عروساتي هيلب مي .. وين اروح ؟؟

[وَدَقْ]

^^

مع احترامي لوجهات نظر الكل

مو انا اللي اقول ان دبي هي افضل وجهة للتسوق تصدقين شفت برنامج وثائقي عنها ان حتى الاوربيين صاروا يتسوقون منها
والامراء والاميرات الاجانب من الاتحاد الاوربي يتعنون لها وبطياراتهم الخاصة !
وانصدمت من معلومه ان في محلات وايد انحسبهم محلات موثوقة يطلع الشركه الام مالها علم فيهم ويكونون من صنع الصين !

بس نصيحة خلي روحتج لها شهر ١٢ وورا عشان الجو يتعدل

 

[{ غصن البآن }]

^

دبي جميله كماركات

وين ١٢

عرسي شهر ١١

اذا كلش كلش اروحلها ١٠

 

[laiwn]

مبرووك حبيبتي وبالتوفيق ان شاء الله
شوفي انا من السعودية وبصراحه اشوف عندكم بالكويت شغلات حلوة زي الشنط والاكسسوارت
والبدل والجلابيات مررة روعه
اذا تقدرين توصلين للرياض راح تلقين كثيررر محلات حلوة وعندهم شغلات رخيصة زي اقمصة النوم
و العبايات اشكالها تجنن واسعارها رخيصه
واذا تبين تجين الرياض قولي لي واقولك اسماء المحلات الحلوة والرخيصه

 

[miss-21]

حبيبتي اذا ودج بالخبر مالج الا شارع العبي شارع سويكت
ومجمع الظهران والراشد بس
اما اذا ودج بدبي روحي مجمع ابو هيل للعبي توني بصيف كنت بدبي
منزلين عبي جديده وراقيه وروحي عجمان عندج كله عبي في شارع
الذهب عند بنايات الشيخ حميد هناك ارخص وطبي واختاري روووعه
ونصيحه لا تروحين دبي مول وامارات مول كله غالي
يعني تبين الغالي روحي لهم بس اخذي اذا ودج عطر ديور باتشلي فعلا مميز
وروحي مردف ستي سنتر في عندهم جناط روعه ورخيصه
وروحي الوافي في محل ساعات اسمه الحاج خيال وساعاته
اسعارهم حلوه حق ليلة العرس وراقيه وروحي سوق المنال
في بالدور الثاني محل قمصان نوم رووعه واذا بعد تبين
ملافع ساده او توقيع عندج بسوق نايف ملافع الشريف رووعه
والله يوفقج ويتمم لج ع خيررر يارب ♡♡

 

[مـهـــابــــه]

هلا حبيبتي .. بابوظبي شارع اسمه الخالديه روعه و عبي مالته مميزة
اما ابو الهيل كلش ماحبيته قديم و مو ع قد المدح

اذا لج طريق ع عجمان بعد عبيهم حلوة و ارخص من ابوظبي

 

[ツ...Яāώặή...ツ]

انا اقول لا تروحين
كل شي موجود بالكويت واحله من برا
والخبر والظهران لوووووووعه ووويع رحت وماعجبني شي كلش لا خام لا خياط ولا شي
يا حلو الكويت كل شي فيها ​

 

[كلي انوثه]

الرياض رخيصه وايد

خاصه الماركات العالمية اذا بغيتي اساميهم طرشيلي بالخاص


والخبر اسعارها غاليه صارت عقب ماهبينا فيها


والعطور اوربا

 

[كلي انوثه]

دبي اسعارها مبالغ فيها مو مال تجهزين فيها كلش

 

[Lady A]

دبي طبعا