عزيزتي الي تنفس من غير سبب عسى ما شر

[ماريا.]

لاتضنين بالناس أنا أعاني من هالشي
بعض بنات بعايلتنا يقولون شايفه نفسها
مغرورة
!!!!!!!!!!!
زين شكوووو وأنا
ما قعدت معاج ولا شفتي خيري من شري

 

[manoooram]

سواء ..

بمحيط العمل أو الأهل (مو من صلة الرحم)

التجاهل والصد سيد المواقف بهالحالة

لأن مشاعري ونفسيتي مو لعبة عندهم فأشتري راحة بالي بالبعد عنهم

 

[جوك احلى جو]

يامالج بتشوفين ناس خربوطه

 

[Jolyan]

يا كثرهم الله يعين و بس
المشكله الي تنفس عليج وحده اكبر منج حاطه عقلها بعقل البنات
يعني هي ام بالثلاثين لجات لزواره وشافتنا إحنا مراهقات تسلم على بعض و تتجاهل الباجي ليش يعني
استغفر الله هذه عقليه مراه كبيره حمدالله و شكر
بس اعطيهم اكبر طااااف

 

[Jolyan]

هي من الاهل و الله يعينا عليها راح احاول أبدا بالسلام و أصير احسن منها

 

[є 3 τ и α q]

ههههَ اسم الموضوعَ بحد ذاته ضحكني
يعني تقدرين تقولينَ .. / مَ سكتها ام العبيد فجأههَ

يَ كثر مَ اواجهه هالنوعية ..
وتدرين كيف اتعامل معاهمَ ابدآ اطنش ولا اعطي اي اعتبار


-

لينَ ترجعَ ل طبيعتها بتجي
وبالاخير ترىَ م ندري عن الظروف
يمكنَ تمر بَ ازمةة عائلية او نفسيه
يمكنَ متضايقة من امر وجيتي انتِ بوقت غلط ؟!



_

 

[الأسطوره$$]

صراحه أستغرب منكم بنات !!

حتى لو مضغوطه وإلا متضايقه ما يمنع أرد السلام !!

شدعوه لهالدرجه !

- السلام ؟ عليكم السلام يا هلا .. << أَقَلهاااااااااااا

إما إن تسلم وأحقرها ! والله ضايق خلقي مالي خلق أرد :eh_s(12):

مو منطق !

السلام لله وخيركم من بدا السلام


ياااااااااااا زييييييييييييين السمحه البشوشه حتى وإنتي متضايقه شوفتها تفرحج مو اللي عاقده النونه وتضيق خلق اللي معاها من نفسها الشينه :eh_s(14):

حبوا بعض الله يهديكم وسعوا صدوركم وكبروا عقولكم

 

[جهراويه مزيونه~]

كل وحده فيكم ردت انا متاكده انها بيوم من الايام نفست بس الواحد مايشوف نفسه بس يشوف الناس
وعادي هذا شي طبيعي احنا بشر يوم زعلانين يوم فرحانين الاهم ان مانتضايق عشان والله فلان منفس علينا
اليوم منفس باجر يتعدل مزاجه

 

[* ليــــدي *]

لآتعطينها حآجتها لا ردت

 

[مشتطـه]

انا اعرف وحده جذي


تصدقين مادري !


لما نسولف معاه وتس اب مرات

ترد على قد السؤال ومرات تعلق بكلمة لو كان حلم حلمنا فيها

مادري احنا حبوبين واهم لا هذا السبب

 

[تبيني آرضى عليك]

إذا صديقتي واعرفها ومره معايا وماردت السلام او طنشتني امشيها لها
اما وحده ماااعرفها وتنفس وماترد السلام بالطقاق ولا تهمني

 

[Huda alotaibi]

يمكن فيها مرض او اختلال في الهرمونات


فالعصبيه لها الف سبب واول سبب الامراض الفسيولوجيا :yaaaaaarb:

 

[شوشو الشقيه]

يسلمو
اختي انا بتكلم لج شيء واقع شفته بحياتي
اتمنى يقنع كلامي
شوفي اختي انتي ما تدرين الناس شنو يعانون في داخلهم من مشاكل حياته او زوجية او نفسيه
يعضهم يضحكون ويتكلمون قدامج بس والله العظيم اقسم بالله لو شفتيهم هو لوحدهم قلبج يوجعج عليهم
حالتهم حالة
شوفي اختي في ناس يعانون من امراض نفسية
والله العظيم انهم لدرجه يكرهون حالهم تجيبهم حالة لا يشتهون يشوفون نفسهم
حالة ضيق وكدر توصلهم لكره النفس يدخلون في دوامة من الحزن الله يعلم بحالهم
بدون سبب عيونهم تبكي لحالهم اذا جلسوا لوحدهم
اذا هم لا يشتهون نفسهم كيف تريدينهم يشتهون يتكلمون مع احد او يسلمون على احد
انا بسالج سؤال
اذا الشخص لا يشتهي نفسه الي هي نفسه
كيف يشتهي الناس
تره هذا ابتلاء من رب العالمين و مرض ليس بيدهم هم
انا اتكلم لج من واقع يا اختي
في ناس فيهم مس
يدخلون الدوام و لكمن هم مستصابين من اهل الجن
لا يغرج ضحكهم و والفهم بعض الاوقات
تعالي شوفيهم في اوقات من زمن او الايام
بس بعض الناس لهم قدرة كبيرة على اخفاء امراضهم
فوق ما تصورين

فلو يوم شفتي موظفين يوم تسلم عليج و يوم لا
اعذريها يمكن عندها مشاكل او امراض
بعد تره علاقة العمل رسمية مو معقولة بتقول لكم يا جماعة فيني مرض نفسي
في احد يضرب نفسه بنفسه


يمكن بعد انتي بدر منج موقف ازعجها
فقامت تحاشاج
انا لو شخص كل يوم ازورها ابدء رغبتي في مصادقتها

هي ما تنزل تجي لي
كل مره انا اروح لها بصراحة اعاملها نفس المثل
ليش انا مالي كرامة كل يوم اسلم عليها واسال عنها
هي ما تكلف نفسها تزورني

انا عندي مبدأ( الي يهتم فيني ويسال عني انا اهتم فيه اسال عنه )
هذه قاعدتي
اشوف البنت تسال عني وتهتم لاخباري وتجي لي
انا هنا اتشجع اروح لها
انا من نوع الي استحي احذف نفسي على احد
لازم احد يبادر عشان انا اتشجع ابادر

في ناس والله اسال ازورهم و اسلم عليهم
وهم ما يزورني لمكاني ليش احذف نفسي عليهم هالكثرة
كنت دايما ازورهم بعد شفتهم انهم موقفين اقدامهم
قلت انتي بعد وقفي اقدامج
قمت لا اسلم عليهم ولا اهتم لهم
حسسوني اني ميتة عليهم وراه انا ما عندي كرامة


اقولج فعلي مثلي
انا لو شفت انسانة جديدة
ازورها اسال عنها و اسلم عليها ازورها بمكانها
لو شفتها انها لا تسال عني ولا تزورني لمكاني
خلاص اخذ موقف من شخص
امسك نفسي عن شخص
بعد الانسان لا يعمل نفسه مداس هالكثر

 

[عود النثايا]

يبا خلاص ليش حاره روحج و تفكرين بالسالفه ؟
ما سلمت ما كلمتج خلاص طاف كيفها الحياة ما تتوقف عليها عقارب الساعه ما زالت ماشيه get over it
السلام مو واجب
استغرب منكم بنات اليوم تزعلون علا اتفه الاسباب سلمت علي ,, ما سلمت علي ,. طالعتني بنص عين ,. دشت بريلها اليمين مو اليسار ,, سلم عليا بطرف عينه و حاجبه <<< لا الاخيره فصله لوووووووووووول
كيفهم يبا كلن يتعامل بأصله مو بالضرورة تسلم علي او تبتسم لي هذي اهي الي ما سلمت او ما ابتسمت اما انا فاني مكمله يومي و مكمله حياتي ولا ناقصني شي < خليها قاعده لج
ام ان اهي ليش ما سلمت او ليش نفست ليش فيها عقد نفسيه كيفها ما تدرين يمكن اهي تتعالج بطبيب نفسي و ماتقولكم تروح عيادات خاصه
او يمكن ما عندها ثقه بنفسها . من هالحالات الي نقرا عنهم بعلم النفس الي تشوف الناس احسن منها و تجد نفسها في نقص دائم فتحاول ان تكمل نفسها بطرق الحيل الدفاعيه تشويه الحقيقه تشويه الواقع
الناس امراض يا حبيبتي خليها لا تسلم . لا اهي الي تنزل معاشج ولا اهي الي ماسكه التزاماتج ما سلمت براحتها
بالعكس انا لو مكانج اروح اعطيها ورده .. مسكينه يمكن طافتها اليوم الجلسة ام ساعه عند الدكتور
سلااام

 

[عود النثايا]

ناس غريبه والله , تزعلون علا سلام ؟! ....

 

[مـرايـم]

ماتشوف شر آن شاءالله

 

[البارونـه]

الصراحه انا قادره استحمل كل انواع الناس الا المنفسه
سبحان الله على طول اكرهها وقلبي ينقمت، طبعا انا مو غبيه اعرف افرق ويبين على الواحد اذا متضايق او هو طبيعته جي او اذا منفس ورافع خشمه على الناس
وعلى طول يطري على بالي ريايلهم ماينلامون لين طالعو برع اذا الوحده جي قشره ومنفسه والله لو ملكة جمال
عيل ليش ديننا يحثنا على الابتسامه ؟ لان سبحان الله صج تدخلج قلوب الناس على طوللل
اما شلون اتعامل معاهم فـ يعتمد واتوقع هاي شي فطري
اذا وحده منفسه بس مصلحجيه اعاملها بـ سطيحه ولا اقرب صوبها واذا طلبت ماراح اخدمها لاني مو خدامتها بحاول بطريقه ذربه ارفض
واذا وحده منفسه لانها غيرانه فـ هذي قمة الوناسه لاني بطنشها وبتزيد ثقتي بنفسي جدامها حبتين عشان اقهرها هههههه اتغشمر
الله يعينا على هالفئه

 

[amoon.]

ماتدرين شنو ظروفها

 

[عطورات المطيري]

بارك الله فيج ايوووالله بووقتج مادري. اش له النفسيه كلنا ننظغطوكلنا نتتعب بس موسبب انفس انا اول كنت ازعل وتاثر بس الحييييين طاااااااااف ماعاد يهمني اتنفس ع نفسها صرت اتبع مذهب التنطيش حلوو جربوه يريح النفسيه ويخليهاتتفشل من مفسها

 

[لمساتـي]

اعطي لأخيك سبعين عذر