عروس بتأخرين دورتج ؟ ولا عرستي وأخرتي دورتج ؟

[أحلام ورديـہ]

السلام عليكم ورحمة الله وبركاته

شلونكم عرايس / متزوجات
وطموشات إذا عندكم خبرة

إذا صادفت دورتكم يوم الزواج أخرتي دورتج ؟ وإذا بعدج ما تزوجتي تفكرين تأخرينها ؟

أنا زواجي قريب إن شاء الله وأم زوجي صارلها شهرين تقول لي اخذي حبوب واخذي حبوب لأن دورتي تصادف يوم زواجي مع إن ما كان ودي ألعب بنفسي وآخذ حبوب
وشاورت زوجي في الموضوع قالي استشيري الدكتورة وإذا مالها أضرار اخذيها

كلمت دكتورة نساء وولادة ووصفت لي حبوب Primolut N 10 mg حبتين يومياً 9 أيام قبل الدورة وممكن آخذها 15 يوم - 21 يوم

سألتها إذا لها مضاعفات أو إذا تسبب عقم لا سمح الله
هزأتني وعصبت لووووول قالت لي لو شي بيضرج بوصفه لج ؟ أو تتوقعين الصيدليات بتبيعه ؟ قلت لها لا قالت انتي يايه تستشيريني وتقولين هالكلام قلت لها أنا آسفه قالت هالكلام يعتبر إهانه للدكتور بشكل عام إذا استشرتيه وقلتيله مثل هالكلام

قالت لي انتي أكيد قريتي في النت يسبب عقم ويايه تقولين لي .. قالت الي تقول يسبب عقب هي أصلاً عقيمة الحبوب مالها دخل
الي تروح الحج أو العمرة تراها تضطر تاخذها وكاهي الناس تروح تعتمر وتحج وتاخذها وتزوجت وحملت

الموهم شورو علي مو عارفه شسوي

:eh_s(2):

الي تقرا موضوعي تقول

اللهم تمم زواج أحلام ورديـہ على خير ووفقها مع زوجها واكتب لهما حياة سعيدة

ولكم بالمثل إن شاء الله

والله يرزق كل طموشة الزوج الصالح يارب

 

[دلع بآبي]

مو صاحية لو تبين تاخذين لاتلعبين بنفسج يا بنت

انا صار لي مثلج المفروض انها تنزل بيوم عرسي

ولا كان ع بالي ان جت جت شبسوي يعني وان ماجت بعد خيرة

وماجتني الا كم يوم بعد عرسي ولا لعبت بنفسي ولا خذت هالخرابيط ..

وانتي اوردي بتكونين متوترة والنفسية بتخليها تتأخر ماعليج

وربي يتمم لج ع خير يالعروس ^^

 

[^لغموضي معاني^]

عليكم السلام ورحمه الله وبركااته


حبيبتي ترى اللي بيوم عرسها موعدها داااااااااايم تجي لها ياقبل موعدها او تتاخر عليهااا

لان تتوترين وتحاتين وتتاخر



الا اذا ماتبين تكون عليج اكليهم والله يوووفقج يارب


بس نصيحتي خلج ولاتخربيين دورتج

 

[الصـوت الجريـح]

والله إذا تعورج الدورة عوار صجي لا بالله أخذي الحبوب عشان لا تخربين ع نفسج يوم عرسج
أما إذا ما تعورج وعادي فلا تأخذينهم ومالهم لزمة . .

 

[مانسيته]

والله انا اقولج تأكد اكثر سألي دكتوره ثانيه
انصحج بالدكتوره سكينه عباس ترا خوش وحده عيادتها بالمنقف
سأليها نفسيتها حيل حلوه وما اظن بتجذب عليج لان اهلي كلهم يعالجون عندها
والله يوفقج

 

[Queen2012]

نفففس حاالتي ..!!

وودي اخذ الحبوب

سؤال : اذ جاتني قبل العرس بجم يوم شلون احف .!؟ عارفين قصدي بنااات ؟؟؟


تكفون شورو علييييي 

 

[ذوؤوؤق]

بنات لاتغامرون
رفيجتي خذت الحبوب وماتهنت جتها الدوره اسبوعين
توكلوا على الله وماله داعي التعبث
>>>>خايفه عليكم

 

[ya al3rosa]

اب
اب

 

[قطوه بطه]

ياربي بفهم شفيها اذا عرسج وعليج الدوره ؟؟؟؟

عادي خلي الامور تمشي طبيعيه بلا علاج بلا نيله

اما اذا مثل ما قالت لج وحده قبلي اذا تعورج وتتعبج اي غيره لا

موفقه حبيبتي والله يتمم عليج

 

[ريري 2012]

الله يوفقش ويوفقني ويوفق الجميع بس تري انا كان موعدها قبل العرس ٦ايام بس الاخت شرفت الحين وانا دايم تجيني ١٢يوم وخايفه لا تخلص بيوم العرس وش اسوي حزتها وانا بصالون وحتي الحف والحمام المغربي قبل العرس الله يعن والله الرياجل هم المرتاحين مشاءالله وحنا المساكين من اوجاع لين اوجاع الله يسهلها يارب ً

 

[رياااانه]

نصيحه يا الغاليه ........لا تاخذين شى والله تندمين بعدين على قد شعر راسك اذا تاخرتى فى الحمال .
.وشفيها اذا معاك الدوره والله مافيها شى وكمان تتعودين على زوجك مزبوط

اللهم تمم زواج أحلام ورديـہ على خير ووفقها مع زوجها واكتب لهما حياة سعيدة

 

[fajorh]

Up up

 

[سندس 90]

اللهم تمم زواج أحلام ورديـہ على خير ووفقها مع زوجها واكتب لهما حياة سعيدة


آميييين

 

[3boor-q8]

لا لا لا لالالالالالالالالالالالالالا تاخذين الحبوب وتلعبين بنفسج

عادي شكثر عرايس صادفت دورتهم بيوم عرسهم وعادي نطروا ليما نظفوا

لاتلعبين بنفسج

 

[((البرنسيسا))]

انا طموشة بس لمن رحت العمرة إضطريت أخذ لحبوب

وندمت حيل لأنها خلتني بلوعة جبد وألم طول اليوم وغير إنه دورتي

تخربطت ماقامت تنتظم بالأيام -_-!

انتي اسألي أكثر وشوفي الراي الأكثر وفي النهاية اخذي الي يناسبج

 

[انا نفسي تحب]

اللهم تمم زواج أحلام ورديـہ على خير ووفقها مع زوجها واكتب لهما حياة سعيدة
حبيبتي اذا انتي مضطره اخذيهم بس رااي انج ماتلعبين بنفسج كلها جم يوم وتروح والعمر جدام انشالله

 

[توته وزيتونه]

انا نفس الشي راح يصادف دورتي بعرسي وانا الم وعوار وبطني تنتفخ ونفسيتي تصير زفت وودي اخذهم بس على قولتكم متردده وخايفه بس ماوديً اتعب وانا اصلا بكون تعبانه من لويه العرس

 

[إبطيطه]

الحبوب هاذي صج راح تأخر الدوره بس راح يكون ألم الدوره موجود بصوره كريهه وبطنج ينتفخ كإنج مكرشه وبعدها لما تنزل الدوره راح تطوّل عليج فوق العشر ايام ودم غزييييييييير وعوار رهييييييييب
نصيييييييييحه من اخت لخواتها لاتاخذونها وتلعبون بهرموناتكم والله اني اعرف بنات مومتزوجات يعني ماسبق انهم إحملو خذوها وتخربطت دورتهم وتأخرو بالحمال و صج صج تأذو
ابتعدي عن هالادويه وتوكلي على رب العالمين وخلي إلّي ربج كاتبه يصير سواء جتج بيوم العرس ولا قبله ولابعده (الخيره فيما إختاره الله)

 

[العجميه سبشل]

انا كنت بنزلها قبل موعدها لان تصادف بنفس اسبوع العرس
ششلون اسوي الحمامات والشيرة
بس من كثر التوتر انزلت بروحها

 

[Om-azooz]

انا عن نفسي اخذتها ووبنت خالتي خذتها ووبنت عمي خذتهم كلنا حملنا الحمدالله