عشان يكون تحدي متكافي ابيها فوق الـ 90

[قانوون كيفك]

مرحبا شخبار الرشييقات والله صار في احداث ما شاء الله والبنات مستمرين الله يتمم علينا
فاصل ونواصل
سراب لا تطلعين بدردش معاج ؟؟ واذا سوسو موجوده بعد احلى واحلى
فاصل ونعود

 

[^ سراب ^]

ياهلا والله قانون

 

[قانوون كيفك]

السلام عليكم​

اشلونكم بناااااااااااااااااااااااااااات انشالله ماحد خبص الا عن التخبيص اقول :eh_s(4):البنات اللي تنزل عليهم الدوره ليش ترخبطون؟؟؟ ابي اعرف؟؟؟ من سمحلكم ؟؟؟
:rgewrg::rgewrg::rgewrg:
تقدورون تكملون الرجيم بالشوربات واكل الخضار بدون دهن واكل اللحوم منزوعة الدهن وتشربون حليب خالي الدسم مفيوح .. شنو يعني اذا كل وحده بتقص على عمرها وتهد الرجيم .. محد راح يضعف
وعلى فكرا تقدرين تمشين عادي اذكر ابلتنا الالعاب تقول تحركو عشان يسخن الرحم وينزل الوصخ تكرمون من صجكم انتم :::

انا اليوم مارحت الممشى مايمديني لانه باجر عندي امتحان وقعدة ادرس الحمدالله تو خلصت. بس الحمدالله ماخبصت اليوم يوم فواكه وخضار . وانشالله باجر لحوم جنه وطماطم ... ووانشالله بالتزم.​

شخبارج سوسو والحمدلله ان الامور صفت بينج وبينه ومزاجج اوكي وما خبرطتي يبيلج جائزه :jbdwjbd:

وكلامج كله صح مو شرط التخربط وهالحجي قلته لاخيتي المرتهش واتمنى تفكر فيه كل وحده انتي اللي تتحكمين بنفسج مو اهي اللي تتحكم فيج

 

[قانوون كيفك]

هلا فيج الغاليه شخبارج ولهت على سوالفج
ليش ماتخلين زوجج يمشى معاج يتشجع اكثر انا عندي جهاز بالبيت وكله ماله مزاج يجربه بس فالح يعلق
وصاجه ما بقى شي عالميزان سبحان الله هذا ثاني اسبوع يطير وما نحس فيه وهذي فرصه حلوه عشان ما نتثاقل الريجيم

 

[قانوون كيفك]

اقولج شغله اليوم لبست بيجامه لونها وردي موديلها حيييل راقي وبينت ان جسمي متغير
وللاسف ان ما بين بالميزان وهذا اللي قاهرنني :rgewrg:
النحيس لمن شافها علق هالتعليق( اها لابسه وردي اليوم ) ويطالع من فوق لتحت نظره تقول ان فرق معاه الجسم والشكل ولا تكلم سكت حتى انا ما علقت ولا تكلمت ما بينت له اهميه الموضوع بالنسبه لي

للتعليقات جااااهزين اما للمديحه ورفع المعنويات بعيد عنهم

شوفي هالبرودكاست الفرش عن الزوج الكويتي طبعا احب انوه ان مو كل الازواج بهالمواصفات ( مانبى تحبط البنات ):eh_s(10):
وابي راي البنات والتعليق عليه
وبعدين بعلق انا

عزيزي الزوج الكويتي
لازم تعرف قدر نفسك تبي الزوجه تدلعك وتعاملك معامله الملوك
راااااجع تصرفاتك بالاول ترا عليك زوووم
بخصوص ان مو ماليه عينك زوجتك انت شايف نفسك توم كروز مثلا
بخصوص ان مو عاجبك جسمها
عاجبك كرشك مثلا
بخصوص ان ما يعجبك اي عطر تحطه
شام ريحه اباطك ودلاغك لما تجي من الدوام مثلا

لا والمصيبه تتصلخ صلط ملط قدام المسكينه وتخرعها واثق من _________ مثلا
الزوجه تكشخ وتتبخر وتتعطر لك وانت خنتك وكشختك لبره
بيدوخون البنات مثلا
تاكل وتشبع وتارع بوجه حماله الاسيه وفوق هذا تعلق ومو عاجبك شي
كله كوم والملابس السكسيه بغرفه النوم ( فانيله وسروال وخري ")
خلف الله على فلوسها اللي طايره عالكشخه عشانك يبين بعينك مثلا

* حمله الزوج الكويتي *
احب اذكر ان مو الكل جذيه عشان ما نظلمهم ومو الكل فيه كل هالصفات يمكن بعضها

 

[^ سراب ^]

ههههههههههههه صاجه مني اللي قلتي انا زوجي على باله سكسي خري وفانيله وسروال خخخخخخخخخخخخخخ

المشششكله في كرررررشه بس مافي زوائد نفسي خخخخخخخخخ انا متني فخوذ وخلفيه



نفس حالتي امس لابسه بجامه حرير لونها فووووشي ومن ورا الظهر كله دانيل جان اقووله يوووووه تدري اني نازله ٤ كيلوووو قال والله موبين شي شوفي زنودج خخخخخخخخخخ. قلت اذا مومصدقني اسال امك تقولي جنج ضعفااانه <<<< اهني شكو امك بالسالفه يعني بيروح يسال امه بيقول مرتي ضعفانه ولالاخخخخخخخخخخخخخخ بس قهرني وانا مانزلت شي الاسبوع اللي طاف بس بشجعه اني نازله عشان يوديني الممشي لوووووووووووووووول



يالله والله بصصصصصدمه اني قدها واضعف

 

[قانوون كيفك]

حبيتي اخذيها نصيحه منى لا تجيبين طاري الوزن نهااااااااااااائي لو يقولج جم نازله قولي ما ادري ما راح ياخر او يجدم بالموضوع اذا عرف انا وزني سر من اسراري مستحيييييييل يعرفه وشاطره كملى التحدي بينج وبين نفسج انتي تتحدينه وتتحدين نفسج لكن بالسر

 

[^ سراب ^]

الله كريم بس ودي انززززل الاسبوووووووع هذا تعبت



يالله الله كريم




وين البنااااات شخبارهم

 

[simple.girly]

السلام عليكم ورحمة الله وبركاته .... صبحكم الله بالخير .... قوة بنات

يالله لازم لو نص كيلة باجر انا انشاء الله نازلة لازم ......ان شاء الله

بنات ابي نفانيف لي تحت الأركب وقصة وسيعة وين.. او اللي عندها موديل خل تقولي بليز

 

[o.m.f.a.h.a.d]

قوة بنات

بس حبيت اتكلم عن سوسو اللي قالت عن فترة الدورة .... بالعكس المفروض اول ثلاثة ايام الدورة المرا تاكل شي فيه دهن و تقطع عن الرجيم و لا تسوي اي مجهود هذا كلام دكاترة لانه من صديقاتي كله تسوي ريجيم فترة الدورة ورياضة الحين عندها مشاكل ما تقدر تحمل ... المفروض يا بنات العناية و عن نفسي اذا لعبت رياضة فترة الدورة تنقطع عني الدورة ... ولما رحت عند دكتورة قالت لي لازم المرا لما تييي لها دورة اول 3 ايام ما تسوي اي مجهود يتعبها وتاكل ريوق شوي فيه دهن و تدفي روحها ... المشي زين اذا انتي تاخرت عليج وقت الدورة وتبينها تنزل لما تمشين او تسوين رياضة تنزل انا معاج فهالنقطة ... بس اول 3 ايام من دورة معروف لازم توقفين كل شي بس يخلص اول 3 ايام ردي تخفيف ولما تخلص الدورة و ردي شدي على نفسج رياضة ورجيم .... حمدالله انا ما شية على هالطريقة وينزل وزني طبيعي

كتكوتة : اكلي تمر ترا وووايد مفيد ... اختي كانت ما تقدر تمشي من العوار كله طايحة بفراشها ... قامت قبل كل دورة تاكل تمر ما شاء الله ما شاء الله الحين تقولين عنها جذابة وين كل دورة طايحة بفراشها من العوار ولا نوديها مستشفى الحين عادي تروح وتطلع ما فيها شي .... حتى رفيجتي قبل تاكل بس بروفين عشان العوار ... قلت لها قبل ما تيييج الدورة اكلي تمر ولو كل يوم وحدة تقولي الحين ام فهود اول مرة تييني الدورة ولا اكل بروفين .


حلو تكونين ضعيفة بصحة وعافية ... مو ضعيفة وامراض ومشاكل صحية مالها اول ولا تالي وان شاء الله الله يبعدكم عن الامراض ويعافيكم :eh_s(7):

 

[milkey way]

هلا حبيبتي ابشرج تراضينا الحمدالله تصدقين كنت بقطع العلاقه معاه وماكلمه بعد لمدة شهر عشان يتعلم اليوم كله مااكلمه بس الحمدالله اعتذر وسامحته وردة نفسيتي طبيعيه .
والله امس واليوم حيل محبطه بغيت انهد على الاكل بس الحمدالله مسكت نفسي..
وعلى فكره اكتشفت انه في حب لاني لما كنت زعلانه ماكلا شي يوم كامل وضايق صدرى..
وسلامتج واربعين عافيه.

استعيلتي وايد بحكمج عليه ، هذا احنا طفاقه فينا وعيله مو طبيعية عسى الله يجمع قلوبكم مع بعض ويوفقكم ويسعدج يارب ​

 

[تفداج روحي]

السلاااام
اي سوووسووو هذي الاخبار الحلوه الله يتمم عليكم

بنات شخباركم؟

انا احس نفسي مو نازله مع اني موااااضبه عالريجيم وما خربطت
بس رفيجتي قالتلي استمري حتى لو وزني واقف وفجأه يتغير الميزان

بس انا احس ان السبب الرئيسي اهو اني مو قاعده اتريق واقعد على وجبه وحده وهذا حددده غلط
بس شسوي ما القى وقت اكل ولا حتى اني اسويلي شي بس الله يعين

 

[تفداج روحي]

سراب وقانون
كشخو وتمتعو ومالكم شغل احنا بنضعف عشان نفسنا عاد اهما قدرو والا ما قدرو كييييييفهم

ام فهد
مشكووووره عالنصيحه والحمدلله ان ما حاشتنا مشاكل والله يسهل ونواضب بدون ما نخسر صحتنا*

 

[قانوون كيفك]

سراب وقانون
كشخو وتمتعو ومالكم شغل احنا بنضعف عشان نفسنا عاد اهما قدرو والا ما قدرو كييييييفهم

ام فهد
مشكووووره عالنصيحه والحمدلله ان ما حاشتنا مشاكل والله يسهل ونواضب بدون ما نخسر صحتنا*

اي والله صاجه انا كل شوي افتح الكبت اللي مسببلي ازمه نفسيه من كثر اللي فيه واللي يدش فيني البسه على طول وامس كانت اول بيجامه من الكبت حللتها :ggdw:
ومستمرين بالرحله وان شاء الله نوصل بسلام

 

[قانوون كيفك]

تدرون باقي اسبوع ونكمل شهر وبهالشهر كانت فرصه حلوه وتعرفت فيه عليكم صراحه كانت احلى صحبه وعساها تدوووم
البنات اللي عندهم امتحانات ياعل ربي يوفقهم ويسخرلكم عباده ويسهل عليكم وشدو حيلكم

 

[ماكنتووووش]

بسرررررررررررررررررعه

دخلو قسم المشاكل الاجتماعيه وشوفو اشصار فيني بسبب رجيمكم

الموضوع بعنوان : منو غلطانه انا ولاام احمد الهيلجيه

 

[تفداج روحي]

يا رب كل هدومج توسع عليييييج ويارب توصلين لوزنج اللي تبينه وتلبسين احلى منهم :*

اي والله يوخيتي لوما اليمعه الحلوه جان انا من زمااااان ماكله كل كاكاوات ريلي وولدي

 

[تفداج روحي]

مو موجود الموضوع

شصار عسى ماشر؟؟

 

[قانوون كيفك]

شسالفه ماكنتوش ما حصلت الموضوع ؟؟

 

[o.m.f.a.h.a.d]

حتى انا ما حصلته ... عسى ما شر ؟؟!!!