((عرفتك قبل ما اتعرف عليك))

[ضوى العيون]

الجزء الثالث عشر ,,


فاطمه رغم اللي سواه بها سالم واللي شافته بعينها بعدها تحبه.. هو اللي اسر قلبها وخلاها انسانه تعرف الحب على ايده..

رسمتك في خفايا الروح صورة ..

تبادلني غلا الحب وشعــورة ..

ولو يحكم علينا الوقت جـوره ..

احاسيسي ووجداني فدنـــك ..



يتهم سلمى في اليوم الثاني على الغدا..(ترا عرس سالم وفاطمه ما بقى له الا كمن اسبووع)

سلمى ويا فاطمه في غرفتها..سلمى: فطامي زهبتي عمرج حق العرس؟؟

فاطمه:: بصراحه صار لي 4 ايام ما سرت المركز الاوروبي مال التجميل..

سلمى:: شعنه ما تسيرين؟؟؟ جي بتخربين الكورس مالج...

فاطمه:: تعرفين ترا التهينا بعرسج وجي...

سلمى ملاحظه على اختها شي ولكنها ما ارمست تباها هي تفتح الموضوع...

فاطمه:: الحلوه وين سارحه؟؟؟

سلمى:: في وحده هامتني ... ما ادري بلاها..هب متعوده تغبي عني..

فاطمه عرفت انها المقصووده::حبيبتي انا ما اغبي عنج ولا شي.. بس ما حبيت اعكر عليج صفو حياتج..

سلمى:: افا يا فاطمه.. قولي اللي فخاطرج ...

فاطمه ما تبا تقول لسلمى عسب ما تاخذ فكره سيئه عن سالم.. وفي نفس الوقت ما تبا تخرب عليها فرحتها بعرسها .. وهي مبين
عليها انها مستانسه ويا محمد..

فاطمه:: ما شي يالغاليه.. بس انا خايفه من العرس.. ومن سالم..

سلمى:: من سالم؟؟؟ ليش بياكلج هوو؟؟هههههه

فاطمه:: لا بس تعرفين بكون له وهو لي.. يعني بعيش العمر وياه.. اخاف ما نتفاهم.. وهو اللي دارس فالخاري يعني افكاره غير عن افكاري...

سلمى:: يالله يا فاطمه... ها تراه ولد عمج.. من لحمج ودمج.. ما بيرضى على زعلج.. بيكرمج ويعزج...

فاطمه:: اعرف يا سلمى ..بس.......................

سكتتهم ميره اللي يت فجأه

ميره:: سلمى ريلج يا تراه وحطينالهم الغدا في الميلس.. ويالله قومن بنوطي الغدا...

سلمى وفاطمه:: يالله .. يايات وراج

عقب الغدا تمو شوي يسولفون وعقب قالوا بيسيرون لانه وراهم درب دبي..(لازم معاريس)
.................................................. ...........

مرت الايام وما تغير شي.. كلن في حاله... سالم قابض شركات ابووه وشاد حيله... اما محمد وسلمى سافروا سنغافورا اسبوع
وبيردون.. وفاطمه تزهب عمرها للعرس وكانت امها واختها ميره يساعدنها.. وحمد قرر انه يخطب العنوود... وهاي الدنيا تمر بهم ..
والايام ترووح في لمح البصر ...

في يوم كانت فاطمه سايره المركز الاوروبي وما كانت ميره تبا تسير وياها.. لانها تتاخر هناك وتتم ميره برووحها وملانه.. فقالت ام
سيف لولدها يسير ويا اخته هناك لانهم ما يبون فاطمه تسير بروحها ويا الدريول.. المهم وافق سيف يسير ويا اخته...

كانت فاطمه وقتها تفكر في الاسبوعين اللي باقياتلها..شو بتسوي وكيف بتتصرف؟؟؟ .. سالم ما يقطعها.. صح انها ما ترمسه ..بس
يتواصل وياها بالمسجات.. دايما يسأل ويحاتيها لو ما ردت عليه..

طبعا فاطمه كانت شاله فخاطرها من سالفه شهد.. بس يوم فكرت فيها .. شافت انه هالشي في الماضي وسالم وعدها انها تكون
الوحيده في دنياه.. وان هالبنت صفحه وطواها... وهي مستحيل تتنازل عنه...

شوي... والا تحس برضه قويه.. والاصوات بدت تتعالى ... وضربه قويه يتها في راسها.. ومن عقبها ما حست بالدنيا...

استوالهم حادث والضربه كانت من صوب فاطمه.. وسيف كان منتبه للي صار .. فاتصل بالاسعاف يوم لقى اخته ما تحس بالدنيا.. دقايق
ويتهم الاسعاف وشلت فاطمه اللي ما لها اي حركه واضحه.. والسياره الثانيه بعد شلوا المصابين اللي فيها...

وصل الخبر للبيت والكل فزع وخاف من اللي صار.. كان صوت سيف اللي اتصل فابوه ما يطمن.. يحليله متاثر بالحادث بعده..

بو سيف واخوه بو سالم اللي كانوا بالشركه ساروا المستشفى يتطمنون على العيال.. وعقب اتصل بوسيف في البيت لانه ام سيف
احرقت التيلفون من كثر ما تتصل تبا تتطمن على عيالها.. وقالت الا تيي عند عيالها وبو سيف ما قالها شي لانه برووحه زايغ على
عياله.. فكيف ام سيف اللي قلبها رقيق وتخاف من اشيا بسيطه..طبعا هو ماقالها عن خطوره وضع فاطمه ..شوي بس مسافه الطريج
الا ام سيف عندهم.. وتمت في البيت ميره اللي ما عرفت تسوي شي من خوفها على اخوانها فيلست تدعي لهم وتقرا القرآن عسب
تطمن قلبها ...وامها قالت لها لو اتصلت سلمى ما تخبرها لان المسكينه في شهر عسلها واكيد بتخاف على اغلى ناسها(فاطمه) وهي
ما تبا لبنتها تخترب فرحتها...


بو سيف وام سيف وبو سالم كانوا في المستشفى..شوي يا الدكتور صووبهم.. وطلب بوسيف بس بوسالم سار وياه.. و اللي اسمعوه
من الدكتور ما يسر... طبعا ام سيف ما كانت تعرف لان الدكتور ما بغاها تعرف.. يعرفون قلب الام... لكنها حسّت ان عيالها بهم شي...

فاطمه طاحت بغيبوبه... وحالتها خطره.. ومتوقعين انها تفقد ذاكرتها من هالضربه القويه اللي تلقتها على راسها...

اما سيف .. يته رضوض بسيطه.. بس المسكين ما يروم يتنطق من تاثيره وخوفه على اخته اللي بين الحياه والموت..

طبعا لين الحين.. سالم ما يعرف عن حبيبته شي... ولا حتى محمد وسلمى ما تعرف عن اختها....

 

[ضوى العيون]

الجزء الرابع عشر

الساعه 11 الضحى... اتصلت ام سالم في بيت بو سيف ومحد
رد.. استهمت لان ظاري هالوقت تكلم ام سيف ويتخبرن عن علوم بعضهن..طبعا مثل ما عرفتوا في الجزء اللي قبل.. ام
سيف كانت في المستشفى عند عيالها... ردت واتصلت مره ثانيه.. بس هالمره شلته ميره وكان صووتها متغير كأنها صايحه..

ام سالم:: السلام عليكم ورحمه الله.

ميره:: وعليكم السلام والرحمه..

ام سالم:: فاطمه؟؟؟

ميره و خانقتنها الغبنه من اسمعت طاري اختها:: لا خالتي .. انا
ميره..

ام سالم وحست بصوت ميره:: هلا بميره.. اميه بلاج الغالي؟؟؟

ميره:: ليش خالتي ما ياكم الخبر؟؟؟

ام سالم واستهمت:: لا ... خير ان شالله شو مستوي؟؟

ميره :: اخواني مسوين حادث اليوم الصبح

ام سالم وزاغت عليها الدنيا:: اخواانج؟؟؟ منو منهم؟

ميره وهي تصيح:: سيف و.. فاطمه..

ام سالم:: بسم الله عليهم.. شو صابهم؟؟؟ وينهم الحين؟؟؟

ميره:: يقولون سيف ما يرمس من الرووع.. اما فاطمه حالتها خطره وما نعرف شو حالها بالضبط...

ام سالم:: وينهم الحين ؟؟ في اي مستشفى...؟؟؟ وامج وين؟؟

ميره:: امي عندهم في المستشفى(( وقالت لها عن اسم المستشفى))

ام سالم:: خلاص يالغالي .. انا الحين بسير جداهم .. بس انتي هالله هالله بعمرج ولا تخافين على اخوانج ...

ميره:: ان شالله بس خالتي ..طمنوني عليهم ..

ام سالم:: ان شالله...

مهما طمنتها وقللت من خوفها.. محد بيقدر يغير هالخوف اللي فقلبها.. ميره وااايد كانت تحس بتأنيب الظمير.. لانها ما سارت ويا
اختها...


وفي غرفه سيف اللي كان يرتجف من الرووع وامه اللي كانت وياه.. تقرا عليه وتهوّن من خووفه.. اما بوسيف وبوسالم كانوا واقفين عند باب غرفه العنايه..شوي ويرن تيلفون بو سالم.. وكان المتصل سالم..رد عليه ابوه

سالم:: السلام عليكم ورحمه الله

بوسالم:: وعليكم السلام والرحمه..

سالم تغيرت ابتسامته لخوف.. حس انه صوت ابوه متغير.. والشي الثاني انه اتصل الشركه قالوله انه ابوه وعمه ظهروا منها وهم مستعيلين ومحد درى عنهم..

سالم:: وينكم انتو؟؟ ما خليت بقعه ما دورتكم فيها... لا انته ولا عمي .. بغيت اشاوركم عن الارض..

بو سالم:: هيي يا سالم.. الله يصبر عمك على مصابه..

زاغت به الدنيا:: ليش ؟؟؟ خير يا بويه اصلا صوتك متغير... مستهم من شي؟؟؟ شي مستوي؟؟؟

بو سالم ما بغى يروع ولده وهو يعرف معزه عمه وبنته على
قلب سالم:: عيال عمك مسوين حادث واحنا في المستشفى الحين..

انصدم سالم وحس ان الحادث كانت فيه حبيبه قلبه.. حس بشي اليوم وما كان مرتاح.. والحين عرف السبب...

سالم :: انتوا وين ؟؟؟ في اي مستشفى؟؟؟
بو سالم خبر ولده عن المتشفى:: سالم يا بوي هالله هالله بعمرك.. وساير في دربك لا تسرع ..

سالم:: ان شالله...

الكل كان خايف.. والدكتور ما خلى حد يدش على فاطمه لان
حالتها خطره.. عقب زور قوه رضى الدكتور يدخل بوسيف بس لانه ابوها وقاله بعد ما يتاخر.. دقايق يشوف بنته ويظهر ...

دخل بو سيف الغرفه وشاف بنته...

كانت هاديه كعادتها.. بس هالمره هدوئها ما يليق بها.. هالويه الطفوولي.. شكله غريب على ابوها..آآآه يا فاطمه يا اغلى عياله...وما ينسمع في الغرفه الا صوت تخطيط القلب..

فديت هالقلب الطيّب.. اللي ما عرف غير الحب والخير للكل..
نزلت دموعه حااره واحرقت يوفه من حزنه.. تذكر فاطمه وشيطنتها .. وكيف كانت تضارب ميره الصبح لانها ما رضت تسير وياها... شاف بنته وما لقى ابتسامتها السمحه.. ويينها وين
غابت؟؟؟ فدييت هالويه لا خلاني الرب منه... وشوي ويحس حد
وراه.. كانت الممرضه تباه يظهر لانه هب زين للمريضه..مسح
دموعه وظهر من الغرفه وهو شال هم ثقيييل على قلبه...
يوم ظهر شاف سالم حذال ابوه...

سالم من شاف عمه فز من مكانه وسار صووبه...

سالم:: عمي طمنّي.. خبرني شو حالها؟؟؟ شو خبرك الدكتوور ؟؟؟ ابغي اشووفها..

بو سيف ما استغرب رد فعل سالم.. لانه يعرف غلاه بنته عند
هالانسان اللي بغاها من سنين..

بوسيف::آآآآه.... سالم الاخبار ما تسر.. فاطمه حالتها خطره ومتوقعين لها فقد ذاكرتها... والله يعلم بتنش من غيبوبتها وتحس باللي حولها...

شوي الا ويحسوون بالممرضات والدكتور يايين مسرعين ودشو غرفه العنايه وشكلهم يخوف ...

الكل خاف.. شو اللي صار لفاطمه؟؟؟ وليش هالممرضات
والدكتوور يايينها مسرعين؟؟؟

 

[ضوى العيون]

الجزء الخامس عشر

الكل خايف ومتروع من اللي شافه..بلاه الدكتور؟؟؟ وشو ياه...؟؟؟

تخيلوا حاله سالم.... قام من مكانه ووقف عن باب الغرفه يسمع الدكتور يقول للمرضات بسرعه ويصرخ وكلامه هب مفهوم.. وحالتهم داخل متروعين.. صوت دقات قلب حبيبته بدا يضعف..قام يدعي ربه وصابته حاله الله يعلم بها.. عوره قلبه شرات ذاك اليوم.. وحس بخنقه بس يوّد عمره وتساند على اليدار عسب يتوازن.. حس انه بيموت وهو يفكر بغلاه.. بدا يفتح الفصم عسب يتنفس.. ويذكر اسم ربه ..
شوي وبدا يرد طبيعي..حس بالموت في لحظات.. ((شو بلاه
قلب سالم؟؟؟ قام يضعف وما يتحمل الصدمات؟؟؟))شوي ويطلع الدكتور .. وشكله كانه طالع وشاف معجزه... الكل قرب منه ((سالم وابوه وبوسيف))

سالم:: طمنا يا دكتور على فاطمه...

ويقاطعه بوسيف:: خبرني يا دكتور بلاها بنتي ولا تغبي عني شي..

تم الدكتور محتار .. ما يبا يقولهم اي شي عن مريضه.. بس حالهم غمضه..

الدكتور:: فاطمه يا بوسيف كنا بنفئِدها..وئِف ألبها 15 تانيه.. والحمد لله إدرنا على انعاشه مره تانيه... وبكده بنتك دخلت في
مراحل الخطر.. وما لكم غير رب العالمين تدعووولها...

سالم اول واحد انصدم من اللي سمعه.. بس حاول يوّد عمره .. ويكون عقلاني بتصرفه
اما بوسيف المسكيين تعب عليهم ونصحه الدكتوور يرتاح.. فقال
بو سالم انه بياخذ بوسيف البيت يرتاح.. بس منو يقول؟؟ بو سيف
ما رضى يخلي بنته في هالمحنه..

خلوونا نرد البيت شوي عند ميره...

كانت ميره تقرا القرآن وتدعي لاختها عسى ربي يقومها
بالسلامه... وشوي تحس بحد يمشي وراها...
عقب حد غطى عينها بيده ..
:: منو تتوقعين وراج؟؟؟

ميره:: سلامي عن هالحركاات ... منو ما يعرف اخته الغاليه؟؟؟

سلمى::ههههههههه... يالدبه... من متى اتصل بكم.. ليش محد يرد؟؟؟ والا ما تبون بنتكم؟؟؟

ميره تمت ساكته .. ومنها حست سلمى ان في شي هب طبيعي مستوي فالبيت..

سلمى:: فطامي وين؟؟؟ تيلفونها كله مغلق... ليكون في المركز الاوروبي؟؟؟

شوي وتصيييح ميره.. ما تحملت السكوت مع انهم موصينها ما تخبر سلمى.. خافت سلمى من رد فعل اختها..

سلمى :: ميره شو بلاج؟؟؟ شو مستوي خبريني ..

ميره: (تخبر سلمى باللي صار )) انا السبب انا....

سلمى:: لا حول ولا قوه الا بالله... لا تقولين جي.. تمسكي بالله((تحاول تكون هاديه مع ميره عسب ما تزيغها زوود.. لكنها من داخلها بتموت من الرووع على حبيبتها واختها فاطمه)) خلاص انا بتصل في محمد وبنسير جدااهم..

تمسكت بيدها ميره:: دخيلج ودوني وياكم ..

سلمى:: ما عليه بس انتي قومي اغسلي ويهج والبسي عباتج عسب نسير وانا بتصل في ريلي..

اتصلت سلمى بمحمد ومر عليهم وساروا صوب المستشفى عند اختهم فاطمه واخوهم سيف..

((محمد وسلمى رادين امس من السفر .. ويوم سارت سلمى بيت ابوها اتصل محمد بسالم وقاله سالم عن اللي صار وبغى يخبر مرته عن الحادث بس سلمى سبقته باتصالها..))

في ناس ما طريناهم .. ولاعرفتوا شو رد فعلهم ...عرفتوا منو ؟؟؟




بنات بو سالم..طبعا ام سالم ظهرت من البيت ولا حد عرف بلاها او وين سايره...

محمد اول ما وصل البيت..كانت شيخه يالسه وكعادتها مجابله التلفزيون..


محمد:: السلام عليكم والرحمه..

شيخه وهي فرحانه من شوف اخوها..

شيخه:: وعليكم السلام والرحمه.. هلا بالمعرس توا ما نور
المكان..

وتييهم مريم وكانت شاله صحن في يدها..

مريم تصرخ::يااااااااااااااااااي.. وصلوا عربنا... وين هديتي؟؟؟

وتلوي على اخوها..

محمد:: عيل وينها العيوز؟؟؟

شيخه:: ما اعرف وينها ؟؟؟ اتصلت في بيت عمي عقبها ظهرت بسرعه من البيت .. ولا نعرف دارها...

محمد ونغزه قلبه حاول يتصل في امه بس محد رد.. عقب اتصل في اخوه سالم ومنه عرف اللي صار ..

قال لخواته:: بنات انا بظهر عنكن الحين .. حطن بالكن عالبيت ما اعتقد الوالده ترد بسرعه..

شيخه ومريم يطالعن بعضهن:: شو السالفه؟؟؟ بلاكم اليوم؟؟؟
بس محمد ما خبرهن عسب ما يزيغهن على بنت عمهن .. خصه شيخه..وطلع عنهم ..


هاي سالفه بيت بو سالم.. نرد الحين ونكمل القصه ...

في المستشفى...

وصلت سلمى وميره ومحمد.. ساروا قبل صوب الحريم(عند سيف) انصدمت سلمى من حال اخوها.. سيف الشيطان
والطفس المشاغب .. مستوي هادي ويرتجف.. صح انه صغير بس عقله كبير واسلووبه وتصرفاته تصرفات رياييل وناس عقّال.. فتخيلوا شكله .. سرحان في اللاشي .. ويهذي باسم فاطمه وحالته حاله .. يبكّي الصخر .. تمت سلمى تقرا عليه.. وحاولت
تكلمه . لكنه يرد عليها بكلام مختصر وغير مفهوم مرات.. حاول محمد بعد يرمسه ونفس حاله.. اما ام سيف اللي ما وقفت صياح على حال ولدها.. وام سالم تآزرها وتخفف عنها مصابها
في عيالها.. وميره اللي تمت مكانها ما تحرك فيها شي غير دموعها اللي ما عرفت لها نهايه.. حزينه على حال اخوانها...
عقب ترخصت منهم سلمى(اللي لي الحين هاديه في تصرفها) وقالت بتسير صوب اختها الغاليه.. سلمت على الموجودين(بو سيف وبو سالم,, وسالم اللي ما خاز عن باب الغرفه يسمع دقات قلب حبيبته) قطع قلبها شكله..كان مبيّن عليه التعب .. والخووف.. دمعت عينها على روياه.. اول مره تشوف انكساره ..
وهي تعرف شكثر سالم يحب اختها(كان محمد يخبرها عن حبه لاختها) وقفت حذاله وطمنت قلبه بكلمتين ولو انها تعرف انه
مستحيل حد يقدر يهوّن اللي فقلبه من خوف..
سالم حب فاطمه من كل قلبه.. كان يموت فيها وفي ثراها.. كان
يتذكر كل شي صار بينهم.. كيف غارت وغيضت عليه من حركته ويا شهد.. وكيف خافت عليه يوم تعب.. نست زعلها يوم شافته تعبان.. تذكر حضنها الحنون اللي ضمته فيه.. تذكر غنجها ودلعها.. وحركاتها الطفوليه... تذكر عطرها وريحتها الطيبه.. وشعرها اللي ذاب فيه.. تذكر كلامها ومنطوقها المعسول.. كل شي مر عبال ها الانسان المتيم باسم فاطمه.. حبها حب محد
حب شراته ...حب عذري.. حب ما يعرف لا زيف ولا خداع... حب مرّ عليه سنين غربه ولا نساها .. فاطمه .. يا أغلى البشر .. يعل ربي يقومج بالسلامه .. وارتمي فحضنج كل يوم...

أحبك لو بغيت أنساك مقدر ..

أحبك لا تسالي القلب واصبر

أحبك من زمن يوم الطفوله ..

ويوم الوقت أحلا ما تصور ..

رسمتك في خيالي في ضميري ..

جميل ماعلا وصفك مقدر ..

 

[ضوى العيون]

][`~*¤!||!¤*~`][الجزء السادس عشر][`~*¤!||!¤*~`][

دخلت على الدكتور ويا محمد..

سلمى:: دكتور شو حال اختي الحين

الدكتور:: مين حضرتك واختك مين

محمد:: هاذي يادكتور اخت المريضه فاطمه عبدالله اللي مسويه حادث اليوم ويا اخوها..

تم الدكتور يفكر وعقب تكلم بكل هدوء..::اختي ما بدي اخبي عنك .. لانو مبين عليكِ فاهمه وعائِله.. فاطمه
تأثرت بالضربه كتير واحتمال 30% تفقد ذاكرتها.. وقلبها رغم تماسكه وؤِف 15 تانيه.. يعني احتمال فقدانها
اكبر من احتمال نجاتها.. هاي الحقيقه وبكل صراحه....

انصدمت سلمى من اللي قاله الدكتور وحست الارض هب شالتنها .. ساندها محمد وربت على جتفها يهوّن عليها..

الدكتور:: هو اللي وائف عند باب غرفتها اخوها

محمد:: لا دكتور.. ها ريلها يستوي..

الدكتور:: مسكين والله.. من اول اليوم وهو عند بابها.. بس انا ملاحظ عليه تعب غريب....

محمد:: لازم يا دكتور هاي حبيبته .. هب بس مرته

الدكتور وهو يفكر:: جايز .....

(الدكتور ملاحظ على سالم تعبه .. وفقدانه للسيطره على عمره.. وهو كونه دكتور حس انه سالم يعاني من شي .. بس ما حب يخوف اهله عليه وهم في هالمحنه))

سلمى:: دكتور ممكن اشوف اختي

الدكتور:: لو دخلتك تشوفيها حيطلب البائي كمان.. واحنا عاوزين سلامه المريضه.. ودخولكم مش كويس.. لا لكم ولا لها..

محمد:: يا دكتور هاي اختها .. ولا تخاف محد بيفكر يطلب هالشي منك..

الدكتور:: خلاص .. بس عندك 5 دئايئ مش اكتر ...

سلمى:: خلاص .. ان شالله يا دكتور بس اشوف اختي ..

عقب لحظات طلعت سلمى من غرفه الدكتور ومحمد وياها .. ويوم وصلت الغرفه.. وشافت اختها.. ماتت فيها كل
الحياه.. هب معقوله تكون هالانسانه اللي جدامها فاطمه..

انسانه ميته.. ما فيها حياه.. شكلها شاحب . ولونها مخطوف..ما ينسمع فيها الا دقات قلبها اللي على
جهاز تخطيط القلب... تجدمت لكن خطواتها خانتها.. ما رامت .. حست بنفسها مشلوله جدام هالمنظر... فدييييت
هالويه وراعيه.. شو اللي صار في الدنيا.. مالها طعم ولا حلاه من دونج.. منو بيفرح لفرحي؟؟ ومنو بيزعل
لضيق بالي منو بيضاربني ومنو بينصحني طاحت دمعه على خدها.. وحست بها حاره حرقت
خدها..آآآآآآآه يالغاليه...

ما قدرت تتم اكثر .. امسحت دموعها وظهرت عن اختها...

اول ما شافها محمد حضنها وهوّن مصابها..

الدكتور:: يا جماعه الساعه دي الوأت 2 الضهر.. مالها داعي وئفتكم جنبها.. روحوا ارتاحوا وهي في ايادي
امينه..

بوسيف:: كيف نرتاح واغلى ناسي ما تعرف بحالها ولا تحس باللي حولها

بوسالم:: يا خوي صدقه كلام الدكتور.. ارتاح الحين وبنرد لهم عقب صلاه العصر .. وقفتنا مالها داعي.. وفاطمه
ما علييها شر ان شالله..

بوسيف اقتنع بكلام اخوه.. الكل قال بيروح .. الا سالم...آآآآه يها الانسان اللي بيموت على حبيبته... طول
الوقت وهو يدعي ربه يقومها بالسلامه..شكله يقطع القلب.. ويخلي الواحد يصيح على حاله...شكله التعبان
وجسمه اللي ما تحمل الصدمه ما قدر يغير في رايه.. بيتم حذال مرته وحبيبته لين ما تقوم بالسلامه

الكل راح عن فاطمه.. بوسيف وبوسالم ومحمد ... اما الحريم طبعا ام سيف ما رضت تخلي عيالها .. لكن عقب ما
لحّوا عليها رضت بس بشرط ترد لهم العصر ..وقرروا انه ميره تتم عند اخوها سيف.. وسلمى وسالم يتمون قرب
فاطمه.. لان سالم محد قدر يرمسه ويثنيه عن اليلسه لانه ما عطاهم مجال يناقشوونه.. اما سلمى تعرفون غلاه
فاطمه عندها.. ما رضت تتم اختها بين الحياه والموت وهي هب قربها...

ام سالم ردت البيت ويا بوسالم..ومحمد... البنات من خلاهن محمد وهن فالصاله يرقبن ردتهم ويعرفون السالفه..

قامت شيخه ومريم يسلمون على بوسالم وام سالم.. واستغربوا انه سلمى ما يت وياهم ..

شيخه:: امايه شو السالفه

ام سالم سكتت شوي ومسحت عراس بنتها لانها توقعت صدمتها:: يا بنتي((وتخبرها السالفه)) والحين مالنا غير
رب العالمين ندعيلها يقومها بالسلامه..

شيخه من الصدمه يلست على اقرب كرسي وتنهدت من الخوف على اغلى انسانه عرفتها..ومريم يلست حذال
اختها وهي تهوّن عليها وتربت عجتفها تصبّرها..الكل غمضه حال شيخه لانهم يعرفون غلاه فاطمه عند بنتهم ..

اصرت عليهم تسير عند فاطمه وتكون حذالها في مصابها.. وفجأه تذكرت سالم:: وسالم وينه؟؟ شو حاله
يعرف عن مرته والا

محمد:: آآآه.. ما نعرف ندعي لبنت عمي يقومها بالسلامه.. والا ندعي لسالم يخفف همه..

شيخه كانت تعرف مقدار حب سالم لفاطمه لانه واضح للعيان..

الله يعينك يا سالم ويخفف عما في قلبك من حزن على حبيبتك..

والعصر سارت صوبهم وشذى يتهم عقب ما درت بالسالفه ويّا ريلها..

وهاي الحاله.. تموا جي يومين.. فاطمه ما تدري باللي حولها.. وسيف رخصووه لانه تحسن والحمد لله.. سالم ما
خاز عن غرفه حبيبته الا للصلاه ويرد.. وسلمى تيلس عند اختها لين ما ييها محمد وشيخه.. ياخذها البيت وتيلس
شيخه مكانها .. تخفف عن اخوها سالم وتقرا على فاطمه وتدعيلها .. ام سيف تعبت وهي بعد ما خلت بنتها دايم
تتم عندها بس بوسيف وام سالم ما يخلونها تتم وايد لانه يلستها ما تفيد بالعكس تضرها لانها تعبانه... اما ميره
فهي طول اليوم تدعي وتقرا على اختها.. لانها لين الحين حاسه بتأنيب الضمير.. مرت هالايام على العايلتين
كانها اثقل الايام وابطأها.. الكل يرقب نشه فاطمه.. وهي المسكينه في غيبوبتها ما تحس باللي حولها...

 

[ضوى العيون]

][`~*¤!||!¤*~`][الجزء السابع عشر ][`~*¤!||!¤*~`][


الساعه 10 ونص الصبح...

دخل على الدكتور وهو كله رجا يتقبل مطلبه...

سالم:: السلام عليكم ورحمه الله

الدكتور:: وعليكم السلام ورحمه الله وبركاته.. خير أخ سالم .. تفضل ..

سالم:: دام فضلك دكتوور..دكتور ابغي اشوف فاطمه..

الدكتور:: بس انته عارف انه ممنوع دخولكم على المريضه وهي في الحاله دي..

سالم:: بس انا ريلها .. وهي من يومين على حالها.. اعرف انه قربي منها بيريحها..

الدكتور وهو يفكر بحال هالمسكين.. الكل ارتاح.. الكل يرد البيت ويرجع لفاطمه مره ثانيه.. الا هالانسان.. ما
كان يرد البيت ابد.. يبدل ثيابه في المستشفى.. وطول الوقت عند غرفه العنايه يسمع صوت تخطيط القلب.. وما
يقوم الا للصلاه.. مسكين حاله ..

الدكتور:: خلاص .. تمام بس عندك 5 دئايئ بس...

سالم:: لو عنها 5 ثواني.. بس خلني اشووف اغلى ناسي..

دخل سالم غرفه حبيبه قلبه ومرته الغاليه فاطمه... الهدوء يعم المكان وما شي غير تخطيط قلب فاطمه... فدييت
هالقلب يعلني فداه.. احبه .. ليت قلبي ينبض لك ويسندك.. فدييت هالويه البرئ السمح.. اللي دوم البسمه عليه..
تنور ببسمتها المكان.. فديت هالشعر لا خلاني الرب منه...

((كانت فاطمه في عيون سالم مثل الاميره النايمه.. ويها الطفولي وشعرها المنتثر حولها.. مع ان ويها شاحب ومنخطف لونه.. بس حسها سالم احلى البنات واغواهن))

شوي ويتجدم سال منها.. لمس ايدها ..وكانت بارده.. حاول يدفيها .. كان خايف من قربه منها .. لانه ممكن

يأذيها والدكتور منعه من الاقتراب منها بس هو ما قدر ييوّد عمره...

شوي ويحس بيد فاطمه تتحرك بين اصايعه.. نزل ايدها وحط ايده عليها.. حاولت تيوده لكن جسمها يخونها ...
تحركت وفرح سالم من حركتها..

حاولت تقول شي:: ســ..و..اا..ف

مسح سالم على راسها وطاحت منه دمعه فرح جريئه.. وقالها بكل حنان:: لا تكلفين عمرج حبيبتي سواف
بخير ...

فتحت عيونها .. كانت الدنيا بيضا قامت تسال فخاطرها .. وين انا شافت الصقف واسمعت صوت تخطيط
القلب.. وتمت تفكر... شو اللي صابني آآآآه راسي يعورني..اسمعت صوت حد يتكلم ويمسح
عشعرها ...صدت صوبه... منو هالانسان وليش يعاملني بكل حنان تمت تفكر ليش قلبها جي دق من
شافته منو يكون ..

عقب يتها الصور... تذكرت يوم كانت وياه في الملجه,, وتذكرت يوم كانت في سيارته يوم عرس سلمى..
وتذكرت تعبه في بيتهم ...آآآآآه هذا سالم ريلي .. كانت الذكرى صعبه عليها ..بالقو تذكرت اللي صار.. وحست
بجهد وهي تتذكر ..

فاطمه وهي تحس انه قبضه سالم بدت تشد على ايدها::سالم

سالم:: عيون سالم.. قلب سالم ... لا تتكلمين حبيبتي .. ولا تكلفين عمرج.. الحين بزقرلج الدكتوور لا خلاني الرب
من هالويه...

قبل ما يخليها ويسير للدكتور.. دخل الدكتور وياه الممرضات ابتعد سالم وعيونه عليها وهي بعد ما خوزت
عيونها عنه ((يالله شكثر يحبون بعض))

طلع سالم وهو فرحان.. شاف سلمى برع..

سلمى وهي زايغه:: سالم بلاها فطامي ليش الدكتور ياي يربع

سالم وهو مبتسم:: لانه حبيبتي نشت من غيبوبتها...

سلمى وهي طايره من الفرحه:: والله الله يبشرك بالخير ... متى بنشووفها

يطلع الدكتور وهو يبتسم لسالم...

الدكتور:: لو كنت عارف انك ممكن تصحيها.. كنت دخلتك من زماااان ..

سالم:: هاي قدره الله ومشيئه الرحمن ..

الدكتور:: والنعم بالله .......

تقاطعه سلمى:: ممكن اشووفها وشو حالها الحين يا دكتوور

الدكتور:: عن حالتها.. هي الحمد لله تعدت مراحل الخطر.. اما عن طلبك سيبوها ترتاح .. لان الظاهر استعادتها
للذاكرتها يتطلب جهد من دماغها.. فشوي شوي عليها

بس في حاقه محيّره بالي... مين البنت اللي عملت الحادس مع بنتكم فاطمه

سالم:: منو يا دكتوور لا حووووووول.. احنا كيف ما سألنا عن المتسبب بالحادث.. ربك ما صابهم شي

الدكتور:: هي البنت اللي كانت بتسووء صابها كسر في يديها بس ورضوض بسيطه والحمد لله.. بس الراجل اللي
معاها دايم بيسال عن فاطمه...

سالم وهو معصب:: منو ها وشو يبا بفاطمه

سلمى تدخلت بسبب رد فعل سالم:: كاي واحد لازم بيسال عن الانسان اللي تسبب بطيحته..ها اكيد ريلها او من
قرايبها ويسال عن اللي طيحوه هالطيحه...

الدكتور:: ايوا هو كان بيسال كتيير عن سيف وفاطمه...

بدا سالم يهدا لانه اقتنع برمستهم.. هو لو كان محله بيسوي شراته

 

[ضوى العيون]

الجزء الثامن عشر

استوت الساعه 11 وربع الضحى.. كل العايله تيمعت في المستشفى من وصلهم الخبر..

بوسيف وام سيف وسيف وميره.. اول الواصلين..ومحمد ياب اهله(ام سالم وبو سالم..شيخه ومريم.. وشذى))

الكل كان فرحان بسلامه فاطمه ولانها تعدت مراحل الخطر.. ومثل ما قال الدكتور .. لازم يدخل واحد واحد عليها عسب تتعرف عليهم
وما تجهد عقلها بذكرهم ..

بس فاطمه طلبت كل اهلها يدخلون عندها.. لانها تولهت عليهم وكانت خايفه من شي .. ما تعرفه ..

شيخه كانت فرحااااااااانه بشوف ربيعتها وحبيبتها ..حضنتها وتفدتها ... اما سالم ..كانت فرحته ما تنوصف..

طاحت عينها بعينه..آآه يا سالم الي فقلبي صوبك كبير .. لا هو حب ولا عشق .. هو اكبر من اللي عرف الحب وعشقه.. مهما صار بيني
وبينك.. تراني احبك وصورتك في القلب محفووره ...

والله اني احبك رغم كل الظروف ..

رغم كل المتاعب والاسى والجراح ..

ما نسيتك دقيقه يا بهي الحروف ..

يا سمو المعاني يا مليك الملاك ..

ولان فاطمه تعدت مراحل الخطر وحالها والحمد لله صارت احسن عن قبل .. رخصها الدكتور في اليوم الثاني .. الصبح قال سالم انه
اللي بيمر على مرته ويا اخته شيخه وبيردها البيت ..محد عارض دام انه شيخه وياهم ((تعرفون هم مالجين بس وهب حلوه تكون وياه
بروحهم))

كانت شيخه ويا فطمه يزهبون اغراضها وتساعدها تبدل ثيابها ويوم ردن الغرفه كان سالم عند الدكتور..اول ما فتح باب غرفه فاطمه
خطفت(مرّت) وحده وزقرت سالم باسمه..صدّ صوب الصوت .. والبنت اللي شافها كانت مألوفه و ويها هب غريب عليه.. كانت لافه
ايدها .. ابتسمت له.. وهو فاتح الباب (الباب كان مايل) وفاطمه سمعت صوت البنت وتمت تطالع سالم وما تحركت.. وشافت البنت
وانصدمت.. هاي نفسها اللي كانت في السياره الثانيه.. وتذكرت الحادث واللي صار.. كانت هالبنت تسووق وياها ريّال شفته كذا
مره في المستشفى ..

سالم فكّر في هالبنت ... وتذكرها .... شهد.... يالله يالصدف .. ما اشوفها الا فالمستشفى؟؟؟ وبلاها ايدها ليش جي مجبسه؟؟؟

شهد:: سالم؟؟؟ هب معقووله!!! شحالك ؟؟؟ عسى ما شر .. شو يايبنك المستشفى؟؟؟

سالم:: الحمد لله.. شهد انتي شحالج.؟؟؟خير ان شالله .. بلاها ايدج؟؟؟

شهد:: ماشي سويت حادث وانا توني اتعلم السواقه هههه

بس انته شو عندك هني؟؟؟

سالم:: ماشي بس عيال عمي بعد مسوين حادث .. والحمد لله اليوم مرخصينهم...

شهد شافت الغرفه ولمحت البنت اللي فيها وكانت واقفه كانها صخر ..وتذكرت هالبنت هي اللي دعمت سيارتهم ..

سالم لاحظ نظره شهد وصد صوب المكان اللي كانت سرحانه فيه.. وكانت صدمته...

 

[ضوى العيون]

الجزء التاسع عشر


اتلعثم سالم تلخبطت علسانه الحروف... معقووله عقب ما عرف غلاته عند فاطمه وتنسى سالفه شهد والمسجات ترد شهد.. وجدام عين
فاطمه بعد؟؟؟ الحين شو بيقول وكيف بيتصرف؟؟؟ ولا الف حجه بتقنع فاطمه... هاي صدفه.. مجرد صدفه...ما كان يعرف انها شهد..
ولا حتى توقع يشوفها...

فاطمه اقتربت منهم وشهد عينها على هالبنت..

شهد::سالم تعرف هالبنت؟؟؟

فاطمه تطالع سالم وعيونها مليانه شرار...

سالم::هاي مرتي فاطمه.....

شهد وكلها دهشه واستغراب::آسفه .. ما كنت قاصده ادعمكم.. ولو اني اعرف ان اعتذاري ماله قيمه.. بس ها اقل شي اقدر اسويه...

فاطمه لي الحين ساكته...لانها معصبه من سالم...

سالم:: انتي اللي دعمتي عيال عمي؟؟؟

شهد تلومت من عمرها وما عرفت شو تقوول..لانها حست اول شي بغلطتها يوم ادعمت فاطمه واخوها.. وعرفت مقدارالاحراج اللي
سببته لعلاقه سالم بفاطمه...

شهد ::السموحه منكم ... وآآسفه لو سببت احراجات..

فاطمه تقاطعها:: من متى تعرفين سالم؟؟؟ وشو علاقتج فيه؟؟؟

شهد وهي تطالع سالم اللي حرقها بنظراته العصبيه..

شهد:: ما بيني وبينه الا كل خير.. وسالم يا فاطمه هب شرات هالشباب.كان يعتبرني مثل اخته.. وعلاقتي وياه سطحيه ما تعدت حدود
الصداقه وانتهت من زمان وسالم لا خانج ولا فكر بغيرج..سالم لج وبيتم لج...

فاطمه وبعدها عايشه غيرتها رغم الألم اللي تحسه في راسها::وشو تفسير المسجات؟؟؟ والا تصالات ؟؟؟

شهد:: كنت ما اعرف انه مالج.. قلت لج علاقتنا سطحيه ما تعدت الصداقه..فما كنا نرمس عن اشيا وامور شخصيه...

سالم:: خلاص يا شهد .. حافظنج الرحمن..

شهد صدت وراها وشافت اخوها علي يترياها..فاطمه ما انتبهت لها الانسان اللي كان سرحان فيها ..

شهد:: السموحه منج فاطمه وهاي اخر مره تشوفيني فيها.. اترخص الحين لان اخويه يترياني..

وسارت عنهم شهد..وفاطمه شلت في خاطرها من حركه سالم..رغم انه كلام شهد مقنع لها...

انتهى هالمشهد بالنسبه للكل..إلا علي..شاف احلى واجمل انسانه نظرها في حياته..رغم علامات التعب والسواد اللي غطى عيونها
من التعب ..الا انها كانت حلوه رقيقه وناعمه بالنسبه له..

شهد لاحظت نظره اخوها بس عبالها انه لاحظ وقفه سالم وياهم..ما لاحظت اعجابه بالانسانه اللي كانت بينهم..

علي::شهد منو هالناس اللي واقفه وياهم؟؟؟

شهد وهي زايغه من اخوها::هاي البنت اللي دعمنا سيارتهم..نشت من غيبوبتها .. وقلت اتحمدلها بالسلامه

علي::أيوا هاي نفسها .. فاطمه؟؟؟((هو شافها يوم الحادث وسأل عنها الدكتور وقاله عن اسمها .. بس هو حب يتاكد من اخته))..

شهد:: هيه نفسها...يالله عاد خلنا نرد البيت انا تعبانه.. والعنود تتريانا فالبيت هيه واختها ما فينا نتاخر ..

كل حد سار بيته وهو شال في خاطره وقلبه احداث واااايده ...

علي ابتدا يهتم بفاطمه.. هالانسانه اللي ما يعرف عنها شي بس خطفت قلبه من ضلووعه.. و شهد متلومه من سالم وعاهدت نفسها
تنساه وتنسى ايامها وياه لانها حبته وما تباه ياخذ عنها فكره وتكون سبب في اي حساسيه بينه وبين فاطمه...

اما فاطمه..احتارت تصدق احساسها باللي شافته والا تنسى اللي صار وتعتبرها نزوه في حياه سالم .. وغلطه تغفرها له..

والا سالم هالمسكين اللي ذاب بحب فاطمه...متوله عليها وفرحان برجعتها بالسلامه.. تقوم تظهر لهم شهد وتفتح لهم سوالف نسوها..
فاطمه اغلى حب عرفه في يوم واغلى انسانه ممكن يعرفها...
حبيبي خلني دايم بـــــــــقربك..أنا محتاج في الدنيا لحنانك ..
لاني كل ما أحبـــــك أحبـــــك .. ولا حدٍ خذ بقلبـــــي مكانك ..

أريدك تسأل عيونــك وقلبك .. من الي مرخصٍ عمره عشانك ..
بتلقى عاشق هايــــم بحبك .. حفظ عهد الهوى لجلك وصانك ..

أنا من غارس أحلامه في دربك .. ومن أشعل شموعه في زمانك ..
شرات الشمس في شرقك وغربك .. بتلقى في دفى قلبي أمانك ..

ذبحني الشوق في سلمك وحربك .. وأنا صابر لجل خاطر عيانك ..
ترفق لا تعذبــــــــــــني بربك .. تراني بس محـــــتاج لحـــــنانك


واللي يصير لقلب سالم شوو؟؟؟ ليش قلبه ضعيف وقام ما يتحمل الصدمات؟؟؟..

كل هالاحداث بتعرفونها في الجزء الياي...

 

[ضوى العيون]

الجزء العشرين::

في بيت بو سيف...


الكل فرحان برده فاطمه.. وسيف من شاف اخته لوى عليها..هب مصدق اللي شافته عيونه.. لان شكلها يوم الحادث بيقول هاي
مستحيل تعيش..سيف وااايد يحب فاطمه لانها اقرب وحده له..لانها تشبه امها بطيبه قلبها وروحها المرحه..

بوسيف::الحمد على سلامتج يا بنتي... الحين نور البيت بردتج سالمه..

ميره::هي عاد..فاطمه القمر واحنا النجووم..

بوسيف يلوي على بناته::كلكن غاليات عندي لا خلاني الرب منكم...

وعالغدا الكل تيمع في بيت بو سيف..

عايله بوسالم((بو سالم وام سالم..شيخه ومريم..محمد وسلمى..وشذى وبنتها وريلها..)) الا سالم اللي لي الحين ما ياهم..

الرياييل في الميلس..والحريم فالصاله يسولفن.. والبنات عاد رابشين الغرفه بيلستهم..

شيخه::فدييت مرت اخويه .. والله حلويتي عقب الحادث..

فاطمه فرتها بمخده(لانها تعرف انها تتطنز..الكدمات مبينه على ويها من الحادث)

فاطمه:: يالسباااااااااااله... ودج انتي لو نص جمالي يالخسفه...

شيخه تسير صوب سلمى اونها زعلانه::مرت اخوي حمودي.. شوفي فطوووم الدبه..

سلمى::شو حمودي بعد هاي؟؟؟ جيه هو اصغر عيالج ...

شيخه::اندووكم..بغيناها عون ..صارت لنا فرعون...

الكل ضحك عليها وعلى حركاتها..

في الميلس الكل استهم على سالم.. استغربوا تأخره عليهم ..

ومحمد عيّز وهو يتصل به .. وهاك ما يرد...

محمد اتصل بسلمى...

سلمى::إييييييييييه.. اسكتن شوي.. محمد متصل بي...

مريم::يالله يالله .. الحين حق حبيب القلب اسكتن ..مساعه تبانا نرتبش..

ميره ::ههههههههه الحب وما يسوي ..

سلمى::يالدبه.. اسكتن يالله...

فاطمه يلس عندال اختها ولصقت فيها ((فضوول البنات))

سلمى ترد على محمد::هلا محمد...

محمد::فديييييييت اسمي علسانج يالغاليه..

سلمى::فدييت من تفداني..آمر الغالي ...جنه صوتك متغيّر..

محمد::هي والله.. مستهم على سالم اللي لين الحين ما يانا ...

سلمى::وجان اتصلت به الله يهداك..

محمد::اتصلت به لين ما عيزت.. وهو ما يرد..بغيتج تنشدين فطامي عنه..

سلمى::لحظه هي عندالي بس ما اعتقد تعرف عنه شي.. لانها مساعه ويانا ما شفناها رمسته..

محمد::خلها تتصل به وتشوفه وين...هالانسان حالته ما تسر الصراحه..

((سلمى فهمت محمد شو يقصد..لانها ومحمد ملاحظين تعب غريب على سالم من فتره))

سلمى::خلاص ..برمسها وبرد عليك خلاف..

وسكرت عنه..

سلمى ترمس فاطمه::فطامي اتصلي بسالم شوفيه وين؟؟؟

فاطمه:: لا اتلوم اتصل به..

شذى::تستحي اونها.. اتصلي به ..ها ريلج ما فيها مستحى..

فاطمه ::وليش محمد ما يتصل به..

سلمى::مساعه محمد وعمي يتصلون به ولا يرد.. جربي انتي دقي له يمكن يرد..

فاطمه::يالله ..دامه ما بيرد عليهم.. ما بيرد عليه بعد..

ميره::انتي اتصلي هم ما بيطلبون هالشي منج الا لانهم واثقين انه بيرد عليج..

فاطمه شلت تيلفونها.. واتصلت به..ولا رد عليها..اتصلت مره وثانيه وثالثه ولا رد.. هي بروحها استهمت عليه..غريبه انه ما يرد.. اصلا
هو يتمنى هالاتصال منها .. وما يرد.. اكيد شي بلاه...


شو هالشي؟؟؟
وين سالم؟؟؟ وليش ما يرد على فاطمه؟؟؟

كل هالامور بتعرفونها في الجزء الياي

 

[ضوى العيون]

الجزء الواحد والعشرين

اتصلت به مره ثانيه ..وهالمره رد عليها..

فاطمه::ألوو

والكل تم يطالعها يبون يعرفون وين سالم.. وبلاه ما يرد عليهم؟؟؟

سالم::هلا والله بها الصوت وراعيه..

فاطمه متلومه::شحالك؟؟؟

سالم::لو فيني إمية مرض..وسمعت حسج..أطيب يا بعد عمري..

فاطمه::هههههه..أسميك انته...وينك عنّا؟؟؟ليش ما ترد علينا..

سالم::كنت مشغوول شوي.. دقايق وبيّيكم ان شالله..

فاطمه::خلاص الغالي.. برايك دامك الا مشغوول..

سالم::مع السلامه حبيبتي..

فاطمه::في امان الله..

وسكرت عنه..كل البنات ينّ حذالها...

سلمى::ها .. وينه سالم؟؟؟

فاطمه وهي بعدها متلومه من كلام سالم::كان مشغوول..وحليله غثيناه..

شذى::لا الله هو اللي موتنا من الرووع عليه..

اتصلت سلمى بمحمد تخبره عن سالم..

دقايق ويسمعن دق الباب.. سارت سلمى تشوف منو عند باب الغرفه..

ميري::ماما سلمى...وين فتامي؟؟؟

سلمى وهي منبهره من اللي في إيد ميري.. باااقه ورد حمرا كبييييييره ...

افتحت لها الباب عسب تدخل وادخّل الباقه..

الكل انبهر من جمال الباقه وكبرها..كانت رووعه تدل على ذوق صاحبها..

فاطمه:: من منو هاي؟؟؟ وحق منو؟؟؟

ميري::هادا من بابا سالم حق فتامي...

فاطمه متلومه ::خلاص خلاص.. سيري انتي الحين..

ميري::في بعد سامان برع..

سلمى::شعلييه...الحب وما يسوي..

طلعت ميري ويابت 3 علب كلهن باللون الاحمر الغامج .. وكل وحده احلى من الثانيه من ناحيه التغليف والاكسسوارات اللي عليها...

خذت فاطمه الهدايا ويلست عسب تفتحهن..

وكل البنات حذالها((تعرفون فضوول البنات وحبهن للهدايا))

اول علبه كان فيها طقم الماس رقيق وحلووو..والثاني فيه مجموعه عطور عربيه وفرنسيه..

اما العلبه الثالثه كلها ورد ومجمووعه حلوه من الشموع الحمرا..

يعني الهدايا كانت ولا اروع..حلوه واللي اختارها ذوييق.. من التنسيق والوان العلب تعطي جمال للهديه..

استحت فاطمه لانها لاحظت انه الهديه كبيره..

ميره::تعالي افتحي البطاقه اللي فالباقه..

فاطمه::الحين انتي شلج؟؟؟هاي لي والا لج؟؟؟

شيخه::احم احم..بدينا نغار اونّا..

فاطمه تفر شيخه بالمخده::يالسباله..اونّا نغار((تقلد صوت شيخه))

الكل ضحك على حركاتهن..

شوي وتييهن ام سيف..تزقرهن عسب يتغدن ويا الحريم..

في الميلس..

محمد::وينك يا ريال ..عيزنا واحنا نتصل بك..

سالم::السموحه منكم والله انشغلت شوي..والتيلفون كنت ناسنه في السياره وما سمعت رنته يوم اتصلتوا..

بو سالم::أخافك فيوم تنسى عمرك بس..

الكل::ههههههههههههههههههه

بو سيف::الا بنتي ..عن ينساها بس..

سالم::نساها الموت يا عمي..هاي الغاليه بنت الغالي..في عيوني مكانها..

محمد::يالله عالحب..مشكله...سالم طلبتك..

سالم::عطيتك افا عليك

محمد::نباك تربشنا بشله..

سيف::هي والله يا سالم...من متى ما سمعنى شلاتك..

سالم.. ان شا الله..فالكم طيب..


يا بحر انا بسألك عن مبعد الدار ..
ياللي من الاشواق مبرد وخالي ..

انته طويت بلجتك علم واسرار ..
وانا طرالي من الهوا ما طرالي ..

عودت لي من ماضي الوقت تذكار ..
تذكار خل ابعدته الليالي ..

واسباب ظرف حط في خافقي نار ..
سوا لها بداخل الصدر صالي ..

ياليت يدري ناعس الطرف وش صار ..
ان كان ما خلاني بجو خالي ..

لانه يعرف اني من الناس مختار ..
غيره ولا ابدل سواهم بدالي ..

ليته نشد عن حالتي وتيه الاخبار ..
ويشوف مضنون الحشى كيف حالي ..

هو نور عيني يالغلا وزهوة الدار .
في بعدهم ضاق الفضا والمجالي ..

وسوالمكم..

بوسيف::يا حيّك بوغنيم.. اشهد انك فنان..

سالم::هههههههه..فنان عاد...

وهاي حالهم ارتبشوا الرياييل.. وتغدوا وعقب الكل راح داره يرتاح من هاليوم المتعب اللي مروّا فيه..

 

[ضوى العيون]

الجزء الثاني والعشرين.

الساعه 5 ونص العصر..في بيت بو علي

بو علي متوفي من صغر عياله.. وام علي حلفت يمين ما تعرس عقب ريلها وتعيش حياتها تربي عيالها..

خالد اكبر عيالها.. معرس من وحده بحرينيه وعايش في الشارجه.. ما يشوفونه الا في الاعياد..لانه عايش حياته ومهتني فيها..وعقبه

علي..عمره 23 سنه طلع من المدرسه وعنده شهاده أول ثانوي..لانه يبا يعين امه في مصرووف البيت..

وعقب علي ..شهد..عمرها 20 سنه تدرس في التقنيه..وآخر العنقود عبدالله..عمره 12 سنه وبعده في الاعدادي..

هاي باختصار عايله بيت بوعلي..

علي يدخل الصاله ويشوف أمه يالسه تتقهوى..يتجدم منها ويحبها عراسها..

ام علي::لا خلاني الرب منك يالغالي..

((علي اغلى عيالها..لانه صاحب واجب..قام بالبيت وصرف عليه..وما قصر في حق اخوانه))

علي::فدتج يالغاليه..عساني ما انحرم منج..

ام علي::هيييه..ما بقالي من ريحه المرحوم غيركم((علي اكثر واحد يشبه ابوه))

علي::عيل وينها شهووده عنج؟؟؟

ام علي::فديتها تراها تعبانه من عوق ايدها..يلست شوي و ونستني.. وقالت بتسير ترتاح..

علي::يحليلها والله...

ام علي::بلاك يالغالي.. حاسه انك مهتم..بلاك فديتك؟؟؟

علي:: ما شي يالغاليه.. هامتني اختي...عيل عبود وينه؟؟؟

ام علي::عبود ترا سار ويا ربعه النادي..

علي::أسميه هالولد ما ييوز من هالسوالف..أمسات متعور..

ام علي::خله يستانس مسكين ما يظهر الا هالنادي...

علي:: ما عليه يالغاليه...اقولج اليوم شفنا هالناس اللي دعمنا سيارتهم..

ام علي::يحليلهم..وشو الحال عليهم؟؟؟ عسى بنتهم بخير ...؟؟

علي وهو فرحان من طاري فاطمه::هي الحمد لله..قامت من غيبوبتها وشكلهم رخصوها اليوم..

ام علي:: والله مسكينه امها..شفتها ذاك اليوم..شكلها يقطع القلب..والله متلومه منهم..

علي::عيل انا شو اقوول؟؟

ام علي::اقوول يا وليدي..شو رايك نزورهم ونتحمد لهم بالسلامه.؟؟

علي عقب تفكير::والله يالوالده اللي تشوفينه مناسب انا ما عندي عليه اعتراض...

ام علي::عيل خلاص..بس كيف نتواصل وياهم..انا لا اعرفهم ولا اعرف حد يعرفهم..

علي وتم يفكر::ممممممممم..انا شفت شهد ترمس بنتهم..يمكن تعرفها او شي جي..

ام علي::خلاص من تنش اختك بسالها عن العرب...

علي متنوووومس.. واخيرا بيعرف هالبنت بنت منو...

ام علي::علي..الغالي اباك توديني بيت خالتك ...مريضه يحليلها..

علي::ان شالله.. من عيوني يالغاليه...((ويحبها عراسها)) انا بقوم اسبح وابدل ثيابي وانتي البسي عباتج..

ام علي:: ان شالله..بس لا تتحير عليه..

علي:: من عيوني يالغاليه...

علي متنووومس من كلام امه..وفي نفس الوقت مستغرب من عمره..في حياته ما فكر في بنت عقب ميثا..آآه يا ميثا..أول واغلى حب
عرفته في دنياي..

كانت ميثا بنت يرانهم..حبوا بعض من يوم هم يهال.. وكان بوعلي وابوميثا متعاهدين ان عيالهم((ميثا وعلي)) لبعض..كبروا العيال

وكبر حبهم وياهم..لين ما اكتشفوا ان ميثا عندها سرطان في المعده..وعرفوا بمرضها بعد ما انتشر..وسافرت خاري البلاد للعلاج...

تذكر يوم الوداع..كان علي ولد 19 سنه..واقف عند باب البيت يشوف الناس((اهل ميثا)) متيمعين يسلمون على بنتهم ويودعونها..شافها

طالعه من البيت..وهي شافته..وسارت صووبه وعطته دبدوب كان هو عاطنها اياه من سنين..وقالت له((خل دبدوبي يذكرك فيني لو

نسيتني))

وراحت عنه..والقلب ملتاع من فرقى اغلى انسانه..واغلى حب..كان يدعيلها ليل نهار ان الله يشفيها..لكن بدون فايده..ردت ميثا البلاد

عقب شهرين..عسب تموت بين اهلها..لانه خلاص لا امل لها بالحياه..ويوم وفاتها طلبت تشوف علي..طبعا ما قدروا يردون طلبها..لانها

خلاص بتموت..دخل علي غرفتها..كانت غييييير...طبعا من العلاج الكيماوي تغيرت ملامحها..كانت حاسه بانه شكلها غير مقبوول..بس

مالها حيله فيه..اول ما شافها علي..صااااح كانه ياهل...((علي رغم صغر سنه..الا انه كان الكل يشهد بانه سيد الرياييل

بافعاله))..ابتسمت له وقالت انها اول مره تشوفه يصيح عشانها وهالشي يفرحها لانها عرفت مقدارها عند هالانسان..تجدم منها

وحبها عراسها..ومثل اليهال قال لها::بتخليني بترووحين؟؟؟

ميثا::انا بسير عند رب العالمين..ادعي الله يجمعني وياك في الجنه..دامنا ما اجتمعنا في الدنيا..

وارفعت ايدها رغم التعب وامسحت دمووعه..اللي مهما امسحتهن تتجدد..

ما قدر ييلس عندها..وهو يترجاها تبقى وياه..ذكرها باحلامهم..ذكرها بالعيال اللي كانوا يحلمون فيهم...منو بيسميهم؟؟؟

ماتت احلامه يوم ماتت اغلى انسانه...

تغيرت نظرته للحياه..وكان يتهرب من امه كل ما يابت طاري العرس..والكل كان يعرف السبب...لانه رغم موت هالانسانه..الا انه علي

على وفاه..وعهده..محد بيدش هالقلب عقبج يا ميثا...

نزلت على خده دمعه..ليتني فديتج بعمري ولا ابقى على هالذكرى...

ويت عباله فاطمه..فاطمه كانت تشبه ميثا..خصه بنظرتها العصبيه..بس ليش هي كانت تشوف شهد بها النظره..يمكن لانها عرفت انها

اللي دعمتهم...آآخ بس لو اعرف منو تكونين وبنت منو انتي.. والله لاي لين بيتكم واخطبج..أباج لي ولا ابغي اخسرج ...مثل ما

خسرت...ميثا..

كانت هاي افكار علي..يته امه وقطعت عليه حبل افكاره..

خذ امه بيت خالته...وهو طووول الوقت يتذكر هالملاك اللي هيجت له شجووونه.. وقدرت تحرك فيه شي..كان يتحراه مات وانتحر
بموت غلاه...

 

[ضوى العيون]

الجزء الثالث والعشرين::

الساعه 8 المسا في بيت بوسيف....

سلمى وهي تسلم على فاطمه::يالله دبووه انا بسير الحين.. وهالله هالله بعمرج..

فاطمه::ان شالله...اقووولج...سلامي..أباج تخبريني سالم متى يرد البيت؟؟؟

سلمى::وانا شو لي؟؟؟ انا بهتم بريلي والا ريلج؟؟؟

فاطمه::يا ربيه عالمذله..ابغي اعرف سالم يسهر برع البيت والا لا؟؟؟

سلمى::لا ما اعتقد..لانه ماسك شركات عمي..فاكيد ما يسهر برع ايام الاسبوع..

فاطمه::انتي شوفيه وخبريني..

سلمى::ما بشووفه بخبر محمد يشووفه..

فاطمه::هاي اللي تبا تفضحني...

سلمى::انزين لاه...خليني اسير محمد من متى يترياني اظهر له..

فاطمه::يالله فمان الله..وسلمى على محمد..

سلمى::يوصل ..مع السلامه..

عقب ما سارت سلمى تذكرت فاطمه الباقه..والبطاقه اللي ما قرتها لي الحين..

فتحت البطاقه وكان المكتوب فيها((الف الحمد لله عالسلامه يا قلب ورووح سالم..احبج))والتوقيع (ريلج وحبيبج..سالم)

ابتسمت فاطمه من هالحركه..وقررت انها تسير ترقد وترتاح...عقب هاليوم المتعب..


خلونا نسير شوي صوب سالم...

سالم اليوم حس بالتعب نفسه وكان وااااايد يفكر باللي يحس به..مرات كان يقول انه مجرد تعب..لكن هالتعب كل يوم يزيد..وقلبه

القوي..صار ضعيف ما يقهر الصدمات.. وقرر انه بالباجر يسير للدكتور ويسوي الفحوصات اللازمه..

فكر بحبيبته فطامي..عيبتها الهديه؟؟؟وهو اللي كان يشوف انها صغيره وبسيطه في حق اغلى انسانه((مسكين ما يعرف انها تخبلت
عليها))

شوي ويتصل به حمد.

حمد::السلام عليكم ورحمه الله..

سالم::وعليكم السلام والرحمه..حيّ الله بو شهاب..وينك يا ريال ما تنشاف..؟؟؟

حمد::والله موجودين يالغالي..

سالم::بلاك بو شهاب..جنك الا متضايق...

حمد::خير يالغالي خير..الا وين دارك؟؟؟

سالم::والله بدار الزين...

حمد::والله طفران ...خلنا نسير مكان..ابغي ارتبش..وانسى همي..

سالم::يوم قلت انه شي فيك..ما عليه بمر عليك وبنسير نتمشى..

حمد::خلاص برتييك ........(قاله عن مكانه)

سالم::دقايق وانا عندك..

وسكر عنه وهو يفكر ..بلاه بوشهاب؟؟؟حمد دوومه مربووش وعمره ما كان جي متضايق..

وصل عنده وكانوا يتمشون...

سالم::ها بوشهاب..خبرني شو هامنك؟؟؟

حمد::القلب يا بوغنيم..قلبي ...

سالم::خير يالغالي..بلاك..ارمس عدل..ما اعرف الالغاز انا..

حمد::العنود يا سالم ...

سالم::بلاها بعد؟

حمد::الوالده ملزمه عليه آخذ بنت خالتي..وانا ما ابغي غير العنود..

سالم::وليش ما رمست الوالده وقلت لها عن اللي فخاطرك؟؟؟

حمد::قلت لها..بس الوالده عنيده وراسها يابس..

سالم::ليش ما ترمس الوالد..هو بيقنعها...او حد من الاهل..

حمد::انا قلت للرضيعه عن السالفه..وقالت بترمسها جريب..

سالم::ان شالله تقتنع..بس انته لا تهتم..

حمد::الا بوغنيم انته شو فيك؟؟؟اشووفك والله انك..متغير ..

سالم والتعب غزا جسمه::سلامتك يا اخوي عادي...بس تعرف من الفير وانا واعي ..ولا ارتحت لي الحين..

حمد وهو شاك::بس انته هب عادي... متعودين عليك ما ترقد..لا يا سالم اللي انته فيه شي ثاني..شو فيك..خبرني يا خوي..

سالم وهو يفكر::ما اعرف شو اقولك بوشهاب..انا حاس باشيا اول مره احس بها.. ولا اعرف شوو ...

حمد::بلاك بو غنيم؟؟؟هميتني الصراحه..

سالم::مممممممم((ويخبره بكل شي حس به))

حمد::المفروض انك تراجع الدكتور ..وتشوف من شو هالتعب..يمكن من جهدك في الشركه..

سالم::والله ما ادري..جايز يا خوي..

حمد::يالله انزين ...خلنا نسير نرتاح..انا فيني رقاااااااااد بالقوووو...

سالم::ههههههههههه انته دووومك كسلان وفيك رقاد..لو كنت توك ناش..الله يعين اللي بتضويها...

حمد::تحمد ربها اني باخذها..فدييتها والله..بس هالعيوز لو تخوز عنادها بس...

سالم::هههههههههه..ما عليك ان شالله بتوافق..

وانتهت الاحداث لها اليوم..الكل تعبان من هاليوم ...

 

[ضوى العيون]

الجزء الرابع والعشرين::


مرت الايام عاديه على الكل..وردت الحياه للعايله من بعد الاحداث اللي مرت فيها...فاطمه عاهدت نفسها تنسى اللي شافته وتبقى
لسالم دام إنها عارفه غلاها عنده..والكل انشغل في حياته..

الا سالم اللي يتريا نتيجه تقاريره..

كان في المكتب يوم ياه اتصال الدكتور

الدكتور::أخ سالم؟؟؟

سالم::هي نعم دكتوور..وياك سالم...

الدكتور::ممكن تراجعنا اليوم...

سالم::ان شالله...

سكر عنه الدكتور..واتصل سالم بحمد..

سالم::سلام عليك بو شهاب شحالك؟؟؟

حمد وصوته تعبان فيه رقاد::وعليكم السلام ورحمه..ها سلووم بلاك..

سالم::سلووم فعينك...انته دومك راقد؟؟؟قوم بمر عليك..

حمد وهو زايغ::ليش؟؟؟منو مات؟؟؟

سالم::فال الله ولا فالك..عنبووه بلاك تفاول...؟

حمد::شدراني فيك متصل بي الفير شعندك..؟؟

سالم::اي فير ...حوووه..الساعه 9 الحين ..

حمد::انزين انزين..الحين شو المطلووب؟؟

سالم::قوم بنسير صوب الدكتور..طلعت النتايج..

حمد::ان شالله ولد...

سالم::حوووه..بلاك قمت تعق خيط وخيط؟؟؟ الوووووووو..انا سالم إيييييييه...

حمد::بلاك تزعج..ادريبك سويلم...خلاص خلاص الحين بقووم...

سالم::يالله بترخص من الوالد..وبيييك...لا تحيّرنا..

حمد::ان شالله..
..............................

في بيت بوعلي....

علي ساير صوب غرفه اخته شهد...دق الباب عليها..

شهد::منووووو؟؟؟

علي::انا علي..شهد بطلي الباب..اباج شوي..

شهد::لحظه..

وتهد له الباب...

علي::بغيت اتخبرج عن الناس اللي كنتي ترمسينهم في المستشفى...الي دعمنا سيارتهم...

شهد وهي زايغه::هييه..بلاهم؟؟؟

علي::ما بلاهم الا كل خير..بس العيوز تبانّا نسير صوبهم نتحمد لهم بسلامه عيالهم...

شهد وبدت ترتاح::هيييييييه....بس متى بتسيرووون؟؟؟

علي::قولي كيف بنسير واحنا ما نعرفهم؟؟؟انتي تعرفين بنتهم؟؟؟

شهد::لا لا ..ما اعرفها..كنت واقفه استسمح منها واتحمد لهم بالسلامه..

علي::مممممممم..ما شي الا نتنشد عنهم في المستشفى...

شهد عقب تفكيير::اعتقد العنود تعرفهم..لان البنت هب غريبه عليه..بسألها..وبشوف يمكن تعرفهم((هي فداخلها تفكير ثاني))

علي::خلاص شوفيها وردي علينا الخبر..

شهد::ان شالله ياخوي..شي بعد فخاطرك؟؟؟

علي::لا الغاليه..بس شحال ايدج الحين؟؟؟

شهد::أهوّن عن قبل..الحمد لله..

علي::الحمد لله..يالله الحين..شي فالخاطر؟؟؟

شهد::لا سلامتك الغالي..

عقب ما ظهر علي عنها..تمت تفكر...كيف تفتح الموضوع للعنود؟؟؟شو تقولها؟؟؟

هب حلوه هي تتصل بسالم عقب لي صار..

اتصلت فالعنود

شهد::السلام عليكم ورحمه الله...شحااااااالج؟؟؟

العنود::وعليكم السلام والرحمه..هلا والله بشهوووده..وينج؟؟؟

شهد::والله موجودين..بس عاد ناس ما قاموا يسالون عنا..

العنوود::حبيبتي والله..لا تلوميني..مرتبشين هاليومين بالوالده...

شهد::هييه صح..شخبارها خالوه الحين؟؟؟

العنود::الحمد لله..أهوّن الحين..بس هالضغط اللي يرتفع عندها..

شهد::الله يعينها والله..

العنود::الا شهوود...شو عندج؟؟؟

شهد::فديييت اللي تفهمني انا...

العنوود::خير حياتي..لو انا ما فهمتج منو بيفهمج؟؟

شهد::والله ما عرفت ربيعه اغلى شراتج..((وتخبرها كل اللي صار..مع ان العنود كانت تعرف باللي يصير بين سالم وشهد تقريبا كل
شي..لان شهد ترتاح للعنود ومالها غيرها تشكي لها))

العنوود وبعد تفكير::تعرفين....اخاف ارمس حمد ويهزبني...

شهد::هو لو عرف انها الوالده اللي تبا تسيرلهم ما بيقول شي..اصلا لو امايه سارت لهم..انا هب سايره..

العنود ::ما عليه..كم شهد عدنا الا وحده..بنجازف عشانها...

شهد::ما عليها آخر مره صدقيني...

العنود::افا عليج..يالله انزين انا بسير ادق حق حموودي..يباني اوعيه ونسيت اتصل به..

شهد::يا عيني على هالحب..عسى الله يجمعكم في بيت واحد..

العنود ومن الخاطر::آآآآآآآآآآمين..

شهد::هههههههههههه..يالله برايج عيل..

العنود::في امان الله...

شهد::مع السلامه.

 

[ضوى العيون]

الجزء الخامس والعشرين:::

العنود فكرت في كلام وطلب شهد..ولقت انها هب حلوه تطلب من حمد رقم بيت بوسيف... فاتصلت بربيعتها هيفا...

لانها تعرف شيخه...اخت سالم...طبعا هاي المعلومات تقريبا كانت تعرفها من حمد..لان شهد كانت وااايد تسال عن سالم وعايلته..

والعنود صادفت شيخه كذا مره في الكليه وعرفت انها اخت سالم... وبجذيه يابت رقم شيخه((رقم بيت بوسالم))

مريم سمعت صوت رنه التيلفون...ونزلت بسرعه تبا ترد عليه...

مريم::الوووو

العنود::السلام عليكم والرحمه...شيخه موجوده؟؟؟

مريم::لحظه بشوفها..بس منو اقوولها؟؟؟

العنوود::مممممم...قوليلها العنود..

مريم وهي مستغربه من هالاسم..لانها تقريبا تعرف ربيعات اختها والعنود ما تعرفها::ان شالله ..بشووفها..لحظه بس

العنود::خذي راحتج الغاليه..

وسارت مريم تخبر اختها...وطبعا شيخه استغربت..منو هالعنود؟؟؟

شيخه::مرحبا..منو وياي..

العنود::مرحب ملايين...شحالج شيخه؟؟؟..انا العنود ربيعه هيفا..

شيخه وهي تفكر::هييييه..هيوووف....شحالها هي؟؟؟ احيدها بتوقّف هالسنه صح؟؟؟

العنود::هييه..تراها بتعرس وجي..ما بتتفيج حق الدراسه هههههه

شيخه::الله يوفقها يا رب...

العنود::السموحه منج شيخه..اعرف اني غثيتج..بس بغيت منج خدمه..

شيخه::آآمري الغاليه...

العنود::الصراحه يا شيخه انا متلومه منج...بس كل ما في الموضوع..ان((وتخبرها عن شهد...طبعا هي ما قالت لها انها اللي كلمت سالم
وجي..بس قالت لها ان ام البنت اللي ادعمت عيال عمها ودها تزوورهم وتتحمد لهم بالسلامه))

شيخه::افا عليج يالغاليه...دام الا جي السالفه...ترا ها رقم بيت عمي((وتعطيها الرقم)) وحيّاها الله الغاليه..

العنود::تسلمين والله..والسموحه عالازعاج..

شيخه::لا ازعاج ولا شياته..جانج الا من صووب هيفووه الدبه برايه من العين... نخدمج...وسلمي عليها..ولا تنسى تعزمنا على عرسها
والا ما تبا نشووف ريلها..هههههههه

العنوود::هههههههه..شكلهم مطولين عالعرس...والسموحه مره ثانيه..

شيخه::حياج الله..وبالحل طال عمرج...

العنود::مع السلامه

شيخه::في امان الله..
.................................................. ..............

اتصلت العنود مره ثانيه في شهد..وعطتها الرقم... وشهد بدورها عطت الرقم حق امها...


في المستشفى

عقب ما شرح الدكتور حاله سالم...وكل ما توصلت له التحاليل...انصدم حمد باللي سمعه..ويلس يناقش الدكتور لدرجه انه جذّبه..وشك
بنتايج الفحوصات..والدكتور اكّد انه راجع التحاليل مره وثنتين وثلاث..بس عسب يتأكدون من الفحوصات وصاحبهن...

اما سالم اللي كان ساااااااااكت..ما قدر حتى يستوعب اللي ينقال جداامه..حس بالدنيا تدووور...وما بقاله شي في هالدنيا...الله يا
الدنيا..ليش انتي قاسيه عليه جيي؟؟؟ تغربت سنين وبعدت عن اهلي وناسي وحب عمري ... وعقب كنت بخسر اغلى حب عرفته..
واليوم اعرف شي ما كنت احسب له حساااب.... لا اله الا الله...

يلي ونيت بالحل مسموح .. يا مستريح القلب لمريح ..

طوفان نوح ومحملي لوح .. معليٍ وشراعي ايشيح ..

لو نلت من ذا الشي مربوح .. ما بات لي فالجاش تبريح ..

تتوقعون سالم شو فيه؟؟؟ وبشو الله بلاه؟؟؟

كل هالاسئله بتقرون اجابتهن في الجزء الياي...

 

[ضوى العيون]

الجزء السادس والعشرين::

حمد::كيف يا دكتوور..؟؟؟أكيد في غلط...مستحيل كلامك يكون صدق...

الدكتوور::صدقووني..راجعنا التقارير اكثر من مره.. والفحووصات بعد...وانتوا ناس مؤمنين..لازم تؤمنون بالأمر الواقع..

حمد::لا اله الا الله ...محمد عبده ورسووله...ودكتوور شو الحل؟؟ كيف العلاج..

الدكتوور:: والله اللي بنقدر عليه بنسويه..بس المشكله انه قلب سالم غزاه المرض.. وتاخرنا في علاجه..لو بدينا في العلاج...

حمد وهو متحسف::القلب مره وحده...ليش يا رب ليش...

سالم ويربت على جتف حمد::حط الرحمن بصدرك..قدّر الله وماشاء فعل..

حمد:: والنعم بالله ...بس...

سالم وبعده هادي::لا بس ولاشي يا حمد..خلّ الدكتور يكمل كلامه..

الدكتوور::انا انصحك يا سالم انك تتعالج برع..لان الامكانيات الطبيه برع البلاد...افضل بواايد من الدووله..

حمد::يا دكتوور سالم حياته كانت كلها برع البلاد..ويوم نشووفه تقولون لنا لازم يسافر..

الدكتوور:: صحته اولى يا أخ حمد..وبعدين أول الامر وآخره بيد سالم..

سالم وحاله ما يسر بهدوووئه:: ان شالله دكتوور..خلني فتره بس افكر باللي اسويه... وان شالله اراجعكم..

الدكتوور::اللي يريحك أخ سالم...بس حط الاولويه لصحتك...

سالم::ان شالله...

عقب ما طلعوا من الدكتور ...سالم ما بغى يرد البيت ويجابل اهله..فعرض عليه حمد شقته..وسالم ما رفض...اتصل فأبوه وقاله انه بيتم

في شقه حمد كمن يوم وبيرد...بوسالم استغرب من فعل ولده..لانه كان مثابر ويحب الشغل واول مره يترخص ويبتعد عن الشركه.. مع
ذلك ما عارض خلاه براحته..

سالم اول ما وصل الشقه...دلاه حمد على غرفه بتكون له فتره وجوده في الشقه..دخل سالم الغرفه وقال حق حمد انه بيرتاح...
بس منو بيرتاح وهو شال هم ما توقعه...
.................................................. ............


العصر في بيت بو سيف..


فطامي وميره يالسات في الصاله يشووفن مسرحيه.. والصاله معتفسه منهن.. تعرفوون اليلسة ما تحلى الا بالشبس والحب والبيبسي
والكاكاو وهالسوالف... وهن مندمجااات في المسرحيه...

سيف وابوه ساروا صوب العزبه يتطمنون على الحلال...

ام سيف كانت في المطبخ..ويوم يت الصاله يلست تزاقر على البنات ومحد رد((ما ينلامن مطولات عالتيفزوون وين بيسمعن؟؟))

ام سيف::لا حول ولا قوه الا بالله.. هالثنتين ما بيصطلبن الا بشي..

وتيي صوب التلفزيون وتبنده...

ميره::لا لا لا ... حرام امايه كانت اللقطه حلوه...

فاطمه::ههههههههههههههههه... حرام عليج امايه كنا مندمجات...

ام سيف:: قومي انتي عنبووج تيبس بطنج من الضحك.. هب زين يا امييه هب زيين...

فاطمه:: خلينا دامنا مستانسات...

ام سيف::ههههه.. برايكن بس كثر الضحك يميت القلب..

ميره:: اللي يسمع يقوول احنا نصبح نمسي نضحك..

ام سيف:: اسكتي انتي ام لساانين((يرن تيلفون البيت)) قومي ردي عالتيلفوون لافرج بشي الحين

فاطمه::ويييييييييييو نااازعووووها...وييييييييو

ميره تفر اختها بالمخده الصغيره:::يالدبه

وترد على التيلفون وكانت حرمه تبا امها..

ميره::أمايه..هاي وحده تباج..

ام سيف::منو هاي؟؟((وهي ناشه سايره صوب بنتها تاخذ عنها السماعه))

ميره:هاي يمكن مرت الشيبه ههههههههه

ام سيف::يالخااام قوومي عني مناك...

ميره::هههههههه..يحليلها العيووز تغار...

طنشتها ام سيف ورمست الحرمه..

ام علي::سلام عليج ورحمه الله...

ام سيف وبعدها ما عرفت الحرمه::وعليج السلام والرحمه.. منو الغالي؟؟

ام علي:: وياج ام علي...ما تعرفيني..بس بغيت اتحمد لج بسلامه عيالج...والسموحه منج..تعرفين البنت توها تسووق وما انتبهت
للسياره...

ام سيف عرفت الحرمه..ولان قلبها طيب::لا افا عليج.. هاي السيايير وما تسوي.. بس الحمد لله ان الله سلّم وقاموا العيال بالسلامه...

وتمن يسوولفن و بالصدفه ام سيف عرفت ام علي.. صادفتها في كذا مناسبه.. وبجذه كبرت علاقتهم ببعض دامها تعرفها...وعزمت ام
علي تزوور ام سيف عقب المغرب..

وعقب ما سكرت ام علي عن ام سيف..صدت على ولدها اللي تم يالس حذالها من بدايه الرمسه لين ما سكرت

علي::ها الغاليه شو قالت لج؟؟؟

ام علي::بسم الله الرحمن.. انته لين الحين يالس؟؟؟

علي::هيييه يالس...خبريني شو قالت لج؟؟؟

ام علي::ما قالت الا كل خير.. والمغرب بسير صوبهم..

علي::مممممممم...شكلج تعرفينها الحرمه...

ام علي:: هييه نعم اعرفها.. والله ناس والنعم فيهم...

علي:: من قوم منو هم؟؟؟شو اسم ريلها؟؟؟

ام علي:: مرت عبدالله ...بو سيف..عرفته والا بعدك؟؟؟

علي:: هييه ....بوسيف..عرفته عرفته..

ام علي:: من وين تعرفه...؟؟؟

علي:: منو ما يعرف بوسيف...اخووه بوسالم صاحب الشركات واكبر المحلات...

ام علي:: هييه ما شالله عليهم عندهم خير.. الله يديمها عليهم من نعمه..

علي::آآآمين يالغاليه... يالله عيل انا بسير ..بقول حق شهووده جان بتسير وياج...

ام علي:: ما ظنتييه تسير ويايه...بروحها قالت لي انها ما تبا تخاوويني عند العرب..

علي:: بسير اشووفها...((وهو فخاطره تتعرف اخته على فاطمه اكثر واكثر ))

وطبعا سار صوب اخته ولقى منها الرفض.. ماتبا تسير وتعذرت بامتحاناتها...وهو خلاها براحتها مع انه يباها تسير ..

ليت جنح الليل يحملك اساي

ليت نوح قلبي منك ليتك تسمعه ..

ليت حظي مرة يصدق معاي

ليت شملي معك ربي يجمعه ..

وبجذه علي حصل اللي يباه.. وعرف فاطمه من بنته... وباقي بس الوالده تتعرف عليهم ويرمسها عن البنت اللي عزم ياخذها وحبها
قلبه.. وهزت بداخله شجوون كان يتجاهلها من طفوولته...

 

[ضوى العيون]

الجزء السابع والعشرين::


ام سيف قالت حق فاطمه انه وحده بتييهم...وفاطمه ما درت انه هاي ام شهد...وقامت فاطمه فازعت امها في المطبخ ورتبت الصاله من
عقب العفسه اللي صارت...لين ما أذن المغرب وسارن يصلّن...

عقب الصلاه بشوي يتهم ام علي..يلست اول شي ويا ام سيف وتمّن يسولفن...وعقب يت فطامي وميره ييلسن وياهم وسلمّن عالحرمه
وجي...

ام علي كانت وااايد تطالع ميره..بنت حلوه ما شالله عليها.. عيوونها وسااع..وشعرها يبين عليه ناعم وحلو..وكلامها ومنطووقها يدل
على ذرابتها وسنع هالبنت...وعقب ما سألت ام علي عن البنات ..درت ان فاطمه مالج بها ولد عمها..وميره في الثانويه العامه..وطبعا
حطت ميره في بالها..تباها حق علي..

مر عليهن الوقت ولا حسّن به..لين أذان العشا... ترخصت منهن ام علي بس ام سيف ما خلتها ...إلا تتعشى عندهم.. فاتصلت فولدها

وقالت انها بتتعشى عند الجماعه..طبعا علي تنووومس لانه جذي ام سيف وامه بياخذن على بعض...

تعشّن ويلسن شوي يسوولفن وعقب ترخصت ام علي منهن عقب ما عرفت انه بوسيف وصل البيت...فهب حلوه تتيلس...

اول ما ركبت السياره تلاحق عليها علي بالاسئله..

علي::ها الوالده...عساج ارتحتي للناس؟؟؟

ام علي:: وشعنه هالسؤال؟؟؟شكيت لك منهم؟

علي::ههههههه... لا لا هب القصد...بس سؤال...

ام علي::والله ناس والنعم فيهم...((وهي تفكر بميره)) وبناتهم ذربات راعيات بيت...

علي حس بان امه تلمح لشي وهو مستاانس من هالشي...

علي:: يا حيّج يالوالده...الا شي في خاطرج...قولي وخبريني عن اللي فخاطرج يالغاليه...

ام علي عقب ما سرحت شوي:: الغالي.. العمر يخطف بك وانته بعدك ...أبا اشووف عيالك قبل لا يخوني الزمن وأخليك..

علي:: بعد عمرن طوييل يالغاليه... بس انتي تعرفين موقفي من هالسالفه..

ام علي:: الحيّ اولى من الميت يا ولدي... وميثا كان مكتووبلها ما تعيش... هذا قضى الله وقدره...

علي تم ساكت لانه ما بغا يرمس وهو يسمع نبره الحزن اللي يسمعها في كلام امه..وما بغى يزيد في جرووحها..يكفي الزمن اللي ما
انصف في حقها..

ام علي:: بنت بوسيف ..بنت حشيم وذربه..راعيه واجب.. وفوق هذا حلوه ...حرام تضيعها من ايدك وانا امك...

علي طااار من فرحته:: بس انتي الا توج شفتيها..ما وحالج خذتي عنها فكره..

ام علي:: انا حرمه.. واعرف اتخير الشين من الزين.. وانا ما بغيت لولدي الا الزين...

علي:: اللي تشووفينه يالغاليه..بس خليني افكر..

ام علي:: خلني افرح بك..

علي::ان شالله..

علي استااانس .. المسكين ما يعرف انه اللي مستانس عشانها هيي ميره اخت فاطمه..

الحين خلوونا نسير صوب فطامي..

فاطمه وميره يالسات في الغرفه ويسوولفن..

فاطمه :::يالله على ميره.. كانت نجمه السهره...

ميره:: جب انزين...اصلا هي بس كانت معجبه بجمالي الاخاذ...

فاطمه:: ماااااااا يحتاااي...صدق كانت واايد تشووفج وسالت عنج واايد... تتوقعين ليش؟

ميره تمت تفكر::ممممم,,, ما ادري فطووم...انتي شو تتوقعين؟

فاطمه::يمكن تباج حق ولدها...

ميره::لا لا لا انا ما ابا اعرس..ابغي اكمل دراستي..

فاطمه::هههههههه..يالدبه الحين انا قلت يمكن..

ميره::بسير غرفتي ارقد اخير لي من مجابيلج..رفعتيلي الضغط..

فاطمه::براااحتج..تصبحين على خيير..

ميره:: وانتي من اهله..

طلعت ميره عن فاطمه.. وخلتها بين نيرانها.. نيران شعلها سالم بغيابه ..ويطفيها بوجوده قربها...يلست تتذكر ايامهم وكلامه الحلو
لها...تذكرت احساسها بقربه..رغم غيبوبتها كانت تحس به وبتواجده..كان قلبها ينبض به له..كانت تحبه حب تخاف منه...في شي
داخلها يخوفها.. وما تعرفه شوو..

حطت ايدها على رقبتها تتحسس العقد اللي لبسته من هديه سالم..وصدت عطرف شبريتها وشافت الباقه وحذالها الشمووع...فديتك يا
سالم يعلني ما انحرم من شووفك..

أضحك وكني رايق البال خالي..

والناس تحسدني وأنا أموووت بسكاات..

أقضي نهاري بالمزح والتسالي..

وأسهر ليلي في هموم ومعانات..

غريبة هالدنيا على كل حالي..

الحزن دايم والفرح بس لحظات..


آآآآآه يا الغالي.. غيابك يبعثرني وقربك يلملمني..احبك يا سالم لو مهما صار بينا..انته القلب ودقااته..

يودت موبايلها ويلست تنبش في مسجاته ...تولهت على صووته.. طرشت له مسج ...


يمكن يضيع الشوق في داخل انسان

ويمكن يضيع انسان من كثرة الشوق

الشوق لوعة وانتظار و حرمـــــــان

وآهات ليل و دمع وإحساس مخنــوق

تلعب به الدنيا على كف الأحـــزان

وكم خافق من حرقة الشــوق ظميان

وتريت شوي..لانها متعوده سالم يرد عليها بمسج..

وشوي تسمع رنه المسج... وكان المسج من سالم...

لوفرضنا الكون في كفي اليمين

لوفرضنا الجن في كفي الشمال

لو فرضنا خادمي ذاك الأمير

لوفرضنا أمتلك ذاك الجمال

لوفرضنا كل ماقلته يصير

وأمتلكت الكل في كفوف الخيال

صدقيني أرميهم مثل طفل صغير

رمى ألعابه يوم صحتي له تعال


ابتسمت لانها متأكده من حب سالم لها ونامت ليلتها تحلم بالامير اللي بيعيشها في مملكه تتمناها..مملكه قلبه...

اما سالم..هالانسان اللي غدرت به الدنيا ..ما غفت له عين..يفكر بألف شي وشي..بعايلته وحبيبه قلبه..شوي ويسمع رنه المسج..

صحااه الصوت من العالم المظلم اللي انحبس فيه قلبه المريض..

قرا مسج اغلى انسانه عرفها قلبه..وبدون ما يحس قام يدور بين مسجااته وطرش لها مسج رد على مسجها..تعودوا على
هالحركه..لازم يردون لبعض المسجات..وبجي يتواصلون لو انه ما يرمسها..على الاقل المسجات بينهم...

آآآه يا فاطمه..أغلى حب عرفته..ترييتج سنين وسنين..تحملت الغربه عشانج..طويت البر والبحر وييت لج.. ويوم صرتي ملكي..صار
قلبي ملك الموت...آآه يالدنيا..ليش تقسى عليه جيي...لا اله الا الله..اللهم اني كنت من الظالمين..

وطى راسه اللي وداه ويابه من الافكار..وخلى جسمه يرتاح.. ولو انه اللي فيه ما عمره بيرتاح...غفت عينه اللي نست لذه المنام...وراااح في سبات..ما يعرف اذا له نهايه والا لا....

 

[ضوى العيون]

الجزء الثامن والعشرين::


البيت كان كله صيااح...كل ركن فيه يغشاه الحزن... راح عنهم ضناهم...كااانت تصييح عليه مثل اليهال...مثل الطفل اللي خسر لعبته وهو متعلق بها...
كانت تصيح بشكل يفطر قلب الانسان..كانت لابسه الفستان الابيض.. وكانت مثل الاميره اللي خسرت فارسها واميرها.

.خسرت المملكه اللي حلمت بامتلاكها...آآآآه.. البيت تغزوووه الكآبه والحزن...






















وشوي ينسمع صوت شي... كان مزعج...بس الصوت مستمر..كان هالصووت......كااان....


































































*123*

التيلفون اللي وعى سالم من رقااده ونششه من هالحلم اللي يخوف...انتبه له وهو زاايغ من منامه.. تعوذ من الشيطان ومسح ويهه..ورد عالتيلفوون..



(( شو رايكم بهالمقلب؟؟ في ذمتكم..شو كان في بالكم:d ..لوووول... انزين بكمل عن احصل لي ع فلعه... )))



حمد::صح النوووم...

سالم وصووته فيه رقاد::صح بدنك..وين انته؟

حمد::انا رحت الدوام..وما بغيت اوعيك..باخذ لي اجازه اسبووع..

سالم::زين زين..يا حيك...الساعه كم الحين؟

حمد::الساعه 12 الحين...

سالم::خيــــــــبه شو مرقدني لي الحين؟؟؟ شعنه ما توعيني؟؟

حمد::ييت غرفتك لقيتك راقد ..قلت ما فيني اضايقك وظهرت عنك..ما بغيت اوعيك..

سالم::برايك انزين انا بقووم احين..متى بترد؟

حمد::عقب نص ساعه بكون في الشقه..ليش تولهت عليه؟؟

سالم::يالخااام...لا تولهت على طلتك البهيّه..يالله فارج..خلني اقووم..

حمد::ههههههههههه... برايك يابوي عن تاكلني..مع السلامه

سالم::في امان الله..

رد سالم يفكر بالحلم الي شافه..وتصور مدى الحزن اللي بيزرعه في قلووب اهله وعايلته... وبالاخص حبيبته وغلاه
فطااامي..

 

[ضوى العيون]

وتم يفكر باشيا غريبه ما طرت عباله...تعوذ من الشيطان وطرد هالافكار عن باله...وقام يصلي له ركعتين عسى الله
يهديه..

بعد نص ساعه تقريبا وصل حمد الشقه..

حمد::السلام عليكم ورحمه الله

سالم:: وعليكم السلام والرحمه...حيالله بوشهاب...هاا شو سويت عن دوامك؟

حمد::ماشي ترخصت منهم وعطوني اجازه اسبووع..الا بوغنيم...شو بتسوي عن سالفتك؟

سالم::آآه يا حمد.. والله هب عارف...ما اعرف كيف اتصرف.. لمنو اقوول؟؟؟ وكيف بيتصرفوون؟؟؟

حمد::هااييل اللي ترمس عنهم اهلك يا سالم.. والمفروض يعرفون عن ولدهم.. وانته إمش عالعلاج وان شالله خير ..

سالم::انته ما سمعت الدكتور شو قال؟؟؟ المرض غزا قلبي.. واحتل اكبر نسبه منه..والعلاج لايمكن يشفي قلبي
المريض..

حمد:: ((قل ياعبادي الذين أسرفوا على أنفسهم لاتقنطوا من رحمة الله))

سالم:: والنعم بالله..بس شو الحل؟؟؟

حمد::انا بخبرك...انته رمس اخوك محمد...وهو اكيد بيدورلك حل..

سالم::ممممممم...حمد..انا فكرت اطلق بنت عمي..ما اباها تتبهدل ويا انسان مريض..

حمد::لا حوول ولا قوه الا بالله..سالم هالموضوع حساس.. والمفرووض انك تفكر فيه..انته بتعذبها اذا طلقتها.. وشهامه
منك تفكيرك..بس انته لا تييأس..خل املك في الله قوي يا اخوي..

سالم:: بس هاي بنت عمي قبل لا تصير حرمتي.. وانا ما ارضى لها البهدله.. وتعيش حياتها ارمله..

حمد وتغيرت نبرته للعصبيه::فال الله ولا فالك.. لك طوله العمر يا الغالي...عن هالرمسه والله بزعل منك تراني..

سالم ما حس الا ودمعه جريئه انسابت على خده وهالشي خلى حمد يعرف مدى انهيار ربيعه ورفيج عمره..يلس حذااله
وهوّن عليه وبدا يطمن قلبه..اللي خانه وخلى المرض يعسكر داخله..

سالم::حمد انته ما تعرف.. هاي اغلى من رووحي عليه.. ما ارضى لها نفحه الهوى تضرها..فكيف تعيش حياتها على
ذكراي...هاي حبيبتي.. والانسانه اللي ترييتها سنين حياتي...الانسانه اللي غزت فكري قبل قلبي.. الانسانه اللي رغم
البعد ما تمنيت غيرها..

حمد وقلبه يتقطع على رمسه ربيعه وحس بالغبنه بس يوّد عمره وتم يربت على جتف خويّه اللي لاول مره يشووفه منهار..
سالم اللي رغم البعد ما عرف الهم يجتاحه... كان قوي في مواقفه.. كان اللي يثبت في مشاكله وهمومه.. واليوم يشوف
هالصرح..منهار..

((( آآآه يا سالم... ليت اللي فيك فيني.. على الاقل انا عشت حياه كلها ترف ولعب ويا البنات ومغازل بالسناتر...حياتي ما تهم حد..
ولا تهمني...يعلني افداك يا اخوي..ليتي اقدر اخذ قلبك الابيض الطيب المريض واعطيك قلبي الصاحي)))...

كانت هاي افكار حمد..

حمد وسالم رغم الفرق بين شخصيااتهم.. بس واايد كانوا ويا بعض.. حمد كان يحب سالم لانه يحس ان سالم هو سبب
تغيره للاحسن..

نسير صوب بيت بوعلي

ام علي وكعادتها يالسه في الصاله.. حذالها ولدها عبدالله

اللي كان يتطالع وقت المباريات في الجريده((هالولد يموت في شي اسمه كره))

علي يدخل الصاله.. راد من الدوام ::السلام عليكم والرحمه..

ويهوي عراس امه ويبووسه::شحالج يالغاليه؟؟؟

ام علي +عبدالله::وعليكم السلام ورحمه الله

ام علي::الحمد لله يا وليدي..انته شحالك؟؟

علي::تعبااااااااااااان...ابغي اتغدى وارقد...

ام علي::ههههههه..فديتك..سر غيّر ثيابك وانا بنجب الغدا..

عبدالله::الله الله..شو هالدلع اللي هناك..انا من متى بطني يصاوي..ولا رمست...وهالغالي من قال انه يوعان..قمنا
ندلعه..آآه راحت عليك ياعبوود...

يقووم علي ويفر اخوه بالمخده.. وسويج سيارته::قووم قووم عن هالغيره.. وسر نزل الاغراض من السياره وهاتها
غرفتي..

عبدالله:: ان شالله... اخاف تييني فلعه اقوى..

ام علي::ههههههه.. لا خلاني الرب منك...قووم سر هات اغراض اخوك ولا تغصص به..برووحه تعبان..

وسارت المطبخ تغرف الغدا...

 

[ضوى العيون]

الجزء التاسع والعشرين

علي عقب الغدا يلس يفكر في كلام امه..وهو اصلا بغاها ترمس بها الموضوع..فاطمه سلبته عقله وقلبه..وصارت

شغله الشاغل..قام وفتح الكبت وظهّر منه صندووق صغير.. ما فتحه من زمان...

وشاف شجوون عيز وهو يتجاهلها..ميثا..صورهم ويا بعض وهم يهال.العابهم..دبدوبها الصغير..سلسلتها الغاليه

عقلبها..اقلام واوراق رسوماتهم البريئه..كل هالاشيا احتفظ فيها علي لنفسه..يعتقد بهالاشياء تعيش ميثا في

قلبه.. ويحس بها قربه..رغم انها توفت وانجلت من هالدنيا..الا انه مازالت في قلبه عايشه..قرر ولاول مره انه

يتخلص من هالذكريات((الحيّ أولى من الميت)) كانت هاي كلمات امه اللي غرست في قلبه شي ثاني..قرر

يحرق الصندوق باللي فيه.. ويعيش بواقع..ويبدل هالذكريات وهالاحلام..بوواقع.. قرر يواجه ذكرياته

واحزانه..ويقووم بنفسه ويعيش حياه شرات غيره..

قام وسار صوب امه..اللي كانت طايحه في غرفتها...دق الباب..ودخل..

علي::أمايه بعدج واعيه؟

ام علي وهو تحاول تقوم من مكانها::هيي ما رقدت.. تعال يا وليدي تعال..

تقدم منها وحبها عراسها..

ام علي::حبتك العافيه يا وليدي..عساني ما انحرم من هالشووف..

علي:: ربي لاخلاني منج يالغاليه...الا ام علي..بغيت ارمسج بسالفه..

ام علي ابتسمت لانها حست بولدها::قوول يا ولدي..تراني اسمعك..

علي::ممممممممم.. انا فكرت بكلامج..وصدقتي البنت بنت ناس وعرب..وحرام اخلي حد غيري ياخذها دامها

دشت خاطر الغاليه(يقصد امه)

ام علي::هيييه يا ولدي.. ترا ميره بنت غاويه.. وحشيم وربه بيت ماشالله عليها...

علي وهو مستغرب من امه..منو ميره:: اسمها ميره

ام علي::هييه اسمها ميره..هاي آخر سنه لها بالثنويه..بس ما شالله عليها ..غرشووب

علي:: هاي نفسها اللي دعمتها شهوود؟؟

ام علي:: لا لا هاييج..الكبيره.. متزوجه ..مالج عليها ولد عمها.. وعرسهم جريب..

علي انصدم اكبر صدمااته::متزووووووجه؟

ام علي وهي متروعه على ولدها::هييه...بلاك علوووي؟؟

علي::ماشي ماشي..

وطلع عن امه..طبعا ام علي استغربت ولدها.. وفعله اللي يخلي الواحد محتار.. شياه..ردت مكانها وطاحت تبا

ترتاح...

اما علي اللي حس ان الدنيا دارت به..هو لاحظ الريال اللي كان واقف وياها.. وقربه منها.. بس كان عباله انه

اخوها. ما حط في باله انها معرسه..آآآه يا فاطمه.. والله محد حرك مشاعري غيرج.. وبالاخير تكونين ملك

لغيري...مالي في الطيب نصيب...


نسير شوي صوب سالم...


حمد قدر يقنع سالم انه يرمس اخوه محمد عن السالفه.. وفعلا سالم اتصل بمحمد.. اللي كان ويا سلمى في

السنما..عقب الفلم خذ مرته ورداها البيت اما هو طبعا سار صوب شقه حمد((مساكين محمد وسلمى ما تهنوّو

باول ايامهم.. المشاكل يتهم من كل صوب))

وصل محمد عندهم.. وكان سالم و حمد مترددين منو اللي يبدا بالكلام...و آخر شي.. قام سالم وعطى اخوه

نتايج الفحوصات وكل تقارير الدكتوور.. وطبعا كانت صدمه لمحمد...

محمد::سالم..شوو ها يا اخوي

سالم وييلس حذال اخوه ..وربت على جتفه...

سالم::اللي قريته هو الواقع يا اخوي.. هاي صدمتنا كلنا...

حمد::سالم يامحمد لازم يباشر بالعلاج.. واي تاخيره في العلاج..لها سلبيات..

محمد وهو بعده هب مصدق::يمكن هاي غلطه..وايد تراهم يخربطون في الاوراق..

سالم::راجعهن الدكتوراكثر من مره..وطلب مني اعيد الفحوصات.. وانا عدتهن والنتيجه نفسها..

حمد::محمد هذا قدر رب العالمين..((وحاول يهّون عليه))

عقب رمسه وجي اقتنع محمد بالامر الواقع..

محمد::والحين...منو يعرف عن مرضك

سالم::محد غيرك وحمد...

محمد:: والعايله..شو بتقولهم؟؟

سالم:: ما اعرف ياخوي...ها اللي بغيت اشورك فيه..وبغيت بعد اشوورك بسالفه... بنت عمي..

حمد يوم سمع هالطاري حب يخليهم برووحهم..لانه الموضوع حساس وعائلي هب حلوه يتم وياهم..

حمد::انا اترخص عنكم..اخليكم براحتكم...

سالم حس بحركه ربيعه وعرف مقصده منها...

 

[ضوى العيون]

محمد::ياخوي حمد..انته منّا وفينا...واحد من العايله نعتبرك..

سالم::ايلس ياحمد وقوولي شو اسوي

حمد::انا قلت انه الموضوع عائلي و.........

سالم::لا عائلي ولا شياته..انته اخوي يا حمد...

محمد::سالم...شو بلاها بنت عمي..

سالم ونبره الحزن بانت في كلامه::بطلقها يا محمد...

محمد::تطلقها؟ ليش يا سالم... حرام عليك..

سالم::انا ما ارضى لبنت عمي تعيش ويا انسان مريض.. اهدر شبابها ومستقبلها.. وانا اعرف اني ما بطول في

هالدنيا.. ما ابغيها تعيش باسم ارمله...

محمد وهو يربت على جتف اخوه::آآآه يا سالم...يعل قلبي فدا قلبك يا اخوي...خلنا نرمس الوالد.. وهو اللي

بيقرر بها الموضوع...

تموا الشباب يرمسون عن هالموضووع وايد.. واللي رسّوا عليه انهم يقولون حق الكل انه سالم بيسير يكمل

دراسته خاري البلاد.. وما يعرف بالعلاج غير بوسالم..اما عن فاطمه فقرر سالم انه يطلقها بدون ما يخبرها الا

سباب.. ويقوللها انه بيسافر وما يباها تترياه وااايد..لانه بيطول هناك...

طبعا سالم رغم كلامه الواضح والجدي واسلووبه الهادي.. كان يخفي بركان في قلبه يثوور.. بركان من الهم

والحزن..اول مره يفكر انه فاطمه ما تكون له.. هالانسانه اللي رسم وياها مستقبل حلو..بس ماتت احلامه وراحت..

خلوونا نسير شوي صوب فاطمه....

في غرفه فاطمه البنات متيمعات...ميره وسلمى وشيخه ومريم اختها..

فاطمه::اقوولكم عن اللي استوى امس عدنا....

ميره::جذاابه من الحين اقووولكم انزييييييين...

ضحكن البنات على حركه ميره..

سلمى::شوو قولي قولي ما عليج منها...

فاطمه::يتنا حرمه امس وكانت تتطالع ميره وااااايد وتتفطن فيها.. و وايد سألت عنها وجي..شكلها تباها حق

ولدها

ميره واحمرت خدودها..تقووم وتشل المخده وتفر اختها..

ميره:: يالدبه..اصلا هي كانت بس مستغربه من جمالي.. الكل يعطيني عمر فوق عمري بس..

شيخه::يالله يالله...اونها العروس استحت..

ميره::اي عرووس حوووه.. انا ابغي اكمل دراستي واتخرج .. شلي بالعرس وطاريه..

مريم::ههههههههه.. الحين منو اللي يا وخطبج عسب هالرمسه...

الكل ::ههههههههههههههههههههههههه

ميره:: والله انكن ماصخات.. بسير عند امي ومرت عمي اخيّر لي من مجابيلكن...

سلمى وتيود ايد اختها الي قامت::ميرووه عاد... كنا نسوولف بلاج جلبتيها جد...يلسي يالدبه

فاطمه:: تراها استحت من طاري فتى الاحلام...

ميره::إذا هاي ما سكتت مالي يلسه وياكن..

سلمى::ههههههههه.. انزين انزين.. بس عاد فطوووم اسكتي عنها...

وتمن البنات يسوولفن وجي.. لين وقت العشا...عقب العشا سارت ميره وسلمى ومريم يلست ويا ام سيف وام

سالم.. اما شيخه وفاطمه سارن الغرفه...

فاطمه::تعالي شو سالفتج انتي.. تنغزيني على العشا..

شيخه:: كنت اباج برووحنا..بخبرج شي عن سلوووم...

فاطمه ::سلوووم اصغر عيالج هووو.. يالدبه وجدامي بعد...

شيخه::ههههه..خلاص خلاص...بخبرج ما رمستيه انتي

فاطمه::لا ما رمسته بس امس طرش لي مسج وبس..

شيخه وهي مستغربه:: غرييييييييييييبه....

فاطمه وبدت تخاف::شو الغريبه شيخووه شو السالفه لا تخووفيني اكثر...

شيخه::سالم ما يا البيت من يومين.. وامس ليلته قضاها برع البيت.. وابويه قال انه بيبات ويا ربيعه حمد...

فاطمه وهي تحس بشي ما تطمنت له::يمكن كان متضايق او شي..وعادي انه يسير عند ربيعه..هو رد عليه

بمسج امس.. وهاي عادتنا.. لو فيه شي جان ما بيرد يطرش..

شيخه بعدها شاكه في الموضوع بس ما حبت تخوف بنت عمها على اخوها اكثر...

شيخه:: صح يمكن انا مكبره الموضووع...

وتمن يسووولفن وجي...لين ما عزمت ام سالم ترووح عنهم..

الكل سار يرقد ويحط راسه ويرتاح...الا فطامي..اللي ما غفت عينها.. خافت من احساسها.. واحساسها ما عمره

خانها...ما كانت مرتاحه من الي قالته شيخه..

وقزرت الليل كله تفكر بسالم وحاله اللي يشغل بالها..

 

[ضوى العيون]

الجزء الثلاثين::

في بيت بو علي...

ام علي::عبوود قم نش...

عبدالله:: هاااااااااااا شوووو؟؟؟ شوو مستوي.؟؟؟

ام علي:: قم نش...عنبووك استوت الساعه 11 قم...

عبدالله::امااايه خليني ارقد.. باجر باجر بسير...

ام علي:: اقووله قم نش قالي باجر((وتير اللحاف عنه)) قووووووم...

عبدالله يلس رغم الرقاااد اللي مالي عينه...

عبدالله:: ها امايه.. خير ان شالله؟؟؟

ام علي:: قم الله يرضى عليك..شوف اخوك وين؟؟؟ ما شفناه من امس..

عبدالله:: يعني ياهل ولدج الحين.. اكيد في الدوام.. عنبووه بعدها الساعه ما استوت ثنتين.. هيدي عليه اكيد بيرد..

ام علي:: انا بموت من الروع وها يقولي هيدي...((وظهرت من غرفته وهي تتحرطم))

عبدالله::مسكينه العيوز.. بقوم اشوف ها وين عنها.. صدقها من امس العصر من ظهر من البيت ما رد...وين داره ؟؟؟ غريبه انه ما يرد البيت...بقووم قبل ما تستخف العيوز...

وهو ظاهر لقى اخته في دربه...

شهد::عبدالله...صح النوم...

وتوايه اخوها..

عبدالله::صح بدنج... تعالي بلاها العيوز؟؟؟

شهد::علي ما رد البيت امس.. وعييت وانا اتصل به.. ولا يرد..ما اعرف وينه...هب من عوايده تحير على البيت..بتموت امايه من الروووع
عليه...

عبدالله::خلاص خلاص.. انا بتلبس وبسير اشووفه.. ولو لزم الامر بسير له الدوام...

شهد وهي تربت عجتف اخوها.::الله يعطيك العافيه يا اخوي..

وتسير عنه..



في شقه حمد...

سالم ومحمد وحمد عزموا يسيرون حق بوسالم...لكن سالم قال انه برووحه بيرمس ابوه لانه ما بيعرف يتكلم واخوانه وياه...وترييوا لين الظهر...

حمد::الله يكون في عونك يا اخوي...

سالم:: والله اني احس بالرووع.. ابويه ما بيتحمل.. انا بجره..آآه والله صعبه عليه...

محمد وهو يربت علي ايد اخوه::حط الرحمن بصدرك يا اخوي... وما عليك ترانا كلنا وياك..

سالم ::تتوقع شو بيقول عن بنت عمي...

حمد::بوسالم انسان حكيم.. وما بيقول غير السنع والعدل..

محمد::صدقه حمد..الوالد ما بيقول الا اللي يشوفه فيه خير لنا..

سالم::يالله صارت الساعه وحده.. اكيد الوالد سار البيت.. خلونا نسير هناك ونلاقيه..

حمد:: عاد انا بسير صوب الاهل.. بسلم على الوالده.. صار لي اسبوع ما سرت لها..

محمد:: ماعليك يالغالي..خذ راحتك.. واحنا بنخبرك باللي يصير ..

حمد:: لا تنسون خبرووني...

وجي كل حد سار صوب بيته...



في بيت بو سالم..


دخل سالم ومحمد الصاله.. وكانت سلمى وشيخه يالسات في الصاله..سلمى من شافت الشباب حادرين الصاله عدلت شيلتها وقامت
تسلم على ريلها واخوه.. اما شيخه لوت على سالم اللي تولهت عليه...

سالم::ههههههههه.. تحسسيني اني توني راد من السفر..

شيخه::الله لا عاد هالطاري...ما صدقنا تردلنا البلاد.. تييب لنا طاريه..

سالم نغزه قلبه على رمسه اخته..وتفداها وباسها على يبهتها..شيخه حست بشي في خاطرها لانها اقرب وحده لسالم تعرف اللي
يحس به.. وهالمره جاسها خوف من رد فعله..

سالم::فدييت دلوووعتي انا.. وين ام سالم عيل؟؟؟

شيخه وهي لاويه على اخوها::في المطبخ تراها..الحين ابويه بيرد..

سلمى حست بريلها متغير..وهي اصلا من امس حاسه فيه تغيّر.. وهي طبعا ما سألته لانه هو متعود يفتح لها قلبه ويخبرها.. بس امس
كان متضاايق وما رقد طول الليل ..هي حسّت بها الشي وانشغل بالها عليه.. والحين يوم شافت سالم حست انه السالفه تخص سالم..

سلمى::يالله غيروا ثيابكم وارتاحوا عسب يرد عمي و نزهّب لكم الغدا..

محمد::يالله غناتي ...انا بسير ابدل ثيابي..

شوي ويسمعون صوت الباب ويوم صدوا كان بوسالم..ساروا الشباب يوايهون ابوهم ويحبوونه عراسه.. عقب سارت سلمى وشيخه
يسلمون على بوسالم..

بوسالم::سالم متى رديت يا ولدي؟؟؟

سالم::توني راد ويا محمد..

بوسالم حس بولده..بس قال في خاطره يمكن ها مجرد احساس لا اكثر...

بوسالم::يالله تراني يوعاااااان...سلمى الغالي قوليلهم ينجبوون الغدا..

سلمى::ان شالله عمي...

وهم سايرين غرفهم دخلت ام سالم الصاله..وتشوف ولدها سالم..

ام سالم:: فدييييييت هالشوف..شحالك وليدي؟؟؟

سالم يلوي على امه الغاليه وقلبه يعوره .. حس ان السالفه صعبت عليه.. كيف بيكون موقفهم؟؟؟ وكيف بيتقبلون مرضه؟؟؟

سالم::يا امايه ترانا يوااعه...حطووا الغدا..

ام سالم::فديتك يالغالي... ان شالله..

محمد::يالله الدلع كله لسالم.. واحنا يا غافلين لكم الله..

ام سالم:: هذا بجري.. وانتو كلكم غاليين عندي...

سلمى::يالله عن الهذربه الزايده.. ترا ما بنحط الغدا..

بوسالم::لا لا دخيلكم الا هالطاري.. سايرين يالله شباب..

الكل::هههههههههههههههه