أنا الحين ان شاءالله إذا انكتبلي نصيب مع الريال راح يكون عرسي بعد عيد الفطر مباشر
يعني تقريبا ثاني يوم يعني ماعندي وقت للتجهيز إلا شهرين 7و8
و8 راح يكون رمضان وانتو عارفين الاسعار شلون راح ترتفع
واختي تقول راح نخلي العطور والبخور نشتريهم برمضان راح يسوون عروض
وتقول أن أول ليلة العرس بالفندق وبعد يوم و يومين راح نسافر
فانا الحين ماني عارفه اودي اجهازي قبل العيد او اخليه إذا راح اسافر يودونه قبل ما اجي بيوم
والدراريع شلون عليها الاسعار الحين مرتفعة جم دراعة اخذ
انا اقول إذا بي اسافر اخيط الدراريع واطلعهم بعد العرس خواتي يجيبونهم
وخلي عندي دراعتين احطياط اوديهمم معي قبل العرس
واشلون على الحمامات متى اسويهم برمضان ولا قبله
والبدله مالت العرس انا بخاطري اخيط لأني احب الستايل الناعم نفس الاجانب
والميك اب بعد احبة ناعم شنو تنصحيني فيه والله محتاره واحس نفسي ضايعة
مدري احس نفس الحلم شلون بعد العيد عرسي
ساعديني تكفين اشتري كل شي مع جهازي ولا اخلي اشياء بعد العرس اشتريهم بحكم مافي وقت عندي
ادري كثرت اسئلة بس والله مادري شسوي خايفه ومتوترة حيل
وكل ماجابوا اهلي طاري العرس انه بعد العيد اعصب ازيادة ماادري ليش
ردي علي باسرع وقت وريحيني الله يريحك بالدنيا والاخر امين
وإذا تعرفين صالون يحط ميك اب للعروس ناعم علميني او تجي للبيت لاني مابي اطلع برا بيتنا احط مكياج واسوي شعري ابي شي ناعم وبنفس الوقت راقي
ومشكورة مرا ثانية على الموضوع الرائع
وان شاء الله يرزقج الذرية الصالحة امييييييييين
هلا حبيبة قلبي الله يوفقج ويتمملج بخير يااارب
بالعكس يمديج اذا خططتي صح ، شوفي يالطيبة ..
جهازج وديه قبل عرسج لا تروحين عرسج الا واغراضج كلها كاملة بغرفتج اليديدة ..
علشان لوية السفر راح تتشتتين اغراض عند امج واغراض السفر واغراض غرفتج !! بتحسين انج ضايعة
جهزي تجهيز كامل ووديه بيت ريلج قبل عرسج .
والدراريع لا تاخذين وايد اخذي 5 دراريع كااافي لانج بتسافرين .. و ان شالله ماتدرين يمكن الله يكتبلج
تحملين وطبيعي يتغير جسمج شوية ، فحرام الدراريع تظل يديده مثل حالتي وحالة وايد من البنات ..
والحمامات ابدي من الحين ، لان في شغلات يبيلها علاج مثل الشعر او البشرة ..
والاسنان كذلك ، و حمامات البخار والمغربي روحي صالون واحد سوي عندهم برنامج عروس كامل
علشان يستلمووونج من ... و .. والى .. وانتي مرتاحه .. وارشحلج صالون جاك ديسانج روووعة .. ولا بطلي مجلة الممتاز فيها عروض راااائعة ..
وبدلتج كذلك يمدي تسوينها بس راح تكلفج اذا خياط ، روحي مشغل حلو معروف علشان تضمنين يضبط
الشغل من اول مرة .
واذا جاهز ارخصلج وانصحج فيه روحي ليلى جاليري بتلقين الستايل اللي تبينه حتى ما يزيد عن 700 دك في بعض المحلات ..
واذا كان عرسج بالبيت اخذي بدلة صغيرة
واذا كان في فندق او صالة اخذي منفووشة ،، بااالغي بالنفشه واستانسي لانها مره بالعمر
وماراح تنسينها
والمكياج اذا تبين ناعم مايغير شكل ملامحج روحي عبير الياسين تمام التمام روحي بدوون تردد
اذا تبين كششششخه و ناعم روحي ليلى هارموني تحطيييييييم وكلمن بيقول ششكلج ملكة بعرسج
ونصيحتي لج ..
والوقت كافي ويزيد بس اهم شي تنظمين بورقة وقلم سوي جذي :
شهرين يعني فيه 8 اسابيع
الاسبوع الاول اخلص :
- من السبت الى الاثنين احجز واعتمد واتخذ قرار لصالون جلسات لمدة شهرين شعر و جسم
- من الاثنين الى الويك اند اتسوق اشتري عطور ومكياج لا تتوهين نفسج اخذ من بيضون حاليا تنزيلات 50%
الاسبوع الثاني اخلص :
- لمدة 3 ايام روحي مشاغل عاملي على كم دراسعه وانصحج بين ال5 و 10 دراريع مو اكثرررر . وخلصي الموضوع .
- من الثلاثا الى الويك اند اتسوق اشتري قمصان نوم وشحاطات فقط ! وخلصي منهم حطيهم بجنطة وانسيهم
الاسبوع الثالث اخلص ...
الاسبوع الراابع ..
وهكذا .. حطي جدولج وكلما خلصتي شغله حطي يمها علامة
وان شالله بحيل الله راح تخلصين قبل الوقت .
واذا عندج اي استشارة انا بنتظارج لا تستحين
:eh_s(7):
الاسبوع الثالث اخلص :
