عزااا ,’ وهي عروووووس!!!!!!

[نشيج الروح]

الله يكون بعونها ويرحم أموات المسلمين
خل تتكلم معاه وتذكره ان ما يصير نعيش بالقوقعة هذي طول العمر

 

[awashamen7asha]

الله يرحم ريل حماتها و ويصبرهم.. ترا مو هينه !! انا ابوي عقب دزتي بيوم طاح جلطه الله يشافيه ماقام يقدر يتحرك ولا يتكلم و لا ياكل و اعمامي يحنون يبون يملجون عشان خايفين اسم الله عليه يروح و يتاجل زاوجي بس انا مو راضيه انا اصغر البنات والا ابيه اهو الي يملجلي .. و الحمدلله تحسنت حالته شويه و سوينا الي فبالنا .. بعدها بشهر و نص توفى ولد اختي! شوفي الحجي الي طلع مسحوره و عين و ريلها قبسه!! وضعي كان حيل متازم في حاله صدمه و نفسيه و بجي 24 ساعه على ريلي مانسى وقفته معاي ماكشخ ولا مكياج و لا استشور و لا كلام حلو كشت في ريلي عدل بس ماهدني و لزق فيني و في بيتنا زياده اييبلي افلام و عشا ! عساكم متفقدون غالي! لازم تتحمله و تكون معاهم 24 ساعه تونس عليه المكان و الزواج مو بس وناسه و لعب ..امبييي قصيت قصه حياتي !!! المهم لاحقه العمر كله وياه بتسافر و تروح ! و خلتطلع مع اهلها و رفيجاتها مافيها شي!

 

[لولوة الكويتية]

الله يعينها
ميخالف اهلها ولازم تشاركهم أفراحهم وأحزانهم ولاحقه على الكشخه والطلعات

وان شاءاللهـ آخر الأحزان

 

[نفـــائس]

الله يعينه المسكين الحين بيشيل اخته وعيالها هو ولي امرهم الحين

شلون تبينه يستانس بالزواج ويطلع ويسولف

الله يعينه والله يلوم اللي يلومه

وهي ختصبر فترة مؤقته بس والرجال راح فجاه الله يرحمه

قوليلها لا حقة علي الطلعات والجيات والبدلات مايضرهم تلبسهم بعدبن

 

[سكوتي بذوقي]

الله يرحمه ويغفر له

ويكون بعون زوجته وعيالها

هاذي اخته أكيد راح يحزن على الوضع اللي هي فيه

وتراها فتره وتعدي والأمور ترجع لطبيعتها

شلون تبيه يضحك ويشوف اخته مهمومه
لاحقه على الطلعات والوناسه خل تواسيهم بحزنهم لين ربي يفرج عليهم

 

[PuPa^^SWeeT]

الله يعينها و يعينه ويعين اخته بعد


شكله المتوفي قريب منهم ولا اول نسيب لهم


يعني له غلا بقلب ريلها



اتعوذ من ابليس

 

[FDET NFSY]

الله يسهل اموورهم

 

[أم عـموري]

الله يصبر اخته ع فراق زوجها ويخليلها عيالها يارب يقومون فيهاااا ويحفظلها اخوووها الي شايل همها ..
والله يصبر صديقتك ويعوووضها عن هالايام هاذي كلها يااااارب قوليلها فتره وتعدي بس اهم شي لا تبين انها طفشانه من هالوضع حزتها بيفكر تفكير غلط الله يحفظهم لبعض ووويسعدهم يارب ...

 

[نكهةالبرتقال]

حبيبتي ،،، قو ليلها هذي الحياة

و راح يعتني أخته و عيالها فخل ها تاخذ الموضوع ببساطة

و تحمد ربها عالسلامة و العافية و إن ما صار زوجها هالحادث

مسألة صبر

لا تضغط عل الريال ، بعدين يكرهها

 

[مشتطـه]

بصراحه غلطانه


شحقة ماتحط مكياج!!!!


يا خال ابوي حك ظهري زوج اخته يعني لا من اهلها ولا امه وابوه اللي متوفين

عالاقل تحط شي ناعم مو الوان ولا تنزل والويه اصفر


والله يصبرها

 

[ابدا يالغالي مانساك]

هذا الموووووووت ماااله وقت الله يكفينا الشر
وعن رفيجتج نفسي انا توفي اخوووووي بعد عيني وكنت توني عروس بعد زوجي بكم شهر زفاني بيوم عرسي حبيبي ربي يرحمه
يووه ياذيج الاياااااام سوري طلعت من موضوعج حوووبي
بس خااانتني دموعي بموضوعج وذكرني
ربي يرحم موتانا وموتا المسلمين ويصبر حماات رفجتج ياكريم

 

[غدووور الكويت]

فتره واتعدي لازم تصبر لانه اللي صار له مو شويه

 

[ياا راسي التعب]

بعض الردود يبان غليها عمر اللي ترد مثل مشتطه واضح انها صغيره
واللي عمره صغير لايعطي رأيه عشان مايخرب على غيره بدون ما يقصد

 

[ياا راسي التعب]

حلات شكلي الناس تحت حزنانه وانا مقابلتهم بمكياج
مو من الذوق نهائيا

 

[العز انا]

ايام وتعدي
والبني ادم نساي بتمر الايام وينسون
والله يعينها

 

[مشتطـه]

بعض الردود يبان غليها عمر اللي ترد مثل مشتطه واضح انها صغيره
واللي عمره صغير لايعطي رأيه عشان مايخرب على غيره بدون ما يقصد

العمـر كلـه لـي يا رب :eh_s(7):

انا ما قلت تلبخ مكياج عالاقل بما انها عروس تحط شي ناعم بإختصار مثل الاجانب يعني لمسة تحليها
الناس كلها بتشوفها


بس سالفة تقعد شهـر على زوج اخت ريلها واااااااايد بالغت

ويكفي رسولنا صلى الله عليه وسلم قـال الحزن 3 ايام


الكويتين خلوها 3 سنين

 

[مدام فراوله]

ياقلبي عليها الله يكون فعونهم