عزااا ,’ وهي عروووووس!!!!!!

[ياا راسي التعب]

مسكييييينه حرااام خل تنتحر
!!!!!!!!!
الناس وين وهي وين
تفكر بلبس وطلعه
راح تشبيعين لبس ومكياج
اللي مات انساااان مو خروف

 

[Al-RoRo77]

الله يرحمه برحمته ويصبر اهله يارب
واللي صار مو شوية واكييييييييييييد بيضايق وايد خو ريل اخته الله يرحمه يارب واكيد بيفكر بأخته وعيال اخته الله يصبرهم يارب ويعينهم
واهيا لاحقه ع الوناسه واللي تبيه وخليها اهيا تهون ع ريلها وادلعه ولا تنفس عليه اللي فيه كافيه الله العالم بالهم اللي فيه
وان شاء الله بيعوضها والله يوفجهم مع بعض يارب

 

[انا لحبيبي .]

الله يرحمه يارب ،

فتره وتعدي ، ورح يرجع الوضع طبيعي

 

[Om_Ksha]

بصراحه المفروض بينها وبينه تلبس وتكشخ تغير الجو شوي وهالشي بيغير من نفسيتها ونفسيته .. مو تعيش بجو نكد وهم وغم حتى لو هالشي فارض عليهم بس بين بعض اهما واهيا عروووس اذا ماستانست الحين بتتحسف على هاللحظات

 

[الزيـــــ^^ـــــن]

لازم تووقف معاه بهالوقت لان بتكبر بعينه ،،والله فتره وبتعدي

وعندها العمر كله ويااه ان شاءالله يعوضها خل تصبر بعد شتسوي

 

[أعشقه]

الناس عزا وخويتك تفكر بكشختها وانها مالبست ولا كشخت
لاحقه بتلبس وقدامها عمر ان شاء الله بتلبس وتكشخ فيه ..
خل تقدر الوضع الي هي فيه واصلا المفروض هي ماتطلب من زوجها انه يطلعهاا لانها تعرف بوضع اهل البيت ..
حتى لو كانت تو عروس .. خل تحط نفسها مكان اهل زوجها .. ترضى تشوف زوجها يطلع ويغير جو وفله ووناسه
اكيد لا .. اما هالناس امرهم غريب خل تصبر وتحتسب هالشي لوجهه الله وربي بيكرمها بايام ماتنساها ان شاء الله

 

[[[ عيون جابر ]]]

قدر الله وماشاء فعل ما ينلامون ليش الانانيه ! الناس عندهم حالة وفاة وحاذتهم تقطع القلب واهي تفكر بدراريعها ومكياجها !!!!!

 

[وحيدة خالد]

الله يعوضها خير

 

[" ام حمود "]

الله يرحممه ياارب ..
الله يعينها زوجته والله تعور قلبي اهيه وعيالها الله يصبرها يارب
حبوبة الحين عزاا لاتفكر بنفسها خليها تكون وايد مع اهل ريلها وتباشرهم
وتقوم فيهم وتواسيهم والله لاحقه ع وناسة ومكياج واللبس كشخه
فتره وتعديء .. لاتفكر بنفسها

 

[Heart.LesS !!]

صراحه مادري شقول
الله يصبر قلب اخته وعيالها وقلوبهم كلهم
قوليلها لاتلومه
اسمله عليج الله لايقول لو انتي مكانه اكيد بتسوين نفس الشي
حاولي انتي كثر ماتقدرين اتطلعينه من الجو الي فيه
مهمن كان هذي اخته وعيال اخته
العكس انا منها اخذ اليهال اطلعهم من الجو الي اهم فيه
واحاول اصبر قلب الام
الله لايورينا مكروه باحد عزيز علينا
وانشالله باجر بتكبر بعينهم
وريلها يعوضهاااااا

 

[Heart.LesS !!]

والوناسه اتعوض اما بني ادم شيعوضه لاراح

 

[دلوعة صلوح]

الله يعينهم يارب العالمين.

 

[قل علها خيره]

حباااايب قلبي يسلمووو ع المششششاركه .,’*

 

[قل علها خيره]

اميييين ياااارب ويجبر مصااابهم ويصبرهم .,’*

 

[!witcha!]

الله يرحمه ويصبر اهله و مرته
هذا يومه
ورفيجتج ما عليه خل تصبر !!! عزا هذا ...

 

[*ريما*]

خل تتزين بالشقة تغيير جو
اما تحت لا
والله يعين

 

[pink_girl]

الله يعينها علي الموقف اللي انحطت فيه ويعين اهل زوجها واخته على مصيبتهم انا حاسه فيها لاني مريت بموقف قريب شوي للي حصل معاها اول ماتتزوجت من 10 سنين ابو زوجي كان تاجر كبير وانكسر قبل الزواج بفتره وعليه ديوون كبيره وكانو بيدخلونه السجن لو ماسددها بس خلى المحامي يشرح وضع زواج ولده للمحكمه وتخيلي بعد عرسنا ثاني يوم دخل السجن وانا عروس وزوجي ولده الكبير كانت ازمه وطول الوقت الحالي بشقتي ورجلي مع اخوانه وامه بمشكلتهم سنه كامله كنت طالبه مانطلع الا مشوار مهم وشوي ياخذ فيني لفتين بالسياره يشتري لي عصير هذا يعتبر اكبر تمشيه ومشت الدنيا وابوه طلع بعد سنه والحين الله يرحمه توفى وانا الحمد لله هذاك عدي بالشر اسافر الحين كل سنه مرتين غير كل ويك اند ياناخذ فندق ولا نروح اي بلد قريبه ورجلي كل ماياخذ فتره يقولي انتي تحملتي واجد اول زواجنا وصج افرح احس اني انا كسبت بالاخير يوم اني مابينت له اني متضايقه ووقفت معاهم قولي لصديقتك قصتي عشان تستفيد منها والدنيا تدور بسرعه مافيه شي يبقـي على حاله حتى اخت رجلها يبي لها كم شهر وبتصير تروح وتجي وترد الدنيا طبيعيه هذا حال الدنيا بس اهم شي الانسان يثبت معدنه واصله بالازمه وقولي لها بيذكرونه لها

 

[قل علها خيره]

الله يعينها علي الموقف اللي انحطت فيه ويعين اهل زوجها واخته على مصيبتهم انا حاسه فيها لاني مريت بموقف قريب شوي للي حصل معاها اول ماتتزوجت من 10 سنين ابو زوجي كان تاجر كبير وانكسر قبل الزواج بفتره وعليه ديوون كبيره وكانو بيدخلونه السجن لو ماسددها بس خلى المحامي يشرح وضع زواج ولده للمحكمه وتخيلي بعد عرسنا ثاني يوم دخل السجن وانا عروس وزوجي ولده الكبير كانت ازمه وطول الوقت الحالي بشقتي ورجلي مع اخوانه وامه بمشكلتهم سنه كامله كنت طالبه مانطلع الا مشوار مهم وشوي ياخذ فيني لفتين بالسياره يشتري لي عصير هذا يعتبر اكبر تمشيه ومشت الدنيا وابوه طلع بعد سنه والحين الله يرحمه توفى وانا الحمد لله هذاك عدي بالشر اسافر الحين كل سنه مرتين غير كل ويك اند ياناخذ فندق ولا نروح اي بلد قريبه ورجلي كل ماياخذ فتره يقولي انتي تحملتي واجد اول زواجنا وصج افرح احس اني انا كسبت بالاخير يوم اني مابينت له اني متضايقه ووقفت معاهم قولي لصديقتك قصتي عشان تستفيد منها والدنيا تدور بسرعه مافيه شي يبقـي على حاله حتى اخت رجلها يبي لها كم شهر وبتصير تروح وتجي وترد الدنيا طبيعيه هذا حال الدنيا بس اهم شي الانسان يثبت معدنه واصله بالازمه وقولي لها بيذكرونه لها

ماشالله الله تبارك الرحمن عليج ,’ الله يكملج بعقلج ولايغير عليج الحمدلله صج ضحيتي فالبداايه بس ربي عوضج خير ~ والله عطاج على قد نيتك !

مشكوووره ياقلبي على مشاركتج الحلوه .,’
وماراح اقوولها لان هي بنفسها تقرأ ردوودكم:eh_s(9):

 

[السهم الصويب]

عروس وعروس

شنو يعني عروس ؟!

الناس ضايق خلقها عندهم عزا وهذي متفرغة مالبست اهدومي !!

صج نااااس ماكو احساس

 

[شادن33]

اذا كان موت الاب عزاه ثلاث ايام وبعدين تتزين المراه لزوجها يعني مايجوز الحداد على الميت اكثر من ثلاث ايام طبعا هذا اذا كان الميت غير الزوج