عشاي المتواضع لحضور عز للكويت

[cat_women]

مشكووووره حبيبتي

و يعطيج العافيه

بس بسألج بطريقة الباستا و السبقتي نفوح صدور الدجاج و لا لأ؟

و المكرونه اذا بفوحها شكثر اخليها عن النار تقريبا؟؟؟ا

 

[@ام ضاري@]

ام ضااااااااري ماحطيتي طريقه صينيه الدجاج

ياحياتي انتي فديتج والله على اساس اكمل امس ونعست هههههههه

تفضلي

دجاجه تكونين مقطعتها بالطريقه اللي تبينها

وتكونين منقعتها بماي وملح وكمون شويه

يكون عندج

بطاط

بصل

ثوم

زيت

بيدجان

جزر

طماط

معجون مطاط

بهارتج اللي تحبينها مع مكعب ماجي احنى بهارتناا سعوديه

الطريقه

تردين تغسلين الدجاجه من الكمون وتحطينها في الصينيه

وخضرتج السابقه تكونين مقطعتها الشكل اللي تبينه احنى دائري ومغسلتهم

وتحينهم مع الدجاج

الخلطه

معجون الطماط والزيت والبهارات والماجي والثوم المدقوق

تخلطينهم سوا مو تكثرين زيت ومعجون لا على قد الدجاجه

وتاخذين الخلطه وتصبينها فوق الدجاج والخضره وتحوسين وتقلبين لين الكل تشبع من الخلطه <<-- حلوه تشبع

وتحطين على وجه الدجاج الباقي

وادخلينها الفرن مده ساعه الا ربع والا ساعه والا اقل على حسب الفرن انا ساعه الا ربع

عشاان كل شي يكون مستوي عدل

نسيت شي ملح ترا احياانن انسااه مره وحده هههههههههه

انتظر تجربتج ياقلبي

 

[@ام ضاري@]

مشكووووره حبيبتي

و يعطيج العافيه

بس بسألج بطريقة الباستا و السبقتي نفوح صدور الدجاج و لا لأ؟

و المكرونه اذا بفوحها شكثر اخليها عن النار تقريبا؟؟؟ا

ولوو حبيبتي لا ما افوح صدور الدجاج لان يكون تقطيعي لهم صغير وبسرعه يستوي

اما شلون تفوحينها تخلينها تقريبن ثلث ساعه اهي تبين انها خلصت او لا

وحياج الله

 

[~ عز ~]

ماركيه و كشخيه

الكويت منوره بوجودج ياقلبي ووجود الطيبين

 

[أسـيـل]

عليـكم بالعافيه والله يجمعكم ولايفرقكم

 

[- اميرة الغلا-]

ماشاءالله تبارك الرحمن

تسلم ايدينج ام ضاري شنووو هالاطباق الروووووعه والاكلات العجيييييبه ماشاءالله صج ذووووق يا السنعه ام الكرمم

تسلميين حبيبتي ع هالشغلل العدل الله يحفظج ويديم عليكم اليمعه والونااااااسه وعليكم بالف عااااافيه

 

[أحـــــلام]

مشاءالله بدون مبالغه كل شغلج روعه
حسبالي طالبه البوفيه وطلعتي مسويته ماشاءالله صج راعية مواجيب
وعزووووز وباقي البنات يستاهلون والله

آآآآآآآآآآآآآآي قلبي يعورني لاني ماحضرت الجمعه

 

[grumpy22]

عليييييييكم بالعاافيه حبيبتي
والله يديم عليكم هاللمه الحلوووه
وماشالله عليج ست بيت سنعه

 

[ورده ولا كل الورود]

السلام عليكم
هلا والله ام ضارى عليكم باعافيه على ها عزيمه الحلوه تستاهل عز الغاليه

 

[جارة القمر]

موضوع شامل


ويستاهل التميز

تستاهلين أم ضاري

مشكووووووووره ضيفة سعودية

 

[ام المسك]

ماشاء الله تبارك الله
عاشت الايادي
عليكم بالعافيه وخوش جمعه ....عز تستاهل

 

[مجنونة بس عاقلة]

تسلم يدينك

 

[ورد و عود]

عليييييييكم بالعاافيه حبيبتي

والله يديم عليكم هاللمه الحلوووه

وماشالله عليج ست بيت سنعه​

 

[miss foOoshya]

بالعافيه عليكم الصراحه عجيييييييييييييب البوفيه تسلم ايدج

 

[ضحكة الدنيا]

عليكم بالعافيه
والله لايغير عليكم

 

[cheese cake 84]

مشكووووووووووره ام ضاري ماقصرتي

 

[@ام ضاري@]

مشكوووورة حبيبتي ضيووفه التميز

مشكوورين يا الغاليات ع الردود الطيبه اللي تطيب الخاطر

وعسى الله يديم المحبه مع الكل

 

[عرموشة]

مرحبا ام ضاري


اولا مشكورة حيل علي العشا والجمعه كانت صج حلوه والبنات ما شاء الله تبارك الرحمن روعة

واعذرينى ما شفت الموضوع الا الحين تعرفين الجامعه والامتحانات

بس فعلا الله يعطيج العافيه

 

[بحرينية محرقية]

ماشالله خوووش جمعة والله

ربي يجمعكم دوم انشالله ويدوم هالتواصل بينكم

وتسلم يدج يا ام ضاري مبين على البوفيه رووووعة ...

 

[هاردلك ياحظي]

كله وحياتج بس البرياني خالتي مع الجريش

ماشاالله تباااااااااارك الرحمن ... هذا سواتج روووووووووووووووعه وانا اقول بوفيه من بره ...

تسلم الاياااااااادي .. ولازم اتعلم منج الطبخ ...