عزيزتي حواء باعتقادك ماهوا الحل الامثل لهذه المشكله ؟

[نونه111]

السلام عليكم

اخواتي الغاليات انا اليوم بتكلم معاكم عن
ظرب الزوج لزوجتة واهنتها وتقليل من شئنها
لقد اصبحت الكثير من البيوت تعاني من هذ االموضوع
فل الاطفال يخافون من الاب واثر في نفسيتهم هذا الموضوع
وتاثرت نفسيتهم واصبح يعانون من الخوف وعدم الثقة
في النفس وبعض الامراض
والام يضربها زوجها امام اطفالها ولاسباب تافهة بعض المرات
ويهونها..ويحقرهاااااا ولا تملك الى دموووووووووعها
ودعائها لربها في جنح الضلام

مهو رايك في الزوجة التي يضربها زوجها وتسكت؟؟

ماهو باعتقادك الحل الامثل لهذه المشكله ؟

فياليت من خلال تجاربكم وتجارب قيركم تعطوناحلول فكلنا راح نستفيد منكم سواء بنات او متزوجات

 

[brettey]

رد : عزيزتي حواء باعتقادك ماهوا الحل الامثل لهذه المشكله ؟

باعتقادي انها غبيه وماعندها كرامه وحلو على قلبها ان زوجها يطقها ويذلها وراضيه بدور الجاريه الذليله
اوكي حتى لو تبي تحافظ على زواجها بس مو ليهدرجه لو من اولها وقفته عند حده وقالت لاهلها جان تادب واذا ماعندها اهل في شي اسمه مخافر تروح الطبيب ويكتب لها تقرير وتشتكي بالمخفر ويكتبون عليه تعهد
مادري احس الي تسكت على زوجها في انه يطقها على اقل شي يطق ويبهدل ماعندها كرامه
اوكي بعد لو يحبها ومو مخلي عليها قاصر ومدللها وممكن مره يطقها بلحظه غضب وعقب يعتذر بس هم لازم توقفه عند حده
لا تقولون الي ايده بالماي مو مثل الي ايده بالنار انا لو زوجي لا سمح الله يمد ايده اكسرها له
كلش ولا الطق يمكن اذبح فيها

 

[monmon12]

شوفي حبييتي
عندها حلين
يا انه تصبر على ما الله بلاها فيه صبر جميل تتحسب في عند الله والله ماااااااااااااااراااااح ينسالها

أو
انه خلاص تبتعد عم هذا الرجل السادي وتحفظ نفسها وعيالها

الله حلل الطلاق عشان في حالات تستحيل العشرة بين الزوجين

والصراحه اذا وصل الضرب الى مرحله بنه المره يكون في خطر على حياتها فلازط تتطلق

 

[نـور الكويت]

ذكرتيني بموووضوع حاطينه قبل جم فتره ضرب الزوجه لزوجهااا

الله يكفينا الشر

الله يصبرهم على مابلاهم ياربي والحمدالله على كل حال

بس اذا الضرب على كل شي ما اعيش عنده والله لانه ما حاط اي قيمه لزوجته
وباجر بيأثر على عيالها بالمستقبل وبيتعقدووون الله يهدي بعض الازواج والزوجاااااات ويجمع مابينهم وبين ازواجهم

 

[blue diamond]

مهو رايك في الزوجة التي يضربها زوجها وتسكت؟؟

على حسب شنو سببها انها اسكتت :
اذا كان سببها حبها له او انها ما تقدر تحمي نفسها اعتبرها ضعيفه شخصيه
اذا كان السبب اهوا الاعيال وخوفها عليهم وما تقدر تقول لأهلها يمكن لان ما يقدرون يخلونها تقعد عندهم فما اقدر اقول ضعيفه شخصيه والله يعينها على ما ابتلاها

ماهو باعتقادك الحل الامثل لهذه المشكله ؟

حلول اساسية تحل المشكله بشكل عام وللكل :
1- يقوي ايمانه بالله ويتعلم الدين الاسلامي الصحيح لان مو من شيم المسلمين انهم يطقون حريمهم >> رفقا بالقوارير
2- يتعلم اشلون يحترم الزوجه ويقدرها لان الريال اللي كله يطق مرته على اتفه الاسباب ما يحترمها
3- يتعلم الصبر وانه مو بسرعه يعصب لان العصبيه تخليه يمد الايد

وهالشي المفروض ينغرس للكل من واهم صغار

اما الحلول للمرا اللي تواجهه هالمشكله فرايي مثل monmon12

 

[نونه111]

ارائكم حلوه

بس احنا مجتمعنا ينظر للمطلقه نظره بئس وعار فاغلبهم يقولون نصبر على ضرب ارجالنا لنا ولا نظرت الي حولنا لنا ولي يعور القلب انها اهلها مو مستحملينها

 

[نونه111]

انا من رايي المفروض نزرع هشي لعيالنا من وهم الصقار انعلمهم ايش معنى الحياه الزوجيه استقرا وحب وموده وامان

عشان لما يكبرون يعرفون شلون يتعاملون مع زوجاتهم في المستقبل البيئه لها دور

 

[monmon12]

ارائكم حلوه

بس احنا مجتمعنا ينظر للمطلقه نظره بئس وعار فاغلبهم يقولون نصبر على ضرب ارجالنا لنا ولا نظرت الي حولنا لنا ولي يعور القلب انها اهلها مو مستحملينها

يا عمري لقب مطلقه ولا مرومه عشان طقني طقه طلع روحي فيها
ولقب مطلقه
ولا عيالي باجر يعيشون برعب من ابوهم
وتتدمر نفسيااتهم

 

[ام شووووق]

رد : عزيزتي حواء باعتقادك ماهوا الحل الامثل لهذه المشكله ؟

مهو رايك في الزوجة التي يضربها زوجها وتسكت؟؟

كل وحده ولها اسبابها
واكثر سبب انها تصبر علشان عيالها مايتشتتون ولا يضيعون
وفي سبب ثاني قريته بالمنتدى ممكن يكون الاهل اهل البنت عيشتهم مو ذاك الزود
فالوحده تضطر تصبر وتقول نار الزوج ولا جنه اهلي وفي اهالي عندهم بنتهم تموت ولا اتها تحمل
لقب مطلقه

ماهو باعتقادك الحل الامثل لهذه المشكله ؟

احسن حل بالنسبه لي هو انها تدخل اهله بالموضوع

 

[brettey]

رد : رد: عزيزتي حواء باعتقادك ماهوا الحل الامثل لهذه المشكله ؟

ارائكم حلوه

بس احنا مجتمعنا ينظر للمطلقه نظره بئس وعار فاغلبهم يقولون نصبر على ضرب ارجالنا لنا ولا نظرت الي حولنا لنا ولي يعور القلب انها اهلها مو مستحملينها

والله اذا اهلي مايبون يستحملوني ارفع قضايا نفقه ومسكن حاضنه واذا ماعندي فلوس في حال لو الابو متوفي وبيت ورثه اطالب بنصيبي من الورث طالما انهم مايبون يستحملوني ولا يساعدوني الزم ماعليي نفسي عشان ادبر نفسي بهالفلوس وحق القضايا والمحامي
واعرف وحده سوتها لان اهلها مارضوا يساعدونها وشاشوا عليها قالت لهم كبفكم انتوا ماتبون تساعدوني نصيبي يساعدني
من لا حيله له فليحتال كانت تعاني زوجها يطق ويبهدلها ويشرب ويخونها اييب رفيجاته لي الشقه تبهدلت خذت نصيبها وارفعت قضيه وتبهدل طلقها القاضي للضرر وكل حقوقها ماشيه ابوها مت وفي واخوانها 2 وامها وعندها اختين عارضوا طلاقها وانبهدلج وياويلج قامت راحت المحكمه وطالبت بنصيبها عقب ما ياست منهم وحاولت فيهم ان يساعدونها للاسف ساعات الاخل يظلمون
اما في حال اذا كان عايش احاول ادبر مني مناك والله كريم
المهم اني بهالوضع احمي نفسي وعيالي
لقب مطلقه ولا ان كرامتي تنداس وممكن يسبب لي عاهه
عسى ربي يسخر لكم ولنا ازواجنا واهلنا والناس الطيبه وينصرنا على من ظلمنا