عرسج مطول !!! تعالي شاركينا افكارج ( الجزء الثالث )

[قآنون كيفكـ!!]

صباااحكم سعادة
رديت لكم بناتت سوري والله ع الغيبة لهينا بهاالدنيا ..
شلونكم ..
راح ابدا كورس لشعري عناية
اسناني باقي شويتين واخلصهم حشوات
بعد منو جربت العدسات الملونة للاسنان واحسن دكتورة يضبطهاا :eh_s(10):

 

[قآنون كيفكـ!!]

بناات توني جاايه من المباركيه الذهب صج يقطع القلب


الله يعيين العراايس

صصصاجة والله ناار

 

[مذهلة2013]

بنات انا ان شاءالله بروح الرياض ارخص والله حسافه كل المهر يروح على الشبكه

 

[كلي هداوه]

دلوعهـ شريتي الذهب .~

واي دوخه هالتجهيز ,~

 

[قطعة حلا2]

الله يعطيكم العافية بنات حيل استفدنا من هالتجمع ،،

أنا عرسي مطول أن شالله ،، بس بنات محتاره وين أسوي مكياجي لأني أنا كلش ما يلوق لي الأوفر لان ملامحي بارزه

فا وين تنصحوني أسوي أبي مكياج نعومة وبنفس الوقت فخامة ،،

قالوا لي عن مشاعل ارتيست صالونها بالشعب البحري !! احد جربه أو شافه على عروس ؟؟

وبس أن شالله تفيدوني:eh_s(7):

 

[دلوعة ماماتي 88]

دلوعهـ شريتي الذهب .~

واي دوخه هالتجهيز ,~

اي والله الحمدلله شريت وافتكيت منه امي ماكانت راضيه اخذه الحين بس حنيت خفت يرتفع اكثر وانا محدده الميزانيه

 

[الكلثوم]

بنات انا ان شاءالله بروح الرياض ارخص والله حسافه كل المهر يروح على الشبكه

من وين بالرياض ؟!
امي تقول الرياض ارخص واحلا بس ما عندنا خبره كلللش بأسواقها
حتى الماركات ارخص عندهم

 

[النرجَسيهہَ]

صباح الخير ..

بنات وين القي الشموع المعطره و اشكالها حلوه ..

 

[قلبها خالد]

بناااات :eh_s(16): لي اربع شهور مركبه تقويم ... وزنـــي نـــزل

وجهي نحـــف

... حالتي حاله ...

خطيبي يكررهه النحف الله يخليكم

اللي عندهاا شي يسمن تلحقني فــيـــه

زواجي با جي عنــه 6 شهور تقريبااا ....يمديني اسمن فيهم ولالا ساعدوني ماللي غيررهم بعد الله سبحاانه ...

 

[الكلثوم]

شرب الحلبة
التمر المعجون مع الاقط والدخن وكثري السمن
البطاطس المهروسه كثري منها يومياً
موزه مع حليب بالخلاط ويحلى بعسل
كثري من المكسرات خصوصاً الكاجو
واهم شي اشتري عسل سدر دوعني اكلي ٣ ملاعق كبيرة كل يوم

 

[قلبها خالد]

شرب الحلبة
التمر المعجون مع الاقط والدخن وكثري السمن
البطاطس المهروسه كثري منها يومياً
موزه مع حليب بالخلاط ويحلى بعسل
كثري من المكسرات خصوصاً الكاجو
واهم شي اشتري عسل سدر دوعني اكلي ٣ ملاعق كبيرة كل يوم

تسلمين حبيبتي الله يسعدج ويوفقج ويفرج همك يااارب :eh_s(7):

 

[مس جلاميروس]

اخيرا خلصت قرائة الموضوع كله ،،
الف مبروك للجميع وان شاء الله يتحدد زواج كل اللي مملجين وناطرين الموعد يارب
انا بعد ما ملجت بس خطوبه ،، الملكة قريب خلال الشهرين الجاية باذن الله ،، ادعولي يتحدد موعد الملكه والزواج على خير يارب
انا من السعوديه وعندنا مانطول الملجه كثير ،، اذا العريس بيطول يخلوها خطوبه بس ،، وبعد الملكه لازم يتشاور مع العروس واهلها ويحددون موعد العرس
انا الخطوبه سويت يومين ،، يوم قراية فاتحه للرجال وكان عادي جدا بس اهتميت بالعشا انه يكون مرتب وحركات لان طبعا اهم شيء عند للرجال الاكل :d
ويوم حفلة للحريم بس ماعزمت ناس وايد بس اهلي واهله وهو جا باخر الحفل وكانت هي نفسها خطوبه وشوفه بنفس الوقت
بس تفننت بالحفله مع انها بالبيت وبسيطه بس اهم شيء كان عندي الورود بكل مكان احس انها تحسسك بجو الفرح عن جد
والبخور بعد وحطيت ميوزك هاديه تشتغل بالخلفيه طوال الجلسه بالاخير بس حطو شوي اغاني طق ورقصو اكيد
والضيافه ميني تشيز كيك وكب كيك وتارت والشكولا وحلا مغربي وبقلاوه اخذت من اماكن مختلفه ورتبتهم باطباق ضيافه البيت لان احس افخم من الجاهز وبعد تعطيكي فرصه تختارين الالذ وماتنغرين بطريقة التغليف بس
العشا بوفيه عادي
ثيم الحفله كله كان الورد الاوركيد ،، ومع انها حفلة بسيطه وعائليه الا انها كانت ذكرى حلوه لسببين
الاول ماضغت على نفسي بالترتيبات كنت ادور بالنت واخذ افكار وبيوم واحد رحت فريت السوق وحجزت كل شيء اللي تسهلي خذيته ماعندت ودورت على شئ معيين او مميز او غريب ،، بالعكس اهم شيء يكون شيء حلو وكلاسك اخذته ومشيت ،،
والله تحضير الحفله كله انا واختي الصغيره طلعنا بيوم واحد الصباح لبعد الظهر وخلصنا كل شيء
والسبب الثاني اللي حلى المناسبه اني اتعمدت ما اعزم احد غريب او احد اعرف ماهو فرحان لي من قلب
اهتميت احوط نفسي بناس انا متاكده انهم فرحانيين لي ووالله كان يوم ماينسى لان تشوفين الفرحه بعيونهم
اعرف اني بالملكه والزواج راح اضطر اعزم ناس اكثر لكن الواحد يحاول قد مايقدر واللي ماتقدر تطنش الناس وتركز على فرحتها وبس
واهم شئ من يوم صحيت شغلت سوره البقرة وريحت قلبي مع ان لازم تتوتري شوي لان العريس بيجي
بس والله القران يهدي ويخلي جو البيت غير
ماشاء الله والحمد لله كان يوم غير
وناويه اعتمد نفس المبدء بالملكه والزواج باذن الله
بحاول تكون الحفله صغيره قد ما اقدر ،، واهدي نفسي قد ما اقدر

احس قرقت واجد ،، ان شاء الله لي عوده واقولكم عن اللبس والشعر والمكياج ان شاء الله

 

[شموخ احساسي]

عرايس منو تعرف بجم غرام الذهب جم وصل ؟؟!

 

[دلوعة ماماتي 88]

شموخ احساسي



١٢،٨٥٠

 

[كلي هداوه]

دعوآآتكم عرآآيس مو باقي ششي لعررسسي ..
احس بشعور غررريب ماعرف كيف اوصصفه

الله يووفقج

 

[مس جلاميروس]

كلي هداوه الله يوفقك وييسر امرك وعقبالنا جميعا يارب

 

[الكلثوم]

صح ان الذهب نزل شويييه بس ما استفدنا مع المصنعية غالي حيل يوصل ١٨ للغرام
عاد انا من النوع الي ما تدخل مزاجي اي دقة واي شغل

دلوعه. شنو المحلات الي شريتي الذهب منها ؟!
تعرفين الكامل ؟ رحتي له ؟

 

[دلوعة ماماتي 88]

اخذت من الزمرده والناس اذواق درت المباركيه ولا عجبني شي خصوصاً الاساور لوووعه مالقيت شي حلوو

والكامل مريته سالته عن الاساور قال ماعندي

 

[قطعة حلا2]

شدعوا بنات محد رد علي :eh_s(2)::eh_s(2):

 

[كلي هداوه]

كلي هداوه الله يوفقك وييسر امرك وعقبالنا جميعا يارب

اجمعيين ياارب

اخباارج
يالغلاا

قطعه حلا


عبير الياسين نااعم مكيااجهاا