عرسي قرب شنو اللي يهم الريال في المره بالشخصيه و الجسم ؟ سؤال للخبيرات المتزوجات

[اخت خالتهم]

السـلام عليكم ورحمه الله وبركاته

شلونكم بنات

انا عرسـي قرب إن شاءالله

عاااااد قلت مالي إلا كويتياااااااااااااات :yaaaaaarb:

وييييتكم أررررررررررررركض :RoadRunner:

و انا اتسااائل و أفكـر في عقلي الباطن حيث اننـي مللت من التفكيـر .. << متعوب عليها


و طلعت بهالسؤالين اللي ما لقيت لهم جواب

هل يا ترى :080402ask_prv:

شنو يعجب الريال في مرته .. من ناحية

أولا الشخصيه

ثانيا المظهر


يعني بشنووو يموووت فيه من الشخصية و من الجسم والمظهر


فـ هل من جـواااب :n2006107: يا ذوات الخبرة الفتاااااكه :s141:

 

[الأميرة جوري]

رد : عرسي قرب شنو اللي يهم الريال في المره بالشخصيه و الجسم ؟ سؤال للخبيرات المتزوجات

يحب الوحده المحترمه اللي ماتقل ادبها عليه وتقدر ظروفه ومطيعه له وداري شعوره ...الجسم كل زوج يختلف عن الثاني بعد الزواج تعرفين زوجج شنو يحب بجسمج ....والنظافه والاهتمام بالجسم والمظهر ......وفيه اهو بعد وما اوصيج بالاذكار لاتنسينها ..هذا اللي بالي والله يوفقج

 

[white**angel]

بشخصية المره يحب المحترمه والي صوتها واطي والي ادارييه ويحب المراا الغامضه ومايحب الملسووووونه
وعلى المظهر ام شي يكون الجسم مرتب يعني يكون متناسق وماكو زوايد مني ومناك
وطبعا الاهم النظاااافه والريحه الحلوه الي تنشم من بعد كيلووو

 

[اخت خالتهم]

عجبتني تنشم من بعد كيلووو

مشكورين بنااات

وطااامحه بالمزييييد

 

[اخت خالتهم]

رفع

 

[شـيـخــهـ الزيـنـاتــــ }..]

رفع

 

[**المزيونه **]

ننتظر خبرتكم العريقه
يالمتزوجات
اتحفونا وعلمونا

 

[انا حبه للابد]

رد : عرسي قرب شنو اللي يهم الريال في المره بالشخصيه و الجسم ؟ سؤال للخبيرات المتزوجات

اكيد المطيعه بما يرضي الله طبعا النظيفه بنظافتها الشخصيه وبشقتها بعد دايما تلبس له وتكشخ له وخاصة اول يام الزواج وتكون خجوله مو فهره من اولها وبعدين عقب فتره ماتقل عن 6شهور تبداء تتجراء تدريجي هذا اللي في بالي الحين وموفقه

 

[سفيرة العشق]

رد : عرسي قرب شنو اللي يهم الريال في المره بالشخصيه و الجسم ؟ سؤال للخبيرات المتزوجات

شوفي حبيبتي انا متزوجة صار لي 10 سنين <<<< يعني خبرة

بس اللي لاحظتة ان الريال يحب المرة المحترمة الذربة بأسلوبها واللي تعرف تتحجى وتوزن الكلام قبل لا تتكلم
ما يحب المرة العنيدة او اللي ترادد بالحجي وايد علبونها قوية شخصية لأ...
ويحب المرة الإدارية تعرف شلون تدير بيتها عدل من تربية عيالها او من ناحية مصروف البيت

اما من ناحية الجسم يحب تكون مرته على طووووول نظيفة وريحتها حلوة ومرتبة مو لازم كشخة 24 ساعة لا تكون مرتبة عالأقل
وتهتم بنظافتها ونعومتها وتحسسه انها انثى وبيتها نظيف وسنعه وتحترم أهله

على فكرة ترى الريال يحب المرة اللي تهتم بعمرها وتخصص جزء من يومها عشان نفسها مو كل وقتها له او لعيالها

امبيه جني قرقت ...

 

[للزين هيبه]

يحب اللي لها شخصيه ...

واللي ماتهمل انووثتها ..

واللي ريحت بيتها يشمه من بعد كيلوا

مو ريحت طبخ وعفن <<<دير بالج هالله هالله بالبخــوؤر

ويحب اللي تهتم فيه وتبخره وتعطره قبل لا يطلع

ويــحــب..>> اللي تطيع كلاامه

 

[بشوشه]

المراه الهينه اللينه
اللي ما تعسر اي شي تتساهل معاه و ما تكون صارمه مثل الرجل و لا تقسى و تكون حنونه و تلبي رغبته و اذا تعارضه باي راي تحاول تسايسه لمن يطيح اللي براسه
لازم تهتم بلبسها بالبيت مثل ما تهتم بشكلها و اهي طالعه
اذا يحب الميك اب حطي و اذا ما يحط لا تصيرين صفرا لا حطي كونسيلر حطي شي خفيف لان الرياييل ما يعرفون يعبرون عن اللي يبون يقولونه مرات يقول ما احب المكياج و اهو قصده المكياج الثقيل
لا تيبين طاري اهله الا بالزينه و حاولي تكبتين غضبج منهم جدامه
ابتسامتج ظروريه جدااااااااااااااااااااااااا
تفهمي وضعه المادي قبل لا تطلبين اي شي

 

[بنت عطا]

من تجربتي يحبون الجريئه هذا شي محد يختلف عليه والغامضه

والنظيفه شكلا ووشقتها بعد على طول نظيفه والريحه الحلوه

الجسم اكيد دبه وصدر

 

[اخت خالتهم]

انا حبه للابد ..
مشكوره حبيبتي

سفيرة العشق
ما شاءالله تبارك الرحمن الله يهنيكم يارب ويتمم عليكم

للدلع هيبه
حياتي تسلمين

بنت عطا
ههههههههههههههههههه اهم شي صدر ودبه ههههههههههههههه عجبتني الاختصارات
نورتي

 

[حلا طيبة]

من ناحية خبرة فتاكة ماعندي خبرة ال قليلة:ssssso:<<<<<<<توهااااا عروس :jbdwjbd:

بس اللي شفتة وعرفته ان الزوج يحب الاهتمام فية واظهار حبك لة ويحب الدلع من الزوجة المقبول منة:fun:

ربي يوفقك ياعروسة

 

[كويتيه أقوى شي]

رد : عرسي قرب شنو اللي يهم الريال في المره بالشخصيه و الجسم ؟ سؤال للخبيرات المتزوجات

إذا نظر إليها سرته >>> هذا من ناحية المظهر


وإذا غاب عنها حفظته >>>> من ناحية الشخصية





والله يوفقج والمسلمات اجمعين

 

[اخت خالتهم]

رد : عرسي قرب شنو اللي يهم الريال في المره بالشخصيه و الجسم ؟ سؤال للخبيرات المتزوجات

حياتي والله نورتووني وتسلمون على الدعاء الحلو

 

[Miss McDonald]

رد : عرسي قرب شنو اللي يهم الريال في المره بالشخصيه و الجسم ؟ سؤال للخبيرات المتزوجات

.

آلله يوؤفقج يآ رب .. =)

 

[سارة ة]

ااااااااااااااااااااااااااب لعيونج

 

[L A T T E]

على طاري..

في شغلة مهمة.. من ناحية الريحة.. بيتج تكون ريحته حلوة و "حمامج" -وانتي بكرامة- لاااازم تكون ريحته حلوة.. وانتي تكون ريحتج حلوة بسسسسسسسسسس ديري بالج مو لما تطلعين مكان عام تحطين عطر قوي ولا واضح.. حطي شي هادي مايبين..


و بشكل عام,, سواء كنتي بيضة سمرة.. قصيرة طويلة..متينة عصلة.. شعرج طويل ولا قصير.. اهم شي انج تهتمين بنفسج و تثقين بنفسج.. وبعدها اذا ناوية تغيرين غيري بس لازم تكونين اولا مقتنعة بشكلج و مهتمة بشكلج دايما

وموووفقة يارب

>> انا بعد مملجة بس لقافة لوول

 

[مطرها يسبق رعدها]

شوفي حبيبتي بقولش نصايح من حكم تجربتي البسيطه << توها عروس

اهم شي الصراااااااحه والصدق والوضوح وعدم التصنع << حطي تحتها اللف خط

سبحان الله انا معروفه بصراحتي والكل يقول لاتعاملين الرجال بمثل معاملتش معنا لازم تلفين وتدورين

ماسمعت كلامهم لان طبعي كذا وماقدر اغيره

وقالي بعضمة السانه واكثر من مره اكثر شي اعجبني صراحتش وصدقش

وثانيا الريحه الحلوه ريحة النظافه البااااااااااااااارده

اكثر شي يكره الرجال الريح القوي والعود ومشتقاته

تعطري بشي ريحة بودر ولا سويت يجذب << وانحاشي من العود والريح الثقيل لانه ينفررررر وبقوه

ولاتنسين ان الرياجيل يستخدمونها بعد << يعني كن اللي قاعد عنده واحد من الشباب

ووقت النوم عطري البجامه بعطر خفيف ووايت مسك ولا اشياء خفيفه

لاتنامين بعطر ثقيل صدقيني ينفرررررر وتصير نومته مزعجه

والدليل لاحظيه بس يحط عطر ريحته قويه ويجي بيرقد بتحسين انش مخنوقه

والمره حلاتها بنعومتها وريحتها اللي تدل على نظافتها

والجسم اهم شي يكون نااااعم وخالي من الشعر انصحش بالليزر

وتلبسين الاشياء اللي تناسبش وتناسب جسمش

ولاتكثرين المكياج وحاولي تحطين لمسات خفيفه موب كيلو بودره ومكياج اوفر ينحش الرجال

انا الايام اللي حطيت فيها مكياج تنعد على الاصابع ماقول اطلعي قدامه مرطا

لا حبيبتي بس حطي لمسات خفيفه خصوصا وقت النوم

انا الحمدلله كان بشرتي تساعد اني ماحط مكياج بس لو بشرتش مرهقه ولافيها عيوب اخفيها بطريقه تبين طبيعيه

صدقيني كذا بتبينين له انش واثقه من نفسش ومن شكلش << ترى من ثاني يوم بدون ميكياج لوووووووول

ومكياج العرس خليه طبيييييييييييييييعي الوان زهريه مايغيرون الملامح ترى الرجال يجيه رعب من ذيك الليله من كثر مايقولون بتجيك لابسه قناع

يخاف وش ورى المكياج عقب ماتغسلينه

خلي المكياج طبيعي حيل ولوتبين اسم اللي مكيجتني اعتقد تجي للكويت بس اسعارها غاااااااااااليه

كان مكياجي مثل مارلين مونرو وستايلي قديييييييم ستايل الستينات لاتسريحتي ولا فستاني وكان دانتيل بيج << البيج افخم من الابيض بمليون مره

انصحش بالدانيل لانه يعطي انووووووووثه احلا من الساتان والحرير والشيفون موضه قدييييييمه الدانتيل ارقى وافخم

واهم شي الثقه في النفسسسسسسسسس

واي سؤال من عيوووووووووووني

ادعيلي ربي يفرج همي ويشفي جدتي (( جايتها جلطه ومرقده تكفيييييييين ادعي من قلبش ))

وبالتوفيق حبيبتي