عروس في ورطه2

[جلنار الكويت 13]

السلام عليكم

انا عضوه قديمه ونزلت موضوع قبل عروس في ورطه بس نسيت رمز المرور مال اليوزر


مشكلتي كانت رائحه كريهه من الانف والفم والريحه قويه وتنتشر ومالقيت حل لا عند طبيب باطنيه ولاعنذد الانف ولاطبيب الاسنان




كثير انصحوني اروح لطبيب الهادي وامدحوه لي


رحت له الصبح لقيت الدكتور احمد ثابت مصري


فحصني سريريا قال مافيج شي وسوا اشعه مقطعيه قال سليمه وعطاني منظفات ومضاد حيوي بلافايده


الحين العرس تقريبا بعد اسبوعين عطوني الحل شسوي


لو الانتحار حلال جان ريحت نفسي من زمان من الهم اللي انا عايشه فيه موحاسه نفسي عروس ابدا وكارهه نفسي وحياتي وكل شي


الحين شسوي مع مقرود الحظ شقوله لو سأل ولاشم ريحه موزينه

 

[رزان العسل]

حبيبتي تعوذي من الشيطان المشكله مو بفمك ولا من الانف عندك التهاب داخل الجسم روحي دكتور باطنيه اختي مثلك قالها التهاب بالمسالك البوليه واخذت مضاد حيوي والحمدلله

 

[جلنار الكويت 13]

حبيبتي تعوذي من الشيطان المشكله مو بفمك ولا من الانف عندك التهاب داخل الجسم روحي دكتور باطنيه اختي مثلك قالها التهاب بالمسالك البوليه واخذت مضاد حيوي والحمدلله

الله يعافيك ممكن اسم المضاد ؟ لان كذا طبيب باطني وبلافايده

خليني اجرب هالمضاد بلا روحه للطبيب تعبت ننهم وغاسله ايدي منهم

 

[سوسو الخقق]

اضيف ع كلام رازن اختي


نظفي الاسنان يمكن عندك فراغات بين الاسنان ويتراكم الطعام فيهاا

 

[رزان العسل]

والله يااختي من زمان صارت لها ومااذكر اسم المضادروحيانتي قوللي لدكتور واطلبي منه وحاولي اختي تستمري علي المضاد الين يخلص وبنتظام

 

[مـهـــابــــه]

اجل اكيد مشكلتج مو من الفم ولا الاسنان .. السؤال تحسين لثتج ملتهبه ؟ اذا اي استمري ع معجون بارادونتكس افضل شي للثه اذا لا معناته الخلل في الجسم من داخل و الغالب في المعدة شوفي لج دكتور شاطر معده و زوريه باقرب وقت

 

[الأوركيد~]

اذكري ربج

و لا توسوسين

جربي مثل ما قالوا الخوات

و اشربي زنجبيل و نعناع اذا مو قوي على معدتج

و ماي ورد مخفف عالريج

لو عندج شيء بالمعده ممكن يساعدج

عسى ربي ييسر لج و يتمم علييج

و سعيد الحظ ما يشم إلا المسك و العنبر منج

 

[مـآلي شبيه~]

اتوقع من المعدة او الاسنان و على فكرة ترا الاذن بعد تاثر
مادري شنو الحل بس كثري من النعناع و حطي في بطلج الماي ماي ورد و ان شاء الله تروح الريحة
وفي بالصيدلية حبوب نعناع تطهر ريحة الجسم جربيها

 

[لوولوو_88]

انا اعرف وحده من اهلي جذي .. طلعت مشكلتها بالمعده .. المعده سبحان الله جنها فيها تعفن و ما عرفو الا بالمنظار .. اتكلي على الله و روحي طبيب باطنيه زين لانه اذا كل الحلول ما فادت ولا مضادات ولا شي بالاسنان او اللثه .. لازم يشوفون شالمشكله و وحده الريحه تطع من اللوز تخيلي طلع فيها تضخم و صديد على طوووول على اللوز ولا حاسه بروحها .. ربي يشفيج و يعافيج و يفك عوقج قادر ربي

 

[oshi_q88]

ريحة الفم آلتزمي بتفريش الاسنآن والمضمضه
ولمآ تقومين من النوم حتى وانتي عند ريلج خلي عند التوليت عند راسج
مآي آشربيه لمآ تصحين وبدرج بخآخ تلقينه بِ الصيدليه له نكهآت وريحه
او بخاخ اسمه هولز
ووبس ب التووفيق ودعواتش لي

 

[فوزيه الراسي]

اعرف وحده تعاني نفس الحاله عندها مشاكل باللثه وتم علاج الاعصاب بالبعض تالف منه

 

[لعيونك اصير مجنونك]

احتمااال كبير يكوون من البطن
روحي الطبيب سوي فحوصات شامله يمكن من المعده او الامعاء


واذا خلصتي من الطبيب اخذي حلووول عششرج يمكن يفيدج بس خلي العشرج بعد ما تراجعين الطبيب

 

[ام ذعار]

ياقلبي عليج


شوفي انتي حاولي فاللي قالو لج عنه البنات

وبنفس الوقت اشربي ماي زمزم بنية الشفاء الرسول صلى الله عليه وسلم يقول ماء زمزم لما شرب له
يعني تشربينه بنية الشبع من الجوع يشبع بإذن الله او تشربينه بنية الشفاء من المرض يشفيج الله سبحانه

اقري عليى الماي وشربيه ولا تنسين الدعاء والرقية
استعيني بالله وتوكلي عليه وادعيه وانتي موقنه بالإجابة

 

[جوري الصالح]

حـــــبوبة اذكـــــري ربـــــك
لا تحطــــــين ايــــدك على خـــــــدك وتنـــــدمين حظــــــك
احتــــــمال مشكلتج مــن المعــــده او اللســــــان

 

[ツ...Яāώặή...ツ]

up
up​

 

[<miss botamba>]

تعوذي من ابليش واستغفري ربج مافي الله العافيه

واذا في مشكله شوفيها من الجانب المشرق على قولتهم

أن الله إذا أحب عبداً ابتلاه


وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ}


يصلى عليج من الملائكه من سابع سماء


انتي عليج انج تستغفرين ربج وتسعين لحل هالمشكله لا تقولين رحت وماكو فايده العلم في تطور وبدال الدكتور الف


سوي الي بقولج عليه ومافي الا الخير


اول شي تعتنين بالبيت

تفرشين اسنانج مرتين اقل شي واذا تشترين فرشه إلكترونيه احسن بعد

تشترين فرشاه للسان وفي اشكال والوان بالجمعيه

تستعملين خيط اسنان عالاقل مره باليوم قبل النوم

تستعملين غسول طبي من الصيدليه او ممكن يكون متوفر بالجمعيه ماركه gum ومتخصص حق التهابات اللثه



طبيب الاسنان تروحين كل 6 شهور تسوين تنظيف عن الجير ويسوونه بالمستوصف




تروحين طبيب انف وحنجره يكشف على الانف والحنجره بمثل منظار مو كشف بعينه لا يدخل بخشمج وحلجج جهاز


عندج دكتور مصري نسيت اسمه في عنايه كلينك ممتاز او اذا ماتبين المستوصف يعطونج تحويل حق اقرب مركز لكم عنده عياده انف وحنجره


نفس الشي لبطنج لازم منظار للمعده (عشان ممكن يكون احتمال عندج جرثومه بالمعده او التهاب براس المعده)

وهم تقدرين تاخذين تحويل من المستوصف للمستشى الي انتوا تابعين له




كثري من النعناع و البقدونس و الزنجبيل الفريش




تغرغري بماي وملح


ومافيج الا العافيه

 

[جلنار الكويت 13]

قلت لكم كل شيء سويته واللثه والجيوب سليمه

ماعدا شي واحد المناظير ولامره استخدمتها المشكله الدكاتره اللي اروحلهم مايقترحون علي المناظر يقول مشكلتك بسيطه والله لو مشكلتي بسيطه حليتها ياابنالذين امنوا
العرس ماباقي شي اليوم بروح اسوي تنظيف اسنان عادي ويوم الخميس بروح الهادي اطلب منظار للأنف وللمعده بس ادعوا امي توافق امي ماتساعدني وكله تقول انتي موسوسه وهي اول وحده تتأفف والمشكله بعد كم يوم زواج بتنزل الدوره والريحه تزيد معاها:eh_s(16):

يارب تعييييني

 

[لوولوو_88]

دام امج تقولج موسوسه

معناته مو شامه فيج شي

مو معقوله شامه و بتخليج تروحين لزوجج بدون ما تعالجين

 

[رورو الحلوه]

وحده من رفيجاتي كانت تعاني من ريحه الحلج و طلع السبب جرثومه المعده عطوها مضادات حيويه و الحمد لله تشافت و هم انصحج تشترين فرشه اسنان مكتوب عليها hard و تفرشين فيها لسانج عقب كل وجبه

 

[جلنار الكويت 13]

استخدمت بيكربونات الصوديوم واحس ريحه الفم شبه اختفت خفت يارب انه مؤمؤقت وغسلت الأنف بعد بس الانف لازال :/اليوم عرسي وقايمه من الساعه ٢ الله يعيييين يارب ومايشم مني الاطيب


الجرثومه سويت تحليل سليمه