عروس ولكن !!!!!!!! يارب الستر والتوفيق

[دلوعة كويتيات]

مدري شفيني بنات افكر بعرسي ومتضايقه اقول ليش استعجلت واافقت عالزواج وانا توني صغيره عمري 22 سنه

مادري بنات احس بخوف مو طبيعي مو متخيله شلون وافقت عالزواج واقدمت على خطو كبيره يمكن تغير حياتي يا للاحسن وانشالله لللاحس يارب او للاسواء لاسمح الله .
انا دلوعه في بيت اهلي طلباتي مجابه اطلع متى ما ابي واستانس مع بنات عمي وخاالاتي . فدايما اتحلم وافكر بالتجهيز ان عرسي بيوصل وانا ماسويت شي للحين كل اللي سويته شغلات بسيطه

وما ادري شفيني احس بضيقه كل ما قرب يوم عرسي.

افكر شلون اخلي امي وابوي واخواني وخواتي واروح لبيت ثاني مادري مادري

خايفه يابنات من شغلات وايد

 

[أكذب عليك]

رد : عروس ولكن !!!!!!!! يارب الستر والتوفيق

مادري انصحك اوسيج ولاشنو بالضبط انا نفس حالتج تقريبااا
شوفي الزواج شيء مجهول ماتدرين شلون مسؤليتج ولاشلون طبيعة زوجج
يعني انا اخاف من شغلات واجد بزوجي اخاف يكون عصبي يكون اسلوبه موحلو يكون بخيل يكون مغازلجي يكون مو محترم
هالشغلات اخاف منهااا
واخاف هم من نفسي من المسؤليه من الطباخ الغسيل الاهتمام بزوجي

انا وحده مااطبخ وانا وحده من ارد من الكليه ممكن انام 9 ساعات عادي وانا وحده بالاختبارات احبس عمري بغرفه ومااطلع
يوم كامل ولااحب احد يناقشني


انا خايفه حيييييييييل من الزواج بس عمري 22 تتوقعين شنو العمر المناسب لج نقول 25 طيب عمرج 15 تضمنين
تلاقين زوج ؟ يعني العمر هذا نصيب ماقدر ااخر زواجي عشان


كثري الدعاء وربج يالرزق عباده
والله كريم

 

[طموحه بزياده]

شكله بكون موضوع للمحاتاة والفضفضه


اوان بعد وياكم حدي خايفه يصير حجر ونظام كل شي عيب عيب واهوا يكون دينه متوسط

ونفسج اكذب عليك انا ارد من الكليه ممكن اجي وانام اصكها نومها لي 12 ساعه لاني ارد مرهقه

وقت الامتحانات اصك على نفسي الباب ومالي خلق على احد يكلمني ويناقشني وماني فاظيه ارتب نفسي شلون وانا متزوجه؟!!!!

خايفه ما اقتنع ولا ارضا فيه ولا في نظامه ولا في تفكيره ولا في اشياء شكثر؟

!!!!!!!!!!



مالنا الا نتوكل على الله وهذا اللي مكتوب واهم شي القناعه والرضا

 

[عسل فى العسل]

بنات عادي طمنوا قليبكم اهي بس اول فتره انا عن نفسي طولت معاي شوي الى بعد عرسي بشهرين بعدين راح تتعودون
وانشاءالله الله يوفقكم ويسخر لكم ازواجكم وكل شي فى البدايه صعب اتقبلونه وبعدين تتأقلمون وتتعودون وتستانسون انشاءالله
وصج انه تحكم الزوج يضايق بس فى البدايه اغلب الرياجيل يحبون يفرضون سيطرتهم ويتحكمون حيل بس بعدين عادي يعطيج حريه اكثر

وعسى الله يتمم عليكم ويسعدكم

 

[7noOna]

رد : عروس ولكن !!!!!!!! يارب الستر والتوفيق

مابعــد الشده إلا الفرج



لا ياقلبي ترا عااادي احساسج وبعدين وين صغيره الله يهداج انا ملجت عمري 18 لوووول


امممم ساعات يحوشني نفس احساسج بس اطنش عاادي كافي ان يوم العمر قرب "يوم فرحتي"


و استمتعي بوقتج بالتجهيز وناااسه روحات الاسوقه كل يووم

 

[سريالية المشاعر]

رد : عروس ولكن !!!!!!!! يارب الستر والتوفيق

الله يعيني ويعنكم ويوفقنا جميعا ويسر امولرنا مالنا الا الدعاء
لكن ابي اعرف شعور الخوف اللي عندي من الزواج والارتباط بشخص معين شعور خوف من الملل او الفتور لان ااحنا نعيش في بيت كبير فيه ناس واجد
بس لما نتزوج يكون الاعتماد علينا
هذا الشي اللي مقلقني
والله يوفق الجميع

 

[الفنانة لؤلؤة]

الإحساس هذا عادي وطبيعي وكل عروس تحس فيه

إنتي تركي عنج هالوساوس ودايما إستغفري وجهزي حق عرسج ومو تنسين تعزميني

 

[الليدي...عمشه]

رد : عروس ولكن !!!!!!!! يارب الستر والتوفيق

لا تخلوني اقلبها بجي عليكم

انا وحده عايشه لنفسي اطلع متى ما ابي كل مكان طابته والي براسي اسويه

ما احب احد يناقشني ولا احب الي يقولي عيب احب كل شي اجربه احب المغامره

ااووووووووووووووووف ليته بس يفهمني وما يطلع بخيل احس هذا اصعب شي اما باقي الطبايع اتغير مع العشره

 

[الليدي...عمشه]

رد : عروس ولكن !!!!!!!! يارب الستر والتوفيق

وان نمت ما قعدت ادبلها بالايام

ما اعرف اطبخ ولا اسوي اي شي بالبيت


وما اعرف حق الحموله ولا اتعامل مع ناس غرب

يا رب سهل علي وعليكم يا رب صج ودي ابجي مرات من التفكير

 

[تبطي عظم!]

هههههههههههه

لووووووووووول

جاني نفس احسااسج وااجد وطول بعد معاي

بس الحمد لله الحين تمام وما احاتي توكلت على رب العالمين وبس ~

 

[بنننت أبوووهااا]

رد : عروس ولكن !!!!!!!! يارب الستر والتوفيق

يارب توفقنا يارب
الاهم نطلع براية بيضة ةلانفشل اهالينا نبي الريال والحموله يقولون والله هالبنت نعمة التربية والسنع
حبيبتي انتي اذا تحبين اهلج بيضي ويهم ماظن ترضين باجر يقولون والله شكلها ماتربت عند اووادم او من هالكلام مهما يكون الواحد مايرضى على نفسه الخطا

 

[جذابه بنت ذيابه]

رد : عروس ولكن !!!!!!!! يارب الستر والتوفيق

هونوها وتهون ,,


وصدقوني الزواج حلو بس يبيله مره ذكيه

 

[فـدوه]

رد : عروس ولكن !!!!!!!! يارب الستر والتوفيق

شعور طبيعي .... و الف مبروك :lolo:

 

[≈ ω ђ ṃ]

رد : عروس ولكن !!!!!!!! يارب الستر والتوفيق

^^

شدعوه بنآت !!

حسستوني انكم خلاص بتودعون من غير شر !!


يبآ الي تزوجوـآ كآهم قبالي مآفيهم الا العافيه

والنصيب مآتدرين بعد يجيج غيره والا لا !!


وشكثرهم الي قالوـآ ليتنآ تزوجنآ من زمآن

وكل من عند ربج آدعي

مآلج الا الدعـآء

ربي يوفقنآ جميعـآ

 

[faroos]

رد: رد : عروس ولكن !!!!!!!! يارب الستر والتوفيق

^^

شدعوه بنآت !!

حسستوني انكم خلاص بتودعون من غير شر !!


يبآ الي تزوجوـآ كآهم قبالي مآفيهم الا العافيه

والنصيب مآتدرين بعد يجيج غيره والا لا !!


وشكثرهم الي قالوـآ ليتنآ تزوجنآ من زمآن

وكل من عند ربج آدعي

مآلج الا الدعـآء

ربي يوفقنآ جميعـآ

اتفق وياها


و حبيبتي الشئ هذا طبيعي

الكل يمر فيه



عليج بالدعاء و قيام الليل و الاستغفار صدقيني راح تحسين بالفرق >>>>اسألي مجرب


الله يوفقج و يشرح صدرج​

 

[الغاااااالية]

رد : عروس ولكن !!!!!!!! يارب الستر والتوفيق

يا حلوكم والله
اذكركم باجر لتقولون وينا عن الزواج من زمان
وكل وحده منكم تدور وش يرضي الرجال وتسوبه
عن الهواله

 

[ميمـــي]

اب
اب
اب

 

[الأميرة جوري]

رد : عروس ولكن !!!!!!!! يارب الستر والتوفيق

شعورج شيء طبيعي .... بيصير من الذكريات ..ان شاء الله سهالات كلنا حسينا بهالشعور

 

[amami al-kuwai]

انا كبرج عمري 22 وصار فيني اللي قاعد يصير معاج بس لاتنسين تذكرين الله وتعوذين من الشيطان

لان هذا وسواس قاعد يلعب بافكارج

هدي اعصابج واستغفري وصلي وادعي الله

هذي نصيحتي لج

 

[M!ss soso]

رد : عروس ولكن !!!!!!!! يارب الستر والتوفيق

هههههههههه يحليلكم :* وآلله و انا بعد صادني هالشعور خصوصا ان عمري 17 و دلووعه امي و آبوي و ما احب القيووود وايد و مالي بارض يهال .. و الحمدلله لين احين ما تحدد العرس بس ان شاء آلله يكون صيف 2012 يعني لين يصير عمري 19 : ) .. آلله يوفقج حبيبتي و شعورج طبيعي كل وحده بتحس فيه واهم شي نبيض ويوهه اهلنا و يقولون و النعم فينا و ف تربيتنا و سنعنا : ))) .. آلله يوفقنااا يا رب و يسعدناا و لا تنسووني من دعواتكم :*