي يكسر اي شي جدامه ويقط حجي ماله معنى وهم توصل للسب بس انا دايما اسوي نفسي مو مهتمه وهو بعدين يسكت بس يكون ماد البووز شبرين

 

[@فيروز]

الرجل العصبي يكون مسحوب من لسانه ع قوله المصريين عشان جذي الزوج العصبي المفروض تتجنبين عصبيته وكل شي ينرفزه .. خصوصا في الاماكن العامه .. والله يعين ومالها الا الصبر لانه طبيعه عصبي وبسرعه يتنرفز ...

 

["دلوعة حبيبي"]

انا اذا عصب زوجي اعطية اكبر اكبر طااف وحتى مااهتم فية ولا كأنة موجود هو يصارخ وانا اقلب بالريموت على القنوات او اشرب كافي اشغل نفسي عنه

وهو من نفسة يستحي على دمة وينطم

big like:ggdw:

 

[روان المطيري]

لا مو شرط يكون الكلام من قلبه احنا احيان لمن نعصب نقول كلام م ينقال ولا له صحه اساسا واهو من النوع اذا عصب خلاص يغييم ينسى نفسه وينفلت السانه اللي عليها تحمل طبعه تتجنب كل شي يثير عصبيته ويخليه يعصب

 

[om.7madiiin]

وي عادي عندها و عندنا خييير انا يقط قنابل نووية و يصارخ ويلعلع
شغلة وحدة اسويها اتلحف وأعطيه ظهري
واذا برة البيت ابتسم واحقرة
وعلمتهةدرس ماينساه مرة قط علي قطة حقرته يومين كاملين خليييته يتحسف
حتى يكلمني ما ارد ولا جنة. موجود
يالله صار ادمي وقام يحسب حساب لان يومها حتى حق دوامة ما قعدته
قوو قلوبكم الريال مو كل شي بالدنيا لا يأثر فيج

 

[شطانه طفله]

صجهذي معاناتي بس مرات ودي اصوره فيديو لما يعصب عشان يشوف نفسه ههههههههههه

 

[najat88]

اغلب الرياييل بمجتمعي نفس النمونه
ينرفزون ويقطون كلام يجرح

 

[عزيز قلبي]

يا كره الريال العصبي صراحه هذا مرض ما منه علاج

 

[الحسن كله]

برايي تسوي واحد من هالشيين :.

1- يا تزعل وتظل زعلانه فتره وتكلمه بطريقه حزينه مو عصبيه لا يعني طريقة المجروحه بالرد
2- يا تطقها بجيه بصوت عالي وتظل فتره تبجي يعني لاتقل عن ربع ساعه هههههههههه

عقبها راح يفكر الف مره قبل لايعصب مره ثانيه لانه ماله خلق يراضيها كل شوي وراح يحاول يمسك نفسه لكن لو تحملت ومازعلت وطوفت اكيد بيعصب كل شوي..ماقول ماتهديه تهديه لو كان معصب من الزحمه او شي ثاني غيرها .. واسألو مجربه هههههههه بجيت ام ربع ساعه بصوت عالي بتخليه ينكسر قلبه وبتشوف اسبوع تمشي وطلعات ..بس طبعا اكيد مو تمثيل بتكون مزفوفه صج بس قصدي تبالغ بالبجيه ..
اما اللي تقول نرد الصراخ بصراخ والله ماتنفع وبتزيد مشاكلكم ويروح الاحترام من بينكم ..حلات الرجال يشوف الضعف في الانثى حزت الكلام الجارحه مهما يكون المره حساسه وناعمه مو مال مرادد وكلام جارح.. وهم برايي ماتعطيه طاف ترا طفرت الرجال اللي يحقره الحقران ينفع مع الحريم مو الرياجيل ماتدرين لو الشيطان يخليه ياخذ هالريمونت ويصكه على راسها ويقولها مو شايفه رجال يحاجيج .. لا ترادده ولا تحقره ..مازلت مصره على فكرة البجيه الطويله هههههه ..اتمنى كلامي ينفع معاكم مثل ماهو نافع معاي راح تقل عصبيته بنسبه كبيره ​

 

[ليتني عيونكـ]

بصراحه انا جربتها مرا وحدا لووووول لا يحوووشك
الكلمه اللي يقوله ارد باخيس منها
بس النتيجه حدها موووو خووووش لوووول

بصراحه مادري شلون الحريم المتزوجات من زمان يتحملون
انا من النوع البارد اللي مو اي شي يعصبني
بس لاعصبت تنولد عندي مصطلحات حقيررره تفشل وتكسر الواحد لوووول