عربة بنتى تتوقعون تدخل بالحرم المكى

[فطيرة]

بنات يدخلون عرابه الاطفال داخل مكةالمكرمة يعنى داخل الحرم يدخلو ولا لا لازم اشيل بنتى بليييييييييز اللى تعرف تقولولى:tek:

 

[ميييمي]

هلا حبيبتي العمره الاولى لي مع ولدي مادخلوا عربة ولدي قطوها برا واضطريت انا وزوجي نشيله قبل سبع شهور والعمره الثانيه كانت قبل شهر هم مادخلوا عربة عايله معنا وخصوصا انهم كانوا يوسعون الصفا والمروه وتقبل الله طاعتج مقدما واتمنى اني اكون افدتج يالغاليه

 

[@ دهن العود @]

حبيبتى عموما العربه ضروريه يعنى لازم تاخذينها اذا مو للحرم على الاقل للتنقلات

انتى جربى اذا ما دخلوها ماكوا الا انج اتاجرين كرسى متحرك ب 70 ريال تقريبا وقعدى فيه بنتج ودزوها على الاقل احسن من انج اتشيلينها

 

[حـــــلا]

قبل لا تدشين الحرم روحي صوب العربانات واخذي عربان حق ولدج من برة الحرم وبس كملي عمرتج وقولي لهم تري باخذها كذا يوم علشان كل مرة تدخلين الحرم تكون معاج وراح ياخذ منج تامين او هوية او شي جذي بس السالفة سهاله يعني لاتتضايقين
ونصيحة لاخلصتي عمرتج تصدقي بعربانه للحرم باسمج واسم ريلج وولدج وتخيلي الاجر اللي بتاخينه ما شاء الله
حبيبتي ادعيلي بالحرم ان يكون لي نصيب بالحج هالسنة .. يااااااااااارب

وعمرة مقبولة مقدما يا قلبي

 

[& شهد &]

مره مقبوله مقدما

ترى ما يدخلونها للحرم لان عربانه بنتي ما يدخلونها

 

[بنت عبدالغني شربت]

انا اتوقع ما ادش بس الحين بالنسبه للصفا والمروه نزلو سيارات يديد للتاجير نفس العربانات تكفيج انتي وبنتج وايد مريحه

 

[tofy]

انا قبل شهرين كنت رايحة العمره وماخذة عرباتة ولدي معاي ما رضو يدخلونها

واخذت له ويل جير ابلاش بس لازم تعطينة بطاقتج المدنية ومتى ما رديتي العربانة يردون بطاقتج

 

[فطيرة]

شكرا لمروركم وجزاكمن الله كل خير