عرس حماي لو كنتي مكاني تروحي ولا تزعلي؟؟

[طيبة83]

ويه

توج مخطوبة وتشرهين عليهم

رووحي ووجبيهم

 

[kuwaitya_zoGaa]

والله الشرهه على زوجج الحين اخوه خاطب وبيتزوج ومايتكلم الا لما خالج قالكم ؟؟؟
شرهتي على حمولتج وماشرهتي على زوجج ؟؟
حبيبتى تبين الصج الظاهر انه اهل زوجج كانو معتمدين على ولدهم يقول لج
وكشخي ولا تكبرين الموضوع توج على البر ومافيها شي اعتبريهم غرب وعزموج

 

[دآنة آلرشآيده]

لو آنآ مكآنج بتضآيق
بس آكشخ وآروح دآم دزو لي بطآقهـ ​

 

[صعب اكتم احساسي]

ثانكس عالنصايح يمكن اكون غلطانه بس في اشياء تقهر يعني انا اعرفهم قبل مايخطبوني وحده من حمواتي تصير مرة خالي انا ماقلت يجوا للبيت انا قلت مكالمه دقيقتين وخلاص وهذي مو اول مره دايم تصير عندهم عزايم وطلعات محد يقولي طلعي معانا صارلي 4 شهور ونص مخطوبه وانا رحت لهم مرتين مره اول مانخطبت والثانيه بالقرقيعان وانا اللي ابادر اروح ولا عليهم محد يقول تعالي انا قصدي ابي العلاقه تكون وسط لا قويه ولا مقطوعه اوجبهم بالمناسبات اروح لهم بين فتره والثانيه بس مادري كيف اخلي علاقتي معاهم

 

[صعب أسامح]

حبيبتي صج البطاقه كافيه ولوية العرس مو هينه روحي وكشخي وخلي زوجج يستانس والله يوفقج

 

[روحي تحبه غصب]

عادي ياقلبي روحي ولاتكبرين السالفه
ناس لاهيه صيام وعيد وتجهيز عرس وشقة معاريس
الله يعينهم على هالدوخه
لج حق تزعلين اذا انتي معاهم في نفس البيت وماقالولج عن تحديد العرس
بس انتي توج مادخلتي عليهم ولاعاشرتيهم

الله يسعدج ويوفقج في حياتج

 

[&هند&]

حبيبتي لا تكبرين الموضوع يمكن حماتج انشغلت وانتي بفسج قلتي خالتج طيبه الا روحي واستانسي والخل الكل يشوف مرت ولدهم والله الحشيمه لخالتج ورجلج ،،،،

 

[الدلوعة أمون]

وولية مكبرة السالفــــــة !عااادي
رووحي واكشخي هذاك عرفتي وجاتك الدعوووة
والناس عذرها معها رمضان وحووسة وزوااج وش يذكرون وش يخلوون

 

[|{ خـيـألْ }|]

حبووبة ترى ماافيها شي ابدا لانهم عطوج بطاقه لج يعني عازمينج والبطاقه هي الدعوة الرسمية عادي لا تتضايقيين او تتحسسين من هالموضوع لان ماكوو شي يستاهل انج تتضايقين عشانه
وبعدين ماله داعي تروحين تحرينهم او تسوين نفسج معصبه عليهم انتي مو داخله حرب و حبيبتي هالموضوع عادي هم عطوج البطاقه واعزموج

والله يوفقج ويهنيج يارب *

 

[*ريما*]

انا لو مكانك اروح
الهم جابة بطاقة
وتوك على التشرهة

 

[حطمۈكہ يآقلبي]

ااااااب​

 

[أحلى البشر]

غلطانه حبيبتي من البدايه تتزعلين ياشين الزعل والتزعل حلاته الوحده تخش زعلها للاشياء اللي تسوى عشان ساعتها تلقين اللي يراضيج
ويكفي دزولج بطاقه وتلقينهم لاهين بالعرس وحماتج اللي تتشرهين عليها تلقينها اكثر وحده تراكض حق عرس اخوها ولوية العرس مو شويه مو معقوله حماتج بتتصل على 300 مدعوه او اكثر عشان ولا وحده تزعل خوش عيل ليش سوو بطايق

 

[PuPa^^SWeeT]

ثانكس عالنصايح يمكن اكون غلطانه


السالفة مو غلطانة ولا مو غلطانة


بس في اشياء تقهر يعني انا اعرفهم قبل مايخطبوني وحده من حمواتي تصير مرة خالي

خالج علمج فاهيا اعتمدت عليه انه يوصلج يمكن ولا فيه اكثر من شغلة لوية العرس مو هينة



انا ماقلت يجوا للبيت انا قلت مكالمه دقيقتين وخلاص



يمكن كانو معتمدين على خطيبج يوصلج مافكروو لأنهم بلوية مثل ماقلت




وهذي مو اول مره دايم تصير عندهم عزايم وطلعات محد يقولي طلعي معانا صارلي 4 شهور ونص مخطوبه



مخطوبة ولا ملجة ؟؟؟؟؟




وانا رحت لهم مرتين مره اول مانخطبت والثانيه بالقرقيعان وانا اللي ابادر اروح ولا عليهم محد يقول تعالي


يمكن مايبون يضغطون عليج ولا اهم ينطرون لين اتيين ولا تملجين




انا قصدي ابي العلاقه تكون وسط لا قويه ولا مقطوعه

حبيبتي بتكون العلاقة حلوة حييل اذا انتي وحتى اهم ماوقفتو اتفكرون قالتلي ماقالتلي


لأنه التوافه اتهدم كل انواع العلاقات

اوجبهم بالمناسبات اروح لهم بين فتره والثانيه بس مادري كيف اخلي علاقتي معاهم


انتي توج مخطووووبة يبيلج اتروحين عندهم وتسكنين بعدين تكسبينهم
h

لاتقعدين من الحين اتقولين قالولي ماقالولي يمكن لهم ظروفهم


يمكن حتى مرت خالج لاهية ولا ماتدري ولا توها تدري ولا ولا ولا ولا


التمس لاخيك سبعين عذرا


باجر انتي لو انحطيتي بموقف بتقولين لحمولتج التمس لاخيك سبعين عذرا

انتي الحين لاتكلميننهم ولا تشرهين عليهم


الظاهر اعتمدو على ريلج و ريلج مو نقال حجي ولا مواضيع ولا ينسى


ونصيحة مع الحمولة التعامل بحساسية من البداية والتزعل ماينفع حبيبتي


لأنه كثر ماتزعلين منهم كثر مايصير فيهم مناعة بعدين لووول


خليج قوية و راعية قعدة حلوة ( لا قيل ولا قال ) وخليج مقدرة لهم ولظروفهم


فيه حمولة تبي الجنة عندهم مثل بنتهم


وفيه حمولة ثانية لا تبي الخصوصية


انتي من البداية عرفي شنو نوع حمولتج علشان اتعرفين اتعاملين وياهم من غير لاتدوسين على نفسج ولا تشيلين نفسج مرة وحدة منهم

 

[عبير-الشرق]

انا مع البنات اهما مااحقروج دزولج بطاقه وانتي ماتحتاجين عزيمه لانج خطيبه ولدهم موحلوه ماتروحين

 

[بسبوسة بالعسل]

انه لومكانج أكشخ واروح

 

[سكوتي بذوقي]

لو مايبونك تحضرين

مارسلو لك بطاقه

لاتشرهين عليهم ترى عندهم حوسه

تعرفين ترتيبات الزواج وغيره تفر المخ

غير التعب روحي اختي

باركي لهم وانبسطي معاهم

 

[ابلة لولوة]

يابنات الحلال

اخذووو حسن النيه بالناس

يمكن نسوا او انشغلو

وتقولين امه مريضه وكلهم صبيان ماشالله يعني محد قعد ويه اختهم الوحيده ونبهها منو عزمت ومنو ماعزمت

انتي ريلج ياب لج بطاقه وشرالج بدله واهو ولدهم وعزمج

والا تبين العايله كلها تدق عليج وتعزمج ؟ شسالفه !

ترا الوحده فينا يابنات اذا دققت على كل شي عند الحموله ترا ماراح تكمل معاهم وبتكثر المشاكل

انا مره حماتي اخت زوجي عزمتني على فطوور برمضان في بيتها وقالت لي تعالي بدون يهال عشان فيه حريم زايرينها

لما رحت لقيت مرت حماي يايه ويايبه اعيالها

لما رجعت سألني زوجي منو ياي العزومه قلت له مرت اخووك يت ومعاها اعيالها

ساعتها زوجي زعل قال ليش العزوومه ناس وناس

يقولولج لاتييبين اعيالي وعادي يستقبلوون اعيال اخووي ؟

والله العظيم انه حز بخاطره موقف اخته

انتو لو مكاني شنو ردت فعلكم ؟؟؟

ساعتها قعدت مع زوجي وقلت له المفرووض ناخذ حسن النيه مع اختك لانها مومعقووله بتحب اعيال اخوك اكثر من اعيالك

يمكن صار سوء فهم من مرت اخووك ويابت اعيالها معاها

اما اختك احسن النيه معاها .

عشان الله يبارك لنا بحياتنا مانعطي نفسنا فرصه انه نشيل بقلوبنا على احد .​

 

[وردة-الكويت]

انا اشوفها عادي بلعكس اروح واستانس مانقص من قدري شي ولو اني ماحب العروس

 

[pinkoosha]

اذا بتحاسبين اهل زوجج على كل غلطه يسوونها, مراح تخلصين,,, كشخي وروحي.. خل يعرفون انج اصيله وتقومين بالواجب.. لو انا بدالج جان دقيت على ام ريلي اسولف معاها شوي عن موضوع العرس وقول لها اني بروح وبكشخ ونضحك واتفق اذا اروح لهم او يمروني او نتلاقا,, دايمن انتي الي بادري ...ورضاء الناس غايه لا تدرك يعني, سوي خير وقومي بالواجب وقطي بحر

 

[ترف بابا]

لاتروحين تحرقين كرتج - خلي امج واهلج يروحون وبس