مساء الخيرات
حبايبي بنات المنتدى انا عرسي بعد كم اسبوع و عندي أسئله كثيييييرة ابي أعرف إجابتها و بالتفصيييل الممل .....
أول سؤال : قبل العرس بيوم يومين شسوي من سبوح و الذي منه؟ خاصة ان امي حالفه ماأروح صالون أسوي برنامج عروس (( )) أدري حدهاا نكبه بس شقول الشكوى لله . و أبي أعرف شنو يتضمن برنامج العروس علشان أسوية بنفسي و اي نصايح بهذا الموضوع بليييز قولولي ؟
-حبوبة قبل العرس بيومين سوي شيرة حق كل جسمج ونصييحة رشي عليه ماي ورد حطيه ببخاخ ورشي يصير اسهل عليج وهالطريقة بسسرعة تروح الاحمرار ,قبل العرس بيوم طبعا حمام مغربي,اخذي مني هالطريقة وبتفلحين لوول,قعدي تحت الدافي المايل للحرارة,بعدها سكري الماي ودهني جسمج بصابون مغربي او صابونة البابايا او الخلطة الصابونية,نطري 10-15 دقيقة,بعدها غسلي الصابون عدل ,اخذي الليفة المغربية وقعدي فركي جسمج عدل بدون ما تزهقين لما الجلد الزايد يطيح,بعدها اخذي ربع قلاص زيت زيتون ونص قلاص شكر ونص ليمونة,خلطيهم وفركي جسمج وركزي عالاماكن السودة والخشنة,لما تخلصين غسلي جسمج بصابون وشور وجل,وطبعا حطي حمام زيت الي يريحج,وبعدها اللوشن,وراح تدعيلي من النعوووووومة الي بتشوفينها اصلا بتصيرين زبدة
ثاني سؤال : يوم العرس الصبح قبل لا أروح الصالون بتسبح و تدهن بمجموعة كاملة من زهور الريف بس راح تروح لا جا الليل و رديت البيت و انا مشكلتي كبييرة بسرعة أعرق و أصب ماي من وجهي وكل مكان حتى أيدي اذا توترت الحمدلله من غير ريحة لاني حييل أهتم بنفسي بس مادري شسوي بالضبط اخاف مع المكياج و الشعر يروح العطر و اتمصخر عدل ؟
-تسبحي وحطي شور جل عشان ينعم جسمج,وحطي بدي لوشن العادي مو شرط المعطر لانه راح يروح ,قبل لا يحطولج كريم الاساس مسحي الاماكن المعرقة بكلينكس مرطب نصصيحة,وحطي الديودرانت ومجموعتج من زهور الريف وجذي تكونين مستفيدة,تقدرين تحطين بودرة جونسون حق الاباط عشان يمتص العرق شوي,والمكياج لا تخافين عليه بحطولج مثبت وبودرة وكل شي تمام انشالله
ثالث سؤال : كريم الأساس حق الجسم للعرايس يحطونه حق كل الجسم ولا بس من فوق ( ادري عبيط السؤال )
-حطيه بس من فوق لان راح تغسلينه لما تردين
رابع سؤال : لا رديت من الصالون شلون أتعطر و اتبخر قبل لا روح للصالة ؟
كتبت الطريقة فوق
خامس سؤال : لا رحت الشقة شسوي انام بالمكياج و انا نصي الفوقاني لون و التحتاني لون ؟؟ و لا اغسل و افك المصخرة فوق راسي و امسح مكياج بـ 400 دينار ؟ انزين اذا قالي أمسحي هالمكياج شلون أمسحة و بعدين أذا قال جذي بنكب نكبة عدله أنا ما أعرف أتمكيج حدي حدي بودرة و حمرة و الكحل يبيلي ساعة و نص أَضبط فيه أمسح وأحط أمسح , أحط ,,,,إلخ أبي طريقة تخفف المكياج من غير ما أمسحه كلة
لا ياقلبي غسلي المكياج لان ثقيل وفيه طعم لول,وتسبحي نفس سبوحج مال الصبح ,التسريحة فجيها ونزليها شوي,اذا كانت اووفر غسلي شعرج وبعدين عاد نشفيه وسويه استريت,طبعا مزيل المكياج عندج جونسون,بالنسبة لحطة المكياج سهالات انشالله ,حطي كريم اساس خفيف مثل ميبيلين,فوقه بوودرة خفيييفة,وبلاشر وردي فاتح,وحطي منه مسحة على عيونج,مع مسكرة ونقطتين كحل,وحمرة وردية فوقها غلوس وبصير شكلج عسل,وتدربي على هالحطة عشان بيومها تكونين ماخذة الوضع عادي,وباليوتيوب في فيديوات شغل عدل لا يطوفونج تعلمي منهم حق بعدين
سادس سؤال : لا لبست قميص النوم شلون أتعطر يعني أحط عطر عادي على اذني و أيدي ولا أبخبخ بكل مكان وهل استخدم بودرة العطر ولا لأ ؟ لأني شارية مجموعة كااملة حتى فيها كريم رجول
-بعد ما تحطين اللوشن المرطب على جسمج,حطي اللوشن المعطر ورا اذونج,وبنص صدرج,وبطنج,وخط الفخوذ,وماله داعي البودر خليه حق بعدين,ولا تبخين عطر الا عالملابس بس وكافي رشتين ثلاث,وانا قلت عالملابس عشان العطر طعمه مر
سابع سؤال : أستخدم مسك العروس من تـ ... حـ ... ت ولا لأ ؟ و شلون الطريقة ؟
اذا حطيتي لوشن المعطر بخط الفخوذ ماله داعي تحطين المسك كلش
ثامن سؤال : أنا بصبغ شعري بفتحة شوي يصير أحط رشوش و ريحان عقب الصبغة عادي ولا مو عادي
خاصه ان ريايل هالوقت مايحبون ريحتهم ؟
-فتحيه درجة درجتين بس. حطي عطر شانيل مثل ما قالو البنات
و اي نصايح ثانية أو شي أنا غافلة عنه بلييييييز قولولي تكفون
انصحج تاخذين وياج جم حبة ككاو خفيفة تاكلينها وانتي بالصالون ووانتي بطريجج للصالة عشان يخفف عنج التوتر
حلفت كل وحدة تدخل تكتب رد لو عالأقل سبحان الله ,,,,
عسى الله لا يحرمني من هالمنتدى و من بنات المنتدى الله يوفق الجميع و ييسر أموري
آآآآآآآميـــــــــــــــــــــــن.
اامين انشالله الله يوفقج ويسهل عليج ويسخرلج ريلج,,ودعواتج لي اتخرج من الثانوية والله يرزقني ولد الحلال اللي في بالي:eh_s(17):
