عرس امج وابوج كلنا خنشارك ونفرفش

[فلنتينو]

ووووووووووووووووووويه قدييييم العرس

 

[باربي برونزيه]

آآآآآآآآآآآآب

 

[عمرها السعودية]

يؤ بنات شوقتوني اقوم اطالع الصور مرة ثانية واضحك

امي يوم تزوجت كانت ام 13 وابوي اكبر منها بست سنوات ياحليهم

قبل عادي عنهم كانت لابسة فستان ابيض مطرز ولة اكمام اللي تجيك

نفس الموديل الفرنسي ضيقة ومن تحت منفوش وزي الشريطة مسويين فيهم

والطرحة زي قبعة امريكان قبل الكبيرة اللي مدري كيف تعرفونها هي قبعة وطرحة

مع بعض مدري كيف وشعرها مفتول طويل وقذلة والكحل فرعوني نموت ضحك لا شفناها

مع انها صايرة تهبل والروج احممممر والخدود متروسة بلاشر الله يهدي مرت ولد عمتها لعبت فيها

لعب والذهب اللي لابستة امي لركبها والله كبير تقول هذيلا من ضمن جهازها كرسي جابر

ونقلس ومهترشة قبل الذهب رخيص مو الحين :eh_s(16): الشكوى لله

طبعا جدتي استولت على اثنين وواحد لامي << مدري لية امهات قبل كذا

وابوي ياااحليلة بالبشت البني بكل الصور ماسك ايد امي وامي عيونها بالارض مو حولة وابوي

عيونة يمين يسار مدري من يطالع .. وعرسهم كان بحوش ومسويين الكوشة ستارة حمراء معلقة

كبيرة وكرسين لامي ولا بوي لو هي كوشتنا الحين كان بكينا

واحلى مافي الصور بنات خال امي وخالاتها وخالاتي يومهم صغار بكل الصور مترززين وبكشتهم

بعد ههههههههه ونااااسة لو يدرون الباقي عنها الحين وش بيسوون خخخخخخ


الله يخليهم ويطول باعمارهم .. ويخلي لكم اميماتكم وابهاتكم ويطول باعمارهم :eh_s(8):

 

[مساء الرياض]

رد: رد : عرس امج وابوج كلنا خنشارك ونفرفش

عرس امي وابوي ب 1984

القاعدة كانت كالتالي : الرجال في حوش جيرانهم

والحريم في سطح البيت

تجهيزات العرس زوالي حمر مفروشه بالحوش وبالسطح

عقوود لمبات صفرا معلقه بالحوش والسطح << يقالهم حاطين اضاءات سنعه

امي دخلتها جدتي في غرفة النوم على طول لان مافي زفة ولاهم يحزنون

فستان امي وردي كم طويل فيه تطريز

للعلم المعازيم كانو يجيبون عيالهم الصغار ويحطونهم بغرفة نوم امي ويقولون لها انتبهي لهم

ويطلعون السطح عشان يرقصون ويستانسون

امي تقول كل ماصاح بزر رحت اشيله وادور فيه عشان يسكت وينام <<<< تاخذ كورسات في التربية من ليلة الدخله هههههههه


للعلم امي كان لها فستان ابيض وقالت لها جدتي تبين تلبسين فستانك ؟؟؟؟ امي من الحيا قالت لا هههههههه

مت ضحك ياعمري عمر امك اجل عفسه مع هالبزران:d

 

[عاشقه رويشد]

انا امي وابوي عرسهم كان ابيت خالتي واكثر اللي موجودين يهااااااااااااااااااااال ولووويه وكان شكلها ناعم واينن ونفنوها بسسييييط وبس حاطه حمره حمره علي قولتها تسريحتها بعشره دنانيرر ونفنوفها العرس 50 بس صج ذرررب وخالتي اللي طابخه العيش ولا اغاني ولا شي وحتي مهرها كان اقل من الف ومشاء الله عاشوو مو احنا خمسه ونقول شويه ههههههههه الله يطول بعمرهم يارب

 

[عميمة]

انا امي متزوجه بالستينات الله يطول لي بعمرها
ما شفت صور حق العرس

بس من زود السنع الي انا ما اخدت منه قطره بيوم العرس تقول اهيا الي مسويه الغدا

وتقول عقبه راحت الصالون وابوي رجعها من الصالون اهيا ولفافاتها وقطها بيت يدي < منو يسوي جذي الحين لول

 

[رووح ابووها]

اي وتقول كشخه جهازها كان فيه صابون لوكس لووووووووووووول

:krkrkr::krkrkr:
الله يخليهم لج ويطول بعمرهم

 

[رووح ابووها]

امي وابوي كان عرسهم بأخر الستينات او سبعين ماادري بالضبط :eh_s(22):
الله يخليهم لي ويطولي بعمرهم:yaaaaaarb:

كان العرس ببيت ابوي العود \ ابو ابوي
وكانت امي لابسه بدله قصيره لونها اصفر تقول جدتها ام امها هاوشت امها تقولها انتي ماتخافين ربج :eh_s(1): شاريه لبنتج بدله متر الخامه 10 دنانير

وشاريتلها مكياج بخمسه دنانير ماتخافين الله يخسف علينا :eh_s(12):
عاد كان مكياجها بجنطه فيها كحل وحمره

:krkrkr::krkrkr::krkrkr:
مسكينه ماشافت زمننا

لي باك بشوف شنو شرت بتجهيزهاا