شوفي حبوبة الدراعات على حسب اذا بتكونين ساكنة مع حمولتج او لا ؟؟
العطورات نوعي اخذي عطورات شرقية عربية وبخور ومرشات ودهن عود ومسك
من القرشي اخذي بخور 25 وبخور السيوف ومسك الختام ومسك العروس ومسك الطهارة ومكعبات المسك عشان تحطينها في الملابس واخذي دهن عود سفاري روعة >>> هذا القرشي ..
أمل الكويت :: اخذي دهن عود فاطمة مع اللوشن والبودرة ، واخذي العود الملكي بخاخ ، وبخور المعاريس يمدحونة عندهم بس انا ماشريته ..
أجمل :: اخذي البخور المسقا اللي يجي بعلبة خشب دائرية حلووو استعمال يومي ..
عطورات عبد المحسن :: اخذي مرش الطائفي وحنان وريماس وعندهم مرشات حلوة اللي يعجبج اخذيه ترى المرشات مهمة واذا كثرتي منها مو حسافة ..
الشايع :: اخذي ولاعة وفحم والمفارش المعطرة اللي تنحط بالكبت ، ومجموعة حروف ومجموعة دانتيل .. >>احبهم حييل
اطياب المرشود :: اخذي مبخر مسكر من فوق وفيه فتحات خليه حق شعرج .
واذا تيسرلج سفرة - سعودية او البحرين -اخذي من((( جنيد ))) صينية ومبخر .
العطور الفرنسية اخذي اربع عطورات اثنين منهم معاهم لوشن وشور جل ، ولا تكثرين لان الكل نصحني ما اكثر منهم بتملين وراح تشترين بعدين ..
بودي شوب :: اخذي مجموعة لوشن شور سنفرة ليفة عطر بخاخ ، اختاري اللي تحبينه فراولة فانيلا مسك .. اخذي بعد منهم فيتامين سي بخاخ للوجه يعطي نضارة ، وبودرتهم حلووة للاستخدام اليومي وكنسيلرهم هم حلو حيل اخذي الدرجة اللي تناسب بشرتج ..
الميك اب :: لاتكثرين من الماركة اخذي الاساسيات ماركة والباجي من المنصور او الهنود ،، وصبغ الاظافر عندج سنتر بوينت حلوة اصباغهم ، واشتري منهم صندوق للاكسسورات انا شريته 25 روووعة يشيل كل حوستج
اممممم هذا اللي يحضرني اذا تذكرت بكتب لج ,,, وعسى ربي يوفقج حبيبتي
