عرووس تدفع الصاله والدي جي !!

[L I N D T]

وي ليش يسوون العرس هم ..

واذا ما عجبني ذوقهم لووول

لا احنا عندنا العرس على العروس =)

 

[گـحِـلْ |~]

رد : عرووس تدفع الصاله والدي جي !!

^^

ومنو يدفع !

إذا العروس وآلله قهــــــــر

 

[غنآآآتي]

رد : عرووس تدفع الصاله والدي جي !!

كل شي على المعرس من الالف الى الياء

 

[نـعـومـه]

في ناس على المرا وناس على الريال

انا حضريه بس عندنا عيب العرس على المرا على انتشار ظاهره المرا تدفع تكاليف العرس

 

[روحي زوجي]

هم البدو عندهم شغله غريبة الصراحة

ليش المعرس يخطب وهو مو جاهز ويعلق البنت وتنطر لين اهل المعرس يحددون العرس ممكن تطول سنة وسنتين

واللي فهمته ان يبلغهم بالموعد قبل من ستة شهور الي سنة

يني حسبوها توصل 3 سنوات

المهر والدزة عليه عليه سواء حضري او بدوي اللي فرق العرس ؟؟؟؟؟؟؟؟؟؟؟؟؟

ينطر البنت هالمدة لشان مصاريف العرس حرااااااااااااااااااااااااااااااااااااااااااااااااااااااااااااااام

الله يوفق الجميع

لا ياقلبي مايعلقها سنه ولا سنتين علشان يجمع المهر في اسباب كثيره كلها واقعيه منها ان البنت حابه تكمل دراستها ماعمر الفلوس كانت عائق اذا كلش كلش قرض والسلام

 

[Make A Wish]

استعداد تام لتجهيز كافه حفلات الاعراس .. كوش راقيه ..دي جي مع نظام اضاءه كامل ..اغنيه زفه باسم العروس تنفيذ ستديو ..فرق غنائيه للعرس
اداره كويتيه
66564271​

 

[MoonDiamond]

كل شي على المعرس
الا اذا في حالة وفاة وتكنسلت الصاله
العروس تسويلها عرس على كيفها

 

[گـحِـلْ |~]

.

مشكوورين ع المرور

الله يوفق كل العرآيس عمومآ

,

 

[Leann]

حبيبتي مثل ما قالوا البنات كل عايله و تقاليدها

انا ريلي عطاني مهر سنع و دبله و دزة و مسوي حفلة رياييل كبييرة و فوق هذا مأثث شقة شكبرها و و مغير ديكوراتها حقنا و الحمدلله مسفرني شهر عسل على حسابه و مدلعني هناك

ما فيها شي لما انا اسوي عرس الحريم !!! و بيني و بينج انا ما بغيت اهله يدفعون لان ابي كل شي على ذوقي!! من الكوشه و القاعة و الاكل الخ..

مابي بعدين احد يتمنن علي يقولي احنا دفعنا حطي هالاكل و الا هالاغاني ..

مسكين الريال كل شي عليه ...

 

[•Brown•Sugar•]

مثل ماقالو كل ناس غير
انا عن نفسي سويت عرسي
واهو جهز الشقه من أ لي ي وحجز الفندق وعشا الرياييل

 

[Make A Wish]

كوني مميزه في ليله زفافك .ارقى موديلات الكوش ..زفات خاصه باسماء المعاريس تنفيذ ستديو
دي جي مع سيستم اضاءه كامل للصاله
66564271​

 

[غمزه وإبتسامه]

اعرف رفيجاتي حضرررر العرس كان عليهم لان المعرس مايبي يسووي جذيي وووبث

 

[تسوااهن]

احنا العرس عالمعرس طبعا

 

[عالمي المجنون]

العرس كله كان ع اهل ريلي

حتى دخلتي تشرطت وقلت ابي هالاغنية

وخالتي فديتها زادت عليها شعر قبل دخلتي

 

[7andoosa]

حبيتي احنا الحضر العرس علي اهل البنيه ...
بس الملجه اهل المعرس اسوون حفله صغيره ....
و احنا العاده عقب حفله الملجه نطلع معه رياييلنا انجهز و اناثث المكان الي بنسكن فيه عشان اصير علي ذوق العروسه لين العرس ...
احنا الحضر الريال يعطينا المهر (مو اقل من 10 او 15 ) و طبعا في ناس يعطون شبكه و في ناس لا اهيا تروح تنقي علي ذوقها .. و هم دبله ...
و العرس اكون علي اهل البنيه ... عشان اكون علي ذوقها ...
واحنا عندنا ابين شكثر اهل المعرس معطين العروسه .. ابين بالشبكه اذا ثقيللللللللللللله و حلوه و الماسها حلو ..

 

[أإلع ـشق دلع ـهـأإ]

.





وين قاااعدين العروسه تدفع ؟!

ليش منو اللي خطب الثاني اهو خطبني ويدفع كل شي

اللي علي بس اكشخ نفسي 

" لو العرس ع البنت جان محد زوج بنااته خخخخ "






.

 

[7andoosa]

" لو العرس ع البنت جان محد زوج بنااته خخخخ "


لووووووووووووووووووووووووووووووووووووووووووول ضحكتيني ... لا حبيتي احنا الحضر عادي عندنا .. الحين اهلج و ابوج ربوج و كبروج مايت على هالجم فلس الي بيقطونها علي عرسج .. و بيفرحووون فيج ... و اذا ماتبون خساير لاتسووون سواو شي بسيط

 

[ليان]

ملزوم على الرجال هو اللي يتكفل بكل شئ

العروس تسويلها اغنيه خاصه فيها

العروس الجيده ما تخلي رجلها ينقد عليها

احسن لها تسوى شغلها بعيد عن درب المعرس

اغنيه خاصه من دي جي غير اللي حاجزينه اهل زوجها​

 

[Leann]

" لو العرس ع البنت جان محد زوج بنااته خخخخ "

ليش حبيبتي هالكلام؟؟؟ اهلي ربوني وكبروني ماراح يستخسرون يدفعون لي عرس حق فرحتي خصوصا اني متزوجة بني ادم مو مكينه سحب الي !!
يعني الريال لازم نقدر ظروفه شوي ! افرضي ان انا كان بخاطري حفلة بفندق و الريال بس يقدر يسويلي بصالة!! ليش ما احط من عندي و اسوي العرس اللي ابيه
و مثل ما ذكرت الريال ما يقصر كل شي قعد يسوي من مهر و تأثيث منزل و حفلة رياييل و دزة و شبكة و دبله و فوق هذا بيسفرج شهر عسل .. مو حلوة اني اكلف عليه بعد تعال ادفع كل شي

بالعكس انا اشوف اذا الريال اهو اللي بيدفع كل .. معذورين اللي يقعدن عزابيه و معذورين اللي يتزوجون اجنبيه ...

 

[ارتباك العاشقين]

كل عايله لها تقاليدها
عندنا كل شي على المعرس
اما العروس اذا حابه تدخل على زفه لها خاصه تجيب دي جي لزفتها
هذا عندنا