عروسة فرحانين لها اهلها وهي زعلانة ومبوزة + محتاجة نصايح

[افلاطونيm]

انا فجأة انخطبت ,, وفجأة حددو تاريخ الملكة والزواج .. واختارو الملكة بالعيد والزواج بعده بشهرين

الوقت وااااااااايد قصير .. انا يوم سمعت الوقت جتني جلطه

انا كنت مخططه انه يكون سنة او 9 شهور

احس نفسي حااايسه ومااقدر اسوي شي بهذي الشهور البسيطة

ابتعدل : ابسوي ليزر لجسمي .. ابي اعدل بشرتي - اعدل لون جسمي - اشتري فستان على راحتي - اتزهب وانا مرتااحه - اخذ دورة تجميل


مااعرف اتعامل مع الحمولـــــــــــــة
و
مااعرف اتعامل مع رجال جديد

ومااعرف اختار اثاث الشقة ..لو اقوله اختار على كيفك .. احس بيحس شخصيتي ضعيفه من اولها ,
مااعرف اخذ قرار بسرعه ا..احتار واتردد لو الشي بسيط

المختصر المفيد : عروسة مرتبشـــة طمنوني وهدؤؤ من روعي .. وحمسوني للعرس

وعلموني كيف اتعامل مع رجال جديد ؟

وكيف اتعامل مع حمولة جديده

 

[زهراء الركابي]

رد : عروسة فرحانين لها اهلها وهي زعلانة ومبوزة + محتاجة نصايح

مبروووووووووووك
والله يقدرج وتتجهزين هونيها وتهون كل شي موجود

 

[✿q8.ℓa∂ч✿]

رد : عروسة فرحانين لها اهلها وهي زعلانة ومبوزة + محتاجة نصايح

حياتي انتي الف مبروك والله يسعدج انشاءالله وسالله عليج من الجلطه ..يمكن الشي صار بسرعه بسرعه بس اذا اهوا ريال زين واخلاقه زينه الحمدالله ولا باجي الاشياء تنحل وتدبر لا تحاتين
وانشاءالله يمديج تسوين كل شي .. تقدرين تبلشين من اليوم تاخذين موعد لليزر وموعد لتنظيف البشره و الصالون تقدرين ادورين من الحين عشان تشوفين ايهو الي يعجبج ..
واذا على الشقه حاولي تاخذين راي خواتج وامج على الاثاث والصبغ والديكور .. لا تحاتين شي كل شي وله حل حياتي انتي بالعكس انتي الحين عروس يديده لازم تستانسين وتزهبين شغلج وانتي فرحانه :wqedqw:
وبالعكس مافيها شي اذا خذيتي رايه من اول شي ماراح يحس ان شخصيتج ضعيفه بالعكس بيستانس انج قاعده تشاورينه
وانا ما جربت شعور الحموله لاني لي الحين ما تزوجت بس والله احس ان عادي راح تتاقلمين وانشالله البنات يفيدونج حياتي
وتقدرين تحطين موضوع بقسم العرايس والبنات ما يقصرون
الله يوفقج ويهنيج ويسخر ريلج لج انشاءالله ويعطيج حموله تحسنهم مثل اهلج يا رب ويرزقج بالذريه الصالحه ياا رب

 

[لولاكينو]

الف مبروك والله يوفقج ويهنيج

مآعليج سهالاآت من ربج ان شآءالله انتي لاتضيعين ولا يوم واهم شي نظمي وقتج ورتبي وروحي من اليوم جهزي واخذي مواعيد ليزر وبشره واللي تبينه وان شاءالله سهالات والله يتمم لج على خير يارب

 

[افلاطونيm]

رد : عروسة فرحانين لها اهلها وهي زعلانة ومبوزة + محتاجة نصايح

ياحبيكلم شكرا ..ردت تدمع عيوني مره ثانية

 

[مــســك]

حياااتي الله يوفقج ويوفقني .. حتى انا ملجة .. وخاايفة وللحين ما حددو متى العرس ..


لو تشوفيني الحين حييل متوترة ومشتطة .. ودايم ادعي انهم يآخرون العرس .. احس بخووف حييل ومرات تجيني ضيقة ماادري من شنو وكله ابجي والله ..


وما ودي اضيق خلقج بعد .. اسمحيلي حياتي .. بس شسسوي هذا شعوري من ملجت احساس غريب .. تجيني حالات بس ودي ابجي ابجي ..


الله يوفقنا ان شاءالله ..

 

[LuLiTa]

حبووبة استرخي ,,,

من اليوم دقي على عياادة سوي جلسات ليزر و تنظيف ,, و بالنسبة للاثاث ف عادي لانه اهوو و اهلج بيكونون موجودين وقت التجهيز ف رااح يكووون سهالات ان شالله ,, و خلج ريلاكس و على طبيعتج و ان شالله بيكفيج الوقت و يزيد بعد ,,,,

 

[ملاااك نفسهـ]

أولـ شي الف الف مبروووووووووووووؤكـ والله يهنيج ويوفقج في حياتج .. !

وثاني شي هدي بالج وحطي هالع ـبارهـ في بالج { يمديني إن شاءالله }

وتوكلي على الرحمن وسهالات عاااااااااااااديـ خليج ريلاكس وكل شي بالتنظيم بيصير اوكي

اذا تقدرين تروحين الصبح برمضان السووق وبعد التراويح الصالون وهالجلسات وهالسوالفـ ,,,, !!

واهم شي لاتفكرين كثير ,, ولاتسمعين للي حولج " لان بيوترونج "

وشعور طبيعي انج ماتقدرين تتعاملين مع الحمولة لان مو اي اسلوب يتبعه غيرج بينفع مع حمولتج ,, !

فمن باب النصيحه واللي اسمعه خالتج ,, خالتج ,, خالتج ام زوجج اهم شي تكسبينها وتعاملينها مثل امج !

والله يتمم عرسج على خير وان شاء الله فدتج << سؤوؤووريـ على الاطاله

 

[mi corazon]

وي ياحلاااااااااات البنات

اللهم اجمع بينهما بالخير وسخر لها زوجها واجعلها قدم بركه عليه وعلى اهل بيته

حبيبتي تعوذي من ابليس وسويلج الحين لسته

او ورقه قسميها اربع اقسام مربعه كل قسم حددي اهميته وحطي الأشياء المهمه يعني مثال

مربع 1 : الأشياء المهمه العاجله " لاتحتمل التأخير :-
- حمامات مغربية
- اهتمام بالبشرة والجسم

مربع2 : الأشياء المهمه الغير عاجلة :-
- ثوب العرس
- قمصان النوم
- اثاث المنزل .... ألخ

مربع 3 : الأشياء غير امهمه العاجلة :-
- ملابس كشخه" في حال كان يزورج في بيتكم بفترة الملجة"
- اكسسوارات البيت "لو كان الحين وقت تنزيلات راح تكون غير مهم بس عاجلة"

مربع 4 : الأشياء الغير مهمه والغير عاجلة :-
- مكياج " تقدرين تشترينه قبل عرسج بيومين"
- شموع للبيت ....... ألخ


هاذا كان مثال بس وانتي عاد حطي اللي يناسبج بالمربعات

موفقه حبيبتي

 

[أحبه موت]

كلولولوووووووووووووووووووش الف الف مبروك ياعروس منه المال ومنج العيال
وي وي وي اشدعوه كل هذا صاير فيج ماكو الا العافية ان شاءالله وكل شي ترى سهالات وتوافيج من رب العالمين
تبين تضحكين انتوا والنعم فيكم بدو فا اطولون العرس والملجه احنا الحضر الملجه انجهز لها باسبوعين والعرس بشهر او شهرين بس
اختي مسكينة تدرين شصار فيها الاثنين يابوا لها الدزة اليمعه صارت الملجه مسكينة لاتشوفين شنو صار فيها 4 ايام واهي تراكض من الصبح تطلع ما اترد الا الساعه 1 او 2 مسكينة انهلكت وكا مشاءالله بملجتها اطلعت اتيننننننننن الكل يتكلم فيها من حلاتها
هدي مالا داعي العيله وان شاءالله الوقت والايام فيها بركة بس انتي سويلج جدول وكتبي كل يوم شنو تبين اتسوين ووين تبين تروحين وحطيلج لسته بالاشياء الي تبينهم حق تجهيزج والي تخلصين منه شطبيه
والاثاث اخذي معاج خواتج ولا حمواتج واختاري وقوليلهم شرايكم لا تخلينهم اهم يختارون لج انتي اختاري واستشيريهم
والله يوفقج ان شاءالله ويسعدج ويرزقج بالذرية الصالحه

 

[سنــآم إلفخــر]

رد : عروسة فرحانين لها اهلها وهي زعلانة ومبوزة + محتاجة نصايح

ماعليه سهالات

ذكرتينى برفيجتى مدة ملجتها بس شهر وكانت تغيب عشان تجهز ماكان عندها وقت عطوها انذار

 

[mi corazon]

احبه موت

اي والله صاجه احنا بلشه ماكو مجال .. الملجه ويالله دشوا :$

نبي انتهزلق وانتمزلق ماكو وقت :\

آنا ودي اسوي عرس بس علشان اعطي نفسي مجال اتزكرت واهتم بعمري

ياعروسنا قولي انتاي شهرين .. ىنا بعدي ما ملجت ويوقولن الملجه برمضان .. وملجتنا ترى دخله تعتبر

حمدي ربج """"

 

[هدولى]

الف مبروووك وهونيها سهالات باذن الله الحين عصر السرعه لا تحاتين .

 

[lovely jojo]

الف مبروك ..
ما قصرو البنات ..

 

[*بسبوسه*]

سوي ليزر بعد الزواج مو شرط يعني قبله
لي ما امج تكلم اهل المعرس تقول لهم على الاقل خلوه بعد 4 ولا 5 شهور على ما البنت تجهز براحتها

 

[شذى الحب]

لا فشله شنوو الام تقول اجلووو العرس

لا هي تقدر تخلص بسرعه ان شااءلله
الله يوفقج

 

[مزآآجيه]

لا يمددديج انتي قسمي وقتج و صدقيني 3 شهووور فيها برركه و تقدرين تخلصين بالراحه ..

 

[افلاطونيm]

رد : عروسة فرحانين لها اهلها وهي زعلانة ومبوزة + محتاجة نصايح

ياااجعلكم بالجنة واهلكم واحبابكم ومن يعز عليكم ,, ربي يسعد ايامكم ويحقق احلامكم ..

رفعتو معنوياتي وطمنتوني ..ربي يخليكم

 

[حرم القيصركمودس]

رد : عروسة فرحانين لها اهلها وهي زعلانة ومبوزة + محتاجة نصايح

اول شي الف الف مبروك ومبارك عليج الشهر سويتي الفرحه اثنين ,,
وبعدين انتي عروس شي طبيعي انج تخافين ان شاء الله عطوج قرن راح تخافين تجربة يديدة وصعبه ,,
وبعدين هدي شوي مافي شي راح يصر راح تخلصين كل شي بوقتة انا اوعدج وكل شي راح يكون اوكي ,,

 

[حب الرّمان]

مبرروك حبيبتي والله يتمم عليج لاتحاتين كلشي مووجود ونشالله تخلصين احلا الايام ايام تجهيز العرس ....

وأنتي اكيد سنعه وراعيت واجب وحبووبه راح يحبونج ويحطونج فوق راسهم ’’’ واذا بتصيرين شريه وقشره ومكشره بويوهم اكيد بيطنشونج
ولا راح تحبينهم عرفتي

واهم شي تحددين لج يوم زوارتج لهم غير التسير بونص ساعه جذي وبس