عرسي قرب ... ووزنــي!!!!!!

[مذهــلــه]

يزاكم الله كل الخير حبيباتي

ايه والله اكل لي السحوور

الله المستعان

لا ان شاء الله من باجر بقطع النشويات والحلويات والعصاير

وبس سلطات و الياف وسوائل من ضمنها عصاير طازجه مع مشي

ويارب اضعف وهالكرش

اريشه العين لا مساج انسي مااتحمل احد يفقص بطني )



*

 

[روح حمودي 22]

في شاي الضيافه 3 مرات باليوم وقبل النوم
بس ماادري عندكم بالكوييت ولا لا

استمري عليه وامشي نص ساعه وتخفيف الاكل وبتنزليين بااذن الله

 

[رواني 2012]

وااااااااااي حيااااتي :***
ان شاء الله بتضعفين بس لاتفكرين يمكن الي قاعد يخليج تمتنين اهو التوتر والخوف
عااددي حياااتي :**
و لا تحاتين كثري مشي و شرببي جاي اخضر مفييييييد ولا نسكفيه قبل الاكل يسد النفسية عن الاكل بس اكلي اشياء خفيفة ومفيدة مثل سلطات و فواكة وعصاااير كثري عصير ليمون ونعناع يهدي النفسية :**
موفقققة حبيبتي ان شاء الله تصيرين احلى عروس وجسمج يعجبجج يااارب وبدلاتج ماتضيج عليج :*

 

[ضحاوي الديره]

شوفي بقولج شغله حلوووووه وسريعه تنزلين بسررررررعه وقولي ضحاوي ماقالت
انا جسمي حلووووو بس مرات لي لبست الجينز وحسيت روحي متضايقه شوي اشتغل ع هالنظام وتقريبا اسبوعين 10 ايااام الا انا لابسه بنطلوني ومرتاحه فيه لأن انا مخليته مقياس حقي

الريوووق : بيضه مفيوحه مع جبن سلوفايد وتوست اسمررر او مرتديلا مع جبن سلايس وتوست او كورن فليكس نستله الالياف + وحليب خالي الدسم مع زنجبيل+ وتفاحه خضرا او كيويه.... الزنجبيل يحرررررق الشحوووم
وبعد الريوق بساعه قلاس شكبررره نسكافيه لييييش!! يسد الشهيه

الغدا : ماعوووون شكبره سلطه فلفل اخضر وخس وبقدونس وطماط وجرجير وجبنه خالية الدسم مع زيت زيتون وخل وشووووية ملح + سيخ كباب شوي مو قلي او صدر دجاجه شوي او بيضه مفيوحه او حبتين همبرغر شوي + روب خالي الدسم+ وعصير اناناس وكيوي فررش

ورا الغدا بنص ساعه اعشاب (زنجبيل ونعناع وكمون وشاي اخضررر)

العشااا : ماعون سلطه نفس اللي فوق.. وروب خالي الدسم ..وعصير اناناس وكيوي فررررش

بعد العشا بنص ساعه اعشاب نفس اللي فوق

نظامي هذا كلششششش مايتعب ولا شي ومرات استمر عليه شهر شهرين ثلاثه ولاااا ازهق لأنه مايحرمج من شي
بس اهم شي قبل الغدا و العشا شربي3 قلاسات ماي وانطري 10 دقايق بعدين بلشي اكل

 

[مطنـوخهـ]

قطيهم علي محتاجتهم

 

[Canon~]

ريجيم دشتي

 

[دآنة آلرشآيده]

حبيبتي امشي ولا تاكلين الا سلطات
وكثري مآآآآي وان شاء الله تضعفين
والف مبروك مقدمآ ​

 

[حبيبه جاسم]

اله المشي ماافي غيرها هلكي نفسج عليها ويستحسن لو تسووينها ساعتين
بس بلحظات متقطعه وشدي بطننج حياتي
وكلي سلطه وكثرري منهاا حييل
وان شااء الله تنزلين

والف مبرروك ياقلبي

 

[Queen Sweetness]

حبيبتي خوذي نصيحه مني يا قلبي انا نقصت 10 كيلو

اما عن ريجيم الكورن فليكس الي مكتوب عليه fitness مو ضار ليش تقولون جذي !!! هو اصلا مفيييييد جدا جدا لانه مأخوذ من
"الحبوب الكامله" الي تساعد الجسم للحصول على الفيتامينات و ما يسمن كلش و طعمه لذيييييييييييييييذ
انا خالتي ولدت والحين تاكله

انا اتكلم عن خبره واحب شغلات الصحه و الريجيم

اول شي لازم تشترين فيتامينات الي في الصيدليه
لان في الريجيم راح يتأثر جسمج هو فيتامين C + E الي فيه بنكهات _(وهو حبوب على فكره)

خوذي الحبوب مرتين في اليوم قبل الاكل ب5 دقايق

وسوي رياضه البطن او تمرني رقص شرقي (مصري) هو يساعد حيييل و تمشى
في بيتكم على راحتج يعني مو ركض لمده 20 دقيقه على الاقل

اما عن الريجيم خففي من اكلج و حاول تتعودين على الاكل الخفبف عشان تصغر معدتج (بس لا تجوعين نفسج هذا مو زين)
وخلي العشاء اخف وجبه يعني مثلا سلطه و روب الخ

اما عن ريجيم الكورن فليكس تاكليه مرتين في اليوم و وفي العشى تاكلين الي تبينه
( بس طبعا مو وايد لانها بعدها نوم ويمكن تكبر الكرشه )

وبسس هذا الي عندي و ان شاء الله ساعدتج

اذا تبيني اساعدج و اعطيج تفاصيل قولي لي

 

[Queen Sweetness]

وعلى فكره لا تسويين رياضه بعد الاكل الا بعد 3 ساعات على الاقل

واذا جعتي اشربي قهوه او جاي او عصير بأي نكهه بس لا تكثرين من السكر او استخدمي السكر الاسمر

و يفضل تكثرين من الماي و السلطه قبل الاكل لانها تسد الشهيه

و على فكره انا ما اخربط عليج انا رايحه دكتور متخصص بالتغذيه

 

[رواني 2012]

ضحاوي الاكل حبيييته الرجييم شكله وااااو

 

[رواني 2012]

امبييييييييييييييييييييييييه تحسوون صج وحده يووعاااانةةةةة سوووري ضحاوي الديرة

 

[حلوه بس بلووه]

حبيبتي مثل ما قالوا البنات امشي وبطلي الدهون والاكلات الدسمه وانشالله تضعفين

 

[مذهــلــه]

يااااربي

حبيباااااااااتي

الله يعطيكم الف عافية ويوفقكم دنيا واخره ونستوووني وعطيتووني دافع

ان شاء الله بكتبلكم جدولي اليومي وجم نقصت اخر الاسبوع

احبكــم كلكـم

 

[دنيااك دنيااي]

تهي تهي تهي ادور المتااااااااااااااااااااانة

 

[pinkoosha]

شوفي قبل لا تاكلين اي وجبه شربي قلاصين ماي, لانه الماي يملي المعده ويخليج تشبعين بسرعه,, كل ما يعتي او اكلتي شربي قلاصين او ثلاث وترا تمرين المعده واااايد مع المشي, اذا عندج اصرار و عزيمه انشالله بهالاسبوعين راح تخفين,,, بس فكري فيها باجر بتتزوجين وريلج راح يشوف كل شي ويمكن تلوع جبده من الكرش, ماتدرين الرياييل اذواق,و والبتوفيق

 

[pinkoosha]

اي وفي معلومه حلوه اخذتها من برودكاست كان واصلني, المشي والتمارين قبل الفطور بساعه "يطيح الدهون" صج راح تيوعين بعدها بس مثل ما قلت لج شربي قلاصين ثلاث

 

[مذهــلــه]

بنكوووشا حبيبتي يزاج الله خير وان شاء الله راح اطبق نصايحكم كلها

 

[اوبراا]

الله يوفقج

 

[coralia]

يارب تضعفين وانتى بصحة وعافية حبيبتى انصحج تراجعين دكتور تغذية راح يحطلج النظام الغذائى اللى يناسبج لان موزين تجربين انواع يمكن ماتصلحلج واثارها سيئة على الشعر والبشرة ​