عزيزتي الي تنفس من غير سبب عسى ما شر

[هاناا]

السلام عليكم

شلونكم يا بنات
من زمان ما نزلت موضوع



بس جد قاعده اواجه بشر

ما اقدر اقول الا الله يهديهم


في بنات

سواء بالشغل او العايله

فجأة و من غير مقدمات تقوم تنفس عليج
او ما ترد السلام

من غير سبب
جد من غير سبب

يمكن في موضوع شاغلها او شي


بس مو سبب كافي

الناس مالهم شغل بمشاكلها عشان تنفس

انا اشوفها قله فهم

و صغر عقل

او يكون لها حاجه عندج

تقوم تسلم

تخلص حاجتها ترجع تنفس

انا مو من طبعي ارد احد لو طلبني خدمة


بس سؤالي


شلون تتعاملون معاهم؟

 

[شــــــــــــــوقــــه]

عن نفسي طاااف

واذا تعدلت نفسيته عشان يتمصلح هني على مزاجي واذا وافقت اكون نفسية مثله

لان دم ضروسي امشي على مزاج احد

 

[Cute mama]

لاتحكمين عالناس قبل لاتعرفينهم
ماتدرين شنو ظروفهم
صح انا معاج بعض الناس عبالهم اذا صاروا نفسيه يعني واو او بيلفتون الانتباه او احنا الكشخه
بس يمكن وحده متهاوشه مع زوجها
ولدها مريض ومتظايقه
عندها ازمه ماليه
وفي ناس شخصيتهم تكون ناشفه مو بايدهم
اعرف وحده ماتضحك ولمن تتكلم وايد ناشفه بس من داخل طيبه طيبه فوق ماتتصورين وقلبها وايد ابيض
احسن ماتييج وحبه واترحب وتهلل فيبج وحبيبتي وعمري وتامرين امر ولمن تمشين تطنز عليج او اتحش فيج
مثال عندج هذي اللي طلعت ببرنامج اي وش اللي يحطونه عالوطن
اللي مادري امها اجنبيه مادري شنو جنسيتها
كانت كله معصبه ومكشره ومنفسه وماتضحك
اخر شي لمن سالوها قالت ماحب شكلي وانا اضحك ويهي يصير مو حلو
كسرت خاطري
انا ماكنت افهم هالشي الا لمن مره صارلي موقف
طول عمري اضحك واحب الناس والحمد لله الناس يحبوني واجتماعيه وكله مبتسمه
مره صارتلي شغله وكنت طالعه من البيت ووحده ساكنه بعمارتي كلمتني رديت عليها بس ماطالعتها وكنت وايد ناشفه معاها ماكنت ابيها تدري اني متظايقه او اني ببجي بس اكيد بتفهم اني منفسه
ماحبيت اطنشها وامشي على شان لاتشوفني قاعده ابجي واضطريت ارد عليها بس طريقة كلامي كانت ناشفه فاكيد عبالها منفسه على شان جذي اقولج لاتظلمين احد وانتي ماتعرفين شنو ظروفه
​

 

[Pinky -cat]

يا حبيبتي بتعورين راسج على الفاضي ، اللي زين وياج ويسلم حياه الله واللي لا ومنفس فراقه عيد والمعاملة بالمثل

 

[PuPa^^SWeeT]

اللي بمحيط العمل



مجبووورة اتشوفينها كل يوم

فا يبيلج قرصة لها


علشان تفهم


مجال العمل ما يتطلب اليوم نفسيتي زينة و اليوم لا


خصوصا اذا نفس المكتب


اذا مكتبها بعييد بس تحاشيها



العايلة



مجبووورة والله مهما يكوون


لصلة الرحم



اللي مو صلة رحمج



لا والله مو مجبووورة




صح خيركم من بدا بالسلام


بس مو بهالصووورة

 

[Patcholli]

اي صادفت هالنماين اكثر شي بالدوام الصراحه عيب وفشله حتى لو متظايقه في شي اسمه مجامله
انا الصراحه الي تنفس علي ازفها ساعات اذا ميانه او اطفرها اقولها اشفيج منفسه اليوم بسم الله
عادي ماقمت استحي لانهم مايستحون

انا ماتكلم عن المتظايقه اتكلم عن المنفسه الي حتى السلام ماترده ساعات

 

[e7sasi]

إذا وحدة من الأهل أو صديقة أعرفها من سنين أحط لها أعذار وبالغالب أحاول آخذ إلي بخاطرها ، إذا زميلات شغل من أول مرة تنفس علي تكون ردة فعلي تجاهلها وصدقيني مارح تتكرر مرة ثانية لو تعاملتي مع إلي حواليج بأسلوب ودي بدون ماتطيح الميانة لأن بس تطيحين الميانة مع أحد تشوفين العجب من الناس وينتظرون منج تتفهمينهم لما ينفسوون .. جنه احنا ناقصين =)

 

[عـيّــآره]

انا اتحمل رفيجاتي واللي اعزهم مهما كانت نفسيتهم شينه

بس ياويلها اللي ماعرفها عدل وتنفس علي تروح عليها 10 _صفررررر​

 

[*مطبخ الذواقة*]

طاف والحياه تستمر
​

 

[حروف من ذهب*]

الي منفسه خليها تنفس مع عمرها خير أن شالله الناس ما تشوف بعضها إلا قليل

 

[روح امها]

احنا ماندري شنو ظروف الناس

بس مهما كان السلام لله
ردي السلام على الاقل وبعدها قعدي ساكته

 

[قاهره عذالي]

مو شرط هالتنفيس وهالتقلب بالاسلوب

يكون كره لج او عدم ذوق

ترا مرات يكون الانسان يكون مضغوط ومعصب او مريض وماله خلق لاحد

حتى اختج بالبيت مرات تنفس عليج بدون سبب

 

[Beautiful soul]

اي والله ترى احنا بزمن اغلب الناس مضغوطة نفسيه تلاقينها يمكن مخلها مشغول بالف شغله وشغله او مليون مشكلة
ادري مو عذر بس صدقيني هذا واقع الاغلب والحل ان الشخص يتحاشى الحديث معاهم

 

[نونه المنكوشه]

اذا نفسة انفس ع يد اللي يابها بعد هذا اللي ناقص واذا واجهة هلنوعيه اعاملها بالمثل وحتي لواتكلمني واتميلح اضرب فيها الطوفه عاد انا مينون ونطق بعصا اللي مضايق وعنده شي يتكلم بس انفس لأ الناس مومجبوره اتحمل عقد احد هههههههه حدي تحمست لاني اكره هالاسلوب لواهي اقرب الناس لي اعفسها لواتنفس

 

[قاهره عذالي]

اذا نفسة انفس ع يد اللي يابها بعد هذا اللي ناقص واذا واجهة هلنوعيه اعاملها بالمثل وحتي لواتكلمني واتميلح اضرب فيها الطوفه عاد انا مينون ونطق بعصا اللي مضايق وعنده شي يتكلم بس انفس لأ الناس مومجبوره اتحمل عقد احد هههههههه حدي تحمست لاني اكره هالاسلوب لواهي اقرب الناس لي اعفسها لواتنفس

التمس لاخيك 70 عذرا


صح كلامج ليس من الذوق انه نحط الحره بالناس وننفس

لكن ماتدرين هالانسان شنو داخله من ضغوط او مصائب

يعني مثلا بعيد الشر وحده متوفي لها من قرابتها احد اكيد بتكون حزينه ومالها خلق

وحده شايله هم مثلا ولدها مريض او عندها سالفه ومشكله كبيره حاصله

الانسان يتاثر بالمصائب والظروف وهذا طبيعي

 

[نونه المنكوشه]

^^^^^^^^^^^^^^^^^^^^^^^^^^^^^^^^^^
ياعمري انتي انا مريت بضغوط حالي حال اي انسان ولكن عمري مانفست ولاكشرت بويه احد بالعكس يمكن ابجي لي تخلص دموعي تالي اطلع عند الناس واسولف واضحك لانه اهما مالهم ذنب اشيلهم همي اًوااتعب احد معاي بالعكس كنت انسي همي فيهم وبعدين الافضل بدال ماتنفس تتكلم واذا ماتبي اتقول تشكي لله وتذكر ربها واهيا بترتاح انا حتي رفيجاتي واهلي اقولهم في شي تكلموا وكلي اذان صاغيه بس اتنفس باسم اني مصغوط كل الناس مضغوطه وعندها هم والانسان الراقي عمره مايستخدم هالاسلوب بالعكس مهما صعبت عليه الظروف المفروض كلمة الحمدالله دوم بلسانه ولواحنا صج انحب رسولنا نقتدي فيه ومو من اخلاقه يسوي جذي بالعكس الابتسامه بويه اخوك المسلم صدقه

 

[ااميره]

انا عن نفسي على حسب البنت إذا غاليه علي اخليها لين ما تروق واسالها
لكن إذا علاقتي فيها عاديه أكبر طاف
وإذا جات تتمصلح وقتها تنطيش '....
كل الناس عندها ضروف بس يتعلم معنى الصبر والاحترام
ولنا في الرسول قدوه دائم كان مبتسم

 

[مريااانه 4]

بسلامتهااا خليها تووولي هالاشكااااااال



واذا ردت لج سوي فيهااا مثل ماااسوت

 

[نسيم المحبة]

في ناس عندها ظروفها و ما ينلامون
لكن في ناس عندها ان النفسية برستيج و كشخة !

 

[قاهره عذالي]

في ناس عندها ظروفها و ما ينلامون
لكن في ناس عندها ان النفسية برستيج و كشخة !

لاحظت هالسالفه

تكلمج من طرف خشمها وترد السلام وهي مكشره بوجهج

وان سلمتي عليها قامت تعطيج نظرات تعبانه والوجه عابس وهي يمكن اول مره تشوفج او مابينج وبينها لا كلام ولا علاقه