عروس ومو عروس منقهررره : (

[عذبـة الاطبآع]

قوه عروسااات :eh_s(8):


بنااات انا حدا ضايق خلقي لان كنا ناوين نسوي عرس

وفجاه صارت عندنا حالة وفاة

واامي مو راضيه تاجل العرس

فـ تحول العرس لـ عزا استغفرالله

وحتى كشختي راااح تروح بلوشي

محد يشوفها الا جم عجوز وحريم من اهلنا

احسس ببجي ماجني عروووس

وحتى دخلة زفه مافي !!!


شورو علي شسسوي احن عشان ياجلونه ولااا شسوي

والله تعبت نفسيتي لاني حجزت كل شيء

ومنهااااا يتحول لعزا : (

 

[ودآعتك قلبي]

ماتدرين يمكن خيره لج
من رايي كشخي وردي البيت صوري مع خواتج واهلج وروحي شقتج
خيره حبيبتي صدقيني

 

[ودآعتك قلبي]

واحسن شي الي بتسويه امج ليش تاجلين وتخسرين شغلج جديد حبيبتي اقري البقرة الله يشرح صدرج

 

[هدوووشه]

مع وداعتك قلبي

الله يعووضك ياااربي

رددي دايماا (اللهم أجرني في مصيبتي واخلف لي خيراً منها)،

 

[M!SS.LOBY]

الله يكون بعونج

 

[قاهره عذالي]

عادي اجلوا العرس

وحسب الشخص اللي توفى اذا قريب حيل او بعيد

 

[قاهره عذالي]

عادي اجلوا العرس

مدة شهرين او 3

حسب الشخص اللي توفى قريب حيل او بعيد عنكم

 

[oshi_q88]

مآتدرين وين الخيييره فيية
ربي يووفقج

 

[Shinexo]

آجلي آلعرس هآليوم مآيتعوض !

آسمحيلي حبوبه عرسج مب عرس آمج :* آجليه و آنتهت آلسآلفه لآتحنين ولآ تقنعين حد ردج هو آلآول و آلآخير

 

[*مطبخ الذواقة*]

ممكن.يتاجل. .؟ ...جربي. .. قولي اجلوه. .وشوفي شيقولون.


بعد هذه فرحه عمرج



اذا ما كانت مثل ما تحلمين. ..شالفايده راح تتحسفين طول عمرج اذا ما سويتيها. .

وبتبقى حسرة في قلبج. ..


حاولي واذا اهل المعرس رفضوا التاجيل. . فادعي الله يعوضج خير







وربي يسهل لج اللي فيه الصالح لج. ...

 

[عـيّــآره]

^^^^^

انا معاها قلبا وقالبا

يوم بالعمر شسالفه لايبا اعلني الحرب الهاديه البارده واحتجي بس هاااا بادب هذول اهلج بعد

لكن العرس مايتطووف لازم يتاجل

فرحت عمرج هاذي

والله يرحم المتوفي​

 

[سندس 90]

شووفي أنا أخااف من سالفة التأجيل

لأن كذا ناس عندنا
يأجلوون بسبب وفاة بعدين يأجلون همن يموت أحد
فعشان جذي سالفة التأجيل تخووف والله

بس أنا أقولج لبسي نفنوفج وحطي مكياجج وصوري ودشي زفة ببيتكم
ولمي أهلج ورفيجاتج واستانسي ولله ونااسه يصير


ربي يوفقج ويرحم الميت يارب

 

[queen92]

انااا مع سندس

 

[عذبـة الاطبآع]

شووفي أنا أخااف من سالفة التأجيل

لأن كذا ناس عندنا
يأجلوون بسبب وفاة بعدين يأجلون همن يموت أحد
فعشان جذي سالفة التأجيل تخووف والله

بس أنا أقولج لبسي نفنوفج وحطي مكياجج وصوري ودشي زفة ببيتكم
ولمي أهلج ورفيجاتج واستانسي ولله ونااسه يصير


ربي يوفقج ويرحم الميت يارب

هذا االلي حصل لبنت خالتي

وامي ماتبي تاجل بسبة هالسالفه

انا اللي حاز خاطري الكل محزززززن : (

وكشختي ماراح تبين ولا دي جي بينحط يعني ع السايلنت بس لواليش وزززفه بس


لكن الحمدالله على كل حال

 

[Jolyan]

اذا في مجال تأجلين اجلي و اذا ما قدرتي
مثل ما قالو البنات يمكن انها خيره
و صح هذه ليله العمر بس اهم شي اهم شي فوق عفسة العرس كله
التوفيق من الله واحد يبي يتوفق بزواجه لا تخلين هذا شي يخرب عليج فرحتج
الله يوفقج و يوفقنا إحنا العرايس معاج
❤

 

[Jolyan]

و الله يرحم المتوفي برحمته

 

[الدلـــع كله]

ياقلبي انتي ،، حاولي مع امج الله يهديها خل تأجل العرس واذا مارضت مايندرا يمكن خيرة
وعسى ربي يوفقج ويهنيج ياعروس

 

[أإلع ـشق دلع ـهـأإ]

اسستخيري حبيبتي ماتدرين وين الخيره

يمكن لو كان فيه عرس ودخلتي يمكن تصيبج عيين قويه ويصير لج شي الله لايقوله

فربي حط عرسج ابيت علشان تطفي العيون وتمشي امورج

يمكن كل هذا خيييير لج وانتي ماتدرين

اذا العرس ابيتكم نادي رفيجاتي واستانسي حبيبتي

 

[New_bride]

يعتمد متى العرس وشنهي صلة القرابة

اذا العرس بعد اسبوعين من الوفاة ماشوف فيها ايمانع لو سويتوه

اساسا العزا المفروض مايتعدى 3 ايام

وفي زمن الرسول صلى الله عليه وسلم ماكان في شي اسمه عزا وحداد
خلاص الحياة تمشي

هو صحيح فقدان غالي مب شي سهل
لكن لازم الانسان ينسى او يتناسى وهذا يعتمد على مدى قوة الايمان بالله وبالقضاء والقدر

الكلام اللي قلته يمكن يفيد امج اكثر

و حاولي مهما صار انج ماتزعلين امج لان رضاها هو اساس توفيقج بهالدنيا

 

[أم علي الرفاعي]

ليش مكبرين السالفة

اجلي العرس وسويه ........

وعلى قولتج المرة عيوز وكبيرة
خو مو بنت بنوت !!!!!!!!!!