عشاء على طريقة ألف ليلة و ليلة } .،.

[مطيريه ماركه]

{ موضوع من ابدآع الأكاديمية }

http://www.q8yat.net/showthread.php?t=411312

عمل : رجة والجو عجة

jewel ، الخيالة ، قلبي وطنها ، مس نوف ، جوجو.

بيدينكم يآعضوآت عشر درجآت لتقييم الموضوع كمآ ترونه وبكل أمانة

المطلوب بعد قراءة الموضوع كآملا تحطون درجة لهم وعالأغلبية بتكون درجة المجموعة

لو سمحتوآ أي استفسار يكون بموضوع الأكاديمية وليس هنآ

والرجآء عدم الرد لحين اكتمال الموضوع

وشكرآآ

 

[مطيريه ماركه]

في ليلة من ألف ليلة و في نفس الميعاد و أقبلت كعادتها شهرزاد لتحكي لشهريار
أجمل ما لديها من الحكايات و أرق الكلمات و بدأت الكلام بقولها المأثور من الزمان

(((....بلغني أيها الملك السعيد ذو الرأي الرشيد...)))

أن الشاطر سلوحي خطفت قلبه ست الحسن و الجمال أبلة مطمط

فذهب لوالديها الكريمان و قال لهما بكل امتنان قلبي يريد الإطمئنان و في يد أبنتكم الامان

فاليوم ندعوكم لحضور حفلة عشاء مقدمة من مجموعة رجه و الجو عجه لأبلة مطمط





و أول ما نبدي فيه
سموا بسم الله و تقهو يا بنات



طبعا لازم مع القهوة حلو
طبق حلو (( شكـولاتـه الشـوفـان )) و هذا الحلو ناقلينه من منتدي ثاني



1 ونصف كوب شوفان - كويكر -
1 وربع كوب جوز هند
ربع كوب حليب بودره
ربع كوب سكر بودره
. علبة قشطة
نصف اصبع زبده مذوب


تحمس شوفان و جوز هند وحليب البودره مع بعض لغاية ماتشقر ..



وبعدين اضيفي عليهم :
ربع كوب سكر بودره ../.. علبة قشطة ../.. نصف اصبع زبده مذوب
اعجنيهم سوا زين .. وبعدين أخذي شوي من الخليط وباستخدام يدك واي شي مسطح عندك
حاول تسوين قالب مستطيل
بالصوره واضح وش اقصد ، وبسكين حاد قطعيهم مكعبات متساويه وحطيهم على ورق زبده ودخليهم الثلاجه او الفريزر لغاية ماتجمد .



الحين ذوبي اي شكولاته خام عندك بحمام مائي ..
أو شكولاته خام غامقه مع شوي جالكسي
وغطسي المكعبات فيهم ..



ولما تجمد ذوبي شكولاته بيضاء وسوي فيها خطوط فوق المكعبات
ورتبيهم بصينيتك وقدميهم وقولي انها من لونووتر

 

[مطيريه ماركه]

حياج الله مطمط و حياكم بنات على الطاولة ....



كل وحده تاخذ صحنها و تلحقني ..


أول شي بقدم لكم السلطات قبل العشي و هذي شغل الأمورة مس نوف
صراحة طباخه من الدرجه الأولى ما شاء الله عليها

((( السلطات )))

( سلطة المكرونة الباردة .....)



كيس معكرونة بالشكل اللي تفضلينه ( أنا أفضل المكرونة الكيرلي الملونة) شكلها حلو بالسلطة

ملفوف أحمر مقطع شرايح نحيفة

خس أمريكي مقطع شرايح نحيفة

فلفل بارد ملون ( أخضر -أحمر-أصفر) مقطع شرايح نحيفة

خيار مقطع وردات أو الشكل اللي تحبينه

جزر مقطع وردات أو الشكل اللي تحبينه

علبة بيبي كورن

زيتون أخضر مقطع شرايح

زيتون أسود مقطع شرايح

ممكن تضيفين فاصوليا حمرآ لو كنتي حابة

مقادير الدريسنغ :

بالنسبة لي أنا دوم أسوي هالسلطة كمية كبيرة شوي ..فإنتي حاولي تضبطين الكمية بالقدر اللي عندك

علبة رووب

6 ملاعق مايونييز << لاتنصعقوون خخخخ السلطة أبد ماتنفع للي تسوي دايت

شوية عصير ليمون

شوية زيت زيتون

ملعقة كبيرة سكرر << ولو حبيتها حالية أكثر زيدي << الصراحة سرها بالحلاااا

شوية ملح وفلفل أسود



أنا أضيف من عندي شوية من ماي(مخلل الخيار الأمريكي )

بعد ماتخلطينهم بالخلاط تكونين مقطعة ( مخلل خيار أمريكي ) اللي يجي طعمه سوويتي شوي قطع صغااااار حيل وتضيفينه للدريسنغ

بعدين تصبينه ع المكرونة والخضار وتخلطينهم عددل مددل وتدخلينها الثلاجة لمدة ساعتين أو 3 قبل التقديم وقدميها باااردة

شكلها النهائي :



يلا كل وحده تاخذ منها

وخلو مكان لسلطة الثانية لوووووووووووول





خس مقطع قطع متوسطة الحجم

شدتين جرجير (قطفي الأوراق بس بدون تقطيع)

فطر طازج مقطع ( تبليه بزيت زيتون وشوية ثوم وبهارات إيطالية وأوريغانو وشوووية صويا صوص وشوحيه ع النار لين يستوي)

حب شمسي وحب أبيض منزوعين القشور ( تلقينهم عند الرفاعي)

الأرز الصيني الأبيض ( قصصيه صغار واقليه بزيت حااار أول ماتحطينه بيتنفخ شوي وعلى طول شيليه)
مقادير الدريسنغ:

فنجان قهوة خل بلسمك

3 ملاعق صويا صووص الحلووة << اللي قوامها يكون معتدل وتكون مختلفة عن الصويا المعروفة

عصير ليمون

شوية زيت زيتون

رشة (ملح -فلفل أسود-فلفل أحمر)

اخلطيهم ززين وبعدين شوقي طعمهم كيف .. لو صارالدريسنغ حامض من الخل زيديه صويا حلوة





في صحن التقديم حطي الخس وبعدين الجرجير بعدين رشي نوعين الحب وحطي الماشروم بالوسط وصبي الدريسنغ عليهم وزينيها بالرز الصيني حوول المشروم

وبالعافية على قلووبكم

 

[مطيريه ماركه]

يلا كل وحده خذت من السلطات لا تنسون في طبق رئيسي

عاد هذا شغل جويل <<< طبعا محدثتكم لووووووووول

كل وحده تاخذ من أكلي أبي صحون الأطباق الرئيسية فاضية <<< ما تسوي عليكم إني مسويته لووووول

أول شي ((... ستيك الدجاج المشوي ....))



علبة روب
6 قطع صدور دجاج بدون عظم
ملعقة ثوم مهروس
بقدونس مجفف أو بقدونس طازج مفروم ناعم << هذا كل ما كثرتي منه طلع الطعم غريب
عصير ليمونه
رشة ملح






ناخذ الدجاج نسوي فيها ثقوب بالشوكة من الجهتين
بعدها نضع الدجاج في صحن عميق و نضع عليها عصير الليمون
و الثوم و بعدها الروب و رشة ملح و البقدونس
و نغطي الدجاج عدل فيه و نخليه فترة في الثلاجة حتى ياخذ الدجاج نكهة الخلطة

تاخذين مقلي تيفال كبير و تسخنينه
و بعدها تضيفين الدجاج ... و تخلينها على نار هادية لين ينشف ماي دجاج
وبعدها تبدين تحمرينه في المقلي <<< يصلح للتسوي رجيم طعمه حلو و خفيف نوفاا تفضلي أكلي لوووول

و ألف صحه و عافية عليكم ...



و الطبق الثاني (( الأرز بالخضار ...))




بصل وحده مقطع شرائح
نص فلفل بارد مقطع شرايح
كوب جزر مبشور
بطاط مقطع شرايح
مكعب ماجي
رشة ملح
كوبين أرز
حبتين هيل
حبة دارسين
و رق غار






أول شي نخلي الماي يغلي بالجدر و نحط معه ورق الغار و حب الهيل و الدارسين
نخليه لين يغلي الماي و قبل لا نحط الأرز نطلع الهيل و ورق الغار و الدارسين
نصب الأرز و ما نخلي الماي يتعدي أكثر من سانتي فوق العيش
طبعا نخليه لين يستوي العيش

بعدها نحمس البصل و الفلفل البارد و المكعب الماجي و نضيف العيش عليه و الجزر المبشور
و نخلطة نكون مزهبين صينية التقديم نحط فيها شرايح بطاط مقلية و بعدها نحط العيش
و نقطيه و نخلي الصينية في حمام ماي <<< صينية أكبر فيها شوية ماي
و ندخله الفرن ثلث ساعة على حراره متوسطة أحلى لو يكون الفرن الكهربائي


و هذا شكله مع الديكوريشن



مطمط كثري من العيش و سلطة نوفاا لووووووووووول


نجي لطبقي المفضل (( المعكرونية الجاينيز....))




كوب جزر مقطع شرايح و مقلية
كوب دجاج مقطع شرايح
بصلة مقطعة شرايح
نص فلفل بارد مقطع شرايح
ملفوف مقطع شرايح
مكعب ماجي
صلصة HP
كاتشب
معجون طماطم حسب الكمية إلي تفضلينها
بهارات حسب الرغبة
معكرونية الحلزونية أحلى تقدرين تاخذين سباغتي بدالها






نغلي المعكرونية و في ماي فيه شوية زيت و ملح و حبة هيل و دارسين و ورق غار

نحمس البصل و الفلفل البارد و دجاج لين يستوي الدجاج
نضيف مكعب الماجي و البهارات و بعدها الملفوف
و نضيف الصلصة المقدار إلي تحبينه
و نضيف تقريبا ست ملاعق كاتشب و معجون طماطم تقدرون تستغنون عنهم و تخلون لونها أبيض
و نخليه شويه على النار و بعدها نضيف المعكرونية

و نقدمها ساخنه بالدور كل وحده تاخذ و تخلي للوراها شوي لووووووول




ألف صحة و عافية عليكم إن شاء الله إعجبتكم أطباقي <<< يا ويلكم أن قلتوا إني ما أعرف أطبخ لوووووول

 

[مطيريه ماركه]

يلا كل وحده تاخذ عصيرها ...


بعد العشي لازم تحلون
نوفااا مسويه حلى ناقلته من النت
(( كيكة الأوريو ))... منقول




اي كيكة شوكليت انت معتمدتها
قشطه
ثلاث حبات جالكسي
دريم ويب
خمس حبات بسكوت شاهي مطحون
ملعقتين جوز هند(انا استغنيت عنه)
بسكوت أوريو




كيكتي المعتمده
كوب زيت.كوب سكر.كوب حليب واربع ملاعق شوكليت بودر وبالخلاط بعدين أخذي مقدار نص كوب من الخلطه وخليه على جنب(كصوص للكيكة اذا بتاكلينه لحالها)
بعدين اضيفي للخلاط بيضتين وشوية فانيلا وكوب طحين مع ملعقة بكم بودر
ودخليها للفرن (ماتطول معي هالكيكه بالذات على طول تستوي)
بعد ماتستوي خليها تبرد شوي

بعدين اضيفي الخلطه

قشطه.ثلاث حبات جالكسي.دريم ويب.خمس حبات بسكوت شاهي مطحون.ملعقتين جوز هند(انا استغنيت عنه)



بعدين هاتي اوريو وافتحيه من النص وانتبهي للزبده لانها هي الزبده
وصفيها بهالشكل على الكيكه




بعدين برديها ساعتين او اكثررر ....بعد كذا قصصيها بشكل دائري(بعلبة بكم بودر بلاستيك)او اي شكل دائري عندك

تفضلوا كل وحده تاخذ لها كيكة << أبلة مطمط يلا لازم تاخذين وحده لا تقولين ما أقدر :dddds:





مشكورين لتلبيتكم الدعوة و حضوركم الحفلة
مطمط بالتوفيق إن شاء الله و الله يسعدج هذا كانت مفاجأتنا لج و لبنات قروبات الثانية

و أشكر قروب رجه و الجو عجه على مجهودهم الحلو و الأكثر من رائع
و الله يرد خيالتواا بالسلامة و يشفي أمها مكانها مبين <<< خيالتواا مشتاقين لج

رئيسة مجموعة رجه و الجو عجه : جويل

 

[مطيريه ماركه]

انتهى الموضوع

عزيزاتي رجه والجو عجه يعطيكم ألف عافية وأكرمكم الله سفرة دآيمة موضوع مرتب وتعليقات روعة وتسلم الايادي والله يعقل علينا الخيالة ويشفي أمها

ومشكورين عالعشا عقبال بوفيه العرس < طبعا تسوونه لي :dddds::dddds:

برآيفت { جويل مآيكفيني هذآ لآزم تذوقيني

الآن لكم التقييم يآ كويتيات

 

[سلسبيل 2008]

رفع :ada:

لا تنسون تقيمون العشاء

 

[كادي سويت]

صراحه موضوع رووووووووووووووو
خاصة السلطة لانها وايد عجبتني ( الارز الصيني )
بس المشكلة في الخط وايد يتعب

 

[كادي سويت]

صراحه موضوع روووووووووووووووعه
خاصة السلطة لانها وايد عجبتني ( الارز الصيني )
بس المشكلة في الخط وايد يتعب

 

[اتكيت]

موضوع رااااااااااااااااائع وميه ميه والف مبروك للمعاريس ههههههههههههههههههههه

ماادري جم التقيم بس الدرجه الكامله من عندي يستاهلون وعقبال جميع القروبات وابالتوفيق دايما

 

[amoonaa85]

مشاءالله عليج حدج امبدعه بالطباخ
يعطيج الف عافيه

 

[مطيريه ماركه]

يعطيكم العآفية عالتقييم

يستآهلون رجة

 

[just flower]

يعطيج ألف عافيه ..

موضوعج إينن ماشاء الله

 

[ام سلومd]

ماشااااااااااااااااااااء اللله تسلمين حبيبتي
خوش عشا
تسلمينننننننننن

 

[سيدة الذوق]

تستاهلون احلي تقييم

 

[ريمه الكويت]

فعلالالالالالالالالالا موضوع رائع ومتعوب عليه صج الصور اتشووووق وتفتح النفس شكرا لكم

 

[الصابرة المحتسبة]

ماشاءالله عليهم موضوع حلو واعطيهم 9\10

 

[هجاين]

يعطيج الف عافيه

 

[مريوم 2009]

تسلميين على الموضوع ومن عندى الدرجه
ميه من ميه وتستاهلين..:tomato2:

 

[tmtmt]

موضوع روعه ...

بنات لا تنسون تعطونهم الدرجه

لازم درجه مو بس تعلييق .. يستاهلوون