عش الحمامة

[dalo0oa121]

في عند غرفتي حمامة تبني لها عش تقريبا من اسبوع وعندها بيضتين وانا
خايفة منها يعني ماحب العصافير جنب الدريشة واصواتهم وينقرون بالزجاج
اتنرفز فقلت باشيل عشها فقلت بيني وبين نفسي حرام هذولا عيالها باخذ اثم بيض
وبعدها بكمن يوم في عصفور صغير يروح يرجع جنب الشباك وانا خايفة ويشيل
غضون على اشجار ويحطهم جنب غرفتي كنه ماصدق على الله حصل مساحة له
وانا بنفسي قلت هد كل الاماكن وبرك عندي يعني الحمامة انا سامحتها لانها عندها
بيض هو شنو عذره وبدى يزعجني بغضون يقعد يسوي له عش وبعد ماخلص خربته :d
واليوم الثاني حصلت مجموعة من العصافير تساعده يبني مرة ثانية ولما افتح الشباك
يشردون ويرجعون وانا كرهت نفسي خلاص حمامة عاليمين والعصافير عاليسار
فقلت بهدم بيته وحطيت بف باف عالدريشة قولوا لي شسوي عشان مايرجعون باليوم الثاني ؟ وليش عندي كل هالعصافير وهل هالشي ينذر بسوء وله له فال سيء
لاني اعرف اذا البومة جت بالبيت تجيب حظ مو زين فيدوووني ..
ترا ازعاج

 

[Moon touch]

عند الشباك عندنا في بردو حمامه وصوتها وحششششششششش بس قلت حرام اخليها تمشي
جيت في يوم احطلهم اكل الحمام الصغير ولادها طارو ومن وقتها ماجاتش تاني

 

[VET-Nour]

مابي اعلق لاني اذا علقت يمكن يصكوني باند

بس هالشيء زين و تكسبين اجر فيه ,

 

[dalo0oa121]

بنااااات انا الخدم شلوا عش الحمامة لاني قلتلهم يشيلون عش الصفور
ولما شلوه البيض شلوه وشفتهم لما يشيلونه بس ماقلتلهم شي
وجات الحمامة تدور على بيضتها هل الله بيعاقبني لاني خليتهم
احس بندم كبير لانه الحمامة قاعدة تدور والخدم خلوه البيض تحت بمكان
غريب من الشجر والله قلبي يعورني

 

[ޢޢޢإيمانޢޢޢะۣۨ>]

عادي حبيبتي عصافير و حمام
مو بومه
مافي شي يدعو للتشاؤم
لو آنا أحصل عند دريشتي جذي بستانس وبساعدهم بعد
​

 

[لمى الهاجري]

خليهم بحالهم وعطيهم اكل تاخذين اجرهم

 

[ޢޢޢإيمانޢޢޢะۣۨ>]

لاااا حرام
ضيقتي خلقي عليهم
إن شاءالله تلقاهم ​

 

[تحت ظلك]

ياأختي حرام عليج
هي هال فتره مقيمه عندج وبتروح بعد وقت

ماتدرين لو يردج الله من النار على حساب هالعصفور والحمامه

لاتحقرن من المعروف شيئا

 

[beauty rose]

شدعوة حمام برة الدريشة مو داخل عندج شتخافين منه الدريشة مسكرة
و بعدين حرام عليج تخربين العش و ترشين بف باف ليش
خليهم و انسيهم
انا استانس اذا لقيت حمامه عند دريشتي
مرة خدامتي شالت بيضتين من الدريشة تبي تقطهم بالزبالة زفيتها زففففففف
و رديت البيض مكانه و لا تهجم علي الحمامة تخيلي و تقعد على بيضها مسكيييييينة
تلقين قلبهاااااا تقطع على بيضها

 

[pinkoosha]

حرام هاذي نعمه من رب العالمين اجر لج انج تخلينها تقعد بدريشتج بهالجو الحار هذا بدال لا تحطين لها ماي بارد تشرب منه ترشين بف باف على الطير الثاني وتشيلين عشها! انتي داخل غرفتج مرتاحه بالبراد ومنسدحه بفراشج ونايمه باحسن مكان اما هالحمامه المسكينه قاعده بفتحه صغيره وحر الصيف وماتحصل لها شي تشربه وتاكله تضطر انها تطير تدورلها على شي تبل ريجها فيه وترد عند بيضها،، لا حرام كسرت خاطري

 

[ندى الذكرى]

قهرتيني والله حرام عليك كذا تسوين
هما مو بالغرفه عندك عشان تخافين منهم او تتضايقين منهم
هذا بدال ما تسقينهم مويه او تعطينهم اكل يمكن تدخلين الجنه عشانهم
مو لازم تسوينلهم كل هذا على الاقل لو مكفيه شرك عنهم
ترى كلها فتره وبيرحون وش دعوه مسويه كل هالحوسه
استغفري ربك وادعي انه يسامحك
وين الرفق بالحيوان

 

[Blue Tulip]

حراااام عليج ليش شلتي العش وحاطه بف باف بعد
بدال لاتحطين ماي ولا اكل تكسبين اجر يااختي

 

[مقمش لولو]

استغفر الله حرام عليج وياويلج من الله منو الحين مافى دريشته عش حمام

وعليه خذيتي بيضها حرمتيها من عيالها ياعوينتى قامت تفرفر علي بيضها ترضين احد ياخذ عيالج منج؟

والا علشان بهيمه ماتتكلم تسوين جذي ؟ترى قطوه دخلت حرمه النار

بعدين شنو صوت العصافير مادرى الحمامه يزعجج ؟ اشوف التلفزيون والصيحه ماتزعج؟

 

[قمر بيت أبوها]

أنا بدريشتي عصافيربالبدايه كان فيها بيض وانا اكره الازعاج مثلك بس احتسب الأجر
سبحان الله ماادري يمكن الله يرحمني مثل مارحمتها
واضطر افتح الطرف الثاني من الدريشه عشان عشها مايطيح

 

[عويتقة]

يا أختي هاداك رزق واجر حرمتي نفسك منو على العموم لا تعيدينها

 

[اميره1980]

حبيبتي انتي جم عمرج ؟
تصرفج مو مضبوط نهائيا
ليش ما خذيتي راي امج او ابوج او اي احد من اخوانج الكبار
اللي سويتيه حرام و يمكن قله خبره منج
اللي عليج الحين انج تستغفرين ربج و لا تعيدينها مره ثانية و الافضل دفعي صدقة على هذا لان حرام
و في شي ثاني بعد ديري بالج تتشائمين من أي شي بالدنيا ترا هذا يسمونج متطيره و ما يجوز بالاسلام النحس و بومة و ما ادري شنو هالحجي كله خرابيط

 

[!! دلوعته !!]

هههههههههههههههههههههه نفس الحال 3درايش بعد مووحده

 

[Patcholli]

حرام لاتخربين عشهم انا قبل دريشتي كان عليها عصافير صج مزعجين وخيرعوني ساعات بصوتهم وتنقيرهم عالجام بس قلت اخذ فيهم اجر وقمت حطيتلهم ماي عالدريشه من حطيته شالو قشهم وانحاشو لوول

 

[Patcholli]

اي صج وماكو شي اسمه فال سوء طيور وحطو عشهم ^_^ لاتحاتين ولاتحطين فبالج هالسوالف

 

[عادت ذكرياتي]

تحمليهم ثاني مرة