عسـآره اليهـآل حـزة التبديـل ،،، نبي حــل !

[{ ليت ظني كآن صآيب }]

السلام عليكم


شلونكم بنآت ،،، !

بنات ولدي ينني عسر عسر لابعد درجه

عمره سنتين ونص محبوب من الكل و ملفت للنظر اسم الله عليه

مؤدب ولسانه عسل

بس فيه عيب شرعي يخليني اطقه بدون احساس

اذا بغسل له تكرمون لازم يدخل العابه وياه

اوكي ماقلنا شي

غسلنا يلا حبيبي نطلع نوووو وي يطلع

يجلب بالحمام تكرمون و اذا سكرت الدوش يبجي ويقط راسه ع البانيوو

او يناقز بالماي لين يزلق

و انا حامل بالتاسع والله اجره يتقطع بطني

و بس يبجي يقول ماما تكفين بلعب

يكسر خاطري اقعد عنده واخليه يلعب

مايمل يابنات يقعد بالساعات تحت الماي

اوكي انا اخليه بس مو كل ماغسلته سوا جذي 6 مرات باليوم

الحين اطرد خدامتي عشان ماتشوفني لما اقرصه

و اعطيه قرصه لين يخاف ويطلع

واذا طلع عبالكم يلبس

ينحاش مفصخ

و الله انا وخدامتي مو قادرين نسيطر عليه

خليت ابوه يكلمه يقول سوري بابا

بس مايتوب

انا اشوف الاطفال اذا بيبدلون بامبرز كلها جم دقيقه وخلاص

احنا نقعد بالساعات والله و يدخل الايبود بالحمام ويشغل دعايه كوالتي نت

سويلي بيض وطماط و يقعد يلعب

اوووف زهقت من طبعه من كان صغير واهو جذي

انا احاتي باجر لاولدت شلون راح يبدل

لان خدامتي ماتقدر له لدرجه مرات وانا نايمه تطق علي الباب

بس عشان ازفه

ابيه يبدل بهدؤء شلووووون

 

[أم لطووف]

هههه بعد قلبي وسعي صدرج عندنا وعندج خيير
بس حرام عليج لا تطيقنه
شوفي بعطيج طريقه ان شاء الله تفيد معاه
قبل لا تدخلينه يسبح مثلا شغلي الفيديو على باباي اهو يحبه وقوليله يالله ندخل بسرعه نسبح و نلبس ونشوفه انا وياك
حتى باللبس نفس الشي مثلا البس بسرعه عشان نطلع الحديقه نلعب... وعلما جرا

عرفتي شوقيه انه يخلص بسرعه عشان يحصل على أشياء تجذبه ويحبها..
وربي يحفظه ويطرح فيه لبركه ويذوقج بره ونفعه..

 

[Tender Heart]

واي نفس بنتي عسره باللبس مصارعه انا معاها نبي حل !!!!!!

 

[om al ghaleen]

هههههههه اهم شي سويلي بيض وطماط
انا والله اتذكر ولدي جذيه عسر باللبس كنت اهديه واقوله اوقف شوف فوق
في طير راح لووول اقص عليه علشان لاافقد اعصابي وامد ايدي
انتي امشي معااه بالسياسه مسكيه عدل وخلي الخدامه تساعدج
ولاتشدين معاه راح يعاند
قولي له امبييه يلا بدل قبل لحد يشوف العيب ومن هالكلام
ترا الياهل يفهم بس يبي تشجيع

\\

 

[{ ليت ظني كآن صآيب }]

مايهمه شي يابنات

مرات نكون صج بنطلع و اقوله يلا وازهب بدلته و يشوف ابوه يلبس وياخذ سويجه

و عادي مايتأثررر

حتى خدامتي مستغربه منه

المشكله انه مطيع اسم الله عليه الا بهالشغله

مشكورين بناااات ع الردود

 

[موجة ~ بحر]

اي نبي تجاربكم

ولدي ينحاش حتى بعض المرات ماينديني البسه البامبرز الا اهوا منحاش لووووول

 

[يارب احفظ عيالي]

وي فديته اسم الله عليه

 

[@ام يوسف@]

ذكرتيني في بنتي كنت البسها وانا شايلتها ماتبي اتبدل بس تبجي بس كنت بالاربعين

 

[ع ـبدليه]

واااااااي فديته حبيب خالته !
بس كلش ولا لما ينحاش مفصخ فللللللللللللم انتوا وياه

 

[جوزائيه مغروره]

هههههههههههههه اسم الله عليه

والله مودري

 

[{ ليت ظني كآن صآيب }]

عبدليه وآعليآ وآ على حآلي

اكسر الخآطر وربي


/

بنات بعد ابي حلول فعااله

 

[@الياسمين@]

نفس الحاله
بنتي عمرها 3 سنوات وعسره بشكل واااااي
بكل شي حزة التبديل / حزة السباحه الطلعه النوم كل شي كل شي
حتى ان شوف اليهال للي بعمرها عناد خفيف ويلله انا بنتي تطلع عيني لين افقد اعصابي

على فكره انا بنتي بعد تحب دعاية كوالتي نت بيض وطماط ومدوختني فيها

 

[{ ليت ظني كآن صآيب }]

اب


اب

 

[ملكه الحطب]

المشكله كله من دعايه بيض وطماط ههههههههههههههه

احرميها منه قوليله ترى امسحها واقطها بزباله خخخخخخخخخ

 

[om MaRyooM]

جنج تتكلمين عن مريومة الله يحفظها ويحفظ ولدج

والله مادري شالحل



شهالجييييل اللي موقادرين نربيهم على مزاجنا

 

[shak!shoka]

عندي حل

مرعب شوي بس لا تستعملينه دايما لانه راح يتأدب
و اهم اهم اهم شي ابووه لااااا يسمعج !


غيري صوتج و كلميه لا تقول كلام يخرع بس مجرد صوتج غيريه و قوليله راح اخذ الايبود او اي شي يحبه فهمتي

و سيدا ردي صوتج طبيعي و قوليله يماااااا بسرعه بسرعه نطلع لا ايي حجي و ياخذنا

امبيه رعب صح ، انا مجرمه ؟ ههههه

انا جذي سويت اول ما شفته بدا يعاند وكان يناديني ماما يبي يتأكد وين راح صوتي ؟!! و يستسلم لي


اهم شي ريلج لا يسمع صوتج المو صجي لانه اذا مثل ريلي ما يرضا على ولده عشتوا احتمال يكوفنج انتي و كرشتج هههههههه


الله يخليه لج

 

[shak!shoka]

تذكرت شغله ولدي عمره سنه و نص يمكن فاد فيه لانه صغير

بس انتي ولدج كبير اسمالله عليه ؟؟.

ما ادري جربي بس مالي شغل اذا مصخرج و جكج ههههه

 

[اترجة]

أنا سويت هالطريقة لأني احب اليهال وايد المهم كانت بنت خالي صغيرة عمرها 3 سنوات عووووووبة ما ترضي تلبس ملبسها والخدامة وراها تركض قلت أنا أعرف شلون أخليها تلبس مسكتها وقعدتها وقعدت اسوالف انا ويها والبسها بنفس الوقت أهي ما تحس سمله عليها منها لبست ومشطت شعرها وصارت مرتبة وخذتها السوالف .
وفي طريقة دايم أسويها معاهم اليهال أذي ما يبي يلبسون أقولهم يلا بسرعة الشاطر يجيني أول ويجب بدلتة وقعدية بحضنج وسوالفي معاها وقوليليه ورني الشغله لفلانية بالايبود أو تعطينة قصة وتخلينة مسكها يشوف وتسوين نفسج تقريله القصة واهو مندمج تلبسينة وهذي احلي الحلول أما سالفت يلا إذا لبستي بسرعة بنطلع مكان لفلاني هذي بتصير عندة عادة ما إللبس إلي إذا بنطلع وإن شاء الله أفدتج أختي ولو بالقليل والله يصلحة ويهدية .