عروس ومتوهقة بتقسيم المهر دشي ضرووووري

[مييريآ]

ماقصرتو بنات على المرور


بس ولا وحدة فيكم أبدت رايها بالخطوات


جنة الموضوع ما عجبكم

حبيبتي يمكن لانه ما وصلنا لهالمرحلة ، بس قاعدين نقرا ونستفيد :rerrerek:

 

[ربيع_الروح]

فديتج والله ميريا حسيتج صج مهتمه لموضوعي:eh_s(22):

خلاص راح أنزل باجي الخطوات عشانج

 

[رتاج تاج]

يعطيكي الف عافيه

 

[ربيع_الروح]

بالنسبة لتجهيز قمصان النوم والبجامات

لازم تقسمون هدوم البيت حق 3 اقسام
قمصان
بيجامات
دراعات

وطبعاً كل وحدة وميزانيتها
ولا تكثرون لأن عقب فترة راح تملون وتبون تغيرون
إذا كنتو شارين وايد مافي مجال كبير للتغيير لأن الخزانة تكون متروسة حيل
إلا إذا بتسوون تصفيه على كبتاتكم بين كل فترة والثانية هذا شي ثاني





بالنسبة للقمصان
إخذو 5 طوال
1 أبيض مع الروب
1 بيج أو أوف وايت مع الروب
3 ملونين

وهم اخذو 3 - 5 قصار
(بيبي دول)

وبالنسبة للبيجامات 3 - 4 كافي


أما الدراعات وأقصد فيها دراعات البيت مو الي تنزلين فيهم حق حمولتج
الي تصير ناعمة إذا أحد طب عليج فجأة
أتوقع 4 دراعات كافية





وعقب جم شهر تقدرين تجددين بمجموعتج تزيدين لج قميص أو دراعة

+++++++++++++++++++++++



وطبعاً محلات اللانجري في كل مكان عندكم المهلب و الأفنيوز والنقرة
تشكيلات تناسب كل الأذواق والميزانيات

 

[ربيع_الروح]

بدلات الطلعة والشوز والجناط



حلو انكم تاخذون جنطتين إلى 3 جناط ماركة وألوانهم محايدة عشان تقدرون تلبسونهم مع أكثر من بدله

والشوز أهم شي يكون عندج أسود وأبيض وبيج وبني
عاد باجي الألوان إذا ميزانيتج تسمح زيدي إذا حده حده ترا هالألوان كافية

أما بالنسبة للبدلات فلازم يتوافر عندكم التالي:
1) 6 - 7 بدلات طلعة
2) 4 - 6 دراعات كشخة
3) 4 - 5 بدلات كاجوال
4) 4 - 5 بدلات استقبال

وممكن تزيدين أو تنقصين بحسب ميزانيتج





وأحب أنبهكم على شغلة بنات
ترا مو معناة إن الوحدة تجهز يعني كل الهدوم الي بكبتها وجواتيها وجناطها تنقط
وتبدي تجهز من أول وجديد

لأ حبيباتي التجهيز للزواج هو مجر إضافة للي عندكم


يعني انا استغرب من البنات الي يقولون راحت فلوسنا على الهدوم والعطور والمكياج
ليش؟؟ شدعوة

 

[ربيع_الروح]

المكياج والعطور


خليهم آخر شي تجهزينة

وخاصة العطور الفرنسية لأنها متجددة ما تلحقون



إخذولكم نوعين دهن عود
وبخور
وعطرين فرنسيين

وبالنسبة للمكياج إخذو النواقص
(وحطو مكياجكم بجنطة مكياج ذربة تشيل كل إحتياجاتكم)


هذي صور أمثلة على الجناط (آسفة ما اعرف أنزل صور)


http://www.bing.com/images/search?q=makeup+bags&view=detail&id=3FD34BB57B2014ED5DA445F89FDBB936EFC1367D&FORM=IDFRIR
http://www.bing.com/images/search?q=big+makeup+bags&view=detail&id=9EC2DF82D3D4F842153713A6C242CA5947718E5E&FORM=IDFRIR
http://www.bing.com/images/search?q=big+makeup+bags&view=detail&id=CB81270462466E8018CA194928CB168680E44477&FORM=IDFRIR



وتقدرون تلقونهم بكل مكان

مثل فافافوم ودبنهامز وحتى بالمباركية في تقليد

 

[Loolyy]

اول شي يعطيج الف الف عافيه

وموضوعج وايد حلوووو


وانا باجي ع عرسي شهر ان شااءالله...


وحبيت اقولج علئ شي يعني انا الحين ماكثرت من القمصان النوم

اخذت 3 وواحد طووويل

والبجايم اخذت كله شورتات وثنين طويله حق ايام الدوره جذي گافي !!

والورب قصدج حق السباحه ولاشنوو!!


انا اخذت اثنين للسباحه واحط قصير وطويل //

 

[ربيع_الروح]

ودمتم بنات خلصت النصايح



ألحين كل وحدة عندها سؤال عن التجهيز تقدر تسدحه


وراح أجاوب عليكم بإذن الله

 

[Loolyy]

ويييي عيل انا العطووور اخذتهم من شهر 11

من ارض المعاااااااارض واخذت واايد

وصج الحين تحسفت الكل يقول انه العطور


كافي تشترين 8/7

وانا وااااااايد يمكن جنطه كامله بس حق العطور

 

[ربيع_الروح]

اول شي يعطيج الف الف عافيه

وموضوعج وايد حلوووو


وانا باجي ع عرسي شهر ان شااءالله...


وحبيت اقولج علئ شي يعني انا الحين ماكثرت من القمصان النوم

اخذت 3 وواحد طووويل

والبجايم اخذت كله شورتات وثنين طويله حق ايام الدوره جذي گافي !!

والورب قصدج حق السباحه ولاشنوو!!


انا اخذت اثنين للسباحه واحط قصير وطويل //

هلا حبيبتي لولي
بالنسبة للروب لا قصدي القميص الي ايي مع روبة سواء حرير أو ستان أو تور

والبجايم زيدي بعد وحدة حق أيام الدورة أفضل

انا ما تطرقت لتجهيزات الفوط والحمام لأن من بيت لي بيت تفرق تجيزاتهم

بالنسبة لي أفضل إن للعروس تشتري طقم الحمام كامل
يعني فوط صغيرة وفوط كبيرة وروبين (لج ولزوجج) ونعال للحمام (تكرمين)

وتلاقينهم بالغانم وبتروفاليو وبدبنهامز وبزارا هوم
وايد حلوين وأسعارهم تختلف بحسب المكان الي تشترين منه

 

[ربيع_الروح]

ويييي عيل انا العطووور اخذتهم من شهر 11

من ارض المعاااااااارض واخذت واايد

وصج الحين تحسفت الكل يقول انه العطور


كافي تشترين 8/7

وانا وااااااايد يمكن جنطه كامله بس حق العطور

صج وايد اخذتي بس انا ليش كتبت ان ما تشترون وايد عطور

لأن ما تدرين شنو ذوق زوجج

وهم لما تطلعين معاه عقب راح تشترين عطور

فالأحلى إن يكون على ذوقة :eh_s(15):

 

[Loolyy]

اي صح كلامج بس مادري ليش ماكثرت بجايم وقمصان

وشنو بعد_ اي صح العنايه للحين ماسويت شي حق جسمي ويهي بس سويت ليزر


انا خلطات وعنايه مابديت بولاشي مع اني عندي شهر بس

 

[ربيع_الروح]

اي صح كلامج بس مادري ليش ماكثرت بجايم وقمصان

وشنو بعد_ اي صح العنايه للحين ماسويت شي حق جسمي ويهي بس سويت ليزر


انا خلطات وعنايه مابديت بولاشي مع اني عندي شهر بس

عادي حبيبتي

ترى اسبوعين قبل العرس كافي

حمام مغربي مرة قبل العرس ب3 أيام وقبل العرس بيوم أو يومين شيرة
(ترا وااااايد كافي)


ووسوي حمام زيت مرتين بالإسبوع عشان يعطي حيوية للشعر




وشوالف توحيد اللون وهالشغلات
رفيجتي من فترة راحت مركز الجلدية التخصصي الي بالصباح
عندهم كريمات روعة للتفتيح:rerrerek:



انا حسافة بوقت عرسي ما كنت أدري بهالسوالف راحت علي :bbbiu::eh_s(4):

 

[Loolyy]

زين تنصحيني اسوي كراتين ولا لا؟'


انا شعري حلووو وكان ناعم بس من كثر الصبغات قبل ماخليت لون الا وسويته !!


صااار تعبان وايد ومتنتف !!


تنصحيني اسوي .. ؟؟

 

[منـآل]

يعطيج العافيه عالموضوع
عجبتي التدرج بالتجهيز من حيث الأكثر أهمية إلى الأقل

لكن عندي تعقيب على جم شغله :
قمصان النوم 10 ابداً ماتكفي ، أتصور العشره راح تستهلكهم بشهر العسل وتكررهم بعد
وماأظن العروس بأول ولا ثاني شهر بتنزل مع زوجها السوق تشتري قمصان نوم ،
إحراج : )
فالأفضل يكون عددهم مابين 20 -25

اما البجايم صدمتيني بالعدد !!
4 كلش مو كافيه إذا تقصدين البجايم القطن

إذا بجايم الدوره يبي لنا بحدود 7-10 بجايم
غير البجايم اليومية لو حبيت اغير وألبس قطنيه

أنا أفضل يكونون مابين 15-20
لأن البجايم القطنيه ملابس استهلاكيه فلازم نكثر

وعجبني كلامج ان ألوان الجنط الماركه تكون محايده
علشان نلبسهم مع كذا بدله


وألوان الجواتي الأساسيه اللي ذكرتيها
اسود - ابيض - بيج - وبني

اضيف عليهم العنابي والنيود
صاروا ينلبسون مع ملابس وألوان كثيره

وطبعاً في اشياء كثيره ما ذكرتيها
لكن عموماً عجبني ترتيب الموضووع
يعطيج العافيه

 

[ماعاد بدري}~]

خووش موضوع صرااحه واحنا واايد محتاجين لـ هالمواضيع
اول شي : بدلت العرس حلوه عند بيت بشرئ اذكر سوتها بنت خالتي بعرسها وطلعت وااو الكل سألها عن بدلتها .. تصمملج البدله حسب ذوقج و تعطيج الكاب منعندها والجوتي عزكم الله و اظن اتجيب معاها فلبينيه تساعدج < مومتأكده بس سمعت

اما بالنسبه للمكياج : يمدحححوون مناار اححلاا .. اللي عند فندق النخيل مكياجها ولا اروع سوته رفيجتي بعرسهاا وكان شكله ناعم وحلوو وحتى عجب زوجهاا بععد ..

, و بالنسسبه نضارت الوجه و تنظيف البشره ..CALIFORNIA SKIN CARE بالسالميه عند وحده اخصائية اسمها نيللي رومانيه ( الصراححه ماجربت بس قالولي عنه )

و بالقمصصان و البجايم .. اعاضج لانه ماراح يكفي كلش والعروس حلوو انها تنوع بكل ليلة ع اول ايامها ف احسن تاخذين 5قمصان طوال حق اول اسبوعين و اوافق منال بردهاا <3

و يعطييج العافيه نفعتيني بأشياء وايد , بس ياليت تتتكلمون عن اول ايام العروس مع ريلها شلون تتصرف معاه و شلون تتصرف معحمولتها يعني .. ( جم مره تنزل لهم تحت اذاا كانت ببيت حموله او شلون تتصرف معاهم بالعزايم والمناسبات ) و شلون تتصرف مع زوجها ياررربي حييل خايفه عاد انا من النووع اللي تستحححي حييل و ما اعرف اتصرف بوقت عزايم ومناسبات لاني حيل خجوله .. ف ياليت تفتحين هالموضوع للمناقشات و معانات العرايس ​

 

[dady's girl]

ماشاءالله موضوعج عجييب استمري ويعطيج العافيه

 

[ربيع_الروح]

زين تنصحيني اسوي كراتين ولا لا؟'


انا شعري حلووو وكان ناعم بس من كثر الصبغات قبل ماخليت لون الا وسويته !!


صااار تعبان وايد ومتنتف !!


تنصحيني اسوي .. ؟؟

نصيحتي إهيا
لااااااااااء وألف لأ

إبتعدي عن الكيراتين واليوكو وسوالف التمليس

ترا وايد وايد خطرين

وألحين بالدول المتقدمة كلهم يحاربون الكيراتين بشكل خاص
ومسوين حملة قوية ضده

ترى المواد الي فيه خطرة وايد وتسبب أنواع كثيرة من السرطانات

وإذا مو مصدقتني سوي سيرج في قوقل وشوفي



سوي حمامات زيت مكثفة
وجربي زيت السمسم وايد عجيب وموشرط تحطينه نص ساعة أو ساعة ترى ربع ساعة قبل الشور وايد كافية
كل يوم قبل ما تسبحين حطية وحوسي شوي

وشوفي شلون راح يفرق شعرج

وهم حبوب الفولك أسيد وايد زينه للشعر

 

[ربيع_الروح]

يعطيج العافيه عالموضوع
عجبتي التدرج بالتجهيز من حيث الأكثر أهمية إلى الأقل

لكن عندي تعقيب على جم شغله :
قمصان النوم 10 ابداً ماتكفي ، أتصور العشره راح تستهلكهم بشهر العسل وتكررهم بعد
وماأظن العروس بأول ولا ثاني شهر بتنزل مع زوجها السوق تشتري قمصان نوم ،
إحراج : )
فالأفضل يكون عددهم مابين 20 -25

اما البجايم صدمتيني بالعدد !!
4 كلش مو كافيه إذا تقصدين البجايم القطن

إذا بجايم الدوره يبي لنا بحدود 7-10 بجايم
غير البجايم اليومية لو حبيت اغير وألبس قطنيه

أنا أفضل يكونون مابين 15-20
لأن البجايم القطنيه ملابس استهلاكيه فلازم نكثر

وعجبني كلامج ان ألوان الجنط الماركه تكون محايده
علشان نلبسهم مع كذا بدله


وألوان الجواتي الأساسيه اللي ذكرتيها
اسود - ابيض - بيج - وبني

اضيف عليهم العنابي والنيود
صاروا ينلبسون مع ملابس وألوان كثيره

وطبعاً في اشياء كثيره ما ذكرتيها
لكن عموماً عجبني ترتيب الموضووع
يعطيج العافيه

هلا حبيبتي منال أسعدني مرورج

إيي انا مأيدتج بالنسبة لقمصان النوم والبجايم

بس حطيت هالعدد بالذات عشان يناسب البنات الي ميزانيتهم محدوده
لأن مثل ما قلتي في أشياء وايد ما ذكرتهم بعد

مثل الإكسسوارات وأغراض الجمعية والمصورة


وجان زين لو تفيدين البنات الي يقرون الموضوع شنو الأشياء الي غفلت عنها:eh_s(9):

 

[ربيع_الروح]

خووش موضوع صرااحه واحنا واايد محتاجين لـ هالمواضيع

اول شي : بدلت العرس حلوه عند بيت بشرئ اذكر سوتها بنت خالتي بعرسها وطلعت وااو الكل سألها عن بدلتها .. تصمملج البدله حسب ذوقج و تعطيج الكاب منعندها والجوتي عزكم الله و اظن اتجيب معاها فلبينيه تساعدج < مومتأكده بس سمعت ​

اما بالنسبه للمكياج : يمدحححوون مناار اححلاا .. اللي عند فندق النخيل مكياجها ولا اروع سوته رفيجتي بعرسهاا وكان شكله ناعم وحلوو وحتى عجب زوجهاا بععد .. ​

, و بالنسسبه نضارت الوجه و تنظيف البشره ..CALIFORNIA SKIN CARE بالسالميه عند وحده اخصائية اسمها نيللي رومانيه ( الصراححه ماجربت بس قالولي عنه ) ​

و بالقمصصان و البجايم .. اعاضج لانه ماراح يكفي كلش والعروس حلوو انها تنوع بكل ليلة ع اول ايامها ف احسن تاخذين 5قمصان طوال حق اول اسبوعين و اوافق منال بردهاا <3 ​

و يعطييج العافيه نفعتيني بأشياء وايد , بس ياليت تتتكلمون عن اول ايام العروس مع ريلها شلون تتصرف معاه و شلون تتصرف معحمولتها يعني .. ( جم مره تنزل لهم تحت اذاا كانت ببيت حموله او شلون تتصرف معاهم بالعزايم والمناسبات ) و شلون تتصرف مع زوجها ياررربي حييل خايفه عاد انا من النووع اللي تستحححي حييل و ما اعرف اتصرف بوقت عزايم ومناسبات لاني حيل خجوله .. ف ياليت تفتحين هالموضوع للمناقشات و معانات العرايس ​

هلا حبيبتي ما عاد بدري

أول مرة أسمع عن بيت بشرى
وين مكانه بالضبط ترا انا ما أعرف للإتيليهات :eh_s(22):

وبالنسبة للنظاره أنصحج تروحين لعيادة عند دكتور أحسن من الخبيرات
لأن مو كل البنات يضبط معاهم أحسن لج الدكتور أشطر ومو بس خبرة وإنما شهادة


وبالنسبة للحديث عن أول أيام الزواج هذا خارج نطاق اختصاص الموضوع
^
^
^
متعوب عليها الجملة:eh_s(15):

بس بجاوبج عليه بدبلوماسية لووول

بالنسبة للحمولة شلون تتصرفين معاهم هذا يعتمد على نوع حمولتج
إذا اهمه نوعهم يحبون العزايم أو منعزلين شوي
وجم مرة تنزلين لهم أفضل إنج ما تنزلين إلا إذا ريلج موجود عندهم
(خاصة أول الأيام لحد ما تعرفين نوعهم)

وبالنسبة لإنج تستحين ترا حلو الحيا ومهم خاصة أول الأيام ومع زوجج
إنتي شوي شوي راح تبدين تتعودين على الوضع ويصير الشي عادي