عروس وبحلق شعري على الصفر !!

[moone GRL]

بنات مشكووورين ما قصرتوا كل اللي ردوا علي واللي ارسلوا لي بالخاص .. صج صج يعطيكم العافية


انا خلاص هونت ماراح احلق شعري .. لاني صج كنت متردده شعري ناعم وحلو يطول بسرعة بس خفيف وادري لو احلقه ماراح يمدي يطلع قبل عرسي مافيه وقت

قررت استخدم السدر والحنه وان شالله يتعدل ومدحوا لي فيتامينات وبخاخ للشعر

انا مسويه تحليل كل اموري تمام الحمد لله ماعندي انيميا ولا نقص حديد اكلي صحي بس انا اعرف شنو مشكلتي من تحجبت بدا شعري يطيح لاني اشد شعري وتغطية الشعر تضر يمكن لانه شعري ما يتحمل اكيد مو الكل نفسي

وصج تذكرت الريجن قالوا لي عنه بعض البنات انا كنت مستخدمته قبل بس ماحبيته طلع قشرة ووقفت استخدامه وسمعت انه اذا قطعته يطيح الشعر

ببدا احط سدر يوم وترك على طريقة ام عفاف الله يعطيها العافية



بناااات احبكم كلكم :friends: ادعوولي

 

[روانتي 12]

لا تستعجلين و تندمين

ما أنصحج آبدآآ

 

[منار البربرية]

الاخوات ماشاءالله ما قصروا ،،،

 

[omsalooom@hotma]

اختي اول شي قصي قصير وثاني شي اهذي فيتامين بيورين ان هدا يقوي شعرج ويوقف التساققط واخذي شامبو hair cur للتساقط واخذي حبوب للتنبيت اسمها NU HAIR بعد اربع شهور راح تبين نتيجه معاج انشالله وسوي مرتين بالاسبوع خلطه ورق صبار طلعي الجل لي فيها وحطي بالخلاط مع نص زنجبيل طازج ونص كوب زيت عافيه وجرجير بس شخلي الجرجير اول عشان مايلزق بشعرج وحطيهم بالخلاط واستخدمي مرتين بالاسبوع ثلاث ساعات وغسليه هذه الخلطه تنبت الشعر لي تساقط من قبل. ما تشوفين شر بس لازم تستمري عل فيتامين عشان جذور تقوي اكثر

 

[عزتي مااهي غرور]

ووووي بالله علييج هذا حل ؟؟
حبيبتي لااا تجاسفين ...
دوري حل غيييره ..

 

[اوبراا]

الله يعين انا حدي متازمه نفسيا شيكي على الموضوع بملفي تهون عليج نفسج

 

[بنت الاحلام]

لاحياتي ديري بالج حرام
ما يمدي 4 شهور يطول
صبري بعد العرس وعاد سوي كيفج

 

[مطنـوخهـ]

ي روحي انتي قصي الاطراف الميته بس .. واعتني فيه والله ينولج مرادج

ترى خو كلنا تقريبا بنات الكويت ماكو شعور .. والسبب التغذيه السيئة والماي متروس كلور

 

[اوبراا]

اب اب

 

[اوبراا]

اب اب

 

[فلسفة جرح]

شوفي حبيبتي لا تستعيلين على اي شي تسوينه اووكي شعرج خفيف

بس مو لدرجة ان تحلقينه على الصفر قصيه كاريه نفس حصة اللوغاني

واذا حلقتيه ع الصفر مايمدي يطول ب10 شهور يبيله سنه او سنتين على الاقل

اظن في عضوة نفس حالتج وحلقته على الصفر شيكي على موضوعها

اسم العضوه سنوبي جوجو شوفي موضوعها وعنايتها لشعرها

 

[الخزامه]

حبيبتي لاتقرعين شعرج حرام يمكن مايطول لي وقت العرس ديري بالج

 

[ع ـهود]

والله قبل اسبوع رحت الصيدليه واعطاني الصيدلي حبوب هيردال لتكثيف الشعر قال انو اخواتو شخصيا بيستعملووه قالي حتلاحظي الفرق في الشهر التاني وبعد 6 شهور حتشووفي شعر جديد يطللع وقال ما منها ضرر لو استمريتي عليها طول عمرك او فتره طوويله لانها تعتبر مكمل غذائي وهيا عباره عن زنك والزنك معروف مفيد للشعررر ..


اتمنى اكون افدتك ..

 

[اوبراا]

اب اب

 

[رقي]

موتحلقينه قصيه قصير حيل
واكلي فيتامينات شعر يديده
تنبت وطول وتكثف
والله يعينج

 

[cuotta]

لا اكيد مو من صجج... تدرين ان الشعر يمكن يخترع او اللي تقصلج ايدها مو خضرة على قولتهم ويوقف الطول شيسوى عليج
وانتي عروس ؟! حبيبيتي اعتني فيه وصدقيني يتعدل بس لا احد يقص عليج اب هالفكرة الغبية!!!!!!!!!

 

[اوبراا]

اب اب

 

[اوبراا]

اب اب

 

[moone GRL]

ماكو شي ناسب شعري كلش

خل اقولكم شنو استجدت امور

اكتشفت انه فيني نقص فيتامين د بس بسيط وانا اعالجه وهم ماشفت اي تحسن

واستعملت السدر نشف فروت راسي وهذي شغلة حلوة لانه شعري دهني بس شعري صار ميت ومتقصف من تحت ولا وقف التساقط

لما اتسبح يطيح خيوط ياخسارة على شعري قبل يضرب فيه المثل من كثافته ونعومته الحين ميت ميييت

الحين استعمل حبوب فيتامينات فيهم فيتامين ب وزنك مع انه مافيني نقص فيتامينات واخذ حبوب فيتامين د

وبشوف شنو يصير معاي

 

[ديانا سبنسر]

ماعندي حل بس لاتحلقين راسج