عشبة كف مريم لتسهيل الولادة..بإذن اللة

[وافية*]

السلام عليكم...
أنا سمعت ان عشبة كف مريم تسهل الولادة باذن اللة (طبعا التساهيل كلها من رب العالمين) "ادعوالي عسى اللة يسهل علي ولادتي وكل الحوامل اللي داشين شهرهم:eh_s(1):"
المهم انا بغيت اسال شلون طريقتها انا شريتها من الحواج بس افرع كاملة شسوي فيها ومتى ابدأ اشربها؟؟؟اللي عندها فكرة لاتبخل علينا وطبعا مانستغني عن راي ام خالد خبيرتنا؟؟؟
وهم بعد سمعت ان اذا بدا الطلق معاج حطيلج بقلاص ماي مغلي ونقعي فية مسمار وشربية وبيساعد في الطلق باذن اللة بس بغيت اتاكد...ودمتم:tek:

 

[غنوة ستايل]

بتذبحج هذه العشبه

ما تستخدمها الحامل

تستخدمها اللي تبي تنزل الدوره اللي ما تنزل

بعدي عنها

موووو زينه وتسوي تقلصات مو هينه ابد

 

[وافية*]

يمممممممممممه واللة خرعتيني ليش يقولون زينة للطلق ؟؟؟
جزاج اللة خير وماقصرتي يالغالية

 

[هوى الدار]

انا كنت باخذها لما كنت بشهري وحذرني منها الي يبيع بالحواج انها خطره وما تنفع للحامل ابددددددددد

ديري بالج لا تاخذينها

 

[غنوة ستايل]

انا كنت باخذها لما كنت بشهري وحذرني منها الي يبيع بالحواج انها خطره وما تنفع للحامل ابددددددددد

ديري بالج لا تاخذينها

اعرفها العشبه هذه مو زينه
اعرف وحده خذتها دشت فيها العنايه المركزه
بس انا ما حبيت ازيد الخرعه عليج

 

[بنت الحزن]

بتذبحج هذه العشبه

ما تستخدمها الحامل

تستخدمها اللي تبي تنزل الدوره اللي ما تنزل

بعدي عنها

موووو زينه وتسوي تقلصات مو هينه ابد

كلامج 100% صح خلي بالج حبيبتي

 

[Yasmin]

والله ما ادري, بس اذا مو غلطانه اني قريت عنها بمضوع خبيره اعشاب, وعلى كلامها انها ممتازه للولاده وانها مجربتها

بس اهيا تقول انه ما تاخذها الا بعد ما ايي الطلق, اي بدأ موعد الولاده فعلي

وانا امانه ما اعرف عنها لا شي زين ولا شي شين ولا مجربه, هذا اول حمال لي, وقريت عنها بموضوع اختنا خبيره اعشاب وهني, والا لا اعرف شكلها ولا سمعت عنها قبل بمكان ثاني

 

[بلسم _ الأحزان]

والله انا من ناحيتي ماساتخدم هالسوالف اخليها على الله عوار ساعه ولا انتي استخدم سوالف يمكن يأذي البيبي بعد

 

[@ نجمة العطااا @]

اللي اعرفه انه تطحنينهااا وتتبخرين من تحت فيهااا او تغلينهااا بماااي وتصبينهاا بالبانيو وتزيدين عليهاا ماي ليما تصير دافي وتنقعين فيه اما انج تشربينهاا هذي اول مرة اسمعهاا مااا ادري ؟؟

 

[فوفه 82]

رد : عشبة كف مريم لتسهيل الولادة..بإذن اللة

اب للفايده

 

[آهات الليل]

خرعتونا@@
امبي عادانا ناويه استخدمها هالمره

 

[حرم_طيار]

رد : عشبة كف مريم لتسهيل الولادة..بإذن اللة

في ناس تمدح و ناس اتذم

الله يهون عليج ان شألله

 

[فوفه 82]

رد : عشبة كف مريم لتسهيل الولادة..بإذن اللة

أب اب

 

[روحي أسامه]

أي واللـــــــــــه أب أب أب
كلنا نبي نستفيــــــــــــــــــد

 

[دآنة آلرشآيده]

من صجكم من قال لكم مو زينه
اصلا كل خواتي خذوها وبنات عمي ورفيجاتي
تفتح الرحم وحمي الطلق والحمدلله مافيهم الا العافيه

رفيجتي خذتها من دخلت شهرها بيومين واليوم الثالث ولدت
ومافيها الا العافيه بس لازم تقرين عليها المعوذات

 

[ريتال 2009]

ودي اجربها

 

[@الاسطوره@]

رد : عشبة كف مريم لتسهيل الولادة..بإذن اللة

:gr4uu::gr4uu:اب نجربها اولا حيرتونا

 

[~LiBrA~]

رفع

 

[cute_batoota]

اب للفائدة وحتى الخروع ناس تقول زين وناس تقول مو زين ال عندها خبرة تفيدنا وودي اعرف حتى عن الخروع

 

[ربي يفرج لي]

خوفتونا شسالفه ابي اخذها