عرس حماي لو كنتي مكاني تروحي ولا تزعلي؟؟

[صعب اكتم احساسي]

خطيبي (زوجي) يصير اخو زوجه خالي المهم حماي خاطب وزواجه بالعيد انا ماكنت ادري بنص رمضان تقريبا خالي جا البيت وقال لامي زواج حماي بالعيد وانا ماعندي خبر قلت لزوجي متى زوج حماي وليش ماقلتلي قال مايدري اي يوم بالضبط زواجه جا يوم ثاني وقالي زواجه بالعيد وطلعت معاه وشريت فستان بس ظنيت قبل العرس احد بيدق علي بيكلمني بيقولي على العرس بس محد دق ولا احد كلمني واليوم خطيبي وهو جاي جاب معاه بطاقه دعوه للعرس وعطاني وياها انا انصدمت لو كان عرس اختي ولا اخوي كنت انا بنفسي رحت لعمتي (ام زوجي) وحمواتي وعزمتهم بنفسي اقلها اتصال عزيمه انا ماقول يتعنوا ويجوا لي البيت مكالمه وانتهى الموضوع
وخطيبي مايحب اروح لاهله ويقول بيتهم كله شباب وماحب تكوني قاعده وهو صحيح عنده ماشالله سته اخوان لما اروح لهم واحد داخل وواحد طالع واحنا بالصاله
طبعا انا ماعتب على عمتي (ام زوجي) لانها انسانه جدا طيبه وعلى نياتها والحياه ورتها الويل وتاخذ حبوب نفسيه
بس عتبي على حماتي اللي خطبتني لاخوها وينها وزوجه حماي وينها

انا مكبره الموضوع ولا لو كنتوا مكاني بتتضايقوا من الحركه؟؟؟؟؟

 

[خالف تعرف]

لو نازل موضوعج قبل العيد كان فدناج

 

[ليلو جبريت]

عاد انا وحده زعووله فعادي ازعل وما اروح
لان شخصيتي جي
عشان جي ما اقدر افيدج لان هالطبع كلش مو حلووو

 

[STILL G L A M ~]

كشخي وروحي وكسسري عيونهم ..

 

[jooosy]

اهي صج حركه اتحررر
بس عالاقل اذكروج ويابولج بطاقه
روحي عشان زووجج

 

[PuPa^^SWeeT]

,ليش ماتروحين


اهيا على اساس انه خالج قالج و دزولج بطاقة

واتلاقينهم بلوية و ماعندهم احد الا اخت وحدة الظاهر اتسوي ويا امها كل شي فا لوية عليهم




لاتكبرينها وصدقيني رووحي وكشخي و استانسي

الحين ريلج شاريلج الفستان و انتي بتزعلين

لااا حبيبتي روحي

وحتى لو مو شاريلج اسمه راح وياج


لاتكسرين بريلج و كسبيه خليه يعرف انج مو زعووولة

 

[مارشميلو..]

عادي هذا هم جابوا لك بطاقه يعني حاسبينك من المعازيم
وماتفرق جابها زوجك ولا هم
مو معقول بيدورون على كل البيوت يوزعون بطاقات يرسلونها وخلاص
لاتكبرين الموضوع وتزعلين وتسوين سالفه ماتسوى ياخذون منك موقف وانتي توك مادخلتي بينهم
لاتفسرين الامور غلط حبيبتي وعيشي حياتك وروحي العرس ووجبيهم
والله يوفقك يارب

 

[Om_Ksha]

ماحب سوالف قبل العرس اللي تطلع اتقول ماقالتلي و مادري شنو و تعصب و ليش اهي متأخر درت وو زعللللل و مادري شنو !!

يمكن لاهيين ولا شي و انتى قلتيها ماتروحيلهم لان وايد صبيان عندهم ..

و دزولج بطاقه بعد !!

لازم توجبينهم تباركيلهم و تروحيين فشله

 

[Mrs Al-Nasser]

عآدي حبي كلش مافيهآ شي
اكيد اهما بلويه وتعرفين لوية العرس شلون صآيرـآ
ودزولج البطاقه
روحي وكششخيي ولآ جنه
​

 

[!الجادل الصعب!]

يعني تبين يستاذنون منج قبل يحددون ..!
البطآقه تغني عن الاتصآل وكل شي .. لو مآ يبونج مآ تذكروج
في بطآقه الدعوه ..!

 

[ليلو جبريت]

انا مره ثانية لما اطنقر على هالسوالف بافتح هالموضوع وباقراء ردودكم عشان هالمخ التنك يشتغل شوي

 

[خجل~]

لو انا مكااانج ؟؟


اكشششخ اقوووا كشخه
وارز عمري واروووح


يكفي زوجي جايب لي البطاقة ؟؟؟



والله عادي روحي

 

[خجل~]

لو انا مكااانج ؟؟


اكشششخ اقوووا كشخه
وارز عمري واروووح


يكفي زوجي جايب لي البطاقة ؟؟؟



والله عادي روحي

 

[مطنـوخهـ]

اب اب

 

[مودي كويتي]

عادي كاهم ذكروك وعطوك بطاقه مو لازم تلفون البطاقه تكفي وعيدكم مبارك

 

[زوجة عزيز]

سووها فيني من قبل ومارحت

 

[sarah11]

up up
لعيونج

 

[queenbeeuty]

up up up

 

[FeShinGoOo]

والله حرام النفنوف يطيح بجبدج

اذا انتي متواصله معاهم وتكلمينهم بالتلفون ولج علاقه فيهم وماقالولج اهني اتوقع بيكون موقفج حساس ويسمحلج تزعلين
بس اذا انتي مو متواصله معاهم ومابينكم تلفونات (( انتي وحمولتج )) فماله داعي تتشرهين يابولج بطاقه وذكروج ماكشتو فيج


انا نصيحتي لج لاتبلشين حياتج بهالسوالف ماعبروني وماقالولي وماسولي وماحطولي حبيبتي الناس ظروف وانتي ماتدرين شنو ظروفهم بالبيت .. والناس وجبوج ويابولج بطاقه ماكشتو فيج ..

لاتكبرين المواضيع وروحي فرضي نفسج بينهم وعززي علاقتج خلي لج مكانه انتي ليلحينج بعيده عنهم وماتعلقو فيج :)

 

[Tom ♥ Jerry]

.


yamkin kano busy
la t38deen el ms2laa entay :~
5laaa9 79aal 5aiiir
rou7y w chna ma 9aar shay
mo 7lwa ma trou7een ra7 yshrhon 3leech