عزيزتي المطلقـه صور عرسج شنو سويتي فيهم حرقتيهم مثلآ ؟؟

[الكادي 2011]

موضوع يقهر

 

[الصحفية]

انا احس اذا عندهم عيال المفروض تخشهم بس بعيد عن عينها ...اليهال من حقهم يكون عندهم ذكرى صور اهلم

وما تدرين يمكن تتعدل الامور ويردون حق بعض عاد قهر اذا حرقتهم شلون يردووون ؟؟


انا رفيجتي خاشتهم بكرتون وحاطتهم بالكبت ما تدري عنهم ...

والله يصلح كل اثنين ويهدي سرهم اللهم امين

 

[~LiBrA~]

رد : عزيزتي المطلقـه صور عرسج شنو سويتي فيهم حرقتيهم مثلآ ؟؟

الله يعوض كل مطلقه بلي احسن منه انشالله

واعرف وحده قصت الصور يعني قصت ويهه وخلت ويهها

بس احس صج صعبه دام الريال راح حتى لو اهو مو بالصورة

كل ماشفتي الصور راح تتذكرين ان كان عرسج معاه وراح يعورج قلبج

واي الله بعونكم

 

[G!RLooNa]

انا كله اسأل روحي هالسؤال.. وحده من اهلنا تطلقت و ردت تزوجت عقب عاد ودي اعرف شسوت بشريط العرس و الصور بس طبعا ما اتجرأ اسأل

 

[ام جوري وجود]

الله يعوضهم يارب

 

[تووولين]

رد : عزيزتي المطلقـه صور عرسج شنو سويتي فيهم حرقتيهم مثلآ ؟؟

هلا بنات
انا ماقطيتهم ولافكرت اقطهم خاشتهم عندى مع الشريط ولاكبر ولدى اخليه يشوفها

وبالعكس حتى لو اشوفهم ماتحسر او اتضايق لانى طلاقي كان بقناعه تامه الحمدلله

وتسلمين حبيبتى

 

[كيكه شوكولاته]

الله يعوض عليكم

 

[جوك احلى جو]

الله يعوض عليكم ويرزقكم بالزوج اللي يستاهلكم يارب

 

[ولهااااانه]

Up
up
up

 

[scared]

رد : عزيزتي المطلقـه صور عرسج شنو سويتي فيهم حرقتيهم مثلآ ؟؟

انا جمعتهم في صينية المنيوم كبيرة وشبيت النار عليهم مع دفتر مذكرات يوميات شقيت اوراقه ورقة ورقة وكل شوي اغذّي النااااار فيهم ومنظر اللهب يتساعد الى فوق احساااس يطلع كل الالام والمصايب اللي عشتها ويصعد مع اللهب وينزاااح ..

الله لا يعيدها من ايام .. الحين انا متزوجة الحمدلله والله يبعد عنا المشاكل يارب عسى دوم ايامنا حلوة وللجميع يارب

 

[اينااس]

الله يعوض عليكم

 

[أموت برزة عقاله]

رد : عزيزتي المطلقـه صور عرسج شنو سويتي فيهم حرقتيهم مثلآ ؟؟

مدري احس حرام تقصهم وجذي ذكرى صج مؤلمة بس مخسره عيليهم فلوس

بس انه لو هشي بضيق خلقي بقص صوره وبحتفظ بصوري والله لا يحطني هبالموقف

توني عزووبية


بس حبيت اقول لخواتي المنفصلات او المطلقات

خواتي كل شي خيره من رب العالمين لا تيأسوون وان شاء الله الله بعضوكم بالريال الي يحشمكم ويستاهلكم

 

[miss-loonly]

انا عن نفسي كسرت الشريط وشقيت الصور حتى صوري لان كنت ياهل وكان فعلا شكلي يضيق الخلق <<< مغصوبة
فعلا مابي اي شي يذكرني بالماضي الاسود
الحسنه الوحيدة هم عيالي فديتهم الله يحفظهم

 

[شوارفسكيه حمره]

رد : عزيزتي المطلقـه صور عرسج شنو سويتي فيهم حرقتيهم مثلآ ؟؟

متابعه بصمت

 

[غمزه وإبتسامه]

الله يررزق كل مطلقه بزووج الصالح الي يعووضهااا

 

[!! غزل !!]

ياقلبي تخليهم عشان الذكرى

 

[دخــوون]

صراحه قلبتي الموااجع....

 

[عااافك الخاطر]

رد : عزيزتي المطلقـه صور عرسج شنو سويتي فيهم حرقتيهم مثلآ ؟؟

انا صراحه شققت صووووووره وصووووور اهله بس صوووووري لا وكسرت السي دي مال الصور وحتى الميموري مال الكاميرا لما رحناااااا شهر البصل اقصد(العسل) بس شريط عرسي وفيه بعض الصور مااااااشققتهم ماادري ليش هل هو حنين ولا خبااااااال قلبتي المواجع علي بس ماااااااقول الا حسبي الله ونعم الوكيل والله يعوووضني خير ويعووض على كل المطلقااااااااات يارب

 

[حياتي فراغ]

رد : عزيزتي المطلقـه صور عرسج شنو سويتي فيهم حرقتيهم مثلآ ؟؟

حماتي كل ما ازورها توريني صور عرسها و صور شهر العسل
و آخر شي تسب الريال و تدعي عليه ...

بس حرام تقول ابي عيالي يشوفون الصور اذا كبروا <<< تهقووون صج هذي نيتها

 

[منيرة خالد]

الله يعوض كل مطلقه برجل صالح يحفظها ويصونها


والصور ماضي احرقوووووووووه وابدوا حياتكم بصفحه بيضه وجديده