عسى ربي يوفق و يستر على الي ترد علي (خاص اختبار الخارجية)

[رقيقه حيل]

تصحيح للمسمي الوظيفي للبنات
وهو ليست باحثه قانونيه بل
(باحثه سياسيه)
والله ولي التوفيق

 

[قرنبيطوو]

بنات يعني اي تخصص في امتحان

انا تخصص محاسبه وقدمت قبل اسبوعين تقريبا تتوقعون يدقون علي بسرعه

 

[Peony]

هلا رقيقه حيل
المسمى الوظيفي للبنات باحث سياسي او باحث قانوني كلٍ حسب التخصص
عادي يعني

واي ادري ان الكشف خالص من نص شهر مايو بس قالو بيتاخر لان يمكن تصير عليه تعديلات
زياده اسامي وجذي
لكن مو معروف جم يبون !
مشكوره لانج قلتيلي !!

انتي شنو تخصصج رقيقه ؟!!





قرنبيطوو
حبيبتي احنا مقدمين السنه الي فاتت
٢٠١٠ يعني !!!
وسولنا امتحان وبعدها مقابله
وناطرين النتايج
انا لما امتحنت
كانو معاي تخصص حقوق وعلوم سياسيه وعلوم اداريه ولغه فرنسيه
هذوله الي اعرفهم كانو معاي فا اتوقع محاسبه بعد وياهم !!
يمكن انتي يمتحنونج هالسنه والقبول السنه اليايه !!!!
والله مادري قرنبيطوو الله اعلم



موفقين حبايبي

 

[رقيقه حيل]

هلا peony وانا صارلي سنه اناديج pony ههههههههههههههه
ماعليه سامحيني العتب علي النظر حبيبتي انا تخصصي علوم سياسيه
وعلي فكره ترى طلع كشف الدبلوماسيين اليوم باليل وراح يعلن باجر
بالسفارات اللي بره اول شي ويبين الاحد رسمي في الوزراه ويعلن
في الجريده الرسميه واحنا وراهم مباشره يعني مابقي شي انشالله
الاسبوع الياي يمكن يبلشون اتصلات علي نهايه الاسبوع وبعدين
نسيت اللي عروقها بالماي اختنا law اللي ابتعدت عن الحياه السياسيه
اخبارها صراحه كانت اول باول بس مادرى وين اختفت الظاهر قبلوها
وماتبي تقولنه ههههههه عسي الله يوفق الجميع والاخبار راح تكون
اول باول انشالله وعسي الله يوفق الللي مسجلين ويكتب اللي فيه الخير

 

[cake]

هاي بنوتاات شلونكم؟ بس حابه اسألكم متى التقديم حق هالسنه؟ في احد اعرف بليزز جاوبوني و شكرا

 

[Peony]

حبيبتي كيك روحي الوزاره وقدمي معاج صوره من كل شي الي اعرفه تقدرين تقدمين باي وقت
واهما يقبلون الطلبات دايماً
واذا تبين وظيفه اداريه قدمي عن طريق ديوان الخدمه
موفقه حبيبتي وقوليلنا شيصير وياج بعدين


رقيقه حيل

حبيبتي انتي انا بصراحه يره الكويت حالياً
بس محد قالي ان كشف الدبلوماسين طلع ولا جان سمعت خبر !!!!
عاد ان شاء الله ديير سنعه هالمره ههههههه

ان شاء الله اول ماارد الديره اسألج عن الكشوف واقولج شيصير معاي

لا تحاتين وموفقه حبيبتي

 

[cake]

Poeny حبيبتي ما قصرتي والله اوفقج انشالله

 

[cake]

انزين بنات وين اروح اذا ابي اقدم اوراقي؟ اي مبنى؟ اي قسم؟ بليز قولولي

 

[t000taaa]

روحي وزارة الخارجيه مكانهم على البحر اول ماتوصلين سالي موظفين الاستقبال الي داخل و اهما راح يدلونج

 

[miss_cool]

بنات شصار عالنتايج

 

[رقيقه حيل]

هاي بنات اشلونكم يقولون الكشف مال التنقلات متوقع ومفروض انه يعلنونه السبت الي
فات في السفارات اللي بره اول شي بس يقولون تأجل الي يوم الخميس الياي يعلنونه
واحنا وراهم مباشرة واتوقع يمكن مع بعض بس ما اظن يمكن اخر الاسبوع الياي
يبين الكشف لانه بصراحه طولوها حيل ومصخت السالفه حيل خلاص من شهر 3 واحنا
مقابلين وخالصين اشدعوه عليهم كل هذا تأخير بس يمكن مشغوليين الله يقدم ما فيه الخير
والله يوفق الجميع يارب

 

[Peony]

السلام عليكم
عدنا والعود احمد
اشلونكم وشخباركم عساكم بخير

رقيقه حبيبتي طلع كشف السفراء لكن كشف الدبلوماسيين
كل اسبوع يقولون هالاسبوع هههههه
والحين يقولون ماكو شي لين يخلص الاستجواب ويشوفون نتايج عدم التعاون
وعدل كلامج اول مايطلع كشف الدبلوماسيين احنا وراهم
بس شكلهم مطولين اتوقع على نص شهر يوليو

شصار وياج كيك رحتي المبنى وسألتي ؟!!
اذا رحتي راح يدزونج على الشؤون الاداريه وياخذون اوراقج وتعبين استماره وبس
ناطرين ردج حبوبه


وموفقين حبايبي اجمعين

 

[رقيقه حيل]

هلا حبيبتي peony حمدالله علي السلامه
تو مانورت الكويت اي عدل كلامج السفراء
طلعوا بس الدبلوماسيين للحين ماصار
عليهم شي اي اللي عطل كشفهم الاستجواب
مال عدم التعاون باجر اتوقع يطلع كشف
تنقلات الدبلوماسيين واحنا يمكن اول سبعه
بس في ناس تقول بعد رمضان والله كريم
*الله يوفق الجميع انشالله

 

[Peony]

حياتي رقيقه حيل
مشكوره ياقلبي كلج ذووووق
احنا ننطر اشورانا !!!

بنات انتو قاعدين بالبيت مثل حالتي لا شغله ولا مشغله ؟!!
انا عن نفسي طقت جبدي يارب اتوظف يارب والله صرت مصخره بالعايله
حتى المدرسات يتشمتون فيني والحين يحروني بعد يقولون ظلي نطري احنا ياتنا زياده علاوات وانتي قعدي !!!
يارب اتوظف انا وكل العطاليه
مو مهم عندي الخارحيه المهم اتوظف بمكان زيين وبس !!

 

[miss_cool]

Penoy الله يسمع منج وتسلمين على هالادعيه الحلوه

 

[رقيقه حيل]

هلا peony حبيبتي يقولون طلع اليوم اليوم كشف تنقلات الدبلوماسيين بس ما تأكد
من صحه الخبر للحين اتوقع احنا علي اخر الاسبوع الياي او اول سبعه انشالله وفي
ناس تقول اول رمضان والله كريم

 

[Peony]

هلا حبيبتي انا بعد سمعت
ان الوزير عدل عليه
حط شرطين
الاول : مايصير الدبلوماسي اول دوله يروحلها تكون عربيه يعني اول تنقل له بره الكويت
الثاني : نسيته ههههههه اعتقد انه كان اخر دفعه لخريجي المعهد الدبلوماسي ممنوعين من التنقلات هذي
و الله كريم
موفقه حبيبتي ان شاء الله خير انا متوقعه لاكثر من وحده هني بالموضوع مقبوله بالخارجيه
مجرد احساس*

 

[رقيقه حيل]

السلام عليكم اشلونكم بنات شخباركم ابشركم
طلعت كشوفات تنقلات الدبلوماسيين اللي
كانوا مأخرينا طلعت قبل امس واحنا الاسبوع
الياي يقولون راح تطلع النتايج والله كريم
الله يوفق الجميع يارب*

 

[رقيقه حيل]

قوه بنات هاااو اشفيكم محبطين شكلكم تدرون عن النتايج اشفيكم لا تعليق ولا شي
وينكم فيه مختفيين لا يكون كلكم سافرتوا لما يه القبول وpeony عمري وينج
انتي ما علقتي عقب التصريح الاخير شكلج سافرتي مره ثانيه هههههههههههه
لا تأيسون يا بنات انشالله في عدد كبير منكم راح ينقبل انا حاسه جذي مادري ليش
والله يوفق الجميع يارب

 

[Peony]

هلا رقيقه حيل
حياتي شلونج
قلبي سوري الخبر قديم انا حسيت موضوع يديد ان تنقلات الدبلوماسين طلعت
حطيته فرش ههههههه
الاثنين العصر
و قلت ان شاء الله القبول قريب
وعلقو البنات وخلصو ههههههه
لا قلبي والله ما سافرت ولا شي !!!!
موفقه قلبي
استانست انج ذاكرتني ههههههه

موفقين اجمعين حبايبي