سبحان الله
أول شي مبروك والله يتمم على خير
وبالنسبة للسؤال الاول :: تسوين حمام مغربي ويفضل بصالون معروف أو جيبي لك وحدة مغربية تسويه لك بالبيت ولو يكون حمام ملكي يكون احسن لاني سامعة ان في خلطات وشغلات يحطونها تظل الريحة فيج اسبوع او على الاقل يومين
بس شوفي ديري بالج من الملح والليمون اللي يحطونها بالصنفرة ،،، لان بعد التفريك بالليفة المغربية الجسم بيكون ناعم وطري ولما يحطون لج الصنفرة اللي هي ملح خشن وليمون ممكن تحرق ،،، انا توني من يومين سويت حمام مغربي ولما حطت لي الصنفرة حسيت شي يحرقني ما تحملت وقلت لها غسليه بسرعة ،، ولما رجعت البيت لقيته ترك أثر وصار أحمر وتشمخ الجلد
بس الحمدلله الحين صار خفيف يعني يبيله اسبوع ويروح
المهم بعد التفريك حطي هردة للجسم حلوة وباردة ،،،
وبعدها بيوم يعني قبل العرس بيوم او يومين سوي الشيرة للجسم كامل وحف للوجه وبعد الحف خلطي نشا وماي ورد وخذي قطنه ومسحيه على وجهج ،،،عشان ما يحبب واذا بشرتج حساسة لاتحطين مكياج بعد الحف ويفضل تحفين قبل اسبوع
بالنسبة للكريم (كريم اساس الجسم)انا حطوا لي بس من فوق يعني نص الظهر وفوق الصدر والرقبة بس
وأي سؤال حاضرين