عروووسه (( ويييين أسوي أسناني ))

[راقيه وجذابه]

مساء الورد كويتيات

***

بنات أنا ان شاءالله عرسي أول أيام العيد بأذن الله

وأبي أسوي تنظيف وتبيض ليزر وأحط كرستاله ...


***

انا بسوي التنظيف بعيادة الحكومه والتبيض

والكرستاله بسوي بعياده خاااااااااااااااااصه


***

أبي أعرف متى أسوي التنظيف يعني قبل العرس

بكم أسبوع ؟؟ , والتبيض متى أسوي ؟؟ , وتكفووووون

طلبتكم بناااااات أبي عياده خاصه تكونون مجربينها

وجم سعر التبييض ؟؟؟ , وأبيه بالمنطقه العاشره

مابي حولي والسالميه ووووو , أبي قريب بليز :eh_s(16):

مثل تيجان والميدان وأبها وهالعيادات القريبه

بس الميدان غاااااااااااااااااااااااااالي !!!!

تكفوون بنات ابي عياده تبيضها سنع ابي لاظحكت

اعور عيون الي جدامي هههههههههههههههههههه



في انتظاركم حبيباتي

 

[مخلصة للاسلام]

انصحج نصيحة وبتدعيلي ليل نهار صج صج عيادة ابها اللي بالشعب قوالب نصحيه

والله رفيجتي سوتة اقسم بالله سموها البنات ام ظروس بيض وام ظروس بيض وهي مااستخدمت الا نصة بس لان عرسها شهر 9 وهي سوته شهر 6 او 5

والله عجيب وقبله اختي مسوي ليزر عند الميدان يلوع الجبد ردت اسنانها صفر وسوت عند ابها والله تجنن اسنانها قعد عندها استخدمتها حتى بعد عرسها
وهو يعور شوي تقول رفيجتي يحرق لانج تحطينه قبل لاتنامين وتنامين فيه عرفتي

وياليت تدعيلي انه ربي يجعلي راضية بما قسم لي وماشوف اللي بيد غيري ويسخر لي زوجي

 

[مطنـوخهـ]

هلااا حياتي عندج عيادة ابها لا تسويين تبيض الليزر انا سويته وطلع خرطي سوي التبييض بالقوالب والكرستاله ما انصحج فيها لما تطيح شكلها مو شي

بالنسبة لمتى تسويين من الحين روحي سوي التنظيف ويوم الاحد روحي العياده عشان يسوون لج القوالب ويعلمونج الطريقه وهالتبييض يكون منزلي واحلى بواااجد من الليزر انا شايفه نتايجه على بنات عمتي ورفيقاتي وناويه عليه ان شاء الله اما الليزر حطي عليه اكس فرق درجه بسييييطه وغير هذا يضعف اسنانج

 

[مطنـوخهـ]

عيادة ابهاااااا توب توب توب ويسوون القوالب ب 50 دينار

 

[مخلصة للاسلام]

ههههههههههههههه نفس عيادتي ابها ولا احلى هههههههههههههههههههههههههههه


بس مو ب50 اتوقع ب100 اختي سوته مدري منو يعرف رقمهم بليز هل يومين بروح بشوف يمكن عندهم عروض رمضان او العيد

 

[إلشآمخة]

اب اب
معااكم ​

 

[وسن العشق]

اااااب اب اب


انا ابي بعد

 

[أميرة 22]

ما اعرف ..
ابي عيادة زينه بالمنطقة العاشرة ..

 

[كلي لكـ]

هلا رقوش حبيبتي

شوفي نصيحه مني لاتسوين تبيض انا سويت وتحسفت اول شي الاسنان تتحسس وايد بشكل موطبيعي لدرجه انج تبجين
والبياض موتوب يعني فرق بسيط وبعد فتره يرد لون اسنانج

نصيحه سوي القوالب انا ناويه عليهم بشهر 9 عندي موعد جيك اب ومره وحده بطلب من دكتوري القوالب

انا سويت اسناني بالخاص من إلى كل شي بس باقيلي تبديل حشوات والقوالب

سويتهم عند بيلا كلينك ووايد مرتاحه معاهم والدكاتره عسل عالقلب والله ياحلاتهم

بس بالعاشره ماعرف والله مع اني من اهل العاشره بس رحت للسالميه وتعنيت على مدح رفيجاتي

 

[يرخصلك كل غالي]

انا سسويت بالميدان ونتيجه تووب وبياض للحين بس خف اكيد لانه مسسويته من سنه

بس حيل صارت حساسه اسنااني

 

[يرخصلك كل غالي]

اذا بتسسوين ليزر سوي قبل العرس بشهر او اسبوعين لانه لثتج تقلب سووده مع الوقت ترد

 

[مشتــآقـه]

ابهااا الكل يمدحهااا بس عن تجربه والله مااجربتهاا

 

[مطنـوخهـ]

اب اب لعيوووون اروووشه

 

[I`m Yours]

مركز فرجينيا عن تجربه وموفقه​

 

[شيخه كويتية]

انا بسوي عند دنتل 8 بمجمع البحررر
الي بمنطقه حولي


عند عادل الاشكناني وايد مدحوه وانا مجربه عنده التنظيف

بسوي جيك اب
و
احتماااااااااااااااااال كبير
اخذ منه قوالب


مع اني كنت بسوي ليزر بس خفت والله من كلام البنات

 

[النووف]

عياده بيلا كلينك

تجنن وفي حولي

انا بس سويت توريد لثه عند دكتور اندرو لبناني

وتغيرت لثتي صارت نفس لون الزهر واسناني بعد صار حلوه والله

وماكلفني الا 70 دينار بجلسه وحده وليزر بدون جراحه

 

[أميـِـِره]

عيادة ابهااا رفيجتي مسويه عندهم قوالب شي شي

 

[معزوفه حنين]

يسلموو على الموضوع جاه بوقته

 

[راقيه وجذابه]

بنااااااااااااااااااااااااااااااات

أبي رقم عيادة أبهـا ..

وين صايره عيادة أبهـا أي منطقه ؟؟

بنات متى تبين نتايجها يعني يمديني ؟؟

أنا عرسي بالعيد بأذن الله

بليييييييييييييز ردوا علي ​

 

[راقيه وجذابه]

اب

اب