عشبة عباة السيدة، او رجل الأسد (دمج المواضيع المشابهه)

[شهد سبرنغ]

بنات والله حاسة فيكم لاني كنت مثلكم محتارة بس الاكيد عندي من خلال بحثي بالمنتديات -عرفت ان العشبة مالها اسم ثاني وهي مو رجل الاسد ودكتور القحطاني قال انها شراب لمدة20 يوم ملعقة صغيرة على كوب ماي مغلي مرتين باليوم ترجعج مثل البكر وشوفوا صورتها بموقع عشبة اتمنى اني افدتكم ودعواتكم -للامانة الدكتور هو اللي قال انها تختلف اختلاف كلي عن رجل الاسد

 

[شهد سبرنغ]

اختي دلع كويت الصورة لرجل الاسد

هايدي شنو هذا ؟

 

[شهد سبرنغ]

:ggdw:بنات سويت بحث مركز بالمنتديات اكتشفت شي رهيب عباية السيدة اهي رجل الاسد الجزء الابيض هو الزهرة والاخضر الاوراق حتى بجريدة الرياض كاتبين الاسم المرادف لعباية السيدة -رجل الاسد اتمنى اني صححت معلومتي وشفت صورتها وتأكدت امية بالامية

 

[ام الغاليه]

حبوبه دلع الكويت اللي انتي حاطه صورتها رجل الاسد وهي تقريبا نفس مفعول عباة السيده

 

[كلك نظر!!]

خواتي رجل الاسد هي لوف الاسد و هي عباية السيدة ..و انا كنت حطيت عنها موضوع منفصل

و الي تقول ان لوف الاسد مو رجل الاسد ترى غلطانة لان في حواجين يبيعون الورق ابروح و يوقولون هذا رجل الاسد و الازهار حقت العشبة يقولون هاذي لوف الاسد مع انها نبتة وحدة ..بس في اجزاء مختلفة منها تستعمل للعلاج ( الاوراق / الزهور / الجذور ) و استعمال الجذور محدود على بعض الوصفات ..
و حتى استعمال الورق او الزهر مال العشبة ترى لابد يكون في اطار تركيبة عشبية و ما تصلح ابروحها و ما رح يكون لها مفعول حلو

للتضييق تستعمل معها عدة اعشاب كعنب الدب و الفرسيون و اللاميون ..الخ

للتخسيس نستعمل الزهر مع قشر لقهوة و البابونج و المرقدوووش و الجعدة ...الخ

و لتفاصيل اكثر عن الخلطات الرجاء مراجعة الموضوع المثبت فوووق

و تحياتي

خبيرة اعشاب

اختي لو سمحتي تاكدي من معلوماتك
لان عشبة رجل الاسد تختلف عن عباية السيدة
وهذا الشي معروف عندنا بالسعودية
وتكلم كثير عنة الدكتور جابر القحطاني

وانتبهوا ماتنشرب وقت الدورة
تاخذين ملعقة وتحطينها بكوب وتصبين عليها موياء مغلي وتتركينها 10 دقايق
وتشرب مرة على الريق ومرة قبل النوم لمدة 20 يوم بس وبعدها توقفينها

 

[غنوة ستايل]

بنات عباااايه السيده انا مستخدمتها شخصياً
استخدمها بعد الدوره وليس اثناء الدوره
شراااااااب وفي منها غسوووول
حسب الحاله ..
الشراب لمده 20 يوم فقط قلاصين في اليوم صبح ومساء
و تقطعين لمده 7 شهور كامله

و الغسول قبل الجماع و بعد الدوره ...


الحين الخطأ اللي واقعين فيه بالكويت وليس في السعووديه

العشبه(عبايه السيده ) في الكويت تسمى ( رجل اسد ) وليس ( لوف اسد )

رجل الاسد عباره عن عشبه زهره صغيره جدا تنثرينها لو نفختي فيها تطير بسرعه وطعمها مثل النعناع
اللي عشبتها طعمها نعناع فهذه اسمها ( عبايه السيده ) لان احنا في الكويت جذي يسمووونها

الثانيه ( لوف الاسد ) تجي مطحووونه توضع في علب بلاستيك ( استمها لوف اسد ـ ويكتبون يمها رجل اسد )
هذه حق الرجيم ...


السؤال الحين . تنشرب متى ؟ وتنوكل متى ؟؟
تنشرب بعد الدوره مبااااشره
و تاكلينها مع اعشاب اخرى ( مخلووطه ) اثناء الدوره

يعني العشبه تنوكل ـ وتنشرب ـ و يتشطف فيها


فهمتوا الحين الوضع شنو ؟؟

اللي عندها سؤاااال تتفضل تسألني

 

[غنوة ستايل]

بالنسبه لي انا اخذ العشبه هذه من حرمه في السعووديه

 

[غنوة ستايل]

حبوبه دلع الكويت اللي انتي حاطه صورتها رجل الاسد وهي تقريبا نفس مفعول عباة السيده

يا قلبي رجل اسد هي نفسها عبايه السيده في الكويت ( انا اتكلم عن الكويت )


السعوووديه رجل اسد يعني بالكويت ( لوف الاسد ) والللي تستخدم للتخسيس

في فرق ..

انا نفسي ما كنت اعرف الفرق هذا الا لما رحت العمره و تعرفت على الحرمه اللي تبيع اعشاب في مكه وهي انصدمت اننا نسمى عبايه السيده ( اللي في السعوديه ) رجل اسد في الكويت


بس المشكله ان في الكويت تجي مخلوووطه ومو نظيفه
يعني ضرربها اكثر من نفعها
عشان جذي ما انصح ابد انج تشترينها من اي احد مو ثقه
لان العشبه هذه مو مثل الاعشاب الثانيه اذا ما نفعت ما تضرب
العشبه هذه كثرتها و الشوائب اللي تكون فيها مضره حيل حيل مضره

 

[امراة من زمن الحب]

والله تهنا

 

[مزعلة النسا]

رد: عشبة عباة السيدة، او رجل الأسد

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[شهد سبرنغ]

رد: عشبة عباة السيدة، او رجل الأسد

كلام خبيرة الاعشاب صحيح ودلع كويت مشكورة وهم كلامج صحيح

 

[caramel]

رد: عشبة عباة السيدة، او رجل الأسد

طيب ياخواتي شلون نحصل العشبه (عبايه السيده) بالكويت مافيه حواج مضمون نقدر نحصلها عنده بدون مايغشنا فيها
ياريت اللي حصلتها بالكويت وبمكان ثقه تقول لنا.........وسؤال للبنات اللي جربوبها لحد متى يطول مفعولها ومى نبتدي ناخذها مره ثانيه.... ياريت يفيدونا

 

[@غالية@]

رد: عشبة عباة السيدة، او رجل الأسد

يصير استخمها الحين صارلي فترة من خلصت الدورة ؟؟

انا شفتها عند اختي اعشاب سوودة مجففة بعد ماتحطها في الماي تصير عشبة كبيرة​

 

[ريانه@]

رد: عشبة عباة السيدة، او رجل الأسد

تلاقينها عند حواج بو طلال اللي بالأندلس قطعة 11

 

[الجود طبعي]

رد: عشبة عباة السيدة، او رجل الأسد

موجودة عند العطارين واعتقد عند عطار بالفحيحيل مجمع الدبوس بعد ويمكن تلاقينها عندعطارة الطائف وما هى غالية واذا انتي من رواد معرض مشرف ترى دايما السوريين اللي يبيعون اعشاب وزيتزيتون تلاقينه عندهم

 

[زوزونوفا]

رد: عشبة عباة السيدة، او رجل الأسد

متوفره عندنا بكثره في السعوديه وعند كل عطار وحواج
من بعد ما ذكر فايدتها الدكتور جابر القحطاني
االكل يستخدمها
وقيمتها 10 ريال
يعني اقل من دينار واحد

 

[ارقـــــ وحروف ـــــام]

رد: عشبة عباة السيدة، او رجل الأسد

موفقين يارب وانا اشتريت العشبه وببداء استخدمهاا



ومنتداكم رااااااااائع

 

[whitish]

رد: عشبة عباة السيدة، او رجل الأسد

ما منها اضرار علي الجسم ؟

 

[galaxy]

رد: عشبة عباة السيدة، او رجل الأسد

توني داقه على وحده قالت لي بعشرة؟؟؟؟
اخذ ولا لا؟؟؟
والي عند العطار يقول غسول بس مو اكل؟؟؟؟
فديوني

 

[كويتيه بالرياض]

رد: عشبة عباة السيدة، او رجل الأسد

؟؟؟؟؟؟؟؟؟؟