عروس ضايق خلقي من شغلات يمكن تشوفونها بسيطة بس مضيقة خلقي :(

[still-Dreaming]

السلام عليكم

بنات تعروفن البنت اهم شي عندها جسمها و لونها كعروس وانا متضايقه منجم شغلة تكفى ساعدوني شلون اتخلص منها

اول شي اصابع رجلي صاير فيها دوائر مو لووووووووون لالا ! جلد متكتل صاير على شكل دائرة لان كنت اداوم بالجامعة بعكب عالي وضيييج يضغط على مفاصل اصابعي ( مكان الدوئر ) وووووويع شكلهم موحلو ببجي تعبت صارلهم سنة ماراحوا مع ان صرت البس جوتي طبي و الحين علطول ادهن بجلسويد والبس دلاغ بس ماكو فايدة .
ثاني شي هم في دائرة سودة اللي تطلع من القعدة ع الزوليه عرفتوها .؟ اهيا موجودة برجل وحده بس لان كنت احكها شلوووووون تروح
وثالث شي الخطووووووووط البيضه انا مقتنعه انها ماتروح بس عادي البس اللي يعجبني ولا لازم احرص اني اغطيها ؟

واللي جرب شي و نفع معاها تقول لي تكفاااااا (

 

[muhrat uboha.]

بقولج جم شغله بينفعووونج وعن تجربه....
اول شي قبل فتره قريت بموقع انقلش عن طريقه تخفف التشققات وهي قبل لا تنامين
دهني منطقة التشققاات اب فكس
ولفيه القصدير الشفاف (نسيت اسمه هو نفس القصدير بس الشفاف):eh_s(1):
اول ما تقعدين غسلي المنطقه وسويلها تقشير
انا طبقت كل شي والتقشير استخدمت ملح اليوكو
واول ما اخلص ارطب المنطقه اب مرطب او زيت اللوز او الزيتون
هالخلطه نفعتني التشققات ولله الحمد ملمسه تغير ولاحظت الفكس حييييل فتحني لدرجه قمت استخدمه حق اباطي
وصج لمن دورت بالمنتدي عن الفكس الكل يقوول يبيض
فنصيييييحه استخدميه بليل حتا ريلج دهنيها وشووووفي البياض شلووون
والصبح اذا غسلتي من االفكس ريلج دهنيها اب فازلين ولا تفسخين الدلاق كثر ما تقدرين لانه الفازلين يوخر الركب الي بالاصابع
وحبيبتي كل الي ذكرته عن تجربه والنتايج شفتها بعيوووني واتمنى اني افدتج
واذا تبين اي مساعده كلميني وماراح اقصر معاج:eh_s(7)::eh_s(22):

 

[still-Dreaming]

حبيييييبتي يعطيج العافية بجرب الفكس ان شاء الله ينفعني ��
بس الاصابع تهقين تروح بس مع الفازلين .. احس ماينفع ��
جداج الله خير

 

[ملامح بريئة]

اهم شي القدم البسي جوتي طبي احسن لك ومشكلتك عند طبيب جلدية يحلها لك والقبول من الله مو شرط الوحدة كاملة مكملة اشدعوة وبالتوفيق يارب

 

[لؤلؤةالكويت]

السلام عليكم

اول شي .. اختي الله يوفقج ويسر امرج ويجعل حياتج هنا ومسرات والله يرزقج بالشي اللي يرضي الله ثم يسعدج


ثانياً .. انا حصل لي مثل ما حصل لج بسبت انه عزكم الله ضيق الجوتي الحل اني تركت لبس الجواتي الضيقه

وفعلاً خذيت سنه تقريباً وراح هالسواد اللي بأصابعي دهني بفازلين وفكس خفيف حطي لاتكثرين لانه مو زين كثرته


وبالتوفيق حبوبه وانصحج نصيحه لوجه الله لا اهتميتي بنفسج لا تطالعين عمرج حيل ودققين ع كل شي العروس سبحان الله

ربي يزينها بعين زوجهاااا وبكره ان شاء الله جربين العرس وبتشوفين كلامي باذن الله صح


لاتنسيني من صالح الدعاء ..


اختج :
لؤلؤة الكويت

 

[مـهـاآ]

رطبيهم على طول ان شالله يخفون واعتقد عادي الخطوط انا استسلمت للامر الواقع

 

[جامعيه طموحه]

الترطيب والتقشير رطبي المنطقه على كثر ماتقدرين وسوي عقبه تقشير وان شاءالله النتيجه حلوه

موفقه يارب ♡

 

[baa6aa]

حمام مغربي و تقشير خلي اسبوع جذي و اسبوع جذي
وراح تشوفين جسمج صافي ولون واحد عن تجربه ومستمره فيها ماوقفتهم
منها نعومة على طول ومنها نظافه و جسمج موحد

 

[اميره بكلمتي]

رطبي المنطقة عندج باستمرار ولبسي دلاغات قطنيه سوي حمامات مغربيه بالشهر مرتين افضل وسويلج عنايه يوميه ساعه كل يوم ومن ناحيه سبوحج العادي استخدمي خلطات صابونية راح تفتحين شوي شوي