((عرفتك قبل ما اتعرف عليك))

[ضوى العيون]

السلام عليكم والرحمه,,
الجزء الاول

القصه تتكلم عن عايله بو سيف ..

الام والاب وثلاث بنات وولد..البنت الكبيره اسمها سلمى وعمرها
24سنه تدرس في جامعه الامارات .وما خذنها ولد عمها
(مالجين بس) وعقب شهر عرسهم .. واللي عقبها فاطمه
وعمرها 22 سنه اخر كانت تدرس بالتقنيه ..لكنها ما كملت
لظروف ويلست في البيت .. وعقب ميره وهاي عمرها 14 سنه
في الاعداديه بعدها .. واخر العنقوود سيف وعمره 12 سنه ...
سلمى اكبر خواتها بنت مثقفه و وبااارده في كل مواقفها .. وما تتكلم الا باللي يخصها ..يعني بنت في حالها ...
اما فاطمه.. بنت حزيينه وااايد وكتووومه دايما برووحها .. وبتعرفون السبب في قصتي ... وهي شاطره في المدرسه ..
وميره بنت شيطاانه ولسانها طويل .. دلووعه ابوها .. عنيده لانها شراته ..
واخر واحد سيف دلوووع امه .. وخقااق .. بس ابوه محملنه مسؤوليه .. يعني ييلسه بين الرياييل ودايما يقووله انته راعي البيت من عقبي ... فعسب جي .. سيف كبير بفعله عن سنه ...

والحين ببدا بسالفه فاطمه ..

فاطمه كانت بنت حبووبه وفرفووشه والكل يحبها .. وبنت
اجتماعيه .. خلصت الثانويه بنسبه عاليه ..

وفي يوم النتايج ..ما رقدت فاطمه طوول الليل تتريا النتايج ..
.الساعه 3ونص الفير

سلمى تدش غرفه فاطمه بهدووء .. وتسمع صوت فاطمه
فجأه:: زخييتج ... يالحراميه شو عندج يايه جي جنج مسويه
جريمه وبتخبين الجثه في غرفتي ؟؟

سلمى زاايغه في مكانها ...:: يالسباله رووعتيني .. كنت يايه ابا
منج السيديات اللي يابتهن موزه ... بس ما بغيت ازعجج

فاطمه:: لا سلامي انا ما رقت طوول الليل احاتي النسبه ...

سلمى تيلس على طرف سرير اختها وتهون عليها:: فديتج
فطامي .. انتي شاطره وكلنا نعرفج.. واللي يي من الله حياه الله ..

فاطمه وتدمع عينها:: والله زايغه.. مع اني واثقه من عمري وسويت اللي عليه.. بس تعرفين دايما يستوي اللي ما نتوقعه..

سلمى تمسح ايدها على راس اختها :: فديتج والله ....

وتسكت ................... فجأه ترمس بصووت مرتفع :: يالدبه
قومي وياي بنشووف السيديات .. فيها فضايحنا في الجامعه ..

فاطمه::: بسم الله عليج توج هاديه .. والله انج حركاات

سلمى تير ايد اختها :: يالله قومي ما ابا اعذااار

(( سلمى وفاطمه علاقتهم ويا بعض وااايد حلوه ... كل وحده تثق وتهتم بالثانيه ))

استوت الساعه 10 الصبح .. والناس مرتبشين ...

وفاطمه تتريا المسج اللي يبشرها بالنسبه ...

وشوي تسمع رنه المسج .. وتركض على مبايل سلامي اختها ... وبدوون ما تحس .. تصاااارخ :: يااااااااااااااااااااااااااااي نجحت نجحت....

وتركض فالبيت كانها ياهل ....

سلامي :: حوووه يالخديه بلاج؟؟ فضحتينا ..

فاطمه :: نجحت نجحت .. انتي ما تفهمين ..؟؟ والله نجحت ..

سلامي :: مبرووك فدييتج .. كم النسبه بشري ..

وتعطيها فاطمه المبايل .. وتقرا المسج ... وكانت نسبتها 88.5


ويخبررون امهن وكل البيت .. والكل كان مستانس منها وهي اكثر ..

العصر يو القرايب يباركون ويهنون فاطمه على هالنسبه الحلوه ...

ام سالم (( مرت عم فاطمه)):: ما شالله عليها فاطمه .. عيني
عليها بارده .. دومها رافعه راسكم ومتفوقه في دراستها ..

ام سيف:: فديتها بنتي .. لا خلاني الرب منها ..

ويلسن الحريم يرمسن ويسولفن ..

وفي غرفه البنات .. بنات العم متيمعات ..

شيخه اكبر عن فاطمه بسنه بس هن وااايد يحبن بعض ...
ومريم اخت شيخه هاي عاد مغرووره واصغر عن فاطمه .. و
شذى اكبر وحده معرسه وعندها بنت

شيخه :: هي عاد الحين بتنورين الكليه .. يالله من متى اترياج
تخلصين ..

سلمى :: لا لا اختي بتي وياي الجامعه..

شيخه :: انتي بتعرسين وبتلتهين ويا حبيب القلب ..

تلومت سلمى واستحت من طرواه ..

مريم :: هييه صح .. سلامي محمد سلم عليج(( تقهر سلامي زياده))

شذى:: بس عاد خلوها البنت .. احمرت من المستحى ..

فاطمه:: فديييييييييييت اللي تستحي انا .. لاغناتي انا بسير

الكليه ويا شيخه ..كل ربيعاتي تقريبا بيسيرن الكليه .. والجامعه
بعيده عني .. ما ابا ..

 

[ضوى العيون]

سلمى :: برايج هذا مستقبلج وقرارج بيدج ..

استوى عليهن المغرب وقامن البنات والحريم يصلن ... روحن كل
الحريم وما بقت الا ام سالم وبناتها ..

ام سالم :: يالله الغاليه انا بترخص ... بو سالم بيهزبني ..من متى عندكم ..

ام سيف:: يالله ثرج وين يايه؟؟ الا بيت اخوه ..

ام سالم .: لا الغاليه.. ما فيني على حنه هالريال ..

ام سيف:: هي عاده الرياييل مشكله .. برايج فديتج ..
ومشكووره على ييتج ..

ام سالم:: عاد وين البنات ؟...بنسير

ام سيف تزقر على بشكارتها :: ميري ..ميري ..تعالي ..

ميري :: نعم مدام ... انا يجي

ام سيف: ميري .. سيري غرفه فاطمه وازقري البنات

ميري:: ان شالله مدام

ودقايق ويحدرن البنات الصاله .. سلمن على بعضهن وسارن البيت ..

انتهى يوم من احلى ايام فاطمه في حياتها ..

الصبح ...يرن التيلفوون .. وترد عليه ام سيف::الوو

ام سالم :: السلام عليكم ..هلا والله بام سيف ..صباح الخير
الغاليه ..

ام سيف :: وعليكم السلام ...مرحب ملايييين

ام سالم ::شحالج الغاليه؟

ام سيف :: الحمد لله حالي يسرج فديتج ..

ام سالم :: ام سيف الغاليه .. بغيتج تخلين فطامي عدنا
هالاسبوع ... حشرتني شويخ .. تباها تيي ..مريم سارت عند
اختها بتم اسبووع في دبي.. وهالبنت برووحها .. ومطفرتني ..
الا تبا فاطمه تييها ..

ام سيف:: الغاليه فاطمه بنتكم .. وانا بتصل بابو سيف وبخبره ..
وان شالله بتييكم ..كم شيخه عدنا ..الا وحده

ام سالم:: تسلمين فديتج .. بس انتي تعالي اقربي عدنا ..
القهوه عندي اليوم ..

ام سيف::هههههههه... ان شالله العصر بنيي جداكم ..

((عايله بو سيف ساكنه في بوظبي ..اما عايله بو سالم ساكنه في العين ))

وعقب الغدا فاطمه مستانسه .. تموووت على السهرات ويا
شويخ.. حطت ثيابها وتزهبت ...

صلو العصر وظهرن من البيت .. وصلن العين عقب فتره الطريج..

اول وحده تلقتهن من عند الباب شويخ .. وعيووونها فيها فرح
والابتسااااااامه عريضه ...

شيخه:: هلا والله بمرت عمي.. هلا والله ببنت عمي الحلوه

فاطمه:: يالله الحين استويت حلوه؟؟

شيخه:: انتي صح دبه وخسفه .......

فاطمه :: امي يالله نرد البيت هاي هب ويه نعمه..

ام سيف:: يالله يا بنات ... شيخه امي.. وين امج عيل ..

وشوي تييهم ام سالم:: هلا والله .. اقربوا .. شيخه جي جذه
موقفه العرب برع ..؟

شيخه تلومت :: لا كنا تونا داشين بس هالدبه حيرتني ..

فاطمه:: السموحه منج خالتي ... بس جنهم العرب يجذبوون((
وتتطالع شيخه بنظره ..تغايضها بها))

ام سالم:: حياكم الله ..اقربو البيت بيتكم ... شيخه امييه قومي
زهبي الفواله ..

ام سيف:: لا الغاليه لا تعبين عمرج... تراني ما اقدر اتحير واايد... يبت لكم فطووم وبروح تراني ...

ويدخلون كلهم الصاله .. والبنات سارن غرفه شيخه ..

 

[ضوى العيون]

الجزء الثاني.

في الغرفه..

شيخه:: والله مستانسه.. محد وياي والبيت ملل الصراحه..

فاطمه:: انا اكثر شويخ.. ياااااااي بنسهر لين الصبح..

شيخه:: فديت فطامي ..بخبرج سر ..محد يعرفه غيري..

فاطمه:: شو ؟؟

شيخه:: ترا اخوي سالم اليوم بيي.. ومحد يعرف غيري ... قالي
ما اخبر حد...

فاطمه:: يالدبه ... والله انج هب هينه.... يالله سالم ..من متى ما
شفته..

شيخه:: تحيدين يوم كنا كلنا نلعب بيت يدي الله يرحمه..

فاطمه:: هي والله ايام ...(( وتسرح فاطمه بخيالها لذيج الايام))



وتمن يتذكرن ايام الطفوله وطلعت شيخه الصور ويلسن
يسولفن ...

ومر الوقت ولا حسن به.. ويسمعن صوت الباب يندق.....

شيخه:: منو عند الباب؟؟

مونيكا:: انا مونيكا .. ماما كلام تعالوا عشا..

شيخه :: يالله الحين نازلين ...

ويسيرن يتعشن .. وعقب يلسن يشوفن الافلام اللي يابتها
شيخه من حجره اخوها سالم ...

صارت الساعه 2 ونص وهن الا من فلم لثاني ...

شيخه:: والله تعبت قومي نسير نرقد .. عسب نش من وقت ..
سلوووم بيي الفير ....يااااااااااااااااي

فاطمه ((تتثاوب)):: هي والله انا تعبت .. قومي نرقد..

عقب ما سارن الغرفه يرقدن .. ما عرفت فاطمه ترقد .. لانه
المكان متغير عليها ...

فاطمه:: شويخ ... شويخ...

شيخه بصوت تعبان:: هااا .. بلاج؟؟ ابا ارقد..

فاطمه:: ابا اشرب ماي ... قومي وياي .. استحي بروحي
اسير ..

شيخه:: سيري لاه.. محد فالبيت الحين كلهم رقوود...ومحمد
عنده زام .. سيري المطبخ اشربي ماي وردي ... تعبانه ابا ارقد..

فاطمه:: اوووهووو يالكسووله .. برايج

وتسير فاطمه المطبخ... كان المكان ظلام شوي .. ما حبت
تشغل الاضاءه عسب محد يحس .. وصلت البراد... وشوي
تسمع خطوات وراها ... احبست انفاسها زاااايغه... وتتحرك
شوي شوي... وفجاه .. حد يودها من وراها ويود على فمها
عسب ما تصرخ .. قامت ترفس هالشخص من الرووع...

بهمس :: لا تخافين شويخ انا سالم...

فاطمه انشلت حركتها .. تلومت من عمرها .. كيف جي .. انا
بالبجامه وسالم زاخني بيده يالفضييحه...

حاولت تتحرك .. ومن حركتها انفل شعرها .. انبهر سالم من
هالشعر الطويل والغاوي .. وتذكر اخته شيخه شعرها قصير ..
بحركه عفويه .. خوز ايده من هالغريبه اللي يمكن ضرها

بحركته .. وتركض فاطمه ودموعها على خدها من المستحى
وتوصل غرفه شويخ...

شيخه انتبهت على هالحركه وقامت من الرووع...

شيخه:: فاطمه؟؟

فاطمه تمت ساكته وهي تصيح....

شيخه شغلت الابجوره وشافت فاطمه ضامه ايدها وريلها كانها
ياهل .. وتصيح

شيخه:: فطامي بلاج..

وتيود فاطمه وتمسح على راسها ... خافت عليها .. لانها كانت
ترتجف .. من الخووف ..

فاطمه:: ماشي .. بس خفت من الظلام برع...

شيخه::هههههههههههه... ويا راسج زيغتيني .. انتي دووم
خوافه ... عافانا الله..

المهم سارن مره ثانيه على الفراش... بس فاطمه ما اقدرت ترقد .. من هالموقف اللي عمرها ما بتنساه ...

 

[ضوى العيون]

في الغرفه الثانيه ..

سالم يالس يفكر .. منو هالبنت اللي في
بيتنا ... ما شالله عليها ... ويها حلو وملامحها بريئه .. رغم الظلام
حس انها حلوه هالبنت .. وشعرها ... ذاااب فيه قلب سالم ... اول مره انسانه تحرك هالمشاعر ... وتخلي سالم يسرح فيها ...

يا ربيه منو تكون هاي اللي اسلبت انفاسي ...
ذكرتني ......بـــــ.... وسرح بتفكيره بحب طفولته ... فاطمه ..
بنت عمه .. يالله يالدنيا ... 12 سنه تمر ولا اشووف بنت عمي
اللي كنت احبها من كل قلبي ... اشووف بنات العالم وبنت عمي
ما اشووفها ...

تذكر ايام طفولتهم ..كانت فاطمه غير كل البنات .. ما كانت
تشاكس .. ورمستها حلوه .. يتذكر ملامحها ..كان ما يرضى
عليها ... كانت حلمه.. وبعدها لين الحين حلمه ... الحين رد من السفر .. و بيداوم في البلاد.. وبياخذ بنت عمه ..حلم عمره اللي ما اندفن ...
بس منو هالبنت اللي قدرت تخليني افكر فيها .. والله انها حلوه.. وملامحها طفووليه بريئه.. لين الحين يحس برجفتها ..كانت مثل الياهل الخايف بين ايده.. ماكان قصده انه يخوف هالمخلووقه الرقيقه..كان يتحراها اخته شيخه.. بس شعرها الحريري الطويل .. مثل الشلال بطووله ومثل الليل بسواده ...آآآآآخ منو هالبنت اللي خطفت قلبي من اضلاعه ...
فجأه... لا مستحيل تكون هاي فاطمه ... تذكر كلام شيخه يوم قالت له امس انه فاطمه بتكون عندهم ... فديييييييييتها لو كانت هاي فطامي ...

الصبح.. الساعه 7.... ام سالم .. تسمع صووت في غرفه سالم واستغربت .. فتحت الباب مالقت حد ..وتدخل الغرفه تتقرب من الشنطه..وفجأه يظهر سالم من ورا الباب ويزيغ امه..
سالم:: فديييييييييت هالويه .. لا خلاني الرب منج ..تولهت عليج يالغاليه

ام سالم:: بسم الله الرحمن... خس الله عدووك من ولد.. روعت
قلبي الله يبارك فيك..

سالم:: تولهت عليج ... شو اسوي؟

ام سالم:: يعني اللي يتوله جي يسوي؟؟ ... تعال انته متى
ييت؟؟ ليش ما ترمس جان خليت محمد ييبك من المطار..

سالم:: لا فديت خشمج... انا ييت اليوم الفير تقريبا الساعه ثلاث..
واللي اعرفه انه محمد وراه زام اليوم... ليش اتعبه..

ام سالم:: انته البجر فديتك لازم يفضى لك...

سالم:: هييه.. هاك المعرس ..... ((ويسرح))

ام سالم:: ان شالله الدور عليك.. اختار البنت وانا من عيوني
بسير اخطبها لك..

سالم:: ان شالله... بس الحين خليني اداوم.. عقب يصير خير ..

المهم ... سار سالم وسلم على اهل البيت .. وعقب الغدا سار
يسلم على ربعه..

فاطمه:: شيخوووه.... شفتي سالم اخوج...؟

شويخ:: تصدقين ما شفته... شو اسوي كنت راقده.. وما نشيت
الا عالغدا.. يوم رحت غرفته.. ما ريته... وقالت امايه انه ظهر عند
ربعه.. بتصل به شو رايج؟؟

فاطمه:: شو تبينه..خليه يستانس.. ويا ربعه .. بيهزبج صدقيني..

شيخه وتشل موبايلها وتدق رقمه:: ما عليج بخليه يظهرنا
المغرب..

كانت فاطمه بترمس ما تبا لانها تستحي من سالم..من متى ما
شافته .. بس يوم رمست شيخه اسكتت...

شيخه:: الو... هلا والله باخوي الكبير

سالم:: مرحبا السااع.... اهلين بشيخه البيت

شيخه:: احم احم... دامني شيخه البيت شعنه ما تترياني ابا
اسلم عليك.. ايلس ويااك... اشووف شو ياييب لي؟؟

سالم:: اعرف انج مركزه على الاخيره... ما عليه هديتج محفووظه .. بس خليني الحين تراني ويا الربع..
شيخه تتكلم بكل برائه :: سلومي حبيبي... ترا اختك متولهه على الظهره وياك..
سالم:: شو هاي سلومي بعد؟؟ اصغر عيالج؟
شيخه:: فديتك اخوي انا اسفه... حرام والله ملانه اباك تظهرنا..
سالم نغزه قلبه:: تظهرنا؟؟ ليش كم وحده انتي؟؟
شيخه وتتطالع فاطمه اللي تسويلها حركات ما تبا تظهر :: انا وبنت عمي الغالي ..فطامي ..
ابتسم سالم وتذكر ليله امس.. كنت حاس انها هي قلبي ما خاب هالمره ... فديتها والله كانت بين ايدي وخايفه.. شرات يوم كنا يهال .. كانت وااايد تتروع ..
شيخه:: الووووووووووو... وينهم العرب ؟؟
سالم:: وياج وياج... ما عليه اتريي عليه بيي عقب صلاه المغرب وبنتفاهم .. بس انتي وين بتسيرين؟؟ وبنت عمي بتيي وياج؟؟
شيخه:: ابا اسير .. العين مول.. وجان زين لو نتعشى برع... وبعدين طبعا فطامي بتيي ويانا ... تراها بتم عدنا اسبووع ..
سالم من وناسته ما شلته الدنيا.. اسبوع وانا وياها في نفس البيت ..
سالم:: ان شالله من اوصل البيت يصير خير..
شيخه:: مع السلامه .. ولا تتاخر .نترياك..
سالم:: في امان الله ..
مر الوقت ولا حسووبه..الا سالم.. اللي كانت عنده هاللحظات سنين ودهور ..متى بيأذن المغرب واشوف بنت عمي وحبيبتي .؟
عقب الصلاه رد سالم البيت مستانس... وشاف محمد يالس في الصاله .
سالم:: السلام عليكم والرحمه ..
محمد يصد على اخوه:: وعليكم السلام والرحمه،، هلا والله بحب الوالده.. شحالك؟؟
ويتوايهون ..سالم:: انا الحين استويت حب الوالده؟؟ لا خلاني الرب منها ... بخير ربي يعافيك.. متى راد من الدوام؟؟
محمد::العصر راد... الله يخسه من دوام ..كارفينا يا ريال ... حشا ما صارت .. متى باخذ الاجازه وبفتك...اريح شوي
سالم وينغز اخووه:: يالله متوله حق الاجازه والا حق العرس ؟؟
محمد تلوم شوي:: بيني وبينك ..الاثنين.. متى بتكون وياي حبيبتي بس..
سالم:: الله عالحب .... الله يوفقكم ان شالله... عيل وينه بو سالم؟
محمد:: وين بيكون غير في هالشركه الي كاسره ظهره ..
سالم :: الله يكون في عونه ... بستلمها عنه وبخليه يرتاح.. حاله ما تسر ..
محمد:: هي والله.. تعال هاي الحشره من متى تسال عنك.. شو عندكم؟؟
سالم:: حرام عليك تراها اختك... وعدتها اني اظهرها ويا بنت عمي في العين... غمضتني ملانه تقوول..
محمد:: ما عليك منها.. البنات اصلا دلووعات..
سالم:: عيل يوم بتييك الحرمه بتحبسها في البيت؟
محمد:: عاد هاييج شي ثاني.. هذي القلب
سالم:: خل عنك هالرمسه الحين يالرومنسي
محمد:: الحب يا سالم الحب ...
سالم:: لو تميت وياك دقيقه بموت... بس عاد .. سير ريح الحين.. راد من الدوام تراك..
محمد:: لا تراني اتريا خميس بنتعشا برع ويا الربع..
سالم:: هييه... عيل سلم عليهم ..
محمد:: يبلغ ان شالله..
ويسير سالم صوب غرفه اخته.. ويدق الباب...
كانت شيخه في الحمام تتسبح عسب الظهره.. اما فاطمه كانت لابسه وكاشخه بس تتريا سالم يي ويقول حق شيخه يظهرن..
فاطمه:: منو عند الباب؟؟
سالم عرفها من صوتها:: انا سالم .... منو ؟؟ بنت عمي؟؟
فاطمه تلومت وما عرفت ترمس..:: هييه انا فاطمه..
سالم:: وان شالله بتم على الباب جي؟؟
فاطمه لبست شيلتها وافتحت له الباب..
كانت موخيه من المستحى .. وسالم انتهزها فرصه يشوف فيها حبيبه قلبه ... اللي ما رام ينساها حتى في غربته..
سالم:: بنت عمي ... فاطمه شحالج؟
فاطمه من المستحى ما عرفت ترمس:: الحمد لله .. سالم شحالك؟
سالم(( فديت اسمي ع لسانج..)):: الحمد لله بخير ونعمه.. يالله يا فاطمه 12 سنه ما تخلينا نشوفج..
فاطمه:: كبرنا يا سالم .. وهاي عوايدنا ..
سالم:: فاطمه .. الفير انا ما .........
وتظهر لهم شيخه من ورا فاطمه:: مرحب ملايييييييييين واشهد انهن ما يسدن غلاك...
وتتعلق باخوها اللي توله على هالبنت .... احب وحده من خواته كانت شيخه... بس كانت عيوونه على هاي البنت اللي موخيه متلومه من عمرها وضامه ايدها من المستحى ..
سالم:: يالله تزهبتن.. عندكن 10 دقايق ابدل والقاكن في الصاله ..
شيخه ..ان شالله ..من عيوووني ..كم سالم عندنا.؟.
سالم:: ياللواته ... يالله انزين بخليكن عراحتكن...
ويسير صوب غرفته .. ارفعت فاطمه عينها وتشووف سالم... ما اصدق ان هالانسان لمسني امس ... كانت ايده دافيه وقبضته قويه.. لي الحين تحس بهمساته عند اذنيها ... شوي وتحس بحد ييرها ؟..كانت شيخه...
شيخه:: ما سمعتيه؟؟ عندنا 10 دقايق وانا ما خلصت ..
فاطمه:: انا زاهبه بس البس شيلتي وعباتي واخلص..
شيخه:: عاد انا مشكله.... بس ما عليه بسرعه بتسحى وبخلص..

 

[ضوى العيون]

++..الجزء الثالث..++

في السياره... كانت شيخه حذال اخوها .. وفاطمه وراها ...

سالم:: يالله بنات وين تبن الحين؟؟

شيخه:: فطامي شو رايج.؟؟

فاطمه:: ما ادريبكم .. انتو تعرفون العين اكثر عني...

سالم:: شو رايكم اول شي نسير العين مول... وعقب السينما .. واخر شي نتعشى في مطعم ؟؟

شيخه:: يااااااااااااي والله رووعه انا ما عندي خلاف... وانتي فطامي شو رايج؟؟

فاطمه:: اللي يقوله سالم يناسبني ...

سالم في خاطره(( فديتها وفديت منطوقها ... ما تغيرت رمستها .. فديتها والله))

سالم:: فاطمه انتي الحين كم عمرج؟؟

شيخه:: فطامي خلصت الثنويه هالسنه ونسبتها حلوه..

سالم:: ياللقاافه.. انا الحين ما سالتج...

فاطمه:: انا خلصت الـــ18 ... ومثل ما قالت شيخه متخرجه هالسنه من الثنويه العامه..

سالم:: ما شالله عليج.. الله يوفقج.. وكم كانت نسبتج؟

فاطمه:: نسبتي 88.5....

سالم:: ما شالله عليج... يالله هديتي بتوصلج بس عاد السموحه متاخره ...

فاطمه:: تكفي رجعتك للبلاد..هاي هديتنا كلنا...

سالم طار من الفرحه حس انه في قلبها شويه حب تجاهه..

ودخلو السنما ... وكان الفلم رومنسي من اختيار شيخه.. وعقب الفلم راحوا العين مول ... وكالعاده

البنات تشرن اغراض وارتبشن ولا حسن بالوقت لين صارت 9 ..

سالم:: يالله بنات اذا بتتحيرن ما بعشيكن برع البيت..

شيخه:: لا حرام.. احنا خلصنا مشترا .. يالله جان بتودينا الحين..

سالم:: وفطامي شو رايها؟

فاطمه وهي متلومه:: اي مكان وياكم حلو ...

استانس سالم وايد من وجود فاطمه وياه في نفس المكان ...

وصلوا مطعم حلو...وفيه كباين..يلسوا في كبينه وتعشوا... عقبها ساروا صوب جبل حفيت....

نزلت شيخه وفاطمه من السياره..وسالم تم شوي فالسياره..لانه ياه اتصال..بس كانت عينه على
هالانسانه اللي تمشي جدامه...مشيها مشي الغزلان..

اول ما نزلت من السياره خذت نفس عميييييق...وغمضت عينها..وشيخه بعد..كان الجو رومنسي
وحالم..


تذكرت ايام طفولتها.. وكيف كانت تلعب يوم يسيرون البحر بالماي ويا عيال عمها.. وسالم كان دايما

يودها يوم تجدم من البحر اكثر واكثر ...نزل سالم من السياره ..بس وقف بعيد عنهن...شوي..وردت

شيخه السياره..الحبيبه تبا تشغل شي..وتطول عليه..وتمت تعابل بالمسجل...

فاطمه ما لاحظت حركه شيخه...لانها كاانت في عالم ثاني..بعييييد..ردت لطفولتها...غمضت
عينها..وسرحت

شوي وتسمع حد حذالها يتنفس بصوت مسموع فتحت عينها .. وكان سالم ... عينه فوق .. ارفعت

عينها ولاحظت انه كان سرحان في القمر ...النجوم فوقه..والقمر ضاوي..كان الجو ولا اروع..

سالم:: الليل سفر .. والبدر منور ...

فاطمه:: احب هالمنظر .. سبحان الله.. يخلي النفس مرتاحه..

ويتهم شيخه عقب ما حطتلهم اغاني ميحد اللي ترد الروووح..


لا تذكرني بحبك يا غناتي ..

لاتذكرني بماضيك الجميل

في صدى ذكراك بقزر حياتي ..

مستحيل احب غيرك مستحيل ..

انت عمري وانته اغلى ذكرياتي ..

وانت في قلبي ولا غيرك خليل ..

انت عيني لي بها شفت البهاتي ..

وانت في مقله عيوني نزييه ..

لو تقضى عمرنا الوردي وفاتي ..

وانقضى وانزاح شروا حلم ليل ..

كم ذكرت السنين الماضيات ..

في تلاقينا ساعات الاصيل ..

كم على ذكراك هليت اعبراتي ..

وانته عني يا منى روحي قتيل ..

انته محبوبي وانته اغلى امنياتي ..

صرت فجأه يالغلا عني قطيع ..

حسبي يالله عالذي سبب شقاتي ..

لي سقاني المر عقب السلسبيل ..

لي بعد مجراك عن مجرى حياتي ..

وفرقاك عينك بعد عمر طويل ..

يا حبيب الروح بكتب لك وصاتي ..

انت غدت اليوم في حبك جتيل ..

انشدك بالله لي طفت برفاتي ..

لا تخلي دمعة عيونك تسيل ..


تذكر سالم هالبنت..اللي قربه..حبها حب..ما به زيف ولا خداع...رغم البعد يصوونه...

 

[ضوى العيون]

(( ماشالله عليها ... حلوه فديتها .. شكلها وهي مغمضه عيونها وبعييييييييده عن هالعالم...جنها مولوده
في هالمكان .. حوريه تاهت في عالمنا .. ومستانسه من عالمها الصغير ... ))

كان تفكير سالم في هالملاك اللي سرح في ويها يوم كانت تايهه بتفاكيرها .. بس شهقاته فضحته ...
ماكان مصدق عينه من اللي يشوفه ...

المهم ردوا البيت وكانت الساعه 10 ونص... طبعا الكل احتشر بس لانه سالم ويا البنات محد اعترض..

مرن ثلاثه ايام وسالم ما شاف بنت عمه الا كمن مره ... مع انه يحاول يتقرب منها ..

اليوم الرابع كان عرس وحده من معارف ام سام.. وراحت عن البنات ووصتهن يحطن بالهن عالبيت
واللي فيه

فما تم فالبيت غير سالم وشيخه وفاطمه .. محمد كان فالدوام .. وبو سالم كالعاده مسافر .... فاضطر
سالم يتم فالبيت ويا البنات

كان يالس في الصاله يشوف التلفزيون

شيخه:: فطامي ملانه ... شو رايج نسوي العشا اليوم؟؟

فاطمه:: انتي شو دراج بالطباخ؟ احيدج ما تحبين سوالف الطبخ وغيره

شيخه:: فديت بنت عمي اللي بتعلمني ...

فاطمه:: مممممممممممممم.... انزين شو تبين نسوي؟؟

شيخه:: فطاير...؟؟ معكروونه؟؟ اي شي ..

فاطمه:: لا لا خلج من المعكروونه.. الفطاير حلوه وخفيفه حق العشا .. بس فطاير شو؟

شيخه:: بنسوي عينه فطاير وبنفكر خلاف ... وبعد بنسوي بيتزا... خاطري اتعلمها

فاطمه:: فالج طيب بنت عمي... من العين الغاليه ما طلبتي ...

وسارن البنات المطبخ يعابلن ..

عقب ساعتين .. سون الفطاير وخلصنها وتمت اخر صينيه فالفرن لين ما تنخبز الفطاير..

شيخه:: فطامي بسير عنج الغرفه بييب كتاب حق زينه الاطباق... بنسوي طريقه حلوه نزين فيه الاكل ..

عسب تنفتح الشهيه .. يممي يمي ..

فاطمه:: ههههههههههه... يالله انزين بس لا تتحيرين

عقب ما سارت شيخه... يا سالم المطبخ .. ماكان يعرف عن اللي يصير هناك... كان بيي يشوف شو

اللي مسوينه حق العشا لانه فكر ياخذ البنات ويتعشى وياهن برع

انتبه حق فاطمه اللي كانت تغني ومرتبشه ..

كان صووتها روووعه .. عذااب ... تم سالم يسمعها ونسى انه اللي يسويه غلط ممكن انه يضايقها

بحركته،، شوي وتصد فاطمه وتشووف سالم.. من صدمتها طاح الكوب من ايدها ... وجاس ريلها ...
وانكسر عالارض .. صرخت فاطمه من العووق .. ونزلت عند ريلها .. بحركه عفويه تجدم منها

سالم .. وساندها عسب تيلس عالكرسي ..

سالم:: والله آسف .. ما كنت اقصد هالشي ... والله العظيم .. ما كنت اقصد

فاطمه تضايقت منه وتلومت من حركته.. و صاحت ..

سالم حس انه ضايقها .. بغا يقولها انه ماكان يقصد.. بس تراجع وطلع من المطبخ ...

ردت شيخه وشافت بنت عمها تصيح.. وشافت الكوب اللي انكسر

شيخه:: فطوم بلاااج؟

فاطمه وصوتها تعبان من الصياح:: ما شي طاح الكوب عريلي وعورتني..

وكانت ريل فاطمه مزرقه.. لان الظربه كانت قويه .. بس فاطمه انحرجت اكثر من هالعوق .. وصاحت

لانها لاحظت حركات سالم .. وبدت تتضايق منه ..

المهم حطوا العشا .. سالم:: اول مره اعرف انج تسوين اشيا مفيده

شيخه:: فدييييييييتني انا دايما شطوووره... وفديت بنت عمي الغاليه ... هي اللي علمتني والعشا من
صنع هالايد الحلوه ..

سكت سالم ... وعقب قال بصوت واطي ومتردد:: تسلم ايدج فاطمه ..

فاطمه:: الله يسلمك

قام سالم عسب ما يحرج بنت عمه اكثر .. وخذ وياه صحن وراح الغرفه

 

[ضوى العيون]

(( ماشالله عليها ... حلوه فديتها .. شكلها وهي مغمضه عيونها وبعييييييييده عن هالعالم...جنها مولوده
في هالمكان .. حوريه تاهت في عالمنا .. ومستانسه من عالمها الصغير ... ))

كان تفكير سالم في هالملاك اللي سرح في ويها يوم كانت تايهه بتفاكيرها .. بس شهقاته فضحته ...
ماكان مصدق عينه من اللي يشوفه ...

المهم ردوا البيت وكانت الساعه 10 ونص... طبعا الكل احتشر بس لانه سالم ويا البنات محد اعترض..

مرن ثلاثه ايام وسالم ما شاف بنت عمه الا كمن مره ... مع انه يحاول يتقرب منها ..

اليوم الرابع كان عرس وحده من معارف ام سام.. وراحت عن البنات ووصتهن يحطن بالهن عالبيت
واللي فيه

فما تم فالبيت غير سالم وشيخه وفاطمه .. محمد كان فالدوام .. وبو سالم كالعاده مسافر .... فاضطر
سالم يتم فالبيت ويا البنات

كان يالس في الصاله يشوف التلفزيون

شيخه:: فطامي ملانه ... شو رايج نسوي العشا اليوم؟؟

فاطمه:: انتي شو دراج بالطباخ؟ احيدج ما تحبين سوالف الطبخ وغيره

شيخه:: فديت بنت عمي اللي بتعلمني ...

فاطمه:: مممممممممممممم.... انزين شو تبين نسوي؟؟

شيخه:: فطاير...؟؟ معكروونه؟؟ اي شي ..

فاطمه:: لا لا خلج من المعكروونه.. الفطاير حلوه وخفيفه حق العشا .. بس فطاير شو؟

شيخه:: بنسوي عينه فطاير وبنفكر خلاف ... وبعد بنسوي بيتزا... خاطري اتعلمها

فاطمه:: فالج طيب بنت عمي... من العين الغاليه ما طلبتي ...

وسارن البنات المطبخ يعابلن ..

عقب ساعتين .. سون الفطاير وخلصنها وتمت اخر صينيه فالفرن لين ما تنخبز الفطاير..

شيخه:: فطامي بسير عنج الغرفه بييب كتاب حق زينه الاطباق... بنسوي طريقه حلوه نزين فيه الاكل ..

عسب تنفتح الشهيه .. يممي يمي ..

فاطمه:: ههههههههههه... يالله انزين بس لا تتحيرين

عقب ما سارت شيخه... يا سالم المطبخ .. ماكان يعرف عن اللي يصير هناك... كان بيي يشوف شو

اللي مسوينه حق العشا لانه فكر ياخذ البنات ويتعشى وياهن برع

انتبه حق فاطمه اللي كانت تغني ومرتبشه ..

كان صووتها روووعه .. عذااب ... تم سالم يسمعها ونسى انه اللي يسويه غلط ممكن انه يضايقها

بحركته،، شوي وتصد فاطمه وتشووف سالم.. من صدمتها طاح الكوب من ايدها ... وجاس ريلها ...
وانكسر عالارض .. صرخت فاطمه من العووق .. ونزلت عند ريلها .. بحركه عفويه تجدم منها

سالم .. وساندها عسب تيلس عالكرسي ..

سالم:: والله آسف .. ما كنت اقصد هالشي ... والله العظيم .. ما كنت اقصد

فاطمه تضايقت منه وتلومت من حركته.. و صاحت ..

سالم حس انه ضايقها .. بغا يقولها انه ماكان يقصد.. بس تراجع وطلع من المطبخ ...

ردت شيخه وشافت بنت عمها تصيح.. وشافت الكوب اللي انكسر

شيخه:: فطوم بلاااج؟

فاطمه وصوتها تعبان من الصياح:: ما شي طاح الكوب عريلي وعورتني..

وكانت ريل فاطمه مزرقه.. لان الظربه كانت قويه .. بس فاطمه انحرجت اكثر من هالعوق .. وصاحت

لانها لاحظت حركات سالم .. وبدت تتضايق منه ..

المهم حطوا العشا .. سالم:: اول مره اعرف انج تسوين اشيا مفيده

شيخه:: فدييييييييتني انا دايما شطوووره... وفديت بنت عمي الغاليه ... هي اللي علمتني والعشا من
صنع هالايد الحلوه ..

سكت سالم ... وعقب قال بصوت واطي ومتردد:: تسلم ايدج فاطمه ..

فاطمه:: الله يسلمك

قام سالم عسب ما يحرج بنت عمه اكثر .. وخذ وياه صحن وراح الغرفه

 

[ضوى العيون]

(( ماشالله عليها ... حلوه فديتها .. شكلها وهي مغمضه عيونها وبعييييييييده عن هالعالم...جنها مولوده
في هالمكان .. حوريه تاهت في عالمنا .. ومستانسه من عالمها الصغير ... ))

كان تفكير سالم في هالملاك اللي سرح في ويها يوم كانت تايهه بتفاكيرها .. بس شهقاته فضحته ...
ماكان مصدق عينه من اللي يشوفه ...

المهم ردوا البيت وكانت الساعه 10 ونص... طبعا الكل احتشر بس لانه سالم ويا البنات محد اعترض..

مرن ثلاثه ايام وسالم ما شاف بنت عمه الا كمن مره ... مع انه يحاول يتقرب منها ..

اليوم الرابع كان عرس وحده من معارف ام سام.. وراحت عن البنات ووصتهن يحطن بالهن عالبيت
واللي فيه

فما تم فالبيت غير سالم وشيخه وفاطمه .. محمد كان فالدوام .. وبو سالم كالعاده مسافر .... فاضطر
سالم يتم فالبيت ويا البنات

كان يالس في الصاله يشوف التلفزيون

شيخه:: فطامي ملانه ... شو رايج نسوي العشا اليوم؟؟

فاطمه:: انتي شو دراج بالطباخ؟ احيدج ما تحبين سوالف الطبخ وغيره

شيخه:: فديت بنت عمي اللي بتعلمني ...

فاطمه:: مممممممممممممم.... انزين شو تبين نسوي؟؟

شيخه:: فطاير...؟؟ معكروونه؟؟ اي شي ..

فاطمه:: لا لا خلج من المعكروونه.. الفطاير حلوه وخفيفه حق العشا .. بس فطاير شو؟

شيخه:: بنسوي عينه فطاير وبنفكر خلاف ... وبعد بنسوي بيتزا... خاطري اتعلمها

فاطمه:: فالج طيب بنت عمي... من العين الغاليه ما طلبتي ...

وسارن البنات المطبخ يعابلن ..

عقب ساعتين .. سون الفطاير وخلصنها وتمت اخر صينيه فالفرن لين ما تنخبز الفطاير..

شيخه:: فطامي بسير عنج الغرفه بييب كتاب حق زينه الاطباق... بنسوي طريقه حلوه نزين فيه الاكل ..

عسب تنفتح الشهيه .. يممي يمي ..

فاطمه:: ههههههههههه... يالله انزين بس لا تتحيرين

عقب ما سارت شيخه... يا سالم المطبخ .. ماكان يعرف عن اللي يصير هناك... كان بيي يشوف شو

اللي مسوينه حق العشا لانه فكر ياخذ البنات ويتعشى وياهن برع

انتبه حق فاطمه اللي كانت تغني ومرتبشه ..

كان صووتها روووعه .. عذااب ... تم سالم يسمعها ونسى انه اللي يسويه غلط ممكن انه يضايقها

بحركته،، شوي وتصد فاطمه وتشووف سالم.. من صدمتها طاح الكوب من ايدها ... وجاس ريلها ...
وانكسر عالارض .. صرخت فاطمه من العووق .. ونزلت عند ريلها .. بحركه عفويه تجدم منها

سالم .. وساندها عسب تيلس عالكرسي ..

سالم:: والله آسف .. ما كنت اقصد هالشي ... والله العظيم .. ما كنت اقصد

فاطمه تضايقت منه وتلومت من حركته.. و صاحت ..

سالم حس انه ضايقها .. بغا يقولها انه ماكان يقصد.. بس تراجع وطلع من المطبخ ...

ردت شيخه وشافت بنت عمها تصيح.. وشافت الكوب اللي انكسر

شيخه:: فطوم بلاااج؟

فاطمه وصوتها تعبان من الصياح:: ما شي طاح الكوب عريلي وعورتني..

وكانت ريل فاطمه مزرقه.. لان الظربه كانت قويه .. بس فاطمه انحرجت اكثر من هالعوق .. وصاحت

لانها لاحظت حركات سالم .. وبدت تتضايق منه ..

المهم حطوا العشا .. سالم:: اول مره اعرف انج تسوين اشيا مفيده

شيخه:: فدييييييييتني انا دايما شطوووره... وفديت بنت عمي الغاليه ... هي اللي علمتني والعشا من
صنع هالايد الحلوه ..

سكت سالم ... وعقب قال بصوت واطي ومتردد:: تسلم ايدج فاطمه ..

فاطمه:: الله يسلمك

قام سالم عسب ما يحرج بنت عمه اكثر .. وخذ وياه صحن وراح الغرفه

 

[ضوى العيون]

++...الجزء الرابع ...++

فاطمه:: شيخانه انا برد بوظبي باجر

شيخه:: ليييييييييييييش؟؟ ما كملتي اسبوع مثل ما اتفقنا

فاطمه:: هي بس انا تولهت عالبيت ويلسه اخواني .. وتعرفين سلامي ما باقلها شي و تعرس لازم

اوقف وياها ..

شيخه:: اللي يريحج .. بس بغيتج تيلسين بعد وياي . والله ييتج فرحتني ..

اليوم الثاني .. قالت ام سالم حق سالم ولدها انه يووديهم بوظبي يردون بنت عمهم البيت وتسلم على ام

سيف.. عرف سالم انه السبب اللي خلا بنت عمه ترد بيتهم ..

طلعوا العصر .. وطول الدرب كان سالم يتعمد يحط اغاني الغلا و الاعتذار .. وانتبهت فاطمه لها الشي

بس طنشت الموضوع ...

وصلوا بيت بو سيف .. ويلسوا عندهم لين العشا

فالرده ... سالم كان وااايد يفكر فبنت عمه ... لدرجه انه ما سمع كلام امه واخته عنه..

ام سالم:: شرايك يا ولدي تراها بنت والله والنعم فيها

سالم ما سمعها لانه في عالم ثاني ...

شيخه: حووووووووووووووه .. وينهم العرب؟؟ نرمسك احنا

سالم:: خس الله عدووج .. بلاج ؟؟ روعتيني ..

شيخه:: هب انا هاي امي مسااعه ترمسك وانته لابسنها

سالم:: السمووحه يالوالده .. ما انتبهت ..آمري الغاليه

ام سالم:: ما يامر عليك عدو.. بس كنا نرمس عن بنت عمك .. فاطمه

سالم انتفض قلبه:: فاطمه؟؟ بلاها ؟؟

ام سالم:: شو رايك فيها ..؟؟ بصراحه بغيتها من نصيبك .. وانته اولى بها من الغريب..

استانس سالم من الخاطر على رمسه امه..:: بس يالغاليه انتي تعرفين اني ما توظفت لي الحين؟؟

ام سالم:: ما عليه الغالي ... حتى لو ما توظفت ... ترا مكانك موجود في شركات ابوك... والبنت ما
شالله عليها حرمه .. واخاف تصير نصيب غيرك..

خاف سالم من هالفال ...:: خلاص يالغاليه اللي تبينه بيصير .. وانا مستحيل ارضى لبنت عمي تصير

لغيري .. انا اولى بها ..

وردوا البيت وسالم مستااااانس من رمسه امه...

اما في بيت بو سيف.. فاطمه منجرحه من حركات سالم .. وحست انه بدا يطيح من عينها .. لانها

لاحظت حركاته الغريبه وتحرشاته فيها (( مسكينه ما فهمت انه يحبها و حركاتها عفويه )) يتها سلمى

تبا تسولف وياها .. ولاحظت اختها متغيره وشارد بالها

سلمى :: فطامي غناتي بلاج؟

فاطمه:: ماشي يا سلمى .... بس تعرفين شي شاغل بالي .. ومالي غيرج اتكلم وياه .. حتى شيخه ما
خبرتها ..

سلمى:: خير فاطمه .. بلاج؟؟ هميتيني ..

فاطمه:: سالم .. ولد عمي ....(( وتخبرها بالللي صار))

سلمى:: خسه الله .. جيه يتحرا بناتنا شرات هالغرب اللي يلس عندهم.. صدقيني هاي الغربه تغير

النفوس .. أخ عليه .. والله طاح من عيني ...

فاطمه:: لا سلامي والله كان مؤدب ورمسته ذربه.. بس دايم يوم اكون وياه بروحنا .. احس به يتغير
مره وحده

سلمى سرحت شوي:: تعرفين فطامي .. قبل لا يتقدم لي محمد كان نفس الشي ... يتصرف بغرابه يوم

اكون وياه بروحي...(( وتسكت تتطالع اختها اللي تترياها تكمل))

فاطمه فهمت مغزى كلام اختها:: لا لا .. مستحيل انتي تعرفين اننا ربينا مع بعض ايام طفولتنا ...

مستحيل يفكر جي.. هو معتبرني شرات اخته.. وانتي تعرفين سالم متخرج من خاري البلاد.. يعني شاف

بنات لين ما لاعت جبده.. ما بيفكر الا فبنت عمه؟؟ بالذمه يعني ..

سلمى:: حياتي فطامي.. الحب جييه... ما ينعرف له درب... تحسيبه فجاه بدون ما تعرفين انه غزا

قلبج... بصراحه انا قبل كنت ما ادانيه محمد ... من حركاته الغبيه كرهته... بس عقب الملجه.. اكتشفت

ان كرهي له كان حب... والحين اموت في طرواه.. عسى يبقالي ..

فاطمه:: الله عالحب اللي هناك..... الله يوفقكم ان شالله وينشوف عيالكم..

سلمى وهي فرحانه من دعاء اختها::آآآآآآآآآآآآآمين

يلسن طول الليل يسولفن عن الحب .. وتمن يخططن حق هالاسبوع عسب يسيرن السوق وتتزهب
سلامي حق العرس ..

عقب يومين.. اتصلت ام سالم بيت بوسيف.. عسب تفاتح ام سيف بموضوع سالم وفاطمه...

ام سالم:: وانتي تعرفين يالغاليه انه سالم ما بيلقى شرات بنتكم فاطمه.. ما شالله عليها حرمه ..

ام سيف:: افا يام سالم.. فاطمه بنتكم قبل ما تكون بنتنا.. وسالم فديتج ريال والنعم فيه .. بس ما
خبرتيني ..هو توظف والا بعده..

ام سالم:: هو خلاص ماسك شركات ابوه .. تعرفين بوسالم ريال خانه الدهر وصار كبير على
هالسوالف.. وسالم البجر ما لابوه غيره ..

ام سيف:: خلاص الغاليه انا برمس البنت وابوها وبنرد عليكم خبر ..

وكلمت ام سيف ريلها عن الموضوع.. وبوسيف رحب بهم وبالعكس استانس ... لانه سالم ريال والنعم

فيه .. وبنته ما بتلقى شراته ..

اليوم الثاني يوهم البيت وتقدموا رسمي واتفقوا انه ملجه فاطمه قبل عرس سلامي باسبووع ...

وفاطمه استانست من سالم... وعرفت انه انظلم .. كان يحبها وحركاته كانت بدافع الحب ..

قرب موعد الملجه وبقالها يومين ... فهالوقت كان سالم فالعين مول ويا ربيعه سعيد... وشويه ياهم
حمد..

 

[ضوى العيون]

سعيد:: هلا والله ببو شهاب... شحالك؟؟

حمد:: يسرك الحال .. شحال راعي بريطانيا؟؟

سالم::ههههههه.. خس الله ذاك الطاري .. الحمد لله يا ريال تخرجت وافتكيت..

حمد:: اها زين زين.... قوموا نتمشى بسكم من هالكوفي ..

سعيد:: ليكون بو شهاب مواعد؟؟

حمد:: محد يفهمني شراتك... هي يالغالي تقول انها غرشوب .. قوم نتلفلف لين ما تشرف..

سالم:: لااااااااه؟؟ خلوني بعيد عن هالسوالف.. انته ما تيوز .؟؟ يا بوي هب زين .. خاف على عربانك

يا اخوي..

حمد:: هاي لو كانت بنت ناس ما واعدت .. خلها تراها الا سوالف ..

المهم سالم ما قدر يعتذر لانه ملان اصلا .. هو هب مال هالسوالف .. بس محد وياه غير سعيد وحمد

فاضطر انه يمشي وياهم ..

شوي ويمرن ثلاث بنات .. وحده منهن مواعده حمد..

شهد:: وينه هالحمد مالج؟؟

العنود:: هاك بو السفره الحمرا.... فدييييته غاوي..

شهد:: لالا .. هاك بو الحمدانيه ... يخبل الصراحه ... ياااااااااي شوفي اونه متلوم

مريم:: يالله بنات ما ابا اتاخر عالبيت ..

العنود:: فديته حمودي ... والله غاوي .. ما توقعته جي

شهد:: الصراحه ما يي شي جدام هالغاوي ... منو ها؟؟ ليكون اخوه؟

العنود:: ما اعتقد .. اخوانه كلهم معرسين.. واحد من هالاثنين دارس برع.. يمكن هو ... صبري بتصل

اسأله..

وتتصل العنود بحمد:: الوه... الغالي شحالك؟

حمد:: ما شالله عليج .. ما توقعتج بها الغوا ..

العنود:: تسلم حبيبي .. عيونك الحلوه.. الا بسألك..

حمد:: آمري ..

العنود:: ها بو الحمدانيه منو؟؟

حمد:: ههههههههه.... شو تبينه؟؟

العنود:: شهوده بنت خالي عيبها قالت تبا تعرف منو ها؟؟

حمد:: ها ماله خص بها السوالف ... ها سالم الــ(......) اللي دارس في بريطانيا ..

العنود:: اهااا... انزين رمسه.. ترا شهوود بتموت فيه

حمد:: هههههههههههه... ما عليه ولو اني شاك انه بيوافق..

العنود:: يالله حبيبي .. ترانا بنروح ... مع السلامه

حمد:: مع السلامه.. اول ما تردين البيت اتصلي بي ..اوكي غناتي؟

العنود:: ان شالله

 

[ضوى العيون]

++..الجزء الخامس..++



شهد تمت تفكر بسالم... صدق حبته ... اول مره واحد يحرك مشاعرها جي.. طول الدرب كان تفكيرها فيه... شافته غير عن الشباب ..
متلوم ولا يطالع البنات .. عيونه جدام.. ولاحظت انه متضايق انه ربيعه مواعد وهو وياه...

العنود:: حووووووووه.. وينج؟؟ من متى ارمسج..

شهد:: الحب يالعنود.. الحب ..آآآآآآآآه

العنود::: بسم الله الرحمن.. شي فيج؟؟ مسخنه؟؟

شهد:: مافيني شي .. بس والله انه سلب تفكيري ..

العنود:: بس حمد يقول انه هب مال هالسوالف.. اعتقد انه يحب.. لانه ما رفع عينه ولا صدلنا .. مع انا كم مره خطفنا صوبهم..

شهد:: آآآخ بس لو اعرف رقمه..

العنود:: سهله بطلبه من حمد.. وهو ما بيرد لي طلب ..

شهد:: هي دخيلج.. والله خاطري اتعرف عليه.. سلب عقلي والله

اول ما ردت العنود البيت اتصلت بحمد وخبرته عن رمسه شهد..

حمد:: ههههههههه.... والله ضحكتيني .. حب من اول نظره عاد؟؟ وين نحن.. فمسلسل عربي؟؟ ههههههههههه

العنود:: والله عاد هالحب .. ما يعرف لا قريب ولا بعيد.. ولا يعرف المستحيل .. الحين انته بتعطينا رقمه؟؟..

حمد:: لا لا شو تخبلتي انتي؟؟ ... اول شي لازم اشاوره .. هو اللي يقرر ..بس صبري شوي وبتصل بج .. وبرمسه وبرد عليج الخبر

حمد يتصل بسالم:: السلام عليكم .. هلا والله بسالم

سالم:: وعليكم السلام والرحمه... بو شهاب؟؟ لا لا ما اصدق... من متى انته تتصل بي؟؟

حمد:: هههههه.... اونك تنكت ويا راسك؟؟... انزين عندي موضوع ابغي رايك فيه ..

سالم:: آمر الغالي

حمد ((ويخبر سالم باللي صار بينه وبين العنود))

سالم.. لالالالالالا ... خلني بعيد.. انا ملكت قلبي وحده ما ابدل مكانها الحور .. وانته تعرف ملجتي عقب يومين.. العب الحين .. لا لا انا ما
ارضى لها

حمد:: يا عيني عالحب .. انزين انته اسمع رمسه البنت وشوف هي شو تبا .. تراها حبتك يا اخوي ..

سالم:: وانا شو يخصني اذا البنت حبتني... لا يالغالي قولها الريال بيعرس واللي بياخذها هي الوحيده اللي من حقها تحبني.. وخلها

من رمسه اليهال وتهتم بعمرها أبرك لها..

حمد:: خيبه خيبه... بلاك عالبنت .. ما بغت منك شي يحليلها .. برايك.. طبعك واعرفه زين .. ماشي مثل عنادك..

سالم:: عادي ... عنادي نفعني...

حمد:: خلاص سالم واسمحلي الغالي جان غثيتك والا شي ..

سالم:: انته دومك مغثه .. مسموح امـرّه

حمد:: ويا هالراس .. غلطان يوم اني رمستك..

سالم :: هههههههههه... فديت راسي انا .. يالله انزين برايك انته ويا الحب مالك.. انا بسير اييب ثيابي..

حمد:: خلاص.. نشوفك بعدين مع السلامه

سالم:: في امان الرحمن ..

حمد خبر العنود باللي صار ويا سالم .. وهي بدورها خبرت ربيعتها شهد... انصدمت شهد.. اول مره تحب انسان جي.. من اول نظره

وهي حاسه بان هالشخص اللي يستاهل حبها وقلبها... مر هاليوم وشهد ما خوزت سالم عن بالها ... شكله اللي ما نسته... ما شالله

عليه غاوي.. عيونه الوساع الناعسه جذبتها ... وملامحه الرجوليه الجامده.. صارت خلاص متيمه فيه.. واليوم الثاني(( قبل ملجه سالم
وفاطمه بيوم)) ألحت شهد على العنود انها تييب لها رقم سالم باي طريقه.. والعنود خبرتها انه حمد مستحييييل يعطيها رقمه .. لان
سالم ما طاع اصلا يرمسها ..

فكرت شهد.. وقالت حق العنود انها تطلع ويا حمد وتاخذ الرقم من تيلفوونه...

ارفضت العنود هالفكره.. حمد شو بيقول عنها ..؟؟؟ بياخذ عنها فكره .. وهالشي ما تتمناه العنود لانها تحب حمد.. وتتمنى يكون من نصيبها وهالحركه بتخلي حمد يتخلى عنها ..

حاولت شهد وحاولت .. لين ما اقتنعت العنود.. وكلمت حمد وقالت له انها ودها تعطيه هديه .. تواعدوا فمكان .. والعنود خذت سيارتها
وكانت وياها شهد.. ووقفت في مكان قرب البحر وتريت حمد لين ما ايي.. شوي وحسوا بسياره تتقرب صووبهم .. كان حمد.. ويوم

وقفت السياره .. طلعت العننود من سيارتها وركبت عند حمد.. ما توقع حمد هالحركه منها .. لكنه استانس الصراحه.. اما العنود كانت
من الخاطر متلومه منه.. تحرك حمد بسيارته وقالها انهم بيتمشون وتمت شهد تترياهم... وصلوا المحطه ..

حمد:: الغاليه تبين شي ؟؟ من المحطه؟؟

العنود:: هيي .. ابغي ماي .. عطشااانه ..

حمد:: يالله ها كله من التوتر؟؟ فدييييييييت اللي يستحي انا ..

العنود تمت متلومه منه .. و اسكتت ..

حمد:: دقايق ما بتاخر حبيبتي..

نزل حمد من سيارته.. وانتهزت العنود الفرصه.. خذت موبايل حمد ويلست تدور رقم سالم..

لقت كذا رقم باسم سالم .. وصلت عند سالم الــ(...) وعرفت انه سالم المقصود .. خزنت رقمه عندها وردت كل شي مثل ما كان... وشوي

يرد لها حمد..

العنود:: حمد خلاص ردني عند شهد.. ما نبا نتحير عالبيت.. اخاف الوالده تقول شي ..

حمد:: افا حبيبي ما يلستي وياي وايد.. ما شبعت منج بعدني ..

العنود:: ما عليه.. بس الحين ما اروم اطول والله ..

حمد:: خلاص ما علينا كم عنود عدنا الا وحده؟؟

.. وردت العنود عند شهد وعطتها رقم سالم.. وشهد بتمووووووت من فرحتها ...

 

[ضوى العيون]

العنود:: الحين شو بتسوين؟

شهد:: باتصل به .. وباثبت له اني احبه.. انا ما ابغي منه شي .. غير وصاله..

العنود:: هب حلوه انج تعقين عمرج عالريال .. اسمعي نصيحتي ..

شهد:: خلاص القلب يباه الحين.. وما فيه مجال اني ارد قلبي عنه

العنود:: كيفج انتي ابخص بمصلحتج..

يلست شهد تفكر ... شو بتقووله؟ وكيف بتصارحه؟

في هالوقت .. فاطمه وسلمى يالسات يزهبن الفساتين .. ويخططن شو يسون باجر ؟؟

سلمى:: والله يا فطاامي اني فرحانه لج من الخاطر .. فديييتج.. غديتي عرووس..

فاطمه::آآآه ياسلامي .. لا تذكريني .. والله بموت ... ما اعرف كيف اتصرف.. باجر بشووفه .. وبكون مرته .. بنيلس برووحنا .. عادي
اصيييييح..

سلمى:: ههههههههه... قبل كنت شراتج.. والله غير .. بيلس وبيسولف .. والله بتحبينه وتتمني كل يوم تشووفينه .... (( واسرحت سلمى
تتذكر ملجتها ))

فاطمه:: انا وين وانتي وين؟؟ انا بموت من الخوف .. وانتي تتغزلين وتتحلمين .. سلموووه ارمس جد.. ما ابا ايلس وياه بروحنا.. يلسي

ويانا دخيييلج..

سلمى:: هييه عسب سالم يرفسني برع..لا لا .. خليني جييه مرتاحه.. وبعدين محمد بيشووفني باجر .. بتعدله فديته.. من متى لا شفته
ولا رمسته..

فاطمه:: يالله يالجذووب الاسبوع اللي طاف يا يتعشى عندنا ... نسيتي؟

سلمى:: بس ما يلسنا رواحنا .. تعرفين ابويه.. مشدد من هالناحيه..

فاطمه:: عيل كيف باجر بتشووفينه؟؟

سلمى:: العرب باجر مرتبشين بالمعاريس اليداد.. ولو محمد قال انه يبا يشوفني.. ابويه ما بيقول شي .. لانه هب فايج له..

فاطمه:: هههههههه.. ياللواته.... ليكون متفقين من زمان على هالشي انتوا الاثنين؟

سلمى:: مممممممم... بعض الشي ...

وشوي يرن موبايل سلمى ..وكانت شيخه المتصله..

شيخه:: الو .. السلام عليكم والرحمه ..

سلمى:: وعليكم السلام .. مرحبا الساع .. هلاوالله ببنت عمي ..

شيخه:: فديييت مرت اخوي انا .. وين مرت اخويه الثاني وحبيبه قلبي ..

سلمى:: يالدبه لازم هالاحراج.؟؟ صبري شوي .. بعطيج اياها

فاطمه:: هلا والله ببنت عمي ... شو قلتي حق سلامي .. ؟؟ احمرت المسكينه..

وتحصللها ضربه من اختها سلمى

شيخه:: هههههههههه.. كنت اتفدى مرت اخوي ... ها خبريني .. شو المعنويات حق باجر؟؟

فاطمه:: لا تذكريني .. متوتره وما اعتقد برقد اليوم..

شيخه:: اييه لا .. لازم ترقدين.. اخوي بيتروع منج يوم بيشووفج تعبانه .. لازم ترتاحين ..

فاطمه:: ويا راسج... انتي متى بتيينا؟

شيخه:: من الصبح مرّه عندج..

فاطمه:: يا حبج حق هالسوالف... ما عليه .. الحين بخليج اشووفج باجر ..

في غرفه سالم..


الساعه 12 فليل.. يرن تيلفون سالم.. وتروع المسكين .. لانه كان سرحاان بعيييييييد يفكر بحبيبته اللي بيلس وياها اخيرا وتكون حلاله..

سالم يشل تيلفونه ويرد.. كان الرقم غريب ما يعرفه:: الووه..

وتمو ساكتين ...

سالم:: الوووه؟؟؟؟؟؟

شهد:: السلام عليكم والرحمه..

سالم:: وعليكم السلام اختي.. من بغيتي؟

شهد:: سالم وياي؟؟

استغرب سالم .. منو هالبنت:: هييه نعم .. سالم وياج.. بس ما عرفت منو الاخت؟؟

شهد:: اكيد ما تعرفني ... انا شهد..

سالم:: شهد؟؟ منو شهد؟ وشو بغيتي اختي؟

شهد:: انا ربيعه العنود اللي تعرف ربيعك حمد...

سالم تم يفكر شوي .. وتذكر السالفه وعصب على ربيعه حمد..

سالم:: السموحه منج الشيخه .. بس اعتقد اني وضحت لحمد اني ما اباج تتصلي بي .. دواه باجر ..

شهد:: لا لا .. حمد ما عطاني رقمك.. انا اللي يبته.. لا تقووله .. ابا هالشي بيني وبينك..

سالم:: اختي ما بيني وبينج شي .. وانا ما بخبر حمد.. وما ابغي منج اتصال .. فلا تحرجيني ..

شهد:: سالم افهمني.. انا ما ابغي لك الا كل خير .. وانا ما ابا منك شي ... بس انا محتايه حد يوقف وياي واحس كانه اخوي .. انا يا
سالم وحيده... دخيلك لا تردني ..

سالم:: يوقف وياج؟؟ ليش خير اختي شو بلاج؟

شهد:::آآآآآه... يا سالم .. اللي فقلبي شي كبير .. بس منو يسمعني ؟؟ منو اللي بيساعدني؟

سالم: آمري واللي بقدر عليه بسويه ولا بقصر..

شهد:: مشكور من كل قلبي ... واتمنى انك ما تفهمني غلط...

سالم:: فهمج صحيح ان شالله .... بس الصراحه طريقتج هب حلوه .. والبنت الحشيم ما تسوي هالحركات..

شهد:: انا ما سويت هالشي الا وانا واثقه ومرتاحه منك..

سالم:: واتخيلي ظهرت شرات هالشباب اللي ما فيهم لا ذمه ولا حيا؟؟ ..

شهد:: ما اعتقد.. لو كنت شراتهم جان خذت رقمي من حمد.

سالم:: ممممممم... ما علينا .. خبريني .. من شو متضايقه؟

شهد:: بصراحه انا مالي بها الدنيا ... وما عندي حد اشكيله الظلم اللي بحياتي ....................

وتمت تسولف ويا سالم لين 2 ونص الفير ... وهو عباله انه هالبنت محتايه.. وكلمها لانه يحب يساعد.. وشهد كانت بالنسبه له مجرد اخت

لا اكثر ولا اقل .. بس شهد كان تفكيرها غييييييير..

سالم:: اختي السموحه منج الحين .. لازم ارتاح باجر اهم يوم فحياتي ...

شهد:: اسفه الغالي بس ما حسيت بالوقت ...

سالم :: ماعليه .. تصبحين على خير ..

شهد:: وانته من اهله .. احلام سعيده

سالم:: مع السلامه

شهد : في امان الله

 

[ضوى العيون]

الجزء السادس

الكل مرتبش فالبيت .. ام سيف مرتبشه فالمطبخ وهالتيلفون
اللي ما سكت من الصبح.. وبو سيف يتصل بالمعازيم و يتاكد

منهم .. اما البنات فربشتهن غييير .. كل وحده تعابل في
فستانها وتتريا دورها عند راعيه الصالون..

ها كله بصووب وغرفه فاطمه بصووب .. سلمى ما خلت اختها
دقيقه.. واللي ما ذاقت طعم النوم من امس.. عقب صلاه
الظهر ..

سلمى:: ها فاطمه شو نفسيتج الحين؟؟

فاطمه:: اسكتي دخيلج لا تذكريني .. احس اليوم يوم نهايتي..
بمووت سلامي بمووت..

سلمى:: يالله يالله .. هب لها الدرجه.. حرام عليج.. والله انا قبل
كنت شراتج زاايغه ومرتبكه.. بس يوم بتيلسون برووحكم غيييير ..

تقاطعها فاطمه:: ليكون بتخلونا رواحنا؟؟ لا لا .. ما ابا يلسي ويانا
والا خلي ابويه والا امايه ويانا.. ما اقدر اتم وياه..

سلمى:: بسم الله بلاج.. اولا ها ولد عمج هب غريب.. ثانيا
بيستوي ريلج يعني حلاله.. ومن حقه ييلس وياج برووحكم..

فاطمه:: اخاف .. والله اخاف .. واتلوم منه.. شو بيقول وشو برد عليه؟

سلمى:: هههههههههه.. والله عادي تراه .. يالله قومي ترا
الحين بتييج هاي اللي بتعدلج.. بسج دلع.. خلاص باقي كمن ساعه وبيوون

وعقب يتهم راعيه الصالون وعدلت البنات قبل عقب ياء وقت
تعدل العروس(فاطمه) عقب ساعات الكل زهب وخلاص املجوا
بفاطمه و سالم .. واستوت الساعه 9 ونص.. الناس تعشت
وجي ... ولازم يدخل سالم الصاله ويلس حذال مرته ويلبسها
الخاتم.... كان سالم مستااانس وبيطير من الفرحه اما فاطمه
كانت متلومه ومستحيه ..

فاطمه تهمس لاختها سلمى:: سلامي والله بصيح.. الحين
بيي؟؟

سلمى:: هههههههه... ويا راسج الحين بي ... يالله انا بقوم
البس عباتي عسب يدخلوونه...

و دخلوا سالم ... اول ما شاف بنت عمه المستحيه موخيه
براسها تفداها فخاطره .. ويوم يا صوبها حبها على راسها و وقف
حذالها.. وكالعاده صوروهم ولبسها الخاتم .. طول الوقت وهو
يحاول يرمسها ويهدي بالها لانه واضح عليها التوتر..

عقب ما خلصوا صوروهم وجي.. قالت ام سيف المعاريس
بيدخلونهم الغرفه ...

 

[ضوى العيون]

الجزء السابع ...

دخل سالم وفاطمه في غرفتها ... اول شي
دشت فاطمه و تمت واقفه تتريا سالم ييي حذالها عسب تيلس..
كان سالم يصك الباب وتم وااقف يشووف فاطمه.. كانت فاطمه
لابسه ثووب عنابي وكااااااان رووعه عليها وهي ما شالله عليها
بيضا وعيوونها واسعه.. وفيها برائه غير طبيعيه وخشمها كانه
سيف منسل... وشفايفها كانت ملياانه .. والمكياج محلنها اكثر
واكثر .. اما شعرها فالتنه وكان من طووله روووعه.. وقف
يتأملها لحظات وفخاطره يتفداها .. اما فاطمه كانت متلومه منه
وحست هاللحظات سنين ودهوور ... تقرب منها وحبها عراسها
مره ثانيه ...
وقال:: فدييتج يالغاليه .. واخيرا صرتي ملكي
وحلالي...

تمت فاطمه ساكته... حط ايده تحت ويها ورفع ويها عسب تحط
عينها في عينه... وفي هاللحظه تلاقت النظرات... سالم كان
غاوي .. عيوونه الواسعه الناعسه كانت تذوّوب الواحد ونظراته

كانت حنووونه كلها حب .. وخشمه الطويل كان حلوووو...
ملامحه اصلا حلوه ... سرحت فيه فاطمه ونست انها اصلا وياه..
راحت لمكان بعيد ما صدقت انها صارت مرت سالم الحين ...
وحلاله ...

وفجأه..... صوت مسج يطلعها من هالحلم اللي عاشته.. وانتبهت
انها بين ايد سالم وعينه في عينها .. تلومت منه واحمرت ونزلت
راسها ... ابتسم سالم وقال:: يا ربيه الواحد ما يتهنى بملاكه ؟؟

هنيي ضحكت فاطمه... وبدت السوالف ... ولاحظت انه سالم ما
تغير .. هونفسه ولد عمها اللي كان ما يرضى عليها يوم كانوا
صغار...

تذكر سالم المسج.. واستسمح من فاطمه عسب يفتحه
ويقراه .. اول ما قرا سالم المسج تغير شكله .. بس عقب
ابتسم كانه في شي ما يباها تعرفه.. عرفت فاطمه بغريزتها انه
سالم مخبي عنها شي ..وهي متاكده انه هالشي يضايقها..
بس حبت تخليه على هواه.. مرده بييه يوم وبيقول اللي
فخاطره.. تم ساكت كانه يفكر وعقب قال:: ها واحد من الربع
سخيييف ما يعرف اني ويا اغلى البشر في احلى ايام عمري...؟

فاطمه:: انزين انا ما سألتك منو اللي طرش المسج؟؟

تلوم سالم :: لا بس يا حياتي انتي الحين كل حياتي والمفروض
ما اخبي ولا تخبين علي اي صغيره او كبيره ...

وفي نفسه ((يا ربيه... الحمد لله انها ما شكت في المسج..
وهاي كيف تطرش هالمسج والحين؟ ما تعرف ان اليوم
ملجتي؟؟))

وشوي يرن تيلفوونه... تم سالم مرتبك ويشوف الشاشه..

فاطمه:: سالم ليش ما ترد؟؟

سالم متلعثم:: لا ها واحد سخييف ... ما ابا ارد.. بكلمه خلاف..

فاطمه:: كل ربعك سخيفين عندك؟؟ رد عليه يمكن ها يباك
ضروري والا ما بيتصل بك وهو يعرف ان اليوم ملجتك..

سالم تم يفكر كيف يتصرف...

بس سكت التيلفون .. حمد ربه سالم في خاطره...:: شفتي
حبيبتي لو كان يباني ضروري جان ما سكر بسرعه..

فاطمه:: يمكن ها واحد يبا يبارك لك..

وشوي يسمعون رنه المسج... هني فاطمه امتلكتها الغيره ::
سالم ممكن اقرا المسج قبلك؟؟

سالم حس انه توهق.. ما بيقدر يرفضلها هالطلب لانها بتشك وما
يقدر يعطيها لانها ممكن تكون شهد.. ما حس الا بفاطمه تاخذ
تيلفونه بكل هدووء وتفتح المسج...

اسكتت فاطمه وتيمدت في مكانها ... كانها شافت شي ما توقعته..

وسالم في خاطره زاغ .. قال هاي اكيييد شهد...يا ربيه اول يوم
ايلس فيه ويا حبيبتي يصير لي جييه؟؟ ما عليه يا حمد وين
بتسير عني ؟؟..

وجان تناظره فاطمه بنظره خلته يخاف من رد فعلها وهدووئها
الغريب ....

وعقت التيلفون على سالم...

 

[ضوى العيون]

الجزء الثامن::

((مبرووك عليك معرسنا ... انته معزووم باجر على حسابي في اي كوفي تباه ...يالله استانس ويا عروووسك والله يوفقك ان شالله .. بس اقوول لا تنسانا ))

هذا كان المسج.. من بوشهاب ...

ضحكت عليه فاطمه لانه كان زااايغ وشكله يهلك من الضحك...

اما سالم بغا يفر عليها المخده ... ماات من الرووع .. عباله شهد..

فاطمه:: هههههههههههه.... ياااااااي تحيد يوم كنت تزيغني في
العزبه.. اونه شي صرصووور عوووووود داخل الشيره اللي كنا
نلعب تحتها...ولو عطيتك الككاو مالي بيسير .. وانا عنياتي
اعطيك الككاو وتاكله عني هههههههه

سالم:: ما عليه يالدبه... حرام انا كنت اعطيج كل اللي عندي يوم تيلسين تصيحين عقب....

فاطمه:: بس تعال انته ليش كنت زااايغ هااا اعترف؟؟؟ ليكون
عبالك رئيس العصابه مطرش لك مسج فيه الخطه اليديده على
عمليه سطو سريه للغايه...ههههههه

سالم::ههههههههه لا وبنت عمي تعرف تنكت بعد...فدييييييت
هالضحكه.. عساني ما انحرم منها...

استحت فاطمه... وشوي وحطوا العشا .. ويلسوا فاطمه وسالم
يتعشوون .. ومر الوقت لي ما يت الساعه 12 ونص... ترخص
سالم من فاطمه.. وسلم على اهل البيت وروح بيتهم وهو
مستاااااااانس انه قضى احلى اوقااته مع اغلى ناسه...

اما فاطمه ... ما عرفت تنام الليل من اللي صار ... معقووله في
شي كبير في حياه سالم وانا ما اعرفه؟؟

سلمى:: فاطمه... فطوووم... فطااامي ...حوووووووه منو ارمس انا؟؟؟

فاطمه:: هاااااا... شو حووه بعد؟؟ يالسين في زريبه...

سلمى::انتي ما ادريبج في اي ارض.. حشا من متى ارمس
وانتي ولا هنيي حتى... معلووم.. من لقى احبابه نسى اهله
واصحاابه..

فاطمه:: جب يالسباله،، انا عمري ما انسااج يالغاليه..

وتمو يسولفون عن اللي صار طول اليوم.. سلمى كانت
مستااانسه لانها شافت محمد ... بس سلمى تعرف فاطمه..
وتعرف ان في شي مضايقنها ...

سلمى:: فطامي حبي بلاج؟؟ احس فيج شي...

فاطمه:: ما اعرف يا اختي.. احس بشي ثقيل عصدري.. وما
لقيت له تفسير ..

سلمى:: بسم الله عليج يالغاليه.. بلاج؟؟ ارمسي وخبريني
تراني اختج..

فاطمه:: اشك بسالم يا سلمى (( وتخبرها باللي صار بالضبط))

سلمى::ممممممممممم.. لا تستعيلين في الحكم... قبل
استعيلتي وطلع الريال يحبج ويباج.. والحين الله العالم.. بس
انتي تأكدي من اللي يصير بس لا تلمحين له بشكج.. لانه
بينجرح..وبتطلعين الغلطانه.. فلا تستعيلين..

فاطمه توطي راسها على ريل اختها..:: ما اعرف كيف اتصرف
وما اعرف شو اقوول ...

انتهى هاليوم والكل راح عسب يرقد...

اليوم الثاني ... عم الهدوووء في بيت بوسيف رغم الربشه
والحشره اللي صارت امس بسبب الملجه..

فتحت عينها على ضوء الشمس اللي غزا غرفتها... امسحت
عينها وصدت صوب الساعه ..كانت 11 ونص.. ((يالله هالكثر رقدت ؟؟؟))بدلت ثيابها ونزلت الصاله تشوف اهلها وتيلس ويا امها..

محد فالصاله غير سيف اللي يلعب بلي ستيشن..

فاطمه::السلام عليكم... سوّاف صباح الخير..

سيف:: وعليكم السلام.. هلا هلا ..

فاطمه:: شو هلا هلا بعد؟؟ وين امايه؟؟ وين اهل البيت .؟؟
البيت صخه .. مالهم حس الاهل...

سيف::اووهووو .. الواحد ما يرتاح يعني؟؟ ما اعرفهم وين...
شدراني انا ؟؟

فاطمه:: بسم الله كلتني برايك...عافانا الله

ام سيف:: اصبحنا واصبح الملك لله... بلاكم من صباح الله تتناجروون؟؟

وسارت فاطمه وتبوس امها عراسها وايدها.:: صباح الخير يالغاليه.. شحالج اليوم؟

ام سيف:: الحمد لله ... احيد العرووس تستحي اول ايامها.. انتي
عوذ بالله منج.. نجره وحشره من صباح الله خيير... بلاج؟؟

فاطمه:: حرام عليج امايه.. ها سيفووه.. اقووله وين اهل
البيت..؟؟ يهزبني ويعلي صووته علي.. ما جني اخته الكبيره...

ام سيف:: ما عليج منه... تريقتي؟؟؟

فاطمه:: يالله يا امييه من متى اتريق بدونج يالغاليه؟؟؟ الا اخبرج
سلمووه وينها؟؟؟

ام سيف:: سلمى راقده بعدها.. تراكن اليوم بتسيرن الصالون
انتي واختج...

فاطمه:: ان شالله امايه.. بس خلّ العرووس تنش قبل..

ام سيف:: عساج يا بنتي تغدين عرووس شرات اختج وافرح بج..
صح ذكرتيني .. ام سالم مطرشتلج هديه.. تقول انها من سالم...

استحت فاطمه :: من سالم؟؟؟ شو هيي؟؟؟

ام سيف:: شدراني ؟؟؟ افتحيها وشوفي شو فيها.؟؟ سيري
غرفتي بتشوفينها على التواليت...

فاطمه:: خلاص ما عليه.. بس بسير اوعي سلامي واتريق وياها
عقب بشووف الهديه..

طبعا انتو تعرفون فضوول البنات.. سارت فاطمه غرفه امها قبل
عسب تشوف سالم شو يايبلها..؟؟؟

شافت علبه صغيره بس حلو شكلها وحركه تغليفها حلوه..
فتحت الهديه ولقت بطاقه ... وتحت البطاقه لقت موبايل ...
استانست.. افتحت الموبايل .. ويلست تقرا البطاقه ...

(( عرفتك قبل ما اتعرف عليك .. ورسمتك في خيالي حلم غالي.... احبج مووووت يا اغلا فاطمه بالوجوود.... ريلج سالم))

استحت فاطمه من هالكلام .. وشوي يوصلها المسج..(( فدييت
اللي تقرا حرووفي.. غناتي ها موبايلج من اليوم .. حبيت اكون اول من يطرش لج شي عليه..))

فاطمه تفدت سالم في خاطرها واستااااااااااانست منه وااايد..
وربعت عند اختها سلمى توعيها..

وهي سايره عندها شافت اختها ميره فصاله البنات:: انتي شو
تسوين هنيي؟؟؟

ميره:: ارقص.... شو اسوي بعد محتاره في الاكسسوارات ..
شو البس حق عرس سلامي؟؟

فاطمه:: البسي اللي يليق بفستانج..

ميره:: الثلاثه يليقن... تعالي شوفيهن

فاطمه:: لا لا .. خذي هاك .. الافتح.. احلى واحد..

ميره:: فدييت اختي انا .. تعالي كل يوم...

العصر راحن البنات الصالون عسب تتعدل سلمى تعرفون ما
شي باقي على عرسها غير 6 ايام...

اما شهد... بدت تتعلق اكثر واكثر بسالم..وصارت تقريبا كل يوم
ترمسه وتطرش له مسجات... اما سالم...من ربشته وحبه
لفاطمه.. نسى غضبه على شهد وعلى المسج اللي طرشته..
اصلا هو نسى يخبرها انه ملج... لان شهد بالنسبه له كاخت تبا
تفضفض.. يعني اغلب رمستهم عنها هي.. اما سالم ماكان

يرمس عن نفسه ابدا...

 

[ضوى العيون]

الجزء التاسع

مرت الايام واستوى يوم عرس سلمى.. الكل مرتبش ..
اما البنات فراحن الصالون (( سلمى وفاطمه وميره وشيخه ومريم )) اما شذى وبنتها راحن صالون ثاني ...

استوت الساعه 8 فليل... و وصلن البنات من الصالون.. لبسوا
العروس فستانها و كل وحده البست فستانها .. طبعا مريم ميره
وشيخه راحن الصاله.. اما فاطمه فتمت ويا اختها تساندها.. لان
سلمى كانت زااايغه ... ومتوتره ... فجأه حست بالخوف..

سلمى وصوتها مخنوووق:: فطاامي والله العظييم زااايغه..
بصيييح

فاطمه:: لا لا .. ايييه يالدبه بتخربين مكياجج.. الحين باقي ساعه
الساعه 9 بندخلج الصاله.. وعقبها بدقايق بيي المعرس..

بتيلسون شوي عسب الصور.. عقب بتروحوون الفندق..

سلمى:: اخر نقطه تراها اللي تزيغني... خااايف يا فاطمه..
اخاف اتم وياه بروووحي...

فاطمه:: يوم الاربعا اللي طاف احيده كان يوم ملجتي .. اذكر
في وحده غبيه قالت لي يوم قلتلها تيلس وياي وسالم(( ترا ريلج كيف تخافين من اليلسه وياه؟؟؟)) تذكرينها؟؟

سلمى:: ههههههههههه.. يالدبه.. الملجه غييير.. لحظات ويروح
عنج.. لكن العرس بيتم وياي طووول العمر... اخاف ما اكون قد
المسؤوليه...

فاطمه:: افا يا سلمى.. المفروض انج تستانسين انج بتكونين ويا
محمد طول العمر.. صح انه سخيف .. الله يعينج عليه الصراحه.. بس هو بالنسبه لج شي ثاني تتمنينه..

سلمى تضرب فاطمه على ايدها:: جب يالدبه.. هاك سالم
السخيف هب حمودي .. فديييته والله..

فاطمه:: احم احم... بدينا نغار... ليكون بتنسيني يوم بتعيشين وياه؟؟؟

سلمى تحضن اختها .. رفيقه دربها واغلى البشر :: فديييتج
فطامي .. اصلا انتي بالذات اللي بتوله عليج.. والله انج غاليه ولا احب فرقاج...


فاطمه استغبنت:: فدييتج يالغاليه... يالله عاد جلبتيها فلم
هندي.. بس خلاص الحين بيدخلوونج القاعه... كوني عاديه..

شوي وتييهم ميره:: سلامي حبيبتي.. الحين امايه تقول بيشغلون الموسيقى وبيدخلونج...

دقايق و زفوا سلمى.. الكل انبهر منها.. كانت حلوه ومكياجها
وااايد حلو ما شالله عليها.... صح هي كانت متوتره.. بس مشيتها
موزونه ...

وعقب 10 دقايق.. دخل المعرس وهو فرحااااااان وياه بوسيف وسيف ..

في هالوقت بالذات اتصل سالم بفاطمه ... طبعا من الربشه
واصوات الموسيقى العاليه ما اسمعت التيلفون لكن عقب ما
ظهر سيف وابووها اتصلت به...

فاطمه:: الو...

سالم:: فديت هالحس وراعيه... وينج حبيبتي من متى اتصل
بج؟؟

فاطمه متلومه:: اليوم عرس اختي كيف ما تباني اكون
مرتبشه؟؟؟

سالم:: متى بيي يومنا؟؟؟ والله اباج قربي اليوم قبل باجر ..

استحت فاطمه وتمت ساكته...وصدت صوب اختها اللي تم
محمد ميوّد بايدها ولا براضي يخوزها عنها.. وهي متلوومه
منه... شكلها حلووووووو

سالم:: فطامي حبيبي.. ابغي اشووفج..

فاطمه:: هاااااا.... كيف؟؟؟ لا لا ما اقدر .. امايه بتنازعني

سالم:: وليش تنازعج.. ؟؟؟ انا ريلج وانتي حلالي.. يالله الحين بسكر بتصل بعمتي واستاذن منها..

وفعلا اتصل بام سيف.. وهي ما رفضت بالعكس قالت حق
فاطمه تلبس عباتها وترووح حق سالم اللي يترياها برع القاعه..

ظهرت فاطمه وركبت سياره سالم..

سالم:: فدييييييييييييييييتج انا وفديييت هالريحه...

استحت فاطمه.. كانت السياره مظرووبه مخفي بس فاطمه
تمت متغشيه..

سالم حرك السياره وبركن مكان بعيد عن باركنات القاعه.. مكان

هادي .. وصد صوب فاطمه وحط ايده على غشايتها ورفعها...

سالم:: فديييييييت هالعيوون .. وفدييت هالويه.. والله احبج يا
اغلى البشر ...

وباس فاطمه على يبهتها.. طبعا فاطمه ماتت من المستحى ...
يوّد ايدها وتم يتطالعها كانه يشوفها لاول مره..

فاطمه:: اول مره تشووفني؟؟ بلاك جي تناظرني؟؟؟

سالم:: اول مره اشووفج بالازرق.. تعرفين اني احب الازرق؟؟؟

فاطمه:: من عيووني كل مره بلبس لك ازرق ..

سالم كان سرحان فيها..(( فديتج يا فاطمه لو تعرفين بس شكثر
احبج.. والله انج اغلى من روحي ... ليتني اسعدج بكل شي.. لو
قدرت المستحيل بسويه عشانج))

فاطمه لاحظت انه سرحان شافت دبه ماي حطت شويه ماي
في ايدها وهو هب حاس فيها.. ورشت الماي في ويه سالم،،

سالم::آآآآآآه... روعتيني عبالي شي طاح علينا....
وقام يمسح ويهه..

فاطمه:: ههههههههههههه ..عسب غير مره ما تسرح وانا ارمسك ..

سالم:: انا ما سرحت الا فيج.. يا اغلى البشر ...

فاطمه:: لا والله .................(سكتت لانه تيلفون سالم رنّ)

سالم شل تيلفونه ... و اول ما شاف الرقم.. تدوده.. وتوتر ما
عرف شو يسوي..

فاطمه:: ليش ما ترد؟؟؟

(( وهي حاسه انه سالم هب في طبيعته))

سالم:: برايه لاه انا ويّا غلاي وارمس حد؟؟؟

فاطمه:: يمكن يباك ضروري...

سالم:: لا لا .. يبون يباركون اعرفهم..

سكت التيلفون لكن دقايق ويوصله مسج..بس ما فتحه سالم..
ودقايق يرن تيلفونه ونفس الشي ما رد عليهم.. وصله مسج...
عقب مسج ثاني ... هالمره فاطمه ما رامت تيوّد عمرها ..

فاطمه:: سالم ممكن اشوف تيلفوونك؟؟؟
سالم ما عرف شو يسوي وكيف يتصرف.... هو ما يباها تشك ..
المره اللي طافت نجا اما هالمره.. يمكن تخيب..

عطاها التيلفون وهو متردد..

فاطمه فتحت التيلفون وشافت انه المتصل (عمر) اما اللي

فاجأها...


شي ثاني.. غير هالاسم...

 

[ضوى العيون]

الجزء التاسع

مرت الايام واستوى يوم عرس سلمى.. الكل مرتبش ..
اما البنات فراحن الصالون (( سلمى وفاطمه وميره وشيخه ومريم )) اما شذى وبنتها راحن صالون ثاني ...

استوت الساعه 8 فليل... و وصلن البنات من الصالون.. لبسوا
العروس فستانها و كل وحده البست فستانها .. طبعا مريم ميره
وشيخه راحن الصاله.. اما فاطمه فتمت ويا اختها تساندها.. لان
سلمى كانت زااايغه ... ومتوتره ... فجأه حست بالخوف..

سلمى وصوتها مخنوووق:: فطاامي والله العظييم زااايغه..
بصيييح

فاطمه:: لا لا .. ايييه يالدبه بتخربين مكياجج.. الحين باقي ساعه
الساعه 9 بندخلج الصاله.. وعقبها بدقايق بيي المعرس..

بتيلسون شوي عسب الصور.. عقب بتروحوون الفندق..

سلمى:: اخر نقطه تراها اللي تزيغني... خااايف يا فاطمه..
اخاف اتم وياه بروووحي...

فاطمه:: يوم الاربعا اللي طاف احيده كان يوم ملجتي .. اذكر
في وحده غبيه قالت لي يوم قلتلها تيلس وياي وسالم(( ترا ريلج كيف تخافين من اليلسه وياه؟؟؟)) تذكرينها؟؟

سلمى:: ههههههههههه.. يالدبه.. الملجه غييير.. لحظات ويروح
عنج.. لكن العرس بيتم وياي طووول العمر... اخاف ما اكون قد
المسؤوليه...

فاطمه:: افا يا سلمى.. المفروض انج تستانسين انج بتكونين ويا
محمد طول العمر.. صح انه سخيف .. الله يعينج عليه الصراحه.. بس هو بالنسبه لج شي ثاني تتمنينه..

سلمى تضرب فاطمه على ايدها:: جب يالدبه.. هاك سالم
السخيف هب حمودي .. فديييته والله..

فاطمه:: احم احم... بدينا نغار... ليكون بتنسيني يوم بتعيشين وياه؟؟؟

سلمى تحضن اختها .. رفيقه دربها واغلى البشر :: فديييتج
فطامي .. اصلا انتي بالذات اللي بتوله عليج.. والله انج غاليه ولا احب فرقاج...


فاطمه استغبنت:: فدييتج يالغاليه... يالله عاد جلبتيها فلم
هندي.. بس خلاص الحين بيدخلوونج القاعه... كوني عاديه..

شوي وتييهم ميره:: سلامي حبيبتي.. الحين امايه تقول بيشغلون الموسيقى وبيدخلونج...

دقايق و زفوا سلمى.. الكل انبهر منها.. كانت حلوه ومكياجها
وااايد حلو ما شالله عليها.... صح هي كانت متوتره.. بس مشيتها
موزونه ...

وعقب 10 دقايق.. دخل المعرس وهو فرحااااااان وياه بوسيف وسيف ..

في هالوقت بالذات اتصل سالم بفاطمه ... طبعا من الربشه
واصوات الموسيقى العاليه ما اسمعت التيلفون لكن عقب ما
ظهر سيف وابووها اتصلت به...

فاطمه:: الو...

سالم:: فديت هالحس وراعيه... وينج حبيبتي من متى اتصل
بج؟؟

فاطمه متلومه:: اليوم عرس اختي كيف ما تباني اكون
مرتبشه؟؟؟

سالم:: متى بيي يومنا؟؟؟ والله اباج قربي اليوم قبل باجر ..

استحت فاطمه وتمت ساكته...وصدت صوب اختها اللي تم
محمد ميوّد بايدها ولا براضي يخوزها عنها.. وهي متلوومه
منه... شكلها حلووووووو

سالم:: فطامي حبيبي.. ابغي اشووفج..

فاطمه:: هاااااا.... كيف؟؟؟ لا لا ما اقدر .. امايه بتنازعني

سالم:: وليش تنازعج.. ؟؟؟ انا ريلج وانتي حلالي.. يالله الحين بسكر بتصل بعمتي واستاذن منها..

وفعلا اتصل بام سيف.. وهي ما رفضت بالعكس قالت حق
فاطمه تلبس عباتها وترووح حق سالم اللي يترياها برع القاعه..

ظهرت فاطمه وركبت سياره سالم..

سالم:: فدييييييييييييييييتج انا وفديييت هالريحه...

استحت فاطمه.. كانت السياره مظرووبه مخفي بس فاطمه
تمت متغشيه..

سالم حرك السياره وبركن مكان بعيد عن باركنات القاعه.. مكان

هادي .. وصد صوب فاطمه وحط ايده على غشايتها ورفعها...

سالم:: فديييييييت هالعيوون .. وفدييت هالويه.. والله احبج يا
اغلى البشر ...

وباس فاطمه على يبهتها.. طبعا فاطمه ماتت من المستحى ...
يوّد ايدها وتم يتطالعها كانه يشوفها لاول مره..

فاطمه:: اول مره تشووفني؟؟ بلاك جي تناظرني؟؟؟

سالم:: اول مره اشووفج بالازرق.. تعرفين اني احب الازرق؟؟؟

فاطمه:: من عيووني كل مره بلبس لك ازرق ..

سالم كان سرحان فيها..(( فديتج يا فاطمه لو تعرفين بس شكثر
احبج.. والله انج اغلى من روحي ... ليتني اسعدج بكل شي.. لو
قدرت المستحيل بسويه عشانج))

فاطمه لاحظت انه سرحان شافت دبه ماي حطت شويه ماي
في ايدها وهو هب حاس فيها.. ورشت الماي في ويه سالم،،

سالم::آآآآآآه... روعتيني عبالي شي طاح علينا....
وقام يمسح ويهه..

فاطمه:: ههههههههههههه ..عسب غير مره ما تسرح وانا ارمسك ..

سالم:: انا ما سرحت الا فيج.. يا اغلى البشر ...

فاطمه:: لا والله .................(سكتت لانه تيلفون سالم رنّ)

سالم شل تيلفونه ... و اول ما شاف الرقم.. تدوده.. وتوتر ما
عرف شو يسوي..

فاطمه:: ليش ما ترد؟؟؟

(( وهي حاسه انه سالم هب في طبيعته))

سالم:: برايه لاه انا ويّا غلاي وارمس حد؟؟؟

فاطمه:: يمكن يباك ضروري...

سالم:: لا لا .. يبون يباركون اعرفهم..

سكت التيلفون لكن دقايق ويوصله مسج..بس ما فتحه سالم..
ودقايق يرن تيلفونه ونفس الشي ما رد عليهم.. وصله مسج...
عقب مسج ثاني ... هالمره فاطمه ما رامت تيوّد عمرها ..

فاطمه:: سالم ممكن اشوف تيلفوونك؟؟؟
سالم ما عرف شو يسوي وكيف يتصرف.... هو ما يباها تشك ..
المره اللي طافت نجا اما هالمره.. يمكن تخيب..

عطاها التيلفون وهو متردد..

فاطمه فتحت التيلفون وشافت انه المتصل (عمر) اما اللي

فاجأها...


شي ثاني.. غير هالاسم...
شو هالشي؟؟؟؟

 

[ضوى العيون]

الجزء العاشر:

((الغالي سالم انا مسافره باجر .. بسير البحرين بتم اسبوع وما بتاخر))

(( ليش ما ترد عليه؟؟ حرام خوفت قلبي عليك))

(( مشتاقه لك وقلبي ما يعرف لوعه الاشتياق.. دخيلك يا غناه القلب ترد عليه))

وكان المرسل هو نفسه (عمر).............................

كانت صدمه قويه لفاطمه... معقووله سالم
اللي يقول انه بيموت في حبها .. يخونها؟؟؟

انا شو سويت وبشو قصرت؟؟ شو هالذنب اللي سويته يعاقبني
عليه بكل هالقسوه؟؟؟..

اما سالم ما عرف شو يقول حاول يتكلم لكن فاطمه ارفعت ايدها
بحركه تقصد فيها ان يسكت.. ما ودها تنجرح اكثر .. وما شي اي
مبرر لها الحركه.. الخيانه مالها اي تفسير ..

سالم:: دخيلج فطامي لا تفهميني غلط.. والله انها ما تعنيلي
شي...

فاطمه::بس سالم بسك جذب.. اسبوع والله يعلم من متى
تعرفها وشو بينكم؟؟ انا ما ابا خلاص.. عفت جذبك
وخداعك...ردني القاعه الحين وما ابغي منك ولا كلمه ..

سالم لاحظ انه ماشي فايده لو رمس الحين.. بيخليها لين ما
يهدى بالها وبيرمسها خلاف..

وصلها القاعه وقبل لا تنزل فاطمه .. عقت موبايلها على سالم.::
ما ابا اي شي منك... ونزلت من السياره ..

وقلبها رمااد .. احترق من غيرتها... شوي وقالوا بيظّهرون
المعاريس عسب يسيرون الفندق يرتاحون ... يوم يت فاطمه
تسلم على اختها..

سلمى::فطامي ليش زعلانه حبيبتي؟؟؟ما ظهرتي ويا
سالم؟؟؟امايه قالت لي انج ظهرتي ...

فاطمه::لا زعلانه ولا شي.. وسالم شفته تراني وظهرت وياه..
بس تعرفين تعبانه من امس ما رقدت...

سلمى:: عيل انا شو اقووول.... يالله حبيبتي تصبحين على الف
خير .. ولا تخليني اتصلي بي واطمني علي...

فاطمه:: خيبه خيبه.. ابويه ها ريلج هب واحد مختطفنج... بلاج
متروعه.. وبعدين انا استحي اتصل شو بيقول عني ريلج؟؟؟
انتي من تفضين اتصلي بي.. ولو اني اشك انج بتفضين لي من
اليوم وساير..

سلمى تحضن اختها:: والله يا فاطمه اني احبج مووت... يا اختي الغاليه.. كيف بنش باجر ولا القاج عفراشي تناقزين؟؟؟

فاطمه تبتسم لاختها:: فدييتج يالغاليه .. يالله اكوه ترا ريلج بيي
الحين.. حطي بالج عليه.. ولا تخلينه يشوف غيرج.. ترا الرياييل
مالهم امان..

سلمى نغزها قلبها وتاكدت انه شي صار بينها وبين سالم.. بس
ما عرفت شو هالشي.. ولا بغت تسالها عنه..

وساروا ( سلمى ومحمد) الفندق وانتهى يوم عايله بوسيف
بانتهاء العرس.. الكل رد البيت ورقد... الا فاطمه.. سهرت الليل
تتذكر اللي صار.. وهي لي الحين هب مصدقه.. يمكن حلم ..
بس تاكدت انه واقع يوم ما لقت موبايلها..آآآآآآآآآه يا سلمى ليتج
وياي جان شكيت لج وقلت اللي حرق يوفي.. يالله تتوفقين
ويحفظ لج محمد ولا يخونج وتعيشين متهنيه وياه...
ليش يا سالم ؟؟؟ شو سويت بك عسب تجرحني بها القوه..
وتذكرت يوم الملجه.. معقووله كان يقص عليه؟؟ اكيد هي اللي
اتصلت به وارتبك... بس آآآخ ليتني عرفت قبل.. شو اسوي
الحين وكيف اتصرف؟؟؟


اما سالم.. اول ما نزل فاطمه القاعه اتصل وهو معصب بشهد::انتي ما تستحين؟؟؟

شهد مستغربه وخايفه بنفس الوقت:: ها سلام يديد والا شووو؟؟؟

سالم:: لا تستهبلين.. اتعرفين شو سويتي اليوم؟؟ خربتي حياتي... خليتيني صغير وخاين جدام اغلى انسانه فقلبي...

شهد صدمتها صارت اكبر.. سالم يحب غيري :: منو هاي؟؟؟

سالم:: مرتي يا استاذه شهد...

شهد طاحت دمعتها من الصدمه اللي ما توقعتها:: انته معرس يا
سالم؟؟؟

سالم:: هييه مالج ببنت عمي وعرسنا عقب كمن شهر.. بس
ليش جي تسوين؟؟؟ شو اقولها وكيف اتصرف ؟؟؟

شهد من حبها لسالم خافت عليه.. صح هي تحبه وتغار عليه.. بس ما تبا تخرب حياته :: انا بكلمها..

سكت سالم مع انه كان معصب:: تكلمينها؟؟؟ تزيدين الطين بلّه... انتي ما تستحين ما تخافين ربج؟؟؟

كلام سالم كان اخس من السهووم الجارحه لقلبها فقالت وهي
مستغبنه:: سالم انا ما قصدت شي.. وبعدين انته ما قلتلي انك مرتبط في بنت عمك!!!

سالم تم يفكر ..هيه صدق انا ماقلتلها. لانها ما همتني وهاي حياتي الخاصه

سالم:: لا حول ولا قوه الا بالله... صح كلامج.. بس ما اعرف .. ما اعرف كيف اتصرف...

شهد:: تراني اقولك خلني انا ارمسها...

سالم:: لا .. هب حلوه انا ريلها وملزوم اني اراضيها.. وانتي خلج
بعيد.. ودخيلج ما ابا رقمج عتيلفوني ... والسموحه منج
عالقصوور

شهد:: سالم بس انا....

قاطعها:: الباب اللي يي منه الريح .. سده واستريح... وانا ما ابا
شي يعكر صفو حياتي وحبيبتي...

شهد من صدمتها ذرفت دموع حاره من القهر والغيره...

شهد:: خلاص يا سالم .. الله يهنيك والسموحه منك على كل ما
بدر مني ..

سالم:: حافظنج ربي الرحمن.. ونصيحه مني .. خلج بعيد عن هالدروب يا بنت الناس ..

شهد:: ان شالله.. ومع السلامه..


0
0
0
يوم الخلايق ذهل ارقود .. ساهر ونومي لي حراما

كل السبب بو خصر مجلود .. يلي حكمني بالعداما

زين الوصايف لين العود .. سوى بقلبي كم وياما

لجله انا عديت لـــــنشود .. وأيير ونات عداما

دايم غلاه ايزيد بالزود .. يذبحنيه زود الغراما

اشتاق له لو يكثر اصدود .. واحب صوته والكلاما

واحب شخصه لو يبا اعهود .. واحلف وابصم بالبهاما

يوم الخلايق ذهل ارقود .. ساهر ونومي لي حراما

كل السبب بو خصر .. مجلود يلي حكمني بالعداما0
0
0
ما رقد سالم طووووول الليل .. يتريا الصبح عسب يسير صوب بيت بوسيف... ويعتذر حق اغلى ناسه

 

[ضوى العيون]

الجزء الحادي عشر

في اليوم الثاني ... سار سالم بيت قوم فاطمه... وطبعا الصبح
جي جريب الضحى محد واعي غير ام سيف...

سالم:: عموه شحالج؟؟ (( ويحبها عراسها))

ام سيف:: بخير ونعمه يسرك الحال... شحالك انته وشحال
عربك؟؟؟

سالم:: الحمد لله كلهم بخير ويبلغونج السلام... عاد يالغاليه انا ما بتحير عندكم.. عندي شغله هني . وييت عسب ارد لكم تيلفون
فاطمه... لانها نسته امس عندي فالسياره... هي واعيه؟؟؟

ام سيف:: لا يالغالي.. هي اصلا توها الساعه 8 ارقدت.. تعرف
من التعب وها اول يوم تفارق اختها فيه..

(( فديتها اكيد كانت معصبه مني ومتضايقه.. انا اللي يبت لها الهم والسهر.. كله مني))

سالم:: ما عليه .. هذا تيلفونها عطيها اياه اول ما تنش... الا
عمي وينه؟؟؟

ام سيف:: عمك سار العزبه.. تعرفه ما ييوز عنها...

سالم:: يحليله عمي... سلمي عليه..... عيل اترخص
عنج..تامريني بشي؟؟؟

ام سيف:: وين ناهي.. لا والله الا تتريق عندنا اليوم...

سالم:: دامج حلفتي شو نسوي .. لا حول ولا قوه .. نتريق.. بس لا تحيريني..

ام سيف:: خلاص ايلس دقايق وتلقى الريوق زاهب...

وسارت ام سيف المطبخ .. اما سالم يلس بالصاله... شوي
ويسمع حد نازل من الدري.. خاف تكون ميره وهي هب منتبهه
له... فعطاها الظهر .... لكنه سمع صوت فاطمه(( ميري .. ميري....))

تنومس سالم من الخاطر ..... وتم يتطالع صوب الدري يتريا
ملاكه...

كانت فاطمه لابسه بجامه زرقا حرير .. وشعرها كالعاده
فالتنه.وكانت حافيه..... وكان شكلها ياااااااااااهل وبريئه....

نزلت بسرعه ... ولا صدت للي فالصاله... اما سالم اول مره
يشوفها بها المنظر .. قبل كانت فالظلام.. ما شافها زين.. بس
الحين واااااضحه.. كانت جدامه مثل الملاك... غاويه .. وحلوه
بعفويتها .. وحركاتها الطفوليه المرحه... شوي ويتوقف هالخيال..
صدت فاطمه وشافته.. انصدمت .... وبدون ما تحس سالت دموعها .. واربعت مره ثانيه فوق...

حس سالم بغصه.. وقلبه عوره.. دارت به الدنيا وحس بجسمه حاااااااااااار .. ما يقدر يتنصخ..آآآآآه...... صرخ بها.. وصدت فاطمه
وشافت سالم تغير شكله واستوى تعباااان... اربعت له ... يلسته
مره ثانيه وحاولت تبطل الفصم لانه مبين عليه ما يرووم يتنصخ...
ومسحت عراسه وهي تهوّن عليه.... وكان كوب ماي عالطاوله
يابته وشربته ماي وسمّت بالرحمن عليه.. لين ما هدى .. وبدت
حالته ترد مثل ما كانت...غمض عينه... وهو يذكر اسم الله
فخاطره.. وفتح عينه شاف فاطمه بتموت من الخوف عليه..
ودموعها كانت حاره على خدها.. مسح دموعها

وقال:: خفتي علي؟؟؟

تمت تتطالعه(( احبك انته ما تفهم بموت لو صابك شي... والله
انك حمار)) طبعا فاطمه ما رامت تقول هالرمسه... وما وعت انها
ضامه سالم لصدرها وهو ميودنها من ذراعها وعينه عليها...

بس يوم اسمعت صوت امها تزاقر على ميري حست انها في
وضع غلط .. استحت من سالم ودزته .. واربعت متلومه
لغرفتها...

ضحك سالم فخاطره وتفداها .. وعرف انه فاطمه تحبه وتخاف
عليه....(( بس شو اللي ياني؟؟؟ ليش تعبت جي؟؟؟))

المهم يت ام سيف وتريق سالم وروح وهو متنووووومس ومتوتر
في نفس الوقت.... بس وناسته بحبيبه قلبه نسته الخوف اللي
عاشه من هالتعب اللي ياه...


اما فاطمه.. كانت متلوومه.. هاي ثاني مره تكون بين ايده ...
والله ما كانت تقصد.. عن يفهمها غلط.... بس سالم شو ياه؟؟؟
كان ويهه مزرق وما رام يتنصخ.. خافت عليه للموت.. ما عرفت
شو تسوي غير انها تحضنه وتخفف عنه اللي يصير له... آآآآآآه يا
سالم عقدّ اللي تسوي بي .. بس بعدني احبك واموووت فيك...
بس منو هالانسانه اللي بغت تسلبه مني؟؟؟ وليش هو يسوي
بي اللي سواه... والله اني حبيته وصنته.... ليتج قربي يا
سلمى... والله مالي في هالدنيا غيرج يالغاليه....

شوي وتسمع حد يدق عليها الباب.. مسحت دموعها وشافت
عمرها في المنظره وحاولت تكون عاديه وكووول عقولتهم..

كانت امها عند الباب:: فطامي .. بعدج واعيه؟؟

فاطمه وهي تهد لامها الباب:: هييه امايه انا واعيه.. ما ياني
رقاد..

وتلوي على امها بدلع وتحبها عراسها

ام سيف:: فديييييييت بنتي .. لاخلاني الرب منج.. يودي ها
موبايلج نسيتيه في سياره سالم امس...

عصبت فاطمه:: هيييه موبايلي تعرفين من ربشه العرس
نسيته..ههههه

ومناك هي ودها تزغد سالم بيدها ...

ام سيف:: يا امييه غير مره لا تنسينه بقعه... خلي بالج على
اغراضج...

فاطمه:: ان شالله .. من عيوني يا اغلى البشر..

وروحت امها... فاطمه شافت تيلفونها مغلق فافتحته...

شوي ويوصلها مسج((نعم ادري انا الغلطان.. معاك الحق لو
تزعل..ولكني ومهما يصير حبيبك والعذر واضح...تمر ظروف والله
لو تدري بها تخجل.. ألم كلّي على بعضي وأنا ماقدر لو تسامح))

ههههههههههه.. يا سلام وشو هالظروف اللي تخليك تخوني؟؟؟


وشوي يوصلها مسج ثاني (( غيابك قبل ما تغيب مأثر فيني
فاضحني...فكيف اليوم وانا اشوفك تلملم باقي أيامك..؟؟ أمانه لا رحلت ارحل بحب وقلب رابحني... أنا شوقي من عيونك واعانق فيها احلامك.. احس بغصه تذبحني .. دخيلك لو
تسامحني... على احساسي اللي بعثرته جمع خيل(ن) يبي لجامك))

تتوقعون فاطمه بتسامح سالم؟؟؟ او على الاقل بتسمع

مبرراته؟؟؟ كل ها بتعرفونه في الجزء الياي ...

 

[ضوى العيون]

الجزء الثاني عشر

تبسمت فاطمه.. من مسجات سالم.. وما عرفت كيف تتصرف.. قامت وبدلت ثيابها ونزلت تحت... يلست ويا امها تتريق.. شوي ويرن

تيلفون فاطمه... كان المتصل(غلاي) :: الوو.. صباح الخير

فاطمه:: صباح النور.. غربالله عدووج.. وين ريلج؟؟؟

سلمى:: ريلي ..بعده راقد..خخخخخخخخ.. قلت اتصل واتخبرج عن علومج؟؟؟

فاطمه:: والله علومي طيبه.. وما تنقصنا غير شوفتج يالغاليه..

سلمى::آآه يا فطامي.. والله اني متولهه عليج موووت.. ما عرفت ارقد.. احس المكان متغير.. ومحمد وياي.. والله متلومه منه لي الحين..

فاطمه::هههههههههههههههه.. متلومه منه اونه..ههههههه يالدبه ها ريلج ههههههههه خس الله عدووج جانج الا يبستيني من الضحك..

سلمى:: ما عليه دبووه.. اختج تتشكى لج وانتي تتطنزين...

فاطمه:: خلاص خلاص.. لا صدق كيف كانت ليلتكم(ترمس بخبث)

سلمى:: عيب بعدج ياهل ( وهي متلومه)

فاطمه:: ههههههههههه.. تراني بلحقج.. خبريني ...هههههه

سلمى:: اوهوو .. انتي ما تنعطين ويه.. وين امايه؟؟؟ عطيني اياها اخير عنج..

فاطمه:: اونها العرووس استحت.. صبري بعطيج اياها..

وترمس سلمى امها .. وفاطمه سارت غرفه ميره اختها..

فاطمه:: ميره ..ميروووه.. قومي..

ميره وصوتها تعبان:هااااا... شو تبين؟؟؟ حرام عليج فيني رقاد...

فاطمه:: قومي .. اختج ملانه.. تعالي بنقول حق امايه نسير المول ...

ميره:: خيبه .. مولات هالوقت؟؟؟ امايه ما بتطيع..

فاطمه:: انا قلت الحين؟؟ قلت بعدين بس انتي قومي الحين... ترا سلامي اتصلت

ميره:: يحليلها.. شقايل اتصلت وهي ويا ريلها؟؟؟

فاطمه:: لا ريلها كان راقد...

ميره وتقوم عن فراشها بكسل وتتمغط...

فاطمه:: خيبه .. هب بنت .. سوبر مان..

ميره:: ههههههههه.. لزووم النشاط... بلاج انتي؟؟

فاطمه:: يالله انزين ...

مر الوقت على سالم وهو بعده في بوظبي .. خلص اشغاله ... واستوى عليه المغرب..

اتصل به حمد وهو فالسياره

حمد:: بوغنيييم.. سلام عليك.

سالم:: وعليكم السلام... ها بوشهاب عندك بلوى يديده تحطها عراسي؟؟؟

حمد مستغرب:: بلوه؟؟؟ يا اخوي عن شو ترمس؟؟؟

سالم تذكر انه شهد ما تبا حمد يعرف:: ما شي ماشي.. الا اقول وين انته؟

حمد:: انا فدار الظبي .... وانته وين؟

سالم:: انا جداكم ... تعال والله ابغي ايلس ويا حد.. تعبان يا خوي..

حمد:: يالله سر صوب الكاسر .. وبييك هناك...

سالم:: غايته..

ويسير سالم صوب الكاسر ويتريا حمد... تاخر عليه حمد.. وتم سالم سرحان في البحر
..

الجو كان رووووووووعه .. والبحر هادي يخلي الواحد يعشقه.. ونسماااته ترد الروح

شوي ويي بو شهاب..

.0حمد:: ها بوغنيم اشوفك سرحان..

سالم رد عليه بشله ::


هب شرتا الكوس ذناني .. ومال قلبي بالهوى ميله

من جدا ناسي وعرباني ..يا تني النسمات هليله

خزني بالعين وارماني .. ويا حمد ما بهم حيله

لي نظرته طحت غشياني.. وزاد دمع العين هميله

والشعر ضافي على الامتاني .. ونور خده يقبع الشيله

في الهوى دارس وفناني .. وان حكى رماس نصغيله

لي يدوف الهيل في افناني .. كم لي بالناس تعنيله

له تصلي الانس والجاني ..والعرب يا ناس تدعي له

يوم شل بهدب الاعياني .. طاح فارس من على خيله

بو عويد وخصر روياني .. ذاب قلبي من عنا ويله

وفي الهوى والحب خلاني .. خاضع لامره وتمثيله

لي شرات الحر شقراني .. يا بخت من يسعد بنيله

يعلي تسقي داره امزاني .. وتنعش الوديان من سيله

هب شرتا الكوس ذناني .. ومال قلبي في الهوى ميله

من جدا ناسي وعرباني .. يا تني النسمات هليله


حمد:: الله الله.... الريال ذايب خلاص...

سالم:: هي يا خوي.. الحب .. الحب ذبحني وخلاني في بحوره غرقاني..

حمد:: الله يعينك.. زين اني ما طحت طيحتك..

سالم::ههههههههه... وليش عنودك وينها عنك؟؟؟

حمد::خلها لاه... والله يا ريال ابغي اودرها..

سالم:: ليش؟؟؟ شفت منها قصوور؟؟؟...

حمد:: تصدق .. ما شفت منها الا كل خير ... تحاتيني وتحبني وتخاف عليه.. يعني مووووول ما علي قصور من صوبها..

سالم:: عيل؟؟؟ ليش تبا تودرها؟؟؟

حمد::ممممممم... قول مليت منها...

سالم:: يا ريال هب زين عليك.. ها بدال ما تتقدم لها وتاخذها على سنه الله ورسووله؟

حمد:: فال الله ولا فالك... قلن البنات عسب آخذ هاااي؟؟؟ ما شي مونه آخذها..

سالم:: ليش يا حمد؟؟؟ دامها البنت حبتك وصانتك ... خذها على سنه الله ورسوووله...

حمد:: لا لا .. ويني انا ووين العرس وصدعه الراس.. وبعدين انا لو خذت لي وحده بتكون على ذوق الوالده.. هب بنت شرات العنود...
دامها رمستني اكيد رمست غيري.. انا ليش احط نفسي بها الشك؟؟؟ خلني جي مرتاح...

سالم:: هب انته تقول انها تحبك وتودك.. واللي تباه تلبيلك اياه.. ها بدال ما تجازيها بالخير .. تقوم تجرحها وتودرها؟؟؟

يا اخوي دامها سوت هالشي لرضاك ليش ما ترتبط فيها.. استر عليها الله يستر عليك

حمد:: خيبه خيبه.. فضحتها انا شووو؟؟؟

سالم:: انا ما قلت شي.. بس انته تقول انك تعرفها من زمان ... يعني لو كانت عقولتك تعرف غيرك جان مودرتنك من زمان.. وتغيرت
عليك.. قبل لا تفكر تودرها..حمد يا خوي لاتضيع حب هو بين ايدك..

حمد تم ساكت يفكر بكلام سالم.. كلامه منطقي .. وانا ما عليه قصوور .. الحمد لله الخير موجود ولو ابا اخطب ما عليه الا اني ارمس
الوالد.. والعنود صح رمستني .. لكنها بنت حشيم.. ما تظهر ولا شي الا للضروره.. وكم مره شفتها في المول وهي ما تعرف .. الصراحه
تمشي ولا كأنه حد موجود.. يعني في حالها.. وهب مقصره في حقي.. دايما تداريني وما ترقد لين ما تتاكد اني فالبيت وبرقد.. صح..
ليش ما اخذها؟؟؟....

في هالتفكير حس حمد انه صدق حب العنود... لانه رسمها وياه في بيت واحد..

سالم:: حووووووه.... وين سرت؟؟؟

حمد:لا ما سرت مكان.. وشو حووه بعد وين يالسين احنا؟؟؟

سالم::هههههههههههههه.. خلاص خلاص... بس بشو كنت تفكر؟

حمد:: كنت افكر بالعنود.. صدقت يا ريال.. مالي غير هالانسانه.. تعرف من رمستها ودرت كل البنات وتميت وياها.. بس والله ما حسيت
بحبي لها.. الا الحين... فدييييييت خشمك انا.. صدق انك فيلسوف فالحب ..

سالم:: بس عاد... يالله قوم بنسير نتعشى.. ترا وراي درب لين العين ما اروم اتاخر ..