عربانه اليهال بالسفر ؟؟

[موني موني]

مرحبااا بنات شلونكم يا قلبي ...

بستفسر منكم عن شغلة و اللي اهي عربانة اليهال بالسفر .. انه عندي ولدين الله يحفظهم .. الكبير 3 سنوات .. و الصغير سنتين ..

مادري هل اشتريلهم العربانه اللي فيها صوبين (( نفس مالت التوينز )) والا واحد يمشي على رويلاته و الثاني بالعربانه .. لانه انه مو بس افكر بالمشي لا .. احاتي حتى النومه .. ممكن يعيز الياهل و ينام باي وقت ... و ما يتحمل المشي الزايد بالسفر ...

فشتنصحوني ..

يالله ناطرتكم .. مو تكشتووووووون ياويلكم خخخخخخخخ ... حدها يايه بشرها خخخخخخخخخخخخخخخخخخخخخخخخخخخخخخخ:eh_s(3):

 

[ساره ستايل]

نصيحتي لج اخذي مالت التوينز احسن
لأن اليهال بالسفر ما يقدرون عالمشي
بسرعه يتعبون .. وتييهم النومة ابسرعه اذا طولوا بالطلعه

فعشان ماتتوهقين وتبتلشين بولدج بو3سنين الله يحفظه
اخذي هالعربانة احسن لج وله
انتي بترتاحين وهو بعد بيرتاح
لأنه اصغير ما يقدر عالمشي

اتصدقين انا بنت اختي لما رحنا ماليزيا سنة 2005م بالصيف
ما قدرت عالمشي .. وعكننت علينا وعلى امها بالذات:eh_s(14):
كلله تقول : يممماااااااا تعبت ماقدر امشي
وهي عمرها 5 سنوات

تدرين اش سوت امها ؟؟

شرت لها عربانه وقمنا ندزها

عاد شكلها غلللللللط حده

لأنه عوده عالعربانه .. والكل يطالعها:eh_s(6):

بس يامعوده اهم شي راحتج

واشتري اخف نوع واللي تكون عملية
لأنج ابسفر وراح تشيلون وتحطون
ولا تنسين الوزن

تروحون وتردون بالسلامه

 

[موني موني]

مشكووووووورة سارونه حياتي ...

انه الاقرب لي اني اخذ معاي عربانه .. بس في عربانه اللي كراسيها يم بعض او اللي كراسيها ورا بعض ؟؟ انه رايي اللي كراسيها ورا بعض افضل .. شرايكم بنات ...

 

[keeka]

انا افضل العربانه لان صج اليهال يتعبوون ولا فيهم حيل وبعديين تنفعج بالسله اللي فيها جان بتحطيين سناك لليهال ولا عصير ولا اجياستج ومو فارقه ورا بعض ولا يم بعض المهم دوري غود كواليتي لانكم بتمشوون

 

[رفرف]

انا افضل العربانة لأن اليهال يتمللون ويدوخون والا يبون يقعدون ياكلون وعاد لي انطلقو وركضو وانتي تدابجين وراهم تخافين لا يضيعون الصراحة بالعربانة وايد أحسن ...
ويتراوالي اللي ورا بعض أحسن بس اللي قاعد ورا بيضيق خلقه حده ..

أحسن شي شوفي الأخف لج اللي تنطوي بسرعة ومو ثقيلة ...

 

[supermarket]

صج ان اللي ورا بعض .. اللي ورا راح يعترض انه مايشوف شي


بس اللي يم بعض راح تضايقج بالدز وخاصة بالاماكن الضيجة

 

[موني موني]

اي و الله صاجين يا قلبي ...

طيب وين احصل النوع الزين و السعر الزين بعد ....\\

انه سمت وحده بمذركير طلعت ب 84 شدعوة مو جنه وايد ...

و الصراحة ابيها خفيفة ... مالي خلق شيل و حط و اهي طابوقه ..

 

[موني موني]

بنات ويييييييييييييييييييييييييييييينكم ؟؟؟؟

شدعوه ؟؟




قررنا نروح البحرين ان شاء الله بالسيارة ,,, فشلون راح يصير وضع العربانه .. هل تنصحوني بهالوضع والا لاء ؟؟ تجاربكم يالغاليات ................

 

[رفرف]

بالعكس اذا بتروحون بالسيارة أحسنلج العربانة قطيها بالدبة وطبعا معاج بكل مكان ...
أسهل من السفر بالطيارة ...

واذا تبين شغلات حلوة سنتربوينت عندهم عربانات التونز وايد حلوين وأظن محلات العاب اليهال بس هذول مو كواليتي زود ...

 

[supermarket]

ترى سنتر بوينت ماتبقى عندهم عربانات التونز بسرررعة تخلص

وان شاء الله تلقين

 

[موني موني]

بنات شفت اللي بسنتر بوينت .. حسيتها مو مريحة للياهل . .. اقصد كراسيها ..

 

[موني موني]

باركووووووووووووووووووووووووووووووووووولي

لقيييييييت ....


تدرون وين ..؟؟؟ ب فانتاسي وورلد محل الالعاب اللي بشرق فوق ..


خوووووووووش كوالتي و حدها عجبتني الحمدلله .. اهي اللي كنت ادورها ...

لاني رحت صوب الالعاب اللي بشرق ما لقيت الا عن اثنين منهم .. بس شنو لوووووووعه ... الكراسي تقولين كراتين ملبسينهم خام

وسلامتكم

 

[هياوووووووي]

هلا أختي أنا العام يوم سافرنا خذنا العربانة اللي فيها كرسيين جنب بعض بس الصراحة توهقنا لما نجي نركب القطار ولما نروح المجمع ونبي ندخل اللفت نأخر الناس اللي راكبين معانا فالسنة ان شالله ناويين ناخذ العربانة اللي فيها كرسيين ورا بعض لانها أسهل

 

[بنت النوخذة]

والله أخذي عربانة عن تجربة أشتري عربانة التوينز أحسن بس تكوون خفيفة مو ثقيلة أحسن عن تجربة

 

[موني موني]

اي يالغاليات ... العربانه حدها مهمه ... بس اللي ورا بعض افضل من ناحية الكراسي ... و بالفعل وااايد فادتني

 

[tofy]

اخت موني موني شلون اسعار فانتسي وورلد لان ودي اشتري عربانة خفيفة حق ولدي عربانتة وايد ثقيلة

 

[al7reyaa]

السلام عليكم
الله يعافي هالمنتدى كل شي تبينه تلقينه
انا بسافر مع اعيالي واعمارهم 4وسنتين ونص
فكرت اني اخذ عربانتين ولا اشرايكم عربانتنا مالت الكويت ثقيله وياااالله اتسفط
فكرت اخذ وحده واذا العود لعوزني شريت ثانيه

عطوني رااااايكم

 

[جاكليت]

حبيبتي أنا جربت العربانه التوينز اهي تنفع صح بس مشكلتها تأذي بالشيل والحط لأنها ثقييييييييله وأنا ما أستغني عن العربانه بالسفر:eh_s(15): والسفره اللي طافت كان عمر بنتي خمس سنين و أخذت عربانه ويتناوبون فيها اهي و اختها اللي أكبر منها بس عربانه خفيفه ( مذركير ) .​

 

[جاكليت]

اخت موني موني شلون اسعار فانتسي وورلد لان ودي اشتري عربانة خفيفة حق ولدي عربانتة وايد ثقيلة

حبوبه ماكو على عربانات مذركير خفيفه وتتسفط بالطول أنسب شي للسفر :eh_s(15): ​

 

[جاكليت]

ونصيحه بعد اللي تبي تاخذ العربانه التوينز لا تاخذ العريضه لأنها راح تتوهق فيها بالسلالم و المصاعد وفي الأماكن اللي فيها دواعيس أخذي أم كرسيين ورا بعض :eh_s(15): ​